શ્રીસ્તવઃ

.. શ્રીસ્તવઃ ..

શ્રીવત્સચિહ્નમિશ્રેભ્યો નમ ઉક્તિમધીમહે .
યદુક્તયસ્ત્રયીકણ્ઠે યાન્તિ મઙ્ગળસૂત્રતામ્ ..૧ ..

સ્વસ્તિ શ્રીર્દિશતાદશેષજગતાં સર્ગોપસર્ગસ્થિતી:
સ્વર્ગ દુર્ગતિમાપવર્ગિકપદં સર્વં ચ કુર્વન્હરિઃ .
યસ્યા વીક્ષ્ય મુખં તદિઙ્ગિતપરાધીનો વિધત્તેઽખિલં
ક્રીડેયં ખલુ નાન્યથાઽસ્ય રસદા સ્યાદૈકરસ્યાત્તયા ..૨ ..

હે શ્રીર્દેવિ! સમસ્તલોકજનનીં ત્વાં સ્તોતુમીહામહે
યુક્તાં ભાવય ભારતી પ્રગુણય પ્રેમપ્રધાનાં ધિયમ્ .
ભક્તિં બન્ધય નન્દયાશ્રિતમિમં દાસં જનં તાવકં
લક્ષ્યં લક્ષ્મિ! કટાક્ષવીચિવિસૃતે સ્તે સ્યામ ચામી વયમ્ .. ૩ ..

સ્તોત્રં નામ કિમામનન્તિ કવયો યદ્યન્યદીયાન્ગુણાન્
અન્યત્ર ત્વસતોઽધિરોપ્ય ફણિતિસ્સા તર્હિ વન્ધ્યા ત્વયિ .
સમ્યક્સત્યગુણાભિવર્ણનમથો બ્રૂયુઃ કથં તાદૃશી
વાગ્વાચસ્પતિનાપિ શક્યરચના ત્વત્સદ્ગુણાર્ણોનિધૌ .. ૪ ..

યે વાચાં મનસાં ચ દુર્ગ્રહતયા ખ્યાતા ગુણાસ્તાવકાઃ
તાનેવ પ્રતિ સામ્બૂ જિહ્વમુદિતા હૈ મામિકા ભારતી.
હાસ્યં તત્તુ ન મન્મહે ન હિ ચકોર્યેકાઽખિલાં ચન્દ્રિકાં
નાલં પાતુમિતિ પ્રગૃહ્ય રસનામાસીત સત્યાં તૃષિ ... ૫ ..

ક્ષોદીયાનપિ દુષ્ટબુદ્ધિરપિ નિરસ્નેહોઽપ્યનીહોઽપિ તે
કીર્તિ દેવિ! લિહનહં ન ચ વિભેમ્યજ્ઞો ન જિહેમિ ચ .
દુષ્યેત્સા તુ ન તાવતા નહિ શુના લીઢાપિ ભાગીરથી
દુષ્યેચ્છ્વાપિ ન લજ્જતે ન ચ બિભેત્યાર્તિસ્તુ શામ્યેચ્છુનઃ.. ૬ ..

ઐશ્વર્યં મહદેવ વાલ્પમથવા દૃશ્યેત પુસાં હિ યત્
તલ્લક્ષ્મ્યાઃ સમુદીક્ષણાત્તવ યતઃ સાર્વત્રિકં વર્તતે.
તેનૈતેન ન વિસ્મયેમહિ જગન્નાથોઽપિ નારાયણો
ધન્યં મન્યત ઈક્ષણાત્તવ યતઃ સ્વાત્માનમાત્મેશ્વરઃ .. ૭ ..

ઐશ્વર્યં યદશેષપુંસિ યદિદં સૌન્દર્યલાવણ્યયોઃ
રૂપં યચ્ચ હિ મઙ્ગલં કિમપિ યલ્લોકે સદિત્યુચ્યતે .
તત્સર્વં ત્વદધીનમેવ યદતશ્શ્રીરિત્યભેદેન વા
યદ્વા શ્રીમદિતીદૃશેન વચસા દેવિ! પ્રથામશ્નુતે .. ૮ ..

દેવિ! ત્વન્મહિમાવધિર્ન હરિણા નાપિ ત્વયા જ્ઞાયતે
યદ્યપ્યેવ મથાપિ નૈવ યુવયોસ્સર્વજ્ઞતા હીયતે .
યન્નાસ્ત્યેવ તદજ્ઞતામનુગુણાં સર્વજ્ઞતાયા વિદુઃ
વ્યોમામ્ભોજમિદન્તયા કિલ વિદન્ભ્રાન્તોઽયમિત્યુચ્યતે.. ૯ ..

લોકે વનસ્પતિબૃહસ્પતિતારતમ્યં
યસ્યાઃ પ્રસાદપરિણામમુદાહરન્તિ .
સા ભારતી ભગવતી તુ યદીયદાસી
તાં દેવદેવમહિષીં શ્રિયમાશ્રયામઃ .. ૧૦ ..

યસ્યાઃ કટાક્ષમૃદુવીક્ષણદીક્ષણેન
સદ્યસ્સમુલ્લસિતપલ્લવમુલ્લલાસ.
વિશ્વં વિપર્યયસમુત્થવિપર્યયં પ્રાક્
તાં દેવદેવમહિષીં શ્રિયમાશ્રયામઃ .. ૧૧..

યસ્યાઃ કટાક્ષવીક્ષાક્ષણલક્ષ્યં લક્ષિતા મહેશાસ્સ્યુઃ .
શ્રીરઙ્ગરાજમહિષી સા મામપિ વીક્ષતાં લક્ષ્મીઃ ..૧૨ ..