કાત્યાયનીસ્તુતિઃ

નમસ્કાર ધ્યાન .
ચન્દ્રહાસોજ્વલકરા શાર્દૂલવરવાહના .
કાત્યાયની શુભં દદ્યાદ્ દેવિ દાનવ ઘાતિની ..

કાત્યાયની ગાયત્રી
ૐ કાત્યાયનાય વિદ્મહે કન્યકુમારી ધીમહિ તન્નો દુર્ગેઃ પ્રચોદયાત્ .
કાત્યાયની ધ્યાનમ્ .
ચન્દ્રહાસોજ્જ્વલકરા શાર્દૂલવરવાહના .
કાત્યાયની શુભં દદ્યાદ્ દેવી દાનવઘાતિની ..

દેવિ પ્રપન્નાર્તિહરે પ્રસીદ, પ્રસીદ. માતર્જગતોઽખિલસ્ય .
પ્રસીદ વિશ્વેશ્વરિ પાહિ વિશ્વં ત્વમીશ્વરી દેવિ ચરાચરસ્ય ..

.. કાત્યાયનીસ્તુતિઃ ઋષિકૃતા ..

મહાકાલ સંહિતાયામ્
જગદમ્બ જયાનન્તે સર્વેકસાક્ષિણિ .
સઙ્કટોદ્ધારિણિ શિવે ભક્તાનામભયઙ્કરે ..

સમસ્ત જગતાધારભૂતે બ્રહ્મસ્વરૂપિણિ .
વિધીશ હરિ શક્રાદિ દેવા વિદિત વૈભવે ..

સૃષ્ટિ સ્થિતિ પ્રલયકૃત્ ત્રિગુણાત્મક વિગ્રહે .
પરાપરેશિ પ્રણતમનુજ-પ્રાણદાયિનિ ..

મદુપાસ્યતયા ખ્યાતનામ્નિ ત્રિભુવનેશ્વરિ .
કાત્યાયનિ જગદ્વન્દ્યે મહાકાલિ નમોસ્તુતે ..

મત્પ્રાણરક્ષણકૃતે ભીનાશય દિવૌકસામ્ .
સ્વરૂપં દર્શયામુષ્મૈ વિલ્વવૃક્ષાદ્ વિનિઃસૃતા ..

દશભુજા કાત્યાયની ધ્યાનમ્ .
જટાજૂટસમાયુક્તામર્ધેન્દુકૃત લક્ષણામ્ .
નેત્રત્રયસમાયુક્તાં પદ્મેન્દુસદૃશાનનામ્ ..

અતસીપુષ્પવર્ણાભાં સુપ્રતિષ્ઠાં સુલોચનામ્ .
નવયૌવન સમ્પન્નાં સર્વાભરણભૂષિતામ્ ..

સુચારુદશનાં તદ્વત્પીનોન્નતપયોધરામ્ .
ત્રિભઙ્ગસ્થાન સંસ્થાનાં મહિષાસુરમર્દિનીમ્ ..

ત્રિશૂલં દક્ષિણે દદ્યાત્ ખડ્ગં ચક્રં ક્રમાદધઃ .
તીક્ષ્ણં બાણં તથા શક્તિં વામતોઽપિ નિબોધત ..

ખેટકં પૂર્ણચાપં ચ પાશમઙ્કુશ મૂર્ધ્વતઃ .
ઘણ્ટાં વા પરશું ચાપિ વામતઃ સન્નિવેશયેત્ ..

અધસ્તાન્મહિષં તદ્વધિ શિરસ્કં પ્રદર્શયેત્ .
શિરશ્ચેદોદ્ભવં તદ્વદ્દાનવં ખડ્ગપાણિનમ્ ..

.. ષોડશભુજા દુર્ગા ધ્યાનમ્ ..

ક્ષીરોદસ્યોત્તરે તીરે વિભ્રતી વિપુલાં તનુમ્ .
અતસીપુષ્પવર્ણાભા જ્વલત્કાઞ્ચનકુણ્ડલામ્ ..

જટાજૂટમખણ્ડેન્દુમુકુટત્રય ભૂષિતા .
નાગહારેણ સહિતા સ્વર્ણહાર વિભૂષિતા ..

શૂલં ખડ્ગં ચ શઙ્ખ ચ ચક્રં બાણં તથૈવ ચ .
શક્તિં વજ્રં ચ દણ્ડં ચ નિત્યં દક્ષિણબાહુભિઃ ..

