.. ஶ்ரீஶிவதாண்ட₃வஸ்தோத்ரம் ..

அத₂ ராவணக்ருதஶிவதாண்ட₃வஸ்தோத்ரம்

ஜடாடவீக₃லஜ்ஜலப்ரவாஹபாவிதஸ்த₂லே
க₃லே(அ)வலம்ப்₃ய லம்பி₃தாம் பு₄ஜங்க₃துங்க₃மாலிகாம் .
ட₃மட்₃ட₃மட்₃ட₃மட்₃ட₃மந்நிநாத₃வட்₃ட₃மர்வயம்
சகார சண்ட₃தாண்ட₃வம் தநோது ந꞉ ஶிவ꞉ ஶிவம் .. 1..

ஜடாகடாஹஸம்ப்₄ரமப்₄ரமந்நிலிம்பநிர்ஜ₂ரீ-
விலோலவீசிவல்லரீவிராஜமாநமூர்த்₃த₄நி .
த₄க₃த்₃த₄க₃த்₃த₄க₃ஜ்ஜ்வலல்லலாடபட்டபாவகே
கிஶோரசந்த்₃ரஶேக₂ரே ரதி꞉ ப்ரதிக்ஷணம் மம .. 2..

த₄ராத₄ரேந்த்₃ரநந்தி₃நீவிலாஸப₃ந்து₄ப₃ந்து₄ர-
ஸ்பு₂ரத்₃தி₃க₃ந்தஸந்ததிப்ரமோத₃மாநமாநஸே .
க்ருபாகடாக்ஷதோ₄ரணீநிருத்₃த₄து₃ர்த₄ராபதி₃
க்வசித்₃தி₃க₃ம்ப₃ரே(க்வசிச்சித₃ம்ப₃ரே) மநோ விநோத₃மேது வஸ்துநி .. 3..

ஜடாபு₄ஜங்க₃பிங்க₃லஸ்பு₂ரத்ப₂ணாமணிப்ரபா₄-
கத₃ம்ப₃குங்குமத்₃ரவப்ரலிப்ததி₃க்₃வதூ₄முகே₂ .
மதா₃ந்த₄ஸிந்து₄ரஸ்பு₂ரத்த்வகு₃த்தரீயமேது₃ரே (ஸிந்து₄ராஸுரத்வ)
மநோ விநோத₃மத்₃பு₄தம் பி₃ப₄ர்து பூ₄தப₄ர்தரி .. 4..

ஸஹஸ்ரலோசநப்ரப்₄ருத்யஶேஷலேக₂ஶேக₂ர-
ப்ரஸூநதூ₄லிதோ₄ரணீவிதூ₄ஸராங்க்₄ரிபீட₂பூ₄꞉ .
பு₄ஜங்க₃ராஜமாலயா நிப₃த்₃த₄ஜாடஜூடக꞉
ஶ்ரியை சிராய ஜாயதாம் சகோரப₃ந்து₄ஶேக₂ர꞉ .. 5.. (ஶ்ரியே)
லலாடசத்வரஜ்வலத்₃த₄நஞ்ஜயஸ்பு₂லிங்க₃பா₄-
நிபீதபஞ்சஸாயகம் நமந்நிலிம்பநாயகம் . (ஸ்பு₂லிங்க₃யா நிபீத)
ஸுதா₄மயூக₂லேக₂யா விராஜமாநஶேக₂ரம்
மஹாகபாலி ஸம்பதே₃ ஶிரோ ஜடாலமஸ்து ந꞉ .. 6..

(மஹ꞉ கபாலி ஸம்பதே₃ ஸரிஜ்ஜடாலமஸ்து ந꞉ ..)
கராலபா₄லபட்டிகாத₄க₃த்₃த₄க₃த்₃த₄க₃ஜ்ஜ்வல-
த்₃த₄நஞ்ஜயாஹுதீக்ருதப்ரசண்ட₃பஞ்சஸாயகே .
த₄ராத₄ரேந்த்₃ரநந்தி₃நீகுசாக்₃ரசித்ரபத்ரக-
ப்ரகல்பநைகஶில்பிநி த்ரிலோசநே ரதிர்மம .. 7..

நவீநமேக₄மண்ட₃லீநிருத்₃த₄து₃ர்த₄ரஸ்பு₂ரத்-
குஹூநிஶீதி₂நீதம꞉ப்ரப₃ந்த₄ப₃த்₃த₄கந்த₄ர꞉ . (ப்ரப₃த்₃த₄ப₃த்₃த₄)
நிலிம்பநிர்ஜ₂ரீத₄ரஸ்தநோது க்ருத்திஸிந்து₄ர꞉
கலாநிதா₄நப₃ந்து₄ர꞉ ஶ்ரியம் ஜக₃த்₃து₄ரந்த₄ர꞉ .. 8..

