যতিরাজ সপ্ততিঃ

॥ যতিরাজ সপ্ততিঃ ॥

শ্রীমান্ ভ়েঙ্কটনাথার্যঃ কভ়িতার্কিককেসরী ।
ভ়েদান্তাচার্য ভ়র্যোমে সন্নিধত্তাং সদা হৃদি ॥

কমপ্যাধ্যং গুরুং ভ়ন্দে কমলাগৃহমেধিনম্ ।
প্রভ়ক্তা ছন্দসাং ভ়ক্তা পঞ্চরাত্রস্য যঃ স্বযম্ ॥ ১॥

সহধর্মচরীং শৌরেঃ সংমন্ত্রিতজগধ্দিতাম্ ।
অনুগ্রহমযীং ভ়ন্দে নিত্যমজ্ঞাতনিগ্রহাম্ ॥ ২॥

ভ়ন্দে ভ়ৈকুণ্ঠসেনান্যং দেভ়ং সূত্রভ়তীসখম্ ।
যদ্বেত্রশিখরস্পন্দে ভ়িশ্বমেতদ্ ভ়্যভ়স্থিতম্ ॥ ৩॥

যস্য সারস্বতস্রোতো ভ়কুলামোদভ়াসিতম্ ।
শ্রুতীনাং ভ়িশ্রমাযালং শঠারিং তমুপাস্মহে ॥ ৪॥

নাথেন মুনিনা তেন ভভ়েযং নাথভ়াহনম্ ।
যস্য নৈগমিকং তত্বং হস্তামলকতাং গতম্ ॥ ৫॥

নমস্যাম্যরভ়িন্দাক্ষং নাথভাভ়ে ভ়্যভ়স্থিতম্ ।
শুধ্দসত্বমযং শৌরেরভ়তারমিভ়াপরম্ ॥ ৬॥

অনুজ্ঝিতক্ষমাযোগমপুণ্যজনবাধকম্ ।
অস্পৃষ্টমদিরাগং তং রামং তুর্যমুপাস্মহে ॥ ৭॥

ভ়িগাহে যামুনং তীর্থং সাধু বৃন্দাভ়নে স্থিতম্ ।
নিরস্তজিহ্মগস্পর্শে যত্র কৃষ্ণঃ কৃতাদরঃ ॥ ৮॥

দযা নিঘ্নং যতীন্দ্রস্য দেশিকং পূর্ণমাশ্রযে।
যেন ভ়িশ্বসৃজো ভ়িষ্ণোরপূর্যত মনোরথঃ ॥ ৯॥

প্রণামং লক্ষ্মণমুনিঃ প্রতিগৃহ্ণাতু মামকম্ ।
প্রসাধযতি যৎসূক্তিঃ স্বাধীন পতিকাং শ্রুতিম্ ॥ ১০॥

উপভ়ীতিনমূর্ধ্বপুণ্ড্রভ়ন্তং
ত্রিজগৎপুণ্যফলং ত্রিদণ্ডহস্তম্ ।
শরণাগতসার্থভ়াহমীডে
শিখযা শেখরিণং পতিং যতীনাম্ ॥ ১১॥

প্রথযন্ ভ়িমতেষু তীক্ষ্ণভাভ়ং
প্রভুরস্মৎপরিরক্ষণে যতীন্দ্রঃ ।
অপৃথক্প্রতিপন্ন যন্মযত্বৈঃ
ভ়ভ়ৃধে পঞ্চভিরাযুধৈর্মুরারেঃ ॥ ১২॥

শমিতোদযশঙ্করাদিগর্ভ়ঃ
স্ববলাদুধ্দৃতযাদভ়প্রকাশঃ ।
অভ়রোপিতভ়ান্ শ্রুতেরপার্থান্
ননু রামাভ়রজঃ স এষ ভূযঃ ॥ ১৩॥ var এভ়
অবহুশ্রুতসংভভ়ং শ্রুতীনাং
জরতীনামযথাযথ প্রচারম্ ।
ভ়িনিভ়র্তযিতুং যতীশ্বরোক্তিঃ
ভ়িদধে তাঃ স্থিরনীতিপঞ্জরস্থাঃ ॥ ১৪॥

অমুনা তপনাতিশাযি ভূম্না
যতিরাজেন নিবধ্দনাযকশ্রীঃ ।
মহতী গুরুপঙ্ক্তিহারযষ্টিঃ
ভ়িবুধানাং হৃদযঙ্গমা ভ়িভাতি ॥ ১৫॥

