Yatiraaja saptatih'

.. Yatiraaja saptatih' ..

Shreemaan venkat'anaathaaryah' kavitaarkikakesaree .
Vedaantaachaarya varyome sannidhattaam' sadaa hri'di ..

Kamapyaadhyam' gurum' vande kamalaagri'hamedhinam .
Pravaktaa chhandasaam' vaktaa pancharaatrasya yah' svayam .. 1..

Sahadharmachareem' shaureh' sam'mantritajagadhditaam .
Anugrahamayeem' vande nityamajnyaatanigrahaam .. 2..

Vande vaikunt'hasenaanyam' devam' sootravateesakham .
Yadvetrashikharaspande vishvametad vyavasthitam .. 3..

Yasya saarasvatasroto vakulaamodavaasitam .
Shruteenaam' vishramaayaalam' shat'haarim' tamupaasmahe .. 4..

Naathena muninaa tena bhaveyam' naathavaahanam .
Yasya naigamikam' tatvam' hastaamalakataam' gatam .. 5..

Namasyaamyaravindaaksham' naathabhaave vyavasthitam .
Shudhdasatvamayam' shaureravataaramivaaparam .. 6..

Anujjhitakshamaayogamapunyajanabaadhakam .
Aspri'sht'amadiraagam' tam' raamam' turyamupaasmahe .. 7..

Vigaahe yaamunam' teertham' saadhu bri'ndaavane sthitam .
Nirastajihmagasparshe yatra kri'shnah' kri'taadarah' .. 8..

Dayaa nighnam' yateendrasya deshikam' poornamaashraye.
Yena vishvasri'jo vishnorapooryata manorathah' .. 9..

Pranaamam' lakshmanamunih' pratigri'hnaatu maamakam .
Prasaadhayati yatsooktih' svaadheena patikaam' shrutim .. 10..

Upaveetinamoordhvapund'ravantam'
Trijagatpunyaphalam' tridand'ahastam .
Sharanaagatasaarthavaahameed'e
Shikhayaa shekharinam' patim' yateenaam .. 11..

Prathayan vimateshu teekshnabhaavam'
Prabhurasmatparirakshane yateendrah' .
Apri'thakpratipanna yanmayatvaih'
Vavri'dhe panchabhiraayudhairmuraareh' .. 12..

Shamitodayashankaraadigarvah'
Svabalaadudhdri'tayaadavaprakaashah' .
Avaropitavaan shruterapaarthaan
Nanu raamaavarajah' sa esha bhooyah' .. 13.. Var eva
Abahushrutasambhavam' shruteenaam'
Jarateenaamayathaayatha prachaaram .
Vinivartayitum' yateeshvaroktih'
Vidadhe taah' sthiraneetipanjarasthaah' .. 14..

Amunaa tapanaatishaayi bhoomnaa
Yatiraajena nibadhdanaayakashreeh' .
Mahatee gurupanktihaarayasht'ih'
Vibudhaanaam' hri'dayangamaa vibhaati .. 15..

Aloonapakshasya yati kshamaabhri'to
Vibhaati vam'she haritatvamakshatam .
Yadudbhavaah' shudhdasuvri'ttasheetalaah'
Bhavanti muktaavalibhooshanam' bhuvah' .. 16..

Anapaaya vishnupadasam'shrayam' bhaje
Kalayaa kayaa'pi kalayaa'pyanujjhitam .
Akalankayogamajad'aashayodayam'
Yatiraajachandramuparaaga dooragam .. 17..

Abhigamya samyaganaghaah' sumedhaso
Yati chakravartipadapadmapattanam .
Haribhaktadaasyarasikaah' parasparam'
Krayaikrayaarhadashayaa samindhate .. 18..

Parushaativaadaparivaadapaishuna-
Prabhri'ti prabhootapataneeyapankilaa .
Svadate mamaadhya subhagaa sarasvatee
Yatiraajakeerttikatakairvishodhitaa .. 19..

Anukalpabhootamurabhitpadam' sataam'
Ajahattrivargamapavargavaibhavam .
Chalachittavri'ttivinivarttanaushadham'
Sharanam' yateendracharanam' vri'neemahe .. 20..

