కాత్యాయనీస్తుతిః

నమస్కార ధ్యాన .
చన్ద్రహాసోజ్వలకరా శార్దూలవరవాహనా .
కాత్యాయనీ శుభం దద్యాద్ దేవి దానవ ఘాతినీ ..

కాత్యాయనీ గాయత్రీ
ఓం కాత్యాయనాయ విద్మహే కన్యకుమారీ ధీమహి తన్నో దుర్గేః ప్రచోదయాత్ .
కాత్యాయనీ ధ్యానమ్ .
చన్ద్రహాసోజ్జ్వలకరా శార్దూలవరవాహనా .
కాత్యాయనీ శుభం దద్యాద్ దేవీ దానవఘాతినీ ..

దేవి ప్రపన్నార్తిహరే ప్రసీద, ప్రసీద. మాతర్జగతోఽఖిలస్య .
ప్రసీద విశ్వేశ్వరి పాహి విశ్వం త్వమీశ్వరీ దేవి చరాచరస్య ..

.. కాత్యాయనీస్తుతిః ఋషికృతా ..

మహాకాల సంహితాయామ్
జగదమ్బ జయానన్తే సర్వేకసాక్షిణి .
సఙ్కటోద్ధారిణి శివే భక్తానామభయఙ్కరే ..

సమస్త జగతాధారభూతే బ్రహ్మస్వరూపిణి .
విధీశ హరి శక్రాది దేవా విదిత వైభవే ..

సృష్టి స్థితి ప్రలయకృత్ త్రిగుణాత్మక విగ్రహే .
పరాపరేశి ప్రణతమనుజ-ప్రాణదాయిని ..

మదుపాస్యతయా ఖ్యాతనామ్ని త్రిభువనేశ్వరి .
కాత్యాయని జగద్వన్ద్యే మహాకాలి నమోస్తుతే ..

మత్ప్రాణరక్షణకృతే భీనాశయ దివౌకసామ్ .
స్వరూపం దర్శయాముష్మై విల్వవృక్షాద్ వినిఃసృతా ..

దశభుజా కాత్యాయనీ ధ్యానమ్ .
జటాజూటసమాయుక్తామర్ధేన్దుకృత లక్షణామ్ .
నేత్రత్రయసమాయుక్తాం పద్మేన్దుసదృశాననామ్ ..

అతసీపుష్పవర్ణాభాం సుప్రతిష్ఠాం సులోచనామ్ .
నవయౌవన సమ్పన్నాం సర్వాభరణభూషితామ్ ..

సుచారుదశనాం తద్వత్పీనోన్నతపయోధరామ్ .
త్రిభఙ్గస్థాన సంస్థానాం మహిషాసురమర్దినీమ్ ..

త్రిశూలం దక్షిణే దద్యాత్ ఖడ్గం చక్రం క్రమాదధః .
తీక్ష్ణం బాణం తథా శక్తిం వామతోఽపి నిబోధత ..

ఖేటకం పూర్ణచాపం చ పాశమఙ్కుశ మూర్ధ్వతః .
ఘణ్టాం వా పరశుం చాపి వామతః సన్నివేశయేత్ ..

అధస్తాన్మహిషం తద్వధి శిరస్కం ప్రదర్శయేత్ .
శిరశ్చేదోద్భవం తద్వద్దానవం ఖడ్గపాణినమ్ ..

.. షోడశభుజా దుర్గా ధ్యానమ్ ..

క్షీరోదస్యోత్తరే తీరే విభ్రతీ విపులాం తనుమ్ .
అతసీపుష్పవర్ణాభా జ్వలత్కాఞ్చనకుణ్డలామ్ ..

జటాజూటమఖణ్డేన్దుముకుటత్రయ భూషితా .
నాగహారేణ సహితా స్వర్ణహార విభూషితా ..

శూలం ఖడ్గం చ శఙ్ఖ చ చక్రం బాణం తథైవ చ .
శక్తిం వజ్రం చ దణ్డం చ నిత్యం దక్షిణబాహుభిః ..

