ருʼஷப⁴தே³வ
.. ஶ்ரீ ப₄க்தாமர ஸ்தோத்ரம்..
॥ श्री भक्तामर स्तोत्रम्॥
ப₄க்தாமர-ப்ரணத-மௌலி-மணி-ப்ரபா₄ணா-
முத்₃யோதகம் த₃லித-பாப-தமோ-விதாநம்.
ஸம்யக்-ப்ரணம்ய ஜிந-பாத₃-யுக₃ம் யுகா₃தா₃-
வாலம்ப₃நம் ப₄வ-ஜலே பததாம் ஜநாநாம்.. 1 ..
ய꞉ ஸம்ஸ்துத꞉ ஸகல-வாங் மய-தத்த்வ-போ₃தா₄-
து₃த்₃பூ₄த-பு₃த்₃தி₄-படுபி₄꞉ ஸுர-லோக-நாதை₂꞉.
ஸ்தோத்ரைர்ஜக₃த்-த்ரிதய-சித்த-ஹரைருதா₃ரை꞉,
ஸ்தோஷ்யே கிலாஹமபி தம் ப்ரத₂மம் ஜிநேந்த்₃ரம்.. 2 ..
பு₃த்₃த்₄யா விநாபி விபு₃தா₄ர்சித-பாத₃-பீட₂!
ஸ்தோதும் ஸமுத்₃யத-மதிர்விக₃த-த்ரபோ(அ)ஹம்.
பா₃லம் விஹாய ஜல-ஸம்ஸ்தி₂த-மிந்து₃-பி₃ம்ப₃-
மந்ய꞉ க இச்ச₂தி ஜந꞉ ஸஹஸா க்₃ரஹீதும்.. 3 ..
வக்தும் கு₃ணாந்கு₃ண-ஸமுத்₃ர! ஶஶாங்க-காந்தாந்,
கஸ்தே க்ஷம꞉ ஸுர-கு₃ரு-ப்ரதிமோ(அ)பி பு₃த்₃த்₄யா.
கல்பாந்த-கால-பவநோத்₃த₄த-நக்ர-சக்ரம்,
கோ வா தரீதுமலமம்பு₃நிதி₄ம் பு₄ஜாப்₄யாம்.. 4 ..
ஸோ(அ)ஹம் ததா₂பி தவ ப₄க்தி-வஶாந்முநீஶ!
கர்தும் ஸ்தவம் விக₃த-ஶக்தி-ரபி ப்ரவ்ருத்த꞉.
ப்ரீத்யாத்ம-வீர்ய-மவிசார்ய ம்ருகீ₃ ம்ருகே₃ந்த்₃ரம்,
நாப்₄யேதி கிம் நிஜ-ஶிஶோ꞉ பரிபாலநார்த₂ம்.. 5 ..
அல்ப-ஶ்ருதம் ஶ்ருதவதாம் பரிஹாஸ-தா₄ம,
த்வத்₃-ப₄க்திரேவ முக₂ரீ-குருதே ப₃லாந்மாம்.
யத்கோகில꞉ கில மதௌ₄ மது₄ரம் விரௌதி,
தச்சாம்ர-சாரு-கலிகா-நிகரைக-ஹேது꞉.. 6 ..
த்வத்ஸம்ஸ்தவேந ப₄வ-ஸந்ததி-ஸந்நிப₃த்₃த₄ம்,
பாபம் க்ஷணாத்க்ஷயமுபைதி ஶரீரபா₄ஜாம்.
ஆக்ராந்த-லோக-மலி-நீல-மஶேஷ-மாஶு,
ஸூர்யாம்ஶு-பி₄ந்ந-மிவ ஶார்வர-மந்த₄காரம்.. 7 ..
மத்வேதி நாத₂! தவ ஸம்ஸ்தவநம் மயேத₃-
மாரப்₄யதே தநு-தி₄யாபி தவ ப்ரபா₄வாத்.
சேதோ ஹரிஷ்யதி ஸதாம் நலிநீ-த₃லேஷு,
முக்தா-ப₂ல-த்₃யுதி-முபைதி நநூத₃-பி₃ந்து₃꞉.. 8 ..
ஆஸ்தாம் தவ ஸ்தவந-மஸ்த-ஸமஸ்த-தோ₃ஷம்,
த்வத்ஸங்கதா₂(அ)பி ஜக₃தாம் து₃ரிதாநி ஹந்தி.
தூ₃ரே ஸஹஸ்ரகிரண꞉ குருதே ப்ரபை₄வ,
பத்₃மாகரேஷு ஜலஜாநி விகாஸபா₄ஞ்ஜி.. 9 ..
நாத்யத்₃-பு₄தம் பு₄வந-பூ₄ஷண! பூ₄த-நாத₂!
பூ₄தைர்கு₃ணைர்பு₄வி ப₄வந்த-மபி₄ஷ்டுவந்த꞉.
