ಶ್ರೀಗಣೇಶಸ್ತೋತ್ರಮ್

ಶ್ರೀಗಣೇಶಸ್ತೋತ್ರಮ್
ಓಂ ನಮೋ ವಿಘ್ನಹರ್ತ್ರೇ .
ಓಂ ಅಪ್ರಮೇಯಗುಣಂ ನಿತ್ಯಂ ಗಣೇಶಮಮರೋತ್ತಮಮ್ .
ವೇದಾನ್ತವೇದ್ಯಂ ಸರ್ವಜ್ಞಂ ಪೂಜಿತಮಮರೇಶ್ವರೈಃ .. ೧..

ಓಙ್ಕಾರಂ ಪರಮಂಬ್ರಹ್ಮ ಅಕ್ಷರಂ ಶಿವಮವ್ಯಯಮ್ .
ಪಾರ್ವತೀಪ್ರಿಯಪುತ್ರಂ ತಂ ಪ್ರಣಮಾಮಿ ಗಣೇಶ್ವರಮ್ .. ೨..

ಬ್ರಹ್ಮದ್ವಯಾನವಚ್ಛೇದ್ಯಂ ಶಿವಾದ್ವಯವಿಬೋಧಿತಮ್ .
ಸ್ವಪ್ರಕಾಶಂ ಪರಾತ್ಮಾನಂ ತಂ ಪ್ರಪದ್ಯೇ ವಿನಾಯಕಮ್ .. ೩..

ವೈರಿವಿಘ್ನಪ್ರದಂ ನಿತ್ಯಂ ಭಕ್ತಾನಾಂ ಸಿದ್ಧಿದಾಯಕಮ್ .
ಶಿವಸೂನುಂ ಪರಾನನ್ದಂ ನಮಸ್ಯಾಮಿ ವಿನಾಯಕಮ್ .. ೪..

ಮೋದಕಾಹಾರಪರಮಮಕ್ಷಮಾಲಾಕರಂ ಪರಮ್ .
ತ್ರಿನೇತ್ರಂ ಗಜವಕ್ತ್ರಂ ಚ ತಂ ಪ್ರಪದ್ಯೇ ಗಣೇಶ್ವರಮ್ .. ೫..

ಸ್ವದನ್ತಂ ಪರುಶುಂ ಚೈವ ಧಾರಯನ್ತಂ ಭುಜದ್ವಯೇ .
ರಕ್ತವಸ್ತ್ರಾಮ್ಬರಧರಂ ರಕ್ತಮಾಲಾಧರಂ ವಿಭುಮ್ .. ೬..

ವಿಘ್ನರಾಶೀನ್ವಿಕಿರನ್ತಂ ಕರಕ್ಷೇಪೈರ್ಮುಹುರ್ಮುಹುಃ .
ಅನನ್ತಂ ಪರಮಂ ತತ್ತ್ವಂ ಸಾರಾತ್ಸಾರತರಂ ಪರಮ್ .. ೭..

ಅಪ್ರಮೇಯಗುಣಾಯಾಪಿ ತ್ರ್ಯಕ್ಷಾಯ ವರವರ್ಣಿನೇ .
ವಿನಾಯಕಾಯ ದೇವಾಯ ಭೂಯೋ ಭೂಯೋ ನಮೋ ನಮಃ .. ೮..

ಶ್ರೀಗಣೇಶಂ ನುಮೋ ಯಸ್ಯ ಪ್ರಸಾದಾತ್ಪ್ರಾಪ್ತಬುದ್ಧಯಃ .
ಪ್ರೌಢಬುದ್ಧಿಷು ಹೃಷ್ಯನ್ತಿ ಮಾದೃಶಾ ಅಪಿ ವಾಲಿಶಾಃ .. ೯..

ಶ್ರೀಗಣೇಶ್ವರಂ ಭಕ್ತಕಾಮದಂ ಶ್ರೀಕೃಪಾನಿಧಿಂ ಸರ್ವಸಿದ್ಧಿದಮ್ .
ಬ್ರಹ್ಮವಿಷ್ಣುದೇವೇನ್ದ್ರಗೋನುತಂ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೦..

ವಾರಣಾನನಂ ವಾರಣಾಧಿಪದಾರುಣಂ ಬಲಾತ್ಸಿದ್ಧಿಕಾರಣಮ್ .
ತಾರಣಂ ಭವಾದ್ವಿಘ್ನವಾರಣಂ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೧..