విభ్రతీ సతతం దేవీ వికాశినయనోజ్జ్వలా .
ఖేటకం చర్మ చాపం చ పాశఞ్చాఙ్కుశమేవ చ ..

ఘణ్టాం పరశుం ముశలం విభ్రతో వామపాణిభిః .
సింహస్థా నయనై రక్తవర్ణైస్త్రిభిరభిజ్జ్వలా ..

శూలేన మహిషం భిత్త్వా తిష్ఠతీ పరమేశ్వరీ .
వామపాదేన చాక్రమ్య తత్ర దేవీ జగన్మయీ ..

అష్టాదశభుజా దుర్గా ధ్యానమ్ .

అక్షస్రక్పరశుం గదేషుకులిశం పద్మం ధనుఃకుణ్డికాం
దణ్డం శక్తిమసిం చ చర్మ జలజం ఘణ్టాం సురాభాజనమ్ ... 1..

శూలం పాశ సుదర్శనే చ దధతీం హస్తైః ప్రసన్నాననాం
సేవే సైరిభమర్దినీమిహ మహాలక్ష్మీ సరోజస్థితామ్ .. 2..

అన్యచ్చ .
తతో ధ్యాయేన్మహాలక్ష్మీ మహిషాసురమర్దినీమ్ .
సమస్తదేవతా తేజోజాతాం పద్మాసన స్థితామ్ ..

అష్టాదశభుజామక్షమాలాం పద్మం చ శాయకాన్ .
ఖడ్గం వజ్రం గదాం చక్రం దక్షహస్తే కమణ్డలుమ్ ..

ఖడ్గం చ దధతీం వామే శక్తిం చ పరశుం ధనుః .
చర్మదణ్డౌ సురాపాత్రం ఘణ్టాం పాశం త్రిశూలకమ్ ..

అష్టాదశభుజా ధ్యానమ్ .
ధమ్మిల్లసంయతకచా విధోశ్చాధోముఖీం కలామ్ .
కేశాన్తే తిలకస్యోద్ధే దధతీ సుమనోహరా ..

మణికుణ్డల సన్ధృష్టగణ్డా ముకుటమణ్డితా .
సజ్జ్యోతిః కర్ణపూరాభ్యాం కర్ణావాపూర్య సఙ్గతా ..

ససువర్ణమణిమాణిక్య నాగహార విరాజితా .
సదాసుధిభిః పద్మైరమ్లానైరతి సున్దరీ ..

మాలాం విభర్తి గ్రీవాయాం రత్నకేయూరధారిణీ .
మృణాలాయత వృత్తైస్తు బాహుభిః కోమలై శుభైః ..

రాజన్తీ కఞ్జుకోపేతా పీనోన్నత పయోధరా .
క్షీణమధ్యా పీతవస్త్రా త్రివలోమధ్యభూషితా ..

అష్టాదశభుజైకా తు దక్షే ముణ్డం చ ఖేటకమ్ .
ఆదర్శం తర్జనీం చాప ధ్వజం డమరుకం చర్మం చ ..

పాశం వామే విభ్రతీ చ శక్తి ముద్గర శూలకమ్ .
వజ్ర ఖడ్గాఙ్కుశ శరాంశ్చక్రం దేవీ శలాకయా ..

సింహోస్యోపరి తిష్ఠన్తీ వ్యాఘ్రచర్మణి కౌశికీ .
విభ్రతీ రూపమమతులం ససురాసుర మోహనమ్ ..

అక్షమాలా చ కమలం వాణోఽసి కులిశం గదా .
చక్రం త్రిశూలం పరశుః శఙ్ఖో ఘణ్టా చ పాశకః ..

శక్తిర్దణ్డశ్చర్మ చాపం పానపాత్రం కమణ్డలుః .
అలఙ్కృతభుజామేభిరాయుధైః కమలాసనమ్ ..

ఇతి కాత్యాయనీఋషికృతా కాత్యాయనీస్తుతిః