.. સ્વસ્તિવાચનમ્ નિઃસ્વર ..

શ્રી ગણેશાય નમઃ ..

આ નો ભદ્રાઃ ક્રતવો યન્તુ વિશ્વતોઽદબ્ધાસો અપરીતાસ ઉદ્ભિદઃ .
દેવા નો યથા સદમિદ્ વૃધે અસન્નપ્રાયુવો રક્ષિતારો દિવેદિવે ..

દેવાનાં ભદ્રા સુમતિરૃજૂયતાં દેવાનાં રાતિરભિ નો નિ વર્તતામ્ .
દેવાનાં સખ્યમુપ સેદિમા વયં દેવા ન આયુઃ પ્રતિરન્તુ જીવસે ..

તાન્પૂર્વયા નિવિદા હૂમહે વયં ભગં મિત્રમદિતિં દક્ષમસ્રિધમ્ .
અર્યમણં વરુણં સોમમશ્વિના સરસ્વતી નઃ સુભગા મયસ્કરત્ ..

તન્નો વાતો મયોભુવાતુ ભેષજં તન્માતા પૃથિવી તત્પિતા દ્યૌઃ .
તદ્ ગ્રાવાણઃ સોમસુતો મયોભુવસ્તદશ્વિના શૃણુતં ધિષ્ણ્યા યુવમ્ ..

તમીશાનં જગતસ્તસ્થુષસ્પતિં ધિયંજિન્વમવસે હૂમહે વયમ્ .
પૂષા નો યથા વેદસામસદ્વૃધે રક્ષિતા પાયુરદબ્ધઃ સ્વસ્તયે ..

સ્વસ્તિ ન ઇન્દ્રો વૃદ્ધશ્રવાઃ સ્વસ્તિ નઃ પૂષા વિશ્વવેદાઃ .
સ્વસ્તિ નસ્તાર્ક્ષ્યો અરિષ્ટનેમિઃ સ્વસ્તિ નો બૃહસ્પતિર્દધાતુ ..

પૃષદશ્વા મરુતઃ પૃશ્નિમાતરઃ શુભંયાવાનો વિદથેષુ જગ્મયઃ .
અગ્નિજિહ્વા મનવઃ સૂરચક્ષસો વિશ્વે નો દેવા અવસા ગમન્નિહ ..

ભદ્રં કર્ણેભિઃ શૃણુયામ દેવા ભદ્રં પશ્યેમાક્ષભિર્યજત્રાઃ .
સ્થિરૈરઙ્ગૈસ્તુષ્ટુવાંસસ્તનૂભિર્વ્યશેમ દેવહિતં યદાયુઃ ..

શતમિન્નુ શરદો અન્તિ દેવા યત્રા નશ્ચક્રા જરસં તનૂનામ્ .
પુત્રાસો યત્ર પિતરો ભવન્તિ મા નો મધ્યા રીરિષતાયુર્ગન્તોઃ ..

અદિતિર્દ્યૌરદિતિરન્તરિક્ષમદિતિર્માતા સ પિતા સ પુત્રઃ .
વિશ્વે દેવા અદિતિઃ પઞ્ચ જના અદિતિર્જાતમદિતિર્જનિત્વમ્ .. (શુક્લ યજુર્વેદ ૨૫ . ૧૪-૨૩)

દ્યૌઃ શાન્તિરન્તરિક્ષꣳ શાન્તિઃ પૃથિવી શાન્તિરાપઃ શાન્તિરોષધયઃ શાન્તિઃ .
વનસ્પતયઃ શાન્તિર્વિશ્વેદેવાઃ શાન્તિર્બ્રહ્મ શાન્તિઃ સર્વꣳ શાન્તિઃ શાન્તિરેવ શાન્તિઃ સા મા શાન્તિરેધિ ..
 (શુક્લ યજુર્વેદ ૩૬ . ૧૭)
યતોયતઃ સમીહસે તતો નોઽભયઙ્કુરુ .
શન્નઃ કુરુપ્રજાભ્યોઽભયન્નઃ પશુભ્યઃ .. 
સુશાન્તિર્ભવતુ .. (શુક્લ યજુર્વેદ ૩૬ . ૨૨)

ગણાનાં ત્વા ગણપતિꣳ હવામહે પ્રિયાણાં ત્વા પ્રિયપતિꣳ હવામહે નિધિનાન્તવાનિધિપતિꣳ હવામહે વસોમમ . આહમજાનિગર્ભધમાત્વમજાસિગર્ભધમ્ ..

અમ્બેઽમ્બિકેઽમ્બાલિકેનમાનયતિકશ્ચન .
સસસ્ત્યશ્વકઃ સુભદ્રિકાઙ્કામ્પીલવાસિનીમ્ ..