துல்யா ப₄வந்தி ப₄வதோ நநு தேந கிம் வா,
பூ₄த்யாஶ்ரிதம் ய இஹ நாத்மஸமம் கரோதி.. 10 ..
த்₃ருஷ்ட்வா ப₄வந்த-மநிமேஷ-விலோகநீயம்,
நாந்யத்ர-தோஷ-முபயாதி ஜநஸ்ய சக்ஷு꞉.
பீத்வா பய꞉ ஶஶிகர-த்₃யுதி-து₃க்₃த₄-ஸிந்தோ₄꞉,
க்ஷாரம் ஜலம் ஜலநிதே₄ரஸிதும் க இச்சே₂த்.. 11 ..
யை꞉ ஶாந்த-ராக₃-ருசிபி₄꞉ பரமாணுபி₄ஸ்-த்வம்,
நிர்மாபிதஸ்-த்ரி-பு₄வநைக-லலாம-பூ₄த!
தாவந்த ஏவ க₂லு தே(அ)ப்யணவ꞉ ப்ருதி₂வ்யாம்,
யத்தே ஸமாந-மபரம் ந ஹி ரூப-மஸ்தி.. 12 ..
வக்த்ரம் க்வ தே ஸுர-நரோரக₃-நேத்ர-ஹாரி,
நி꞉ஶேஷ-நிர்ஜித-ஜக₃த்த்ரிதயோபமாநம்.
பி₃ம்ப₃ம் கலங்க-மலிநம் க்வ நிஶாகரஸ்ய,
யத்₃வாஸரே ப₄வதி பாண்டு₃பலாஶ-கல்பம்.. 13 ..
ஸம்பூர்ண-மண்ட₃ல-ஶஶாங்க-கலா-கலாப-
ஶுப்₄ரா கு₃ணாஸ்-த்ரி-பு₄வநம் தவ லங்க₄யந்தி.
யே ஸம்ஶ்ரிதாஸ்-த்ரி-ஜக₃தீ₃ஶ்வரநாத₂-மேகம்,
கஸ்தாந் நிவாரயதி ஸஞ்சரதோ யதே₂ஷ்டம்.. 14 ..
சித்ரம்-கிமத்ர யதி₃ தே த்ரித₃ஶாங்க₃நாபி₄ர்-
நீதம் மநாக₃பி மநோ ந விகார-மார்க₃ம்.
கல்பாந்த-கால-மருதா சலிதாசலேந,
கிம் மந்த₃ராத்₃ரிஶிக₂ரம் சலிதம் கதா₃சித்.. 15 ..
நிர்தூ₄ம-வர்தி-ரபவர்ஜித-தைல-பூர꞉,
க்ருத்ஸ்நம் ஜக₃த்த்ரய-மித₃ம் ப்ரகடீகரோஷி.
க₃ம்யோ ந ஜாது மருதாம் சலிதாசலாநாம்,
தீ₃போ(அ)பரஸ்த்வமஸி நாத₂! ஜக₃த்ப்ரகாஶ꞉.. 16 ..
நாஸ்தம் கதா₃சிது₃பயாஸி ந ராஹுக₃ம்ய꞉,
ஸ்பஷ்டீகரோஷி ஸஹஸா யுக₃பஜ்-ஜக₃ந்தி.
நாம்போ₄த₄ரோத₃ர-நிருத்₃த₄-மஹா-ப்ரபா₄வ꞉,
ஸூர்யாதிஶாயி-மஹிமாஸி முநீந்த்₃ர! லோகே.. 17 ..
நித்யோத₃யம் த₃லித-மோஹ-மஹாந்த₄காரம்,
க₃ம்யம் ந ராஹு-வத₃நஸ்ய ந வாரிதா₃நாம்.
விப்₄ராஜதே தவ முகா₂ப்₃ஜ-மநல்பகாந்தி,
வித்₃யோதயஜ்-ஜக₃த₃பூர்வ-ஶஶாங்க-பி₃ம்ப₃ம்.. 18 ..
கிம் ஶர்வரீஷு ஶஶிநாஹ்நி விவஸ்வதா வா,
யுஷ்மந்முகே₂ந்து₃-த₃லிதேஷு தம꞉ஸு நாத₂!
நிஷ்பந்ந-ஶாலி-வந-ஶாலிநீ ஜீவ-லோகே,
கார்யம் கியஜ்ஜல-த₄ரை-ர்ஜல-பா₄ர-நம்ரை꞉.. 19 ..
ஜ்ஞாநம் யதா₂ த்வயி விபா₄தி க்ருதாவகாஶம்,
நைவம் ததா₂ ஹரி-ஹராதி₃ஷு நாயகேஷு.
தேஜ꞉ ஸ்பு₂ரந்மணிஷு யாதி யதா₂ மஹத்த்வம்,
நைவம் து காச-ஶகலே கிரணாகுலே(அ)பி.. 20 ..
மந்யே