.. స్వస్తివాచనమ్ నిఃస్వర ..

శ్రీ గణేశాయ నమః ..

ఆ నో భద్రాః క్రతవో యన్తు విశ్వతోఽదబ్ధాసో అపరీతాస ఉద్భిదః .
దేవా నో యథా సదమిద్ వృధే అసన్నప్రాయువో రక్షితారో దివేదివే ..

దేవానాం భద్రా సుమతిరృజూయతాం దేవానాం రాతిరభి నో ని వర్తతామ్ .
దేవానాం సఖ్యముప సేదిమా వయం దేవా న ఆయుః ప్రతిరన్తు జీవసే ..

తాన్పూర్వయా నివిదా హూమహే వయం భగం మిత్రమదితిం దక్షమస్రిధమ్ .
అర్యమణం వరుణం సోమమశ్వినా సరస్వతీ నః సుభగా మయస్కరత్ ..

తన్నో వాతో మయోభువాతు భేషజం తన్మాతా పృథివీ తత్పితా ద్యౌః .
తద్ గ్రావాణః సోమసుతో మయోభువస్తదశ్వినా శృణుతం ధిష్ణ్యా యువమ్ ..

తమీశానం జగతస్తస్థుషస్పతిం ధియంజిన్వమవసే హూమహే వయమ్ .
పూషా నో యథా వేదసామసద్వృధే రక్షితా పాయురదబ్ధః స్వస్తయే ..

స్వస్తి న ఇన్ద్రో వృద్ధశ్రవాః స్వస్తి నః పూషా విశ్వవేదాః .
స్వస్తి నస్తార్క్ష్యో అరిష్టనేమిః స్వస్తి నో బృహస్పతిర్దధాతు ..

పృషదశ్వా మరుతః పృశ్నిమాతరః శుభంయావానో విదథేషు జగ్మయః .
అగ్నిజిహ్వా మనవః సూరచక్షసో విశ్వే నో దేవా అవసా గమన్నిహ ..

భద్రం కర్ణేభిః శృణుయామ దేవా భద్రం పశ్యేమాక్షభిర్యజత్రాః .
స్థిరైరఙ్గైస్తుష్టువాంసస్తనూభిర్వ్యశేమ దేవహితం యదాయుః ..

శతమిన్ను శరదో అన్తి దేవా యత్రా నశ్చక్రా జరసం తనూనామ్ .
పుత్రాసో యత్ర పితరో భవన్తి మా నో మధ్యా రీరిషతాయుర్గన్తోః ..

అదితిర్ద్యౌరదితిరన్తరిక్షమదితిర్మాతా స పితా స పుత్రః .
విశ్వే దేవా అదితిః పఞ్చ జనా అదితిర్జాతమదితిర్జనిత్వమ్ .. (శుక్ల యజుర్వేద 25 . 14-23)

ద్యౌః శాన్తిరన్తరిక్షꣳ శాన్తిః పృథివీ శాన్తిరాపః శాన్తిరోషధయః శాన్తిః .
వనస్పతయః శాన్తిర్విశ్వేదేవాః శాన్తిర్బ్రహ్మ శాన్తిః సర్వꣳ శాన్తిః శాన్తిరేవ శాన్తిః సా మా శాన్తిరేధి ..
 (శుక్ల యజుర్వేద 36 . 17)
యతోయతః సమీహసే తతో నోఽభయఙ్కురు .
శన్నః కురుప్రజాభ్యోఽభయన్నః పశుభ్యః .. 
సుశాన్తిర్భవతు .. (శుక్ల యజుర్వేద 36 . 22)

గణానాం త్వా గణపతిꣳ హవామహే ప్రియాణాం త్వా ప్రియపతిꣳ హవామహే నిధినాన్తవానిధిపతిꣳ హవామహే వసోమమ . ఆహమజానిగర్భధమాత్వమజాసిగర్భధమ్ ..

అమ్బేఽమ్బికేఽమ్బాలికేనమానయతికశ్చన .
ససస్త్యశ్వకః సుభద్రికాఙ్కామ్పీలవాసినీమ్ ..