શ્રીગણેશનામાષ્ટકસ્તોત્રમ્

શ્રીગણેશનામાષ્ટકસ્તોત્રમ્

શ્રીકૃષ્ણ ઉવાચ
શ્રુણુ દેવિ મહાભાગે વેદોક્તં વચનં મમ .
યચ્છ્રુત્વા હર્ષિતા નૂનં ભવિષ્યસિ ન સંશયઃ .
વિનાયકસ્તે તનયો મહાત્મા મહતાં મહાન્ ..

યં કામઃ ક્રોધ ઉદ્વેગો ભયં નાવિશતે કદા .
વેદસ્મૃતિપુરાણેષુ સંહિતાસુ ચ ભામિનિ ..

નામાન્યસ્યોપદિષ્ટાનિ સુપુણ્યાનિ મહાત્મભિઃ .
યાનિ તાનિ પ્રવક્ષ્યામિ નિખિલાઘહરાણિ ચ ..

પ્રમથાનાં ગણા યૈ ચ નાનારૂપા મહાબલાઃ .
તેષામીશસ્ત્વયં યસ્માદ્ગણેશસ્તેન કીર્ત્તિતઃ .. ૧..

ભૂતાનિ ચ ભવિષ્યાણિ વર્તમાનાનિ યાનિ ચ .
બ્રહ્માણ્ડાન્યખિલાન્યેવ યસ્મિંલ્લમ્બોદરઃ સ તુ .. ૨..

યઃ શિરો દેવયોગેન છિન્નં સંયોજિતં પુનઃ .
ગજસ્ય શિરસા દેવિ તેન પ્રોક્તો ગજાનનઃ .. ૩..

ચતુર્થ્યામુદિતશ્ચન્દ્રો દર્ભિણા શપ્ત આતુરઃ .
અનેન વિધૃતો ભાલે ભાલચન્દ્રસ્તતઃ સ્મૃતઃ .. ૪..

શપ્તઃ પુરા સપ્તભિસ્તુ મુનિભિઃ સઙ્ક્ષયં ગતઃ .
જાતવેદા દીપિતોઽભૂદ્યેનાસૌ શૂર્પકર્ણકઃ .. ૫..

પુરા દેવાસુરે યુદ્ધે પૂજિતો દિવિષદ્ગણૈઃ .
વિઘ્નં નિવારયામાસ વિઘ્નનાશસ્તતઃ સ્મૃતઃ .. ૬..

અદ્યાયં દેવિ રામેણ કુઠારેણ નિપાત્ય ચ .
દશનં દૈવતો ભદ્રે હ્યેકદન્તઃ કૃતોઽમુના .. ૭..

ભવિષ્યત્યથ પર્યાયે બ્રહ્મણો હરવલ્લભઃ .
વક્રીભવિષ્યત્તુણ્ડત્વાદ્વક્રતુણ્ડઃ સ્મૃતો બુધૈઃ .. ૮..

એવં તવાસ્ય પુત્રસ્ય સન્તિ નામાનિ પાર્વતી .
સ્મરણાત્પાપહારીણિ ત્રિકાલાનુગતાન્યપિ .. ૯..

અસ્માત્ત્રયોદશીકલ્પાત્પૂર્વસ્મિન્દશમીભવે .
મયાસ્મૈ તુ વરો દત્તઃ સર્ગદેવાગ્રપૂજને .. ૧૦..

જાતકર્માદિસંસ્કારે ગર્ભાધાનાદિકેઽપિ ચ .
યાત્રાયાં ચ વણિજ્યાદૌ યુદ્ધે દેવાર્ચને શુભે .. ૧૧..

સઙ્કષ્ટે કામ્યસિદ્ધ્યર્થં પૂજયેદ્યો ગજાનનમ્ .
તસ્ય સર્વાણિ કાર્યાણિ સિદ્ધ્યન્ત્યેવ ન સંશયઃ .. ૧૨..