অলূনপক্ষস্য যতি ক্ষমাভৃতো
ভ়িভাতি ভ়ংশে হরিতত্বমক্ষতম্ ।
যদুদ্ভভ়াঃ শুধ্দসুভ়ৃত্তশীতলাঃ
ভভ়ন্তি মুক্তাভ়লিভূষণং ভুভ়ঃ ॥ ১৬॥

অনপায ভ়িষ্ণুপদসংশ্রযং ভজে
কলযা কযাঽপি কলযাঽপ্যনুজ্ঝিতম্ ।
অকলঙ্কযোগমজডাশযোদযং
যতিরাজচন্দ্রমুপরাগ দূরগম্ ॥ ১৭॥

অভিগম্য সম্যগনঘাঃ সুমেধসো
যতি চক্রভ়র্তিপদপদ্মপত্তনম্ ।
হরিভক্তদাস্যরসিকাঃ পরস্পরং
ক্রযৈক্রযার্হদশযা সমিন্ধতে ॥ ১৮॥

পরুষাতিভ়াদপরিভ়াদপৈশুন-
প্রভৃতি প্রভূতপতনীযপঙ্কিলা ।
স্বদতে মমাধ্য সুভগা সরস্বতী
যতিরাজকীর্ত্তিকতকৈর্ভ়িশোধিতা ॥ ১৯॥

অনুকল্পভূতমুরভিৎপদং সতাং
অজহত্ত্রিভ়র্গমপভ়র্গভ়ৈভভ়ম্ ।
চলচিত্তভ়ৃত্তিভ়িনিভ়র্ত্তনৌষধং
শরণং যতীন্দ্রচরণং ভ়ৃণীমহে ॥ ২০॥

শ্বসিতাভ়ধূতপরভ়াতিভ়ৈভভ়াঃ
নিগমান্তনীতিজলধেস্তলস্পৃশঃ ।
প্রতিপাদযন্তি গতিমাপভ়র্গিকীং
যতিসার্ভ়ভৌমপদসাৎকৃতাশযাঃ ॥ ২১॥

মূলে নিভ়িশ্য মহতাং নিগমদ্রুমাণাং
মুষ্ণন্ প্রতারকভযং ধৃতনৈকদণ্ডঃ ।
রঙ্গেশ ভক্তজনমানসরাজহংসো
রামানুজঃ শরণমস্তু মুনিঃ স্বযং নঃ ॥ ২২॥

সন্মন্ত্রভ়িৎ ক্ষিপতি সংযমিনাং নরেন্দ্রঃ
সংসারজিহ্মগমুখৈঃ সমুপস্থিতং নঃ ।
ভ়িষ্বক্ততং ভ়িষযলোভভ়িষং নিজাভিঃ
গাঢানুভাভ়গরুডধ্বজভাভ়নাভিঃ ॥ ২৩॥

নাথঃ স এষ যমিনাং নখরশ্মিজালৈঃ
অন্ত নিলীনমপনীয তমো মদীযম্ ।
ভ়িজ্ঞানচিত্রমনঘং লিখতীভ় চিত্তে
ভ়্যাখ্যানকেলিরসিকেন করাম্বুজেন ॥ ২৪॥

উদ্গৃহ্ণতীমুপনিষৎসু নিগূঢমর্থং
চিত্তে নিভ়েশযিতুমল্পধিযাং স্বযং নঃ ।
পশ্যেম লখ়্শ্মণ্ মুনেঃ প্রতিপন্নহস্তাং
উন্নিদ্রপদ্মসুভগামুপদেশমুদ্রাম্ ॥ ২৫॥

আকর্ষণানি নিগমান্তসরস্বতীনাং
উচ্চাটনানি বহিরন্তরুপপ্লভ়ানাম্ ।
পথ্যানি ঘোরভভ়সংজ্বরপীডিতানাং
হৃধ্যানি ভান্তি যতিরাজমুনের্ভ়চাংসি ॥ ২৬॥

শীতস্বভাভ়সুভগানুভভ়ঃ শিখাভ়ান্
দোষাভ়মর্দনিযতোন্নতিরোষধীশঃ ।
তাপানুবন্ধশমনস্তপনঃ প্রজানাং
রামানুজো জযতি সংভ়লিতত্রিধামা ॥ ২৭॥