વિભ્રતી સતતં દેવી વિકાશિનયનોજ્જ્વલા .
ખેટકં ચર્મ ચાપં ચ પાશઞ્ચાઙ્કુશમેવ ચ ..

ઘણ્ટાં પરશું મુશલં વિભ્રતો વામપાણિભિઃ .
સિંહસ્થા નયનૈ રક્તવર્ણૈસ્ત્રિભિરભિજ્જ્વલા ..

શૂલેન મહિષં ભિત્ત્વા તિષ્ઠતી પરમેશ્વરી .
વામપાદેન ચાક્રમ્ય તત્ર દેવી જગન્મયી ..

અષ્ટાદશભુજા દુર્ગા ધ્યાનમ્ .

અક્ષસ્રક્પરશું ગદેષુકુલિશં પદ્મં ધનુઃકુણ્ડિકાં
દણ્ડં શક્તિમસિં ચ ચર્મ જલજં ઘણ્ટાં સુરાભાજનમ્ ... ૧..

શૂલં પાશ સુદર્શને ચ દધતીં હસ્તૈઃ પ્રસન્નાનનાં
સેવે સૈરિભમર્દિનીમિહ મહાલક્ષ્મી સરોજસ્થિતામ્ .. ૨..

અન્યચ્ચ .
તતો ધ્યાયેન્મહાલક્ષ્મી મહિષાસુરમર્દિનીમ્ .
સમસ્તદેવતા તેજોજાતાં પદ્માસન સ્થિતામ્ ..

અષ્ટાદશભુજામક્ષમાલાં પદ્મં ચ શાયકાન્ .
ખડ્ગં વજ્રં ગદાં ચક્રં દક્ષહસ્તે કમણ્ડલુમ્ ..

ખડ્ગં ચ દધતીં વામે શક્તિં ચ પરશું ધનુઃ .
ચર્મદણ્ડૌ સુરાપાત્રં ઘણ્ટાં પાશં ત્રિશૂલકમ્ ..

અષ્ટાદશભુજા ધ્યાનમ્ .
ધમ્મિલ્લસંયતકચા વિધોશ્ચાધોમુખીં કલામ્ .
કેશાન્તે તિલકસ્યોદ્ધે દધતી સુમનોહરા ..

મણિકુણ્ડલ સન્ધૃષ્ટગણ્ડા મુકુટમણ્ડિતા .
સજ્જ્યોતિઃ કર્ણપૂરાભ્યાં કર્ણાવાપૂર્ય સઙ્ગતા ..

સસુવર્ણમણિમાણિક્ય નાગહાર વિરાજિતા .
સદાસુધિભિઃ પદ્મૈરમ્લાનૈરતિ સુન્દરી ..

માલાં વિભર્તિ ગ્રીવાયાં રત્નકેયૂરધારિણી .
મૃણાલાયત વૃત્તૈસ્તુ બાહુભિઃ કોમલૈ શુભૈઃ ..

રાજન્તી કઞ્જુકોપેતા પીનોન્નત પયોધરા .
ક્ષીણમધ્યા પીતવસ્ત્રા ત્રિવલોમધ્યભૂષિતા ..

અષ્ટાદશભુજૈકા તુ દક્ષે મુણ્ડં ચ ખેટકમ્ .
આદર્શં તર્જનીં ચાપ ધ્વજં ડમરુકં ચર્મં ચ ..

પાશં વામે વિભ્રતી ચ શક્તિ મુદ્ગર શૂલકમ્ .
વજ્ર ખડ્ગાઙ્કુશ શરાંશ્ચક્રં દેવી શલાકયા ..

સિંહોસ્યોપરિ તિષ્ઠન્તી વ્યાઘ્રચર્મણિ કૌશિકી .
વિભ્રતી રૂપમમતુલં સસુરાસુર મોહનમ્ ..

અક્ષમાલા ચ કમલં વાણોઽસિ કુલિશં ગદા .
ચક્રં ત્રિશૂલં પરશુઃ શઙ્ખો ઘણ્ટા ચ પાશકઃ ..

શક્તિર્દણ્ડશ્ચર્મ ચાપં પાનપાત્રં કમણ્ડલુઃ .
અલઙ્કૃતભુજામેભિરાયુધૈઃ કમલાસનમ્ ..

ઇતિ કાત્યાયનીઋષિકૃતા કાત્યાયનીસ્તુતિઃ