શ્રીદુર્ગાષ્ટકમ્

શ્રીદુર્ગાષ્ટકમ્

હે માતર્જગદાધારે પ્રણિનાં પ્રાણરૂપિણિ .
ચૈતન્યરૂપકે નિત્યે દુર્ગે દેવિ નમોસ્તુતે .. ૧..

શારદે ચ પરે સત્યે પૂર્ણરૂપે સનાતનિ .
બ્રહ્માણ્ડરક્ષિકે હંસે દુર્ગે દેવિ નમોસ્તુતે .. ૨..

ચતુર્વક્ત્રે મહામાયે રૌદ્રરૂપે મહેશ્વરિ .
મહાકાલીસ્વરુપે ચ દુર્ગે દેવિ નમોસ્તુતે .. ૩..

પ્રણવાક્ષરયોર્મધ્યે બિન્દુરૂપે પરેશ્વરિ .
કૈવલ્યધામરૂપાખ્યે દુર્ગે દેવિ નમોસ્તુતે .. ૪..

સરસ્વતી ચ ગાયત્રી સાવિત્રીરૂપધારિણી .
ત્વમેવ હે મહાગૌરિ દુર્ગે દેવિ નમોસ્તુતે .. ૫..

મહાકાલી ચ લક્ષ્મીશ્ચ ત્વમેવ પરમેશ્વરિ .
ત્વમેવ સિદ્ધિદાત્રી ચ દુર્ગે દેવિ નમોસ્તુતે .. ૬..

મહાગૌરી ચ ભદ્રા ચ શાન્તા રૌદ્રા તથૈવ ચ .
અઘોરા ઘોરરૂપા ચ દુર્ગે દેવિ નમોસ્તુતે .. ૭..

સત્યજ્ઞાનમનન્તાખ્યે પરબ્રહ્મ સ્વરૂપિણી .
કૈવલ્યજ્ઞાનમૂર્તિ ત્વાં દુર્ગે દેવિ નમોસ્તુતે .. ૮..

શરણેઽસ્મિ સદા માતસ્તવાહં મુક્તિદાયિની .
બ્રહ્મદર્શનમિચ્છામિ હે માત જગદમ્બિકે .. ૯..

ઇતિ ગાયત્રીસ્વરૂપ બ્રહ્મચારીવિરચિતં શ્રીદુર્ગાષ્ટકમ્