Shvasitaavadhootaparavaativaibhavaah'
Nigamaantaneetijaladhestalaspri'shah' .
Pratipaadayanti gatimaapavargikeem'
Yatisaarvabhaumapadasaatkri'taashayaah' .. 21..

Moole nivishya mahataam' nigamadrumaanaam'
Mushnan prataarakabhayam' dhri'tanaikadand'ah' .
Rangesha bhaktajanamaanasaraajaham'so
Raamaanujah' sharanamastu munih' svayam' nah' .. 22..

Sanmantravit kshipati sam'yaminaam' narendrah'
Sam'saarajihmagamukhaih' samupasthitam' nah' .
Vishvaktatam' vishayalobhavisham' nijaabhih'
Gaad'haanubhaavagarud'adhvajabhaavanaabhih' .. 23..

Naathah' sa esha yaminaam' nakharashmijaalaih'
Anta nileenamapaneeya tamo madeeyam .
Vijnyaanachitramanagham' likhateeva chitte
Vyaakhyaanakelirasikena karaambujena .. 24..

Udgri'hnateemupanishatsu nigood'hamartham'
Chitte niveshayitumalpadhiyaam' svayam' nah' .
Pashyema lakhshman muneh' pratipannahastaam'
Unnidrapadmasubhagaamupadeshamudraam .. 25..

Aakarshanaani nigamaantasarasvateenaam'
Uchchaat'anaani bahirantarupaplavaanaam .
Pathyaani ghorabhavasanjvarapeed'itaanaam'
Hri'dhyaani bhaanti yatiraajamunervachaam'si .. 26..

Sheetasvabhaavasubhagaanubhavah' shikhaavaan
Doshaavamardaniyatonnatiroshadheeshah' .
Taapaanubandhashamanastapanah' prajaanaam'
Raamaanujo jayati sam'valitatridhaamaa .. 27..

Jayati sakalavidyaavaahinee janmashailo
Janipathaparivri'ttishraantavishraantishaakhee .
Nikhilakumati maayaa sharvaree baalasooryo
Nigamajaladhivelaa poornachandro yateendrah' .. 28..

Munibahumatasaaraa muktinishrenikeyam'
Sahri'dayahri'dayaanaam' shaashvatee disht'asidhdih' .
Shamitaduritagandhaa sam'yameendrasya sooktih'
Parichitagahanaa nah' prasnuveeta prasaadam .. 29..

Bhavamaruparikhinnaspheetapaaneeyasindhuh'
Duritarahitajihvaa dugdhakulyaa sakulyaa .
Shrutinayanasanaabhih' shobhate lakshmanoktih'
Narakamathanasevaasvaadanaad'indhamaa nah' .. 30..

Haripadamakarandasyandinah' sam'shritaanaam'
Anugatabahushaakhaastaapamunmoolayanti ..

Shamitaduritagandhaah' sam'yameendraprabandhaah'
Kathakajanamaneeshaa kalpanaa kalpavri'kshaah' .. 31..

Naanaabhootairjagati samayairnarmaleelaam' vidhitsoh'
Antyam' varnam' prathayati vibhoraadimavyoohabhede .
Vishvam' traatum' vishayaniyatam' vyanjitaanugrahah' san
Vishvakseno yatipatirabhoodvetrasaarastridand'ah' .. 32..

Lakshyam' budhde rasikarasanaalaasyaleelaanidaanam'
Shudhdaasvaadam' kimapi jagati shrotradivyaushadham' nah' .
Lakshyaalakshyaih' sitajaladhivadbhaati taatparyaratnaih'
Lakshmeekaanta sphat'ikamukuro lakshmanaaryopadeshah' .. 33..

Sthitimavadheerayantyatimanorathasidhdimateem'
Yatipatisampradaayanirapaayadhanopachitaah' .
Madhukaramaulidaghnamadadanturadantighat'aa-
Karat'akat'aahavaahi ghanasheekarasheebharitaam .. 34..

Nirupadhi rangavri'tti rasikaanabhitaand'avayan
Nigamavimarshakelirasikairnibhri'tairvidhri'tah' .
Gunaparinaddhasookti dri'd'hakonavighat't'anayaa
Rat'ati dishaa mukheshu yatiraajayashah' pat'ahah' .. 35..