জযতি সকলভ়িদ্যাভ়াহিনী জন্মশৈলো
জনিপথপরিভ়ৃত্তিশ্রান্তভ়িশ্রান্তিশাখী ।
নিখিলকুমতি মাযা শর্ভ়রী বালসূর্যো
নিগমজলধিভ়েলা পূর্ণচন্দ্রো যতীন্দ্রঃ ॥ ২৮॥

মুনিবহুমতসারা মুক্তিনিশ্রেণিকেযং
সহৃদযহৃদযানাং শাশ্বতী দিষ্টসিধ্দিঃ ।
শমিতদুরিতগন্ধা সংযমীন্দ্রস্য সূক্তিঃ
পরিচিতগহনা নঃ প্রস্নুভ়ীত প্রসাদম্ ॥ ২৯॥

ভভ়মরুপরিখিন্নস্ফীতপানীযসিন্ধুঃ
দুরিতরহিতজিহ্বা দুগ্ধকুল্যা সকুল্যা ।
শ্রুতিনযনসনাভিঃ শোভতে লক্ষ্মণোক্তিঃ
নরকমথনসেভ়াস্বাদনাডিংধমা নঃ ॥ ৩০॥

হরিপদমকরন্দস্যন্দিনঃ সংশ্রিতানাং
অনুগতবহুশাখাস্তাপমুন্মূলযন্তি ॥

শমিতদুরিতগন্ধাঃ সংযমীন্দ্রপ্রবন্ধাঃ
কথকজনমনীষা কল্পনা কল্পভ়ৃক্ষাঃ ॥ ৩১॥

নানাভূতৈর্জগতি সমযৈর্নর্মলীলাং ভ়িধিৎসোঃ
অন্ত্যং ভ়র্ণং প্রথযতি ভ়িভোরাদিমভ়্যূহভেদে ।
ভ়িশ্বং ত্রাতুং ভ়িষযনিযতং ভ়্যঞ্জিতানুগ্রহঃ সন্
ভ়িষ্বক্সেনো যতিপতিরভূদ্বেত্রসারস্ত্রিদণ্ডঃ ॥ ৩২॥

লক্ষ্যং বুধ্দে রসিকরসনালাস্যলীলানিদানং
শুধ্দাস্বাদং কিমপি জগতি শ্রোত্রদিভ়্যৌষধং নঃ ।
লক্ষ্যালক্ষ্যৈঃ সিতজলধিভ়দ্ভাতি তাৎপর্যরত্নৈঃ
লক্ষ্মীকান্ত স্ফটিকমুকুরো লক্ষ্মণার্যোপদেশঃ ॥ ৩৩॥

স্থিতিমভ়ধীরযন্ত্যতিমনোরথসিধ্দিমতীং
যতিপতিসংপ্রদাযনিরপাযধনোপচিতাঃ ।
মধুকরমৌলিদঘ্নমদদন্তুরদন্তিঘটা-
করটকটাহভ়াহি ঘনশীকরশীভরিতাম্ ॥ ৩৪॥

নিরুপধি রঙ্গভ়ৃত্তি রসিকানভিতাণ্ডভ়যন্
নিগমভ়িমর্শকেলিরসিকৈর্নিভৃতৈর্ভ়িধৃতঃ ।
গুণপরিণদ্ধসূক্তি দৃঢকোণভ়িঘট্টনযা
রটতি দিশা মুখেষু যতিরাজযশঃ পটহঃ ॥ ৩৫॥

ইদং প্রথমসংভভ়ৎকুমতি জালকূলঙ্গষাঃ
মৃষা মতভ়িষানলজ্বলিতজীভ়জীভ়াতভ়ঃ ।
ক্ষরন্ত্যমৃতমক্ষরং যতি পুরন্দরস্যোক্তযঃ
চিরন্তনসরস্বতি চিকুরবন্ধসৈরন্ধ্রিকাঃ ॥ ৩৬॥

সুধাশনসুদুর্গ্রহ শ্রুতিসমষ্টিমুষ্টিন্ধ্যঃ
কথাহভ়মসৌ গতান্ কপটসৌগতান্ খণ্ডযন্ ।
মুনির্মনসি লক্ষ্মণো মুদম্দঞ্চযত্যঞ্জসা
মুকুন্দ গুণমৌক্তিকপ্রকরশুক্তিভিঃ সূক্তিভিঃ ॥ ৩৭॥

কপর্দিমতকর্দমং কপিলকল্পনাভ়াগুরাং
দুরত্যযমতীত্য তদ্দ্রুহিণতন্ত্রযন্ত্রোদরম্ ।
কুদৃষ্টি কুহনামুখে নিপততঃ পরবৃহ্মণঃ
করগ্রহভ়িচক্ষণো জযতি লক্ষ্মণোঽযং মুনিঃ ॥ ৩৮॥

কণাদপরিপাটিভিঃ কপিলকল্পনানাটকৈঃ
কুমারিলকুভাষিতৈর্গুরুনিবন্ধনগ্রন্থিভিঃ ।
তথাগতকথাশতৈস্তদনুসারি জল্পৈরপি
প্রতারিতমিদং জগৎ প্রগুণিতং যতীন্দ্রোক্তিভিঃ ॥ ৩৯॥

কথাকলহকৌতুকগ্রহগ্রৃহীতকৌতস্কুত-
প্রথা জলধি সংপ্লভ়গ্রসনকুম্ভসম্ভূতযঃ ।
জযন্তি সুধিযো যতিক্ষিতিভৃদন্তিকোপাসনা-
প্রভাভ়পরিপক্ত্রিম প্রমিতি ভারতী সংপদঃ ॥ ৪০॥

যতীশ্বরসরস্বতী সুরভিতাশযানাং সতাং
ভ়হামি চরণাম্বুজং প্রণতি শালিনা মৌলিনা ।
তদন্যমতদুর্মদজ্বলিতচেতসাং ভ়াদিনাং
শিরস্সু নিহিতং মযা পদমদক্ষিণং লক্ষ্যতাম্ ॥ ৪১॥

ভজস্ব যতিভূপতেরনিদমাদিদুর্ভ়াসনা
কদধ্ব পরিভ়র্তনশ্রমনিভ়র্তনীং ভ়র্তনীম্ ।
লভস্য হৃদয স্বযং রথপদাযুধানুগ্রহ-
দ্রুতপ্রহৃতি নিস্তৃটদ্দুরিতদুর্ভ়ৃতিং নির্ভ়ৃতিম্ ॥ ৪২॥

কুমতিভ়িহিতগ্রন্থগ্রন্থিপ্রভূতমতান্তর-
গ্রহিলমনসঃ পশ্যন্ত্যল্পাং যতীশ্বরভারতীম্ ।
ভ়িকটমুরভিদ্বক্ষঃ পীঠী পরিষ্করণোচিতঃ
কুলগিরিতুলারোহে ভাভ়ী কিযানিভ় কৌস্তুভঃ ॥ ৪৩॥

স্থভ়িরনিগমস্তোমস্থেযাং যতীশ্বরভারতীং
কুমতিফণিতিক্ষোভক্ষীবাঃ ক্ষিপন্তু ভজন্তু ভ়া ।
রসপরিমলশ্লাঘা ঘোষস্ফুটৎপুটভেদনং
লভ়ণভ়ণিজঃ কর্পূরার্ঘং কিমিত্যভিমন্বতে ॥ ৪৪॥

ভ়হতি মহিলামাধ্যো ভ়েধাস্ত্রযী মুখরৈর্মুখৈঃ
ভ়রতনুতযা ভ়ামো ভাগঃ শিভ়স্য ভ়িভ়র্ততে ।
তদপি পরমং তত্বং গোপীজনস্য ভ়শংভ়দং
মদনকদনৈর্ন ক্লিশ্যন্তে যতীশ্বরসংশ্রযাঃ ॥ ৪৫॥

নিগমপথিকচ্ছাযা শাখী নিরাশমহানিধিঃ
মহিতভ়িভ়িধচ্ছাত্রশ্রেণী মনোরথসারথিঃ ।
ত্রিভুভ়নতমঃপ্রত্যূষোঽযং ত্রিভ়িদ্যশিখামণিঃ
প্রথযতি যতিক্ষ্মাভৃৎপারাভ়রীমভ়িপর্যযাম্ ॥ ৪৬॥

জডমতি মুধা দন্তাদন্তিভ়্যথৌষধসিধ্দযঃ
প্রমিতিনিধযঃ প্রজ্ঞাশালি প্রপালনযষ্টযঃ ।
শ্রুতিসুরভযঃ শুধ্দানন্দাভিভ়র্ষুকভ়ারিদাঃ
যমগতি কথা ভ়িচ্ছেদিন্যো যতীশ্বরসূক্তযঃ ॥ ৪৭॥

প্রতিকলমিহ প্রত্যক্তত্বাভ়লোকনদীপিকাঃ
যতিপরিবৃঢগ্রন্থাশ্চিন্তাং নিরন্তরযন্তি নঃ ।
অকলুষপরজ্ঞানৌৎসুক্যক্ষুধাতুরদুর্দশা-
পরিণত ফল প্রত্যাসীদৎ ফলেগ্রহি সুগ্রহাঃ ॥ ৪৮॥

মুকুন্দাঙ্ঘ্রিশ্রধ্দা কুমুদভ়নচন্দ্রাতপনিভাঃ
মুমুক্ষামাক্ষোভ্যাং দদতি মুনিবৃন্দারকগিরঃ ।
স্বসিধ্দান্তধ্বান্তস্থিরকুতুকদুর্ভ়াদিপরিষদ্-
দিভ়াভীতপ্রেক্ষা দিনকরসমুত্থানপরুষাঃ ॥ ৪৯॥

নিরাবাধা বোধাযনভণিতি নিষ্যন্দসুভগাঃ
ভ়িশুদ্ধোপন্যাসভ়্যতিভিদুরশারীরকনযাঃ ।
অকুণ্ঠৈঃ কল্পন্তে যতিপতিনিবন্ধা নিজমুখৈঃ
অনিদ্রাণপ্রজ্ঞারসধমনি ভ়েধায সুধিযাম্ ॥ ৫০॥

ভ়িকল্পাটোপেন শ্রুতিপথমশেষং ভ়িঘটযন্
যদৃচ্ছানির্দিষ্টে যতি নৃপতি শব্দে ভ়িরমতি ।
ভ়িতণ্ডাহংকুর্ভ়ৎপ্রতিকথকভ়েতণ্ডপৃতনা-
ভ়িযাতভ়্যাপারভ়্যতিমথনসংরম্ভকলহঃ ॥ ৫১॥

প্রতিষ্ঠা তর্কাণাং প্রতিপদমৃচাং ধাম যজুষাং
পরিষ্কারঃ সাম্নাং পরিপণমথর্ভ়াঙ্গিরসযোঃ ।
প্রদীপস্তত্বানাং প্রতিকৃতিরসৌ তাপসগিরাং
প্রসত্তিম্ সংভ়িত্তেঃ প্রদিশতি যতীশানফণিতিঃ ॥ ৫২॥

হতাভ়ধ্যে হৃধ্যে হরিচরণপঙ্কেরুহযুগে
নিবধ্নন্ত্যৈকান্ত্যং কিমপি যতি ভূভৃৎফণিতযঃ ।
শুনাসীরস্কন্ধদ্রুহিণহরহেরম্বহুতভুক্-
প্রভেশাদি ক্ষুদ্রপ্রণতি পরিহারপ্রতিভুভ়ঃ ॥ ৫৩॥

যথাভূত স্বার্থা যতি নৃপতিসূক্তির্ভ়িজযতে
সুধা সংদোহাব্ধিঃ সুচরিতভ়িপক্তিঃ শ্রুতিমতাম্ ।
কথা দৃপ্যৎকৌতস্কুতকলহকোলাহলহত-
ত্রিভ়েদী নির্ভ়েদপ্রশমনভ়িনোদপ্রণযীনী ॥ ৫৪॥

শ্রুতিশ্রেণীচূডাপদবহুমতে লক্ষ্মণমতে
স্বপক্ষস্থান্ দোষান্ ভ়িতথমতিরারোপযতি যঃ ।
স্বহস্তেনোৎক্ষিপ্তৈঃ স খলু নিজগাত্রেষু বহুলং
গলদ্ভির্জম্বালৈর্গগনতলমালিম্পতি জডঃ ॥ ৫৫॥

নিরালোকে লোকে নিরুপধি পরস্নেহভরিতো
যতি ক্ষ্মাভৃদ্দীপো যদি ন কিল জাজ্বল্যত ইহ ।
অহংকারধ্বান্তং ভ়িজহতি কথংকারমনঘাঃ
কুতর্ক ভ়্যালৌঘং কুমতি মতপাতাল়কুহরম্ ॥ ৫৬॥

যতি ক্ষমাভৃদ্ধৃষ্টং মতমিহ নভ়ীনং তদপি কিং
ততঃ প্রাগেভ়ান্যদ্বদ তদপি কিং ভ়র্ণনিকষে ।
নিশাম্যন্তাং যদ্বা নিজমতিতিরস্কারভ়িগমাৎ
নিরাতঙ্কাষ্টঙ্কদ্রমিডগুহদেভ় প্রভৃতযঃ ॥ ৫৭॥

সুধাসারং শ্রীমধ্যতিভ়র ভুভ়ঃ শ্রোত্রকুহরে
নিষিঞ্চন্তি ন্যঞ্চন্নিগমগরিমাণঃ ফণিতযঃ ।
যদাস্বাদাভ্যাসপ্রচযমহিমোল্লাসিতধিযাং
সদাস্বাধ্যং কালে তদমৃতমনন্তং সুমনসাম্ ॥ ৫৮॥

যতি ক্ষোণীভর্তুর্যদিদমনিদং ভোগজনতা-
শিরঃ শ্রেণীজুষ্টং তদিহ দৃঢবন্ধং প্রভভ়তি ।
অভ়িদ্যারণ্যানী কুহরভ়িহরন্মামকমনঃ-
প্রমাদ্যন্মাতঙ্গপ্রথমনিগলং পাদযুগলম্ ॥ ৫৯॥

সভ়িত্রী মুক্তানাং সকলজগদেনঃ প্রশমনী
গরীযোভিস্তীর্ত্থৈরুপচিতরসা যামুনমুখৈঃ ।
নিরুচ্ছেদা নিম্নেতরমপি সমাপ্লাভ়যতি মাং
যদৃচ্ছা ভ়িখ়্শেপাদ্ যতিপতিদযা দিভ়্যতটিনী ॥ ৬০॥

চিন্তাশেষদুরর্থদন্তুরভ়চঃ কন্থা শতগ্রন্থিলাঃ
সিধ্দান্তা ন সমিন্ধতে যতিভ়রগ্রন্থানুসংধাযিনি ।
মুক্তা শুক্তিভ়িশুধ্দসিধ্দতটিনী চূডালচূডাপদঃ
কিং কুল্যাং কলযেত খণ্ডপরশুর্মণ্ডূকমঞ্জূষিকাম্ ॥ ৬১॥

ভ়ন্দে তং যমিনাং ধুরন্ধরমহং মানান্ধকারদ্রুহা
পন্থানং পরিপন্থিনাং নিজদৃশা রুন্ধানমিন্ধানযা ।
দত্তং যেন দযা সুধাম্বুনিধিনা পীত্বা ভ়িশুধ্দং পযঃ
কালে নঃ করিশৈলকৃষ্ণজলদঃ কাঙ্ক্ষাধিকং ভ়র্ষতি ॥ ৬২॥

কাষাযেণ গৃহীতপীতভ়সনাদণ্ডৈস্ত্রভির্মণ্ডিতা
সা মূর্তির্মুরমর্দনস্য জযতি ত্রয্যন্তসংরক্ষিণী ।
যৎ প্রখ্যাপিততীর্থভ়র্ধিতধিযামভ্যস্যতাং যদ্গুণান্
আসিন্ধোরনিদং প্রদেশনিযতা কীর্তিঃ প্রজাগর্তি নঃ ॥ ৬৩॥

লিপ্সে লক্ষ্মণযোগিনঃ পদযুগং রথ্যা পরাগচ্ছটা
রক্ষারোপণধন্যসূরিপরিষৎসীমন্তসীমান্তিকম্ ।
ভিক্ষা পর্যটনক্ষণেষু বিভরাংচক্রে গল়ৎকিল্‌বিষা
যদ্বিন্যাসমিষেণ পত্রমকরীমুদ্রাং সমুদ্রাম্বরা ॥ ৬৪॥

নানা তন্ত্রভ়িলোভিতেন মনসা নির্ণীতদুর্নীতিভিঃ
কষ্টং কুৎসিতদৃষ্টিভির্যতিপতেরাদেশভ়ৈদেশিকৈঃ ।
ভ়্যাসো হাসপদী কৃতঃ পরিহৃতঃ প্রাচেতসশ্চেতসঃ
ক্লুপ্তঃ কেলিশুকঃ শুকঃ স চ মুধা বাধায বোধাযনঃ ॥ ৬৫॥