ಶಙ್ಕರಾಙ್ಕತೋಽವಾತರನ್ಮುದಾ ಶೈಲಜಾಗ್ರತೋ ಹರ್ಷಯನ್ನುಭೌ .
ಷಣ್ಮುಖೇನ ಯೋ ನೃತ್ಯತೇ ಗಿರೌ ಭಕ್ತವತ್ಸಲಂ ತಂ ನಮಾಮ್ಯಹಮ್ .. ೧೨..

ಶೈಲಜಾಸುತಂ ವಿಶ್ವಮೋಹನಂ ಭಕ್ತವತ್ಸಲಂ ಕಲ್ಮಷಾಪಹಮ್ .
ಸಿದ್ಧಿದಾಯಕಂ ವಿಘ್ನನಾಶಕಂ ನೌಮ್ಯಹಂ ಸುರೈರ್ವನ್ದ್ಯಪಾದುಕಮ್ .. ೧೩..

ಶ್ರೀತಪಸ್ವಿನೋಽಚಿನ್ತ್ಯಪೌರುಷಂ ಯಂ ವಿಚಿನ್ತ್ಯ ಪ್ರಾಕ್ಸರ್ವಸಿದ್ಧಿದಮ್ .
ಸಿದ್ಧವಾಞ್ಛಿತಾಸ್ತೇ ಭವನ್ತಿ ತಂ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೪..

ಯತ್ಪದಾಬ್ಜಪೀಠಾಸನಙ್ಗಣೈರ್ಮೌಲಿಕೋಟಿಭಿರ್ವನ್ದಿತಂ ಮುಹುಃ .
ಪ್ರಾಪ್ತಸಿದ್ಧಯಸ್ತೇ ಭವನ್ತಿ ತಂ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೫..

ದೈವತೈರ್ದಿತೇರಾತ್ಮಜೈರ್ನರೈರ್ನಾಗಚಾರಣೈರ್ಭೂತಕಿನ್ನರೈಃ .
ಗುಹ್ಯಕಾದಿಭಿರ್ವನ್ದಿತಂ ಸದಾ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೬..

ಚಿನ್ತಿತಂ ನರೈಃ ಸಿದ್ಧನಾಯಕೈರ್ಮುಕ್ತಯೇಬ್ಜಜೇನಾಪಿ ಸೃಷ್ಟಯೇ .
ತ್ರೈಪುರಂ ಚ ಹನ್ತುಂ ಶಿವೇನ ವೈ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೭..

ಪಾಹಿ ಪಾಹಿ ಮಾಂ ವಿಘ್ನನಾಯಕ ರಕ್ಷ ರಕ್ಷ ಮಾಂ ವಿಘ್ನನಾಶಕ .
ದೇವ ದೇವ ತ್ವಾಂ ವಿಶ್ವಪೂಜಿತ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೮..

ಪಾಹಿ ಮಾಂ ವಿಭೋ ದೀನಪಾಲಕ ರಕ್ಷ ಮಾಂ ಪ್ರಭೋ ದೀನವತ್ಸಲ .
ದೇಹಿ ಸಮ್ಪದಂ ಹ್ಯಾಪದಂ ಹರ ಭಕ್ತವತ್ಸಲಂ ನೌಮ್ಯುಮಾಸುತಮ್ .. ೧೯..

ಯೋಽಭ್ಯರ್ಚಿತಃ ಸುರಗಣೈರ್ವರಸಿದ್ಧಿಹೇತೋ-
ಶ್ಛೇತ್ತುಂ ಭಯಾನಿ ಚ ಕರೇ ಪರುಶುಂ ದಧಾನಃ .
ದೇವಃ ಸ ಶಮ್ಭುದಯಿತಾಪರಿವರ್ದ್ಧಿತಶ್ರೀ-
ವಿಘ್ನಾನ್ನಿವಾರಯತು ವಾರಣರಾಜವಕ್ತ್ರಃ .. ೨೦..

ನಮತಾಶೇಷವಿಘ್ನೌಘವಾರಣಂ ವಾರಣಾನನಮ್ .
ಕಾರಣಂ ಸರ್ವಸಿದ್ಧೀನಾಂ ದುರಿತಾರ್ಣವತಾರಣಮ್ .. ೨೧..

ಇತಿ ಗಣೇಶಸ್ತೋತ್ರಂ ಸಮ್ಪೂರ್ಣಮ್ ..