Idam' prathamasambhavatkumati jaalakoolangashaah'
Mri'shaa matavishaanalajvalitajeevajeevaatavah' .
Ksharantyamri'tamaksharam' yati purandarasyoktayah'
Chirantanasarasvati chikurabandhasairandhrikaah' .. 36..

Sudhaashanasudurgraha shrutisamasht'imusht'indhyah'
Kathaahavamasau gataan kapat'asaugataan khand'ayan .
Munirmanasi lakshmano mudamdanchayatyanjasaa
Mukunda gunamauktikaprakarashuktibhih' sooktibhih' .. 37..

Kapardimatakardamam' kapilakalpanaavaaguraam'
Duratyayamateetya taddruhinatantrayantrodaram .
Kudri'sht'i kuhanaamukhe nipatatah' parabri'hmanah'
Karagrahavichakshano jayati lakshmano'yam' munih' .. 38..

Kanaadaparipaat'ibhih' kapilakalpanaanaat'akaih'
Kumaarilakubhaashitairgurunibandhanagranthibhih' .
Tathaagatakathaashataistadanusaari jalpairapi
Prataaritamidam' jagat pragunitam' yateendroktibhih' .. 39..

Kathaakalahakautukagrahagrri'heetakautaskuta-
Prathaa jaladhi samplavagrasanakumbhasambhootayah' .
Jayanti sudhiyo yatikshitibhri'dantikopaasanaa-
Prabhaavaparipaktrima pramiti bhaaratee sampadah' .. 40..

Yateeshvarasarasvatee surabhitaashayaanaam' sataam'
Vahaami charanaambujam' pranati shaalinaa maulinaa .
Tadanyamatadurmadajvalitachetasaam' vaadinaam'
Shirassu nihitam' mayaa padamadakshinam' lakshyataam .. 41..

Bhajasva yatibhoopateranidamaadidurvaasanaa
Kadadhva parivartanashramanivartaneem' vartaneem .
Labhasya hri'daya svayam' rathapadaayudhaanugraha-
Drutaprahri'ti nistri't'adduritadurvri'tim' nirvri'tim .. 42..

Kumativihitagranthagranthiprabhootamataantara-
Grahilamanasah' pashyantyalpaam' yateeshvarabhaarateem .
Vikat'amurabhidvakshah' peet'hee parishkaranochitah'
Kulagiritulaarohe bhaavee kiyaaniva kaustubhah' .. 43..

Sthaviranigamastomastheyaam' yateeshvarabhaarateem'
Kumatiphanitikshobhaksheebaah' kshipantu bhajantu vaa .
Rasaparimalashlaaghaa ghoshasphut'atput'abhedanam'
Lavanavanijah' karpooraargham' kimityabhimanvate .. 44..

Vahati mahilaamaadhyo vedhaastrayee mukharairmukhaih'
Varatanutayaa vaamo bhaagah' shivasya vivartate .
Tadapi paramam' tatvam' gopeejanasya vasham'vadam'
Madanakadanairna klishyante yateeshvarasam'shrayaah' .. 45..

Nigamapathikachchhaayaa shaakhee niraashamahaanidhih'
Mahitavividhachchhaatrashrenee manorathasaarathih' .
Tribhuvanatamah'pratyoosho'yam' trividyashikhaamanih'
Prathayati yatikshmaabhri'tpaaraavareemaviparyayaam .. 46..

Jad'amati mudhaa dantaadantivyathaushadhasidhdayah'
Pramitinidhayah' prajnyaashaali prapaalanayasht'ayah' .
Shrutisurabhayah' shudhdaanandaabhivarshukavaaridaah'
Yamagati kathaa vichchhedinyo yateeshvarasooktayah' .. 47..

Pratikalamiha pratyaktatvaavalokanadeepikaah'
Yatiparibri'd'hagranthaashchintaam' nirantarayanti nah' .
Akalushaparajnyaanautsukyakshudhaaturadurdashaa-
Parinata phala pratyaaseedat phalegrahi sugrahaah' .. 48..

Mukundaanghrishradhdaa kumudavanachandraatapanibhaah'
Mumukshaamaakshobhyaam' dadati munibri'ndaarakagirah' .
Svasidhdaantadhvaantasthirakutukadurvaadiparishad-
Divaabheetaprekshaa dinakarasamutthaanaparushaah' .. 49..