অর্থ্যা তিষ্ঠতি মামিকা মতিরসাভ়াজন্মরাজন্বতী
পত্যা সংযমিনামনেন জগতামত্যাহিতচ্ছেদিনা ।
যৎসারস্বতদুগ্ধসাগরসুধা সিদ্ধৌষধাস্বাদিনাং
প্রস্বাপায ন বোভভ়ীতি ভগভ়ন্মাযা মহাযামিনী ॥ ৬৬॥

শুধ্দাদেশভ়শংদদীকৃতযতিক্ষোণীশভ়াণীশতা-
প্রত্যাদিষ্টবহির্গতিঃ শ্রুতিশিরঃ প্রসাদমাসীদতি ।
দুগ্ধোদন্বদপত্যসন্নিধি সদা সামোদদামোদর-
শ্লক্ষ্ণালোকেন দৌর্ললিত্য ললিতোন্মেষা মনীষা মম ॥ ৬৭॥

আস্তাং নাম যতীন্দ্রপধ্দতি জুষামাজানশুধ্দা মতিঃ
তচ্চা ভ়্যাজভ়িদগ্ধমুগ্ধমধুরং সারস্বতং শাশ্বতম্ ।
কো ভ়া চক্ষুরুদঞ্চযেদপি পুরঃ সাটোপতর্কচ্ছটা
শস্ত্রাশস্ত্রিভ়িহারসংভৃতরণাস্বাস্দেষু ভ়াদেষু নঃ ॥ ৬৮॥

পর্যাপ্তং পর্যচৈষং কণচরণকথামাক্ষপাদং শিশিক্ষে
মীমাংসা মাংসলাত্মা সমজনিষি মুহুঃ সাংখ্যযোগৌ সমাখ্যম্ ।
ইত্থং তৈস্তৈর্যতীন্দ্রত্রুটিতবহুমৃষা তন্ত্রকান্তারপান্থৈঃ
অন্তর্মোহক্ষপান্ধৈরহহ কিমিহ নশ্চিন্তনীযং তনীযঃ ॥ ৬৯॥

গাথা তাথাগতানাং গলতি গমনিকা কাপিলী ক্বাঽপি লীনা
ক্ষীণা কাণাদভ়াণী দ্রুহিণহরগিরঃ সৌরভং নারভন্তে ।
ক্ষামা কৌমারিলোক্তির্জগতি গুরুমতং গৌরভ়াৎ দূরভ়ান্তং
কা শঙ্কা শঙ্করাদের্ভজতি যতিপতৌ ভদ্রভ়েদীং ত্রিভ়েদীম্ ॥ ৭০॥

ভ়িষ্বগ্ব্যাপিন্যগাধে যতিনৃপতি যশঃ সংপদেকার্ণভ়েঽস্মিন্
শ্রধ্দা শুধ্দাভ়গাহৈঃ শুভমতিভিরসৌ ভ়েঙ্কটেশোঽভিষিক্তঃ ।
প্রজ্ঞাদৌর্জন্যগর্জৎপ্রতিকথকভ়চস্তূলভ়াতূলভ়ৃত্যা
সপ্তত্যা সারভ়ত্যা সমতনুত সতাং প্রীতিমেতাং সমেতাম্ ॥ ৭১॥

আশামতঙ্গজগণানভ়িষহ্য ভ়েগান্
পাদে যতিক্ষিতিভৃতঃ প্রসভং নিরুন্ধন্ ।
কার্যঃ কথাহভ় কুতূহলিভিঃ পরেষাং
কর্ণে স এষ কভ়িতার্কিক্ সিংহনাদঃ ॥ ৭২॥

উপশমিতকুদৃষ্টিভ়িপ্লভ়ানাম্
উপনিষদামুপচারদীপিকেযম্ ।
কবলিতভগভ়দ্বিভূতিযুগ্মাং
দিষতু মতিং যতিরাজসপ্ততির্নঃ ॥ ৭৩॥

করতলামলকীকৃতসৎপথাঃ
শ্রুতিভ়তংসিতসূনৃতসূক্তযঃ ।
দিভ়সতারকযন্তি সমৎসরান্
যতিপুরন্দরসপ্ততিসাদরাঃ ॥ ৭৪॥

কভ়িতার্কিক সিংহায কল্যাণগুণশালিনে ।