॥ স্বস্তিভ়াচনম্ নিঃস্বর ॥

শ্রী গণেশায নমঃ ॥

আ নো ভদ্রাঃ ক্রতভ়ো যন্তু ভ়িশ্বতোঽদব্ধাসো অপরীতাস উদ্ভিদঃ ।
দেভ়া নো যথা সদমিদ্ ভ়ৃধে অসন্নপ্রাযুভ়ো রক্ষিতারো দিভ়েদিভ়ে ॥

দেভ়ানাং ভদ্রা সুমতিরৃজূযতাং দেভ়ানাং রাতিরভি নো নি ভ়র্ততাম্ ।
দেভ়ানাং সখ্যমুপ সেদিমা ভ়যং দেভ়া ন আযুঃ প্রতিরন্তু জীভ়সে ॥

তান্পূর্ভ়যা নিভ়িদা হূমহে ভ়যং ভগং মিত্রমদিতিং দক্ষমস্রিধম্ ।
অর্যমণং ভ়রুণং সোমমশ্বিনা সরস্বতী নঃ সুভগা মযস্করৎ ॥

তন্নো ভ়াতো মযোভুভ়াতু ভেষজং তন্মাতা পৃথিভ়ী তৎপিতা দ্যৌঃ ।
তদ্ গ্রাভ়াণঃ সোমসুতো মযোভুভ়স্তদশ্বিনা শৃণুতং ধিষ্ণ্যা যুভ়ম্ ॥

তমীশানং জগতস্তস্থুষস্পতিং ধিযংজিন্বমভ়সে হূমহে ভ়যম্ ।
পূষা নো যথা ভ়েদসামসদ্বৃধে রক্ষিতা পাযুরদব্ধঃ স্বস্তযে ॥

স্বস্তি ন ইন্দ্রো ভ়ৃদ্ধশ্রভ়াঃ স্বস্তি নঃ পূষা ভ়িশ্বভ়েদাঃ ।
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু ॥

পৃষদশ্বা মরুতঃ পৃশ্নিমাতরঃ শুভংযাভ়ানো ভ়িদথেষু জগ্মযঃ ।
অগ্নিজিহ্বা মনভ়ঃ সূরচক্ষসো ভ়িশ্বে নো দেভ়া অভ়সা গমন্নিহ ॥

ভদ্রং কর্ণেভিঃ শৃণুযাম দেভ়া ভদ্রং পশ্যেমাক্ষভির্যজত্রাঃ ।
স্থিরৈরঙ্গৈস্তুষ্টুভ়াংসস্তনূভির্ভ়্যশেম দেভ়হিতং যদাযুঃ ॥

শতমিন্নু শরদো অন্তি দেভ়া যত্রা নশ্চক্রা জরসং তনূনাম্ ।
পুত্রাসো যত্র পিতরো ভভ়ন্তি মা নো মধ্যা রীরিষতাযুর্গন্তোঃ ॥

অদিতির্দ্যৌরদিতিরন্তরিক্ষমদিতির্মাতা স পিতা স পুত্রঃ ।
ভ়িশ্বে দেভ়া অদিতিঃ পঞ্চ জনা অদিতির্জাতমদিতির্জনিত্বম্ ॥ (শুক্ল যজুর্ভ়েদ ২৫ । ১৪-২৩)

দ্যৌঃ শান্তিরন্তরিক্ষꣳ শান্তিঃ পৃথিভ়ী শান্তিরাপঃ শান্তিরোষধযঃ শান্তিঃ ।
ভ়নস্পতযঃ শান্তির্ভ়িশ্বেদেভ়াঃ শান্তির্ব্রহ্ম শান্তিঃ সর্ভ়ꣳ শান্তিঃ শান্তিরেভ় শান্তিঃ সা মা শান্তিরেধি ॥
 (শুক্ল যজুর্ভ়েদ ৩৬ । ১৭)
যতোযতঃ সমীহসে ততো নোঽভযঙ্কুরু ।
শন্নঃ কুরুপ্রজাভ্যোঽভযন্নঃ পশুভ্যঃ ॥ 
সুশান্তির্ভভ়তু ॥ (শুক্ল যজুর্ভ়েদ ৩৬ । ২২)

গণানাং ত্বা গণপতিꣳ হভ়ামহে প্রিযাণাং ত্বা প্রিযপতিꣳ হভ়ামহে নিধিনান্তভ়ানিধিপতিꣳ হভ়ামহে ভ়সোমম । আহমজানিগর্ভধমাত্বমজাসিগর্ভধম্ ॥

অম্বেঽম্বিকেঽম্বালিকেনমানযতিকশ্চন ।
সসস্ত্যশ্বকঃ সুভদ্রিকাঙ্কাম্পীলভ়াসিনীম্ ॥