Niraabaadhaa bodhaayanabhaniti nishyandasubhagaah'
Vishuddhopanyaasavyatibhidurashaareerakanayaah' .
Akunt'haih' kalpante yatipatinibandhaa nijamukhaih'
Anidraanaprajnyaarasadhamani vedhaaya sudhiyaam .. 50..

Vikalpaat'opena shrutipathamashesham' vighat'ayan
Yadri'chchhaanirdisht'e yati nri'pati shabde viramati .
Vitand'aahankurvatpratikathakavetand'apri'tanaa-
Viyaatavyaapaaravyatimathanasam'rambhakalahah' .. 51..

Pratisht'haa tarkaanaam' pratipadamri'chaam' dhaama yajushaam'
Parishkaarah' saamnaam' paripanamatharvaangirasayoh' .
Pradeepastatvaanaam' pratikri'tirasau taapasagiraam'
Prasattim sam'vitteh' pradishati yateeshaanaphanitih' .. 52..

Hataavadhye hri'dhye haricharanapankeruhayuge
Nibadhnantyaikaantyam' kimapi yati bhoobhri'tphanitayah' .
Shunaaseeraskandhadruhinaharaherambahutabhuk-
Prabheshaadi kshudrapranati parihaarapratibhuvah' .. 53..

Yathaabhoota svaarthaa yati nri'patisooktirvijayate
Sudhaa sandohaabdhih' sucharitavipaktih' shrutimataam .
Kathaa dri'pyatkautaskutakalahakolaahalahata-
Trivedee nirvedaprashamanavinodapranayeenee .. 54..

Shrutishreneechood'aapadabahumate lakshmanamate
Svapakshasthaan doshaan vitathamatiraaropayati yah' .
Svahastenotkshiptaih' sa khalu nijagaatreshu bahulam'
Galadbhirjambaalairgaganatalamaalimpati jad'ah' .. 55..

Niraaloke loke nirupadhi parasnehabharito
Yati kshmaabhri'ddeepo yadi na kila jaajvalyata iha .
Ahankaaradhvaantam' vijahati kathankaaramanaghaah'
Kutarka vyaalaugham' kumati matapaataal'akuharam .. 56..

Yati kshamaabhri'ddhri'sht'am' matamiha naveenam' tadapi kim'
Tatah' praagevaanyadvada tadapi kim' varnanikashe .
Nishaamyantaam' yadvaa nijamatitiraskaaravigamaat
Niraatankaasht'ankadramid'aguhadeva prabhri'tayah' .. 57..

Sudhaasaaram' shreemadhyativara bhuvah' shrotrakuhare
Nishinchanti nyanchannigamagarimaanah' phanitayah' .
Yadaasvaadaabhyaasaprachayamahimollaasitadhiyaam'
Sadaasvaadhyam' kaale tadamri'tamanantam' sumanasaam .. 58..

Yati kshoneebharturyadidamanidam' bhogajanataa-
Shirah' shreneejusht'am' tadiha dri'd'habandham' prabhavati .
Avidyaaranyaanee kuharaviharanmaamakamanah'-
Pramaadyanmaatangaprathamanigalam' paadayugalam .. 59..

Savitree muktaanaam' sakalajagadenah' prashamanee
Gareeyobhisteertthairupachitarasaa yaamunamukhaih' .
Niruchchhedaa nimnetaramapi samaaplaavayati maam'
Yadri'chchhaa vikhshepaad yatipatidayaa divyatat'inee .. 60..

Chintaasheshadurarthadanturavachah' kanthaa shatagranthilaah'
Sidhdaantaa na samindhate yativaragranthaanusandhaayini .
Muktaa shuktivishudhdasidhdatat'inee chood'aalachood'aapadah'
Kim' kulyaam' kalayeta khand'aparashurmand'ookamanjooshikaam .. 61..

Vande tam' yaminaam' dhurandharamaham' maanaandhakaaradruhaa
Panthaanam' paripanthinaam' nijadri'shaa rundhaanamindhaanayaa .
Dattam' yena dayaa sudhaambunidhinaa peetvaa vishudhdam' payah'
Kaale nah' karishailakri'shnajaladah' kaankshaadhikam' varshati .. 62..

Kaashaayena gri'heetapeetavasanaadand'aistrabhirmand'itaa
Saa moortirmuramardanasya jayati trayyantasam'rakshinee .
Yat prakhyaapitateerthavardhitadhiyaamabhyasyataam' yadgunaan
Aasindhoranidam' pradeshaniyataa keertih' prajaagarti nah' .. 63..

Lipse lakshmanayoginah' padayugam' rathyaa paraagachchhat'aa
Rakshaaropanadhanyasooriparishatseemantaseemaantikam .
Bhikshaa paryat'anakshaneshu bibharaanchakre gal'atkilbishaa
Yadvinyaasamishena patramakareemudraam' samudraambaraa .. 64..

Naanaa tantravilobhitena manasaa nirneetadurneetibhih'
Kasht'am' kutsitadri'sht'ibhiryatipateraadeshavaideshikaih' .
Vyaaso haasapadee kri'tah' parihri'tah' praachetasashchetasah'
Kluptah' kelishukah' shukah' sa cha mudhaa baadhaaya bodhaayanah' .. 65..

Arthyaa tisht'hati maamikaa matirasaavaajanmaraajanvatee
Patyaa sam'yaminaamanena jagataamatyaahitachchhedinaa .
Yatsaarasvatadugdhasaagarasudhaa siddhaushadhaasvaadinaam'
Prasvaapaaya na bobhaveeti bhagavanmaayaa mahaayaaminee .. 66..

Shudhdaadeshavashandadeekri'tayatikshoneeshavaaneeshataa-
Pratyaadisht'abahirgatih' shrutishirah' prasaadamaaseedati .
Dugdhodanvadapatyasannidhi sadaa saamodadaamodara-
Shlakshnaalokena daurlalitya lalitonmeshaa maneeshaa mama .. 67..

Aastaam' naama yateendrapadhdati jushaamaajaanashudhdaa matih'
Tachchaa vyaajavidagdhamugdhamadhuram' saarasvatam' shaashvatam .
Ko vaa chakshurudanchayedapi purah' saat'opatarkachchhat'aa
Shastraashastrivihaarasambhri'taranaasvaasdeshu vaadeshu nah' .. 68..

Paryaaptam' paryachaisham' kanacharanakathaamaakshapaadam' shishikshe
Meemaam'saa maam'salaatmaa samajanishi muhuh' saankhyayogau samaakhyam .
Ittham' taistairyateendratrut'itabahumri'shaa tantrakaantaarapaanthaih'
Antarmohakshapaandhairahaha kimiha nashchintaneeyam' taneeyah' .. 69..

Gaathaa taathaagataanaam' galati gamanikaa kaapilee kvaa'pi leenaa
Ksheenaa kaanaadavaanee druhinaharagirah' saurabham' naarabhante .
Kshaamaa kaumaariloktirjagati gurumatam' gauravaat dooravaantam'
Kaa shankaa shankaraaderbhajati yatipatau bhadravedeem' trivedeem .. 70..

Vishvagvyaapinyagaadhe yatinri'pati yashah' sampadekaarnave'smin
Shradhdaa shudhdaavagaahaih' shubhamatibhirasau venkat'esho'bhishiktah' .
Prajnyaadaurjanyagarjatpratikathakavachastoolavaatoolavri'tyaa
Saptatyaa saaravatyaa samatanuta sataam' preetimetaam' sametaam .. 71..

Aashaamatangajaganaanavishahya vegaan
Paade yatikshitibhri'tah' prasabham' nirundhan .
Kaaryah' kathaahava kutoohalibhih' pareshaam'
Karne sa esha kavitaarkik sim'hanaadah' .. 72..

Upashamitakudri'sht'iviplavaanaam
Upanishadaamupachaaradeepikeyam .
Kabalitabhagavadvibhootiyugmaam'
Dishatu matim' yatiraajasaptatirnah' .. 73..

Karatalaamalakeekri'tasatpathaah'
Shrutivatam'sitasoonri'tasooktayah' .
Divasataarakayanti samatsaraan
Yatipurandarasaptatisaadaraah' .. 74..

Kavitaarkika sim'haaya kalyaanagunashaaline .