ப்ரபு₂ல்லநீலபங்கஜப்ரபஞ்சகாலிமப்ரபா₄-
(அ)வலம்பி₃கண்ட₂கந்த₃லீருசிப்ரப₃த்₃த₄கந்த₄ரம் .
ஸ்மரச்சி₂த₃ம் புரச்சி₂த₃ம் ப₄வச்சி₂த₃ம் மக₂ச்சி₂த₃ம்
க₃ஜச்சி₂தா₃ந்த₄கச்சி₂த₃ம் தமந்தகச்சி₂த₃ம் ப₄ஜே .. 9..

அக₂ர்வ(அக₃ர்வ)ஸர்வமங்க₃லாகலாகத₃ம்ப₃மஞ்ஜரீ-
ரஸப்ரவாஹமாது₄ரீவிஜ்ரும்ப₄ணாமது₄வ்ரதம் .
ஸ்மராந்தகம் புராந்தகம் ப₄வாந்தகம் மகா₂ந்தகம்
க₃ஜாந்தகாந்த₄காந்தகம் தமந்தகாந்தகம் ப₄ஜே .. 10..

ஜயத்வத₃ப்₄ரவிப்₄ரமப்₄ரமத்₃பு₄ஜங்க₃மஶ்வஸ- (ஜயத்யத₃)
த்₃விநிர்க₃மத்க்ரமஸ்பு₂ரத்கராலபா₄லஹவ்யவாட் .
தி₄மித்₃தி₄மித்₃தி₄மித்₃த்₄வநந்ம்ருத₃ங்க₃துங்க₃மங்க₃ல- (தி₄மிம் தி₄மிம் தி₄மிம் த்₄வநந்)
த்₄வநிக்ரமப்ரவர்திதப்ரசண்ட₃தாண்ட₃வ꞉ ஶிவ꞉ .. 11..

த்₃ருஷத்₃விசித்ரதல்பயோர்பு₄ஜங்க₃மௌக்திகஸ்ரஜோர்-
க₃ரிஷ்ட₂ரத்நலோஷ்ட₂யோ꞉ ஸுஹ்ருத்₃விபக்ஷபக்ஷயோ꞉ .
த்ருணாரவிந்த₃சக்ஷுஷோ꞉ ப்ரஜாமஹீமஹேந்த்₃ரயோ꞉
ஸமப்ரவ்ருத்திக꞉ கதா₃ ஸதா₃ஶிவம் ப₄ஜாம்யஹம் .. 12..

(ஸமம் ப்ரவர்தயந்மந꞉ கதா₃ ஸதா₃ஶிவம் ப₄ஜே ..)
கதா₃ நிலிம்பநிர்ஜ₂ரீநிகுஞ்ஜகோடரே வஸந்
விமுக்தது₃ர்மதி꞉ ஸதா₃ ஶிர꞉ஸ்த₂மஞ்ஜலிம் வஹந் .
விலோலலோலலோசநோ லலாமபா₄லலக்₃நக꞉
(விமுக்தலோலலோசநாலலாமபா₄லலக்₃நகம்)
ஶிவேதி மந்த்ரமுச்சரந் கதா₃ ஸுகீ₂ ப₄வாம்யஹம் .. 13..

நிலிம்பநாத₂நாக₃ரீகத₃ம்ப₃மௌலமல்லிகா-
நிகு₃ம்ப₂நிர்ப₄ரக்ஷரந்மதூ₄ஷ்ணிகாமநோஹர꞉ .
தநோது நோ மநோமுத₃ம் விநோதி₃நீமஹர்நிஶம்
பரஶ்ரிய꞉ பரம் பத₃ம் தத₃ங்க₃ஜத்விஷாம் சய꞉ .. 14..

ப்ரசண்ட₃வாட₃வாநலப்ரபா₄ஶுப₄ப்ரசாரணீ
மஹாஷ்டஸித்₃தி₄காமிநீஜநா(அ)வஹூதஜல்பநா .
விமுக்தவாமலோசநாவிவாஹகாலிகத்₄வநி꞉
ஶிவேதி மந்த்ரபூ₄ஷணா ஜக₃ஜ்ஜயாய ஜாயதாம் .. 15..

இமம் ஹி நித்யமேவமுக்தமுத்தமோத்தமம் ஸ்தவம்
பட₂ந்ஸ்மரந்ப்₃ருவந்நரோ விஶுத்₃தி₄மேதிஸந்ததம் .
ஹரே கு₃ரௌ ஸுப₄க்திமாஶு யாதி நா(அ)ந்யதா₂ க₃திம்
விமோஹநம் ஹி தே₃ஹிநாம் ஸுஶங்கரஸ்ய சிந்தநம் .. 16..

பூஜாவஸாநஸமயே த₃ஶவக்த்ரகீ₃தம்
ய꞉ ஶம்பு₄பூஜநபரம் பட₂தி ப்ரதோ₃ஷே .
தஸ்ய ஸ்தி₂ராம் ரத₂க₃ஜேந்த்₃ரதுரங்க₃யுக்தாம்
லக்ஷ்மீம் ஸதை₃வ ஸுமுகீ₂ம் ப்ரத₃தா₃தி ஶம்பு₄꞉ .. 17..

(லக்ஷ்மீம் ப்ரஸாத₃ஸமயே ப்ரத₃தா₃தி ஶம்பு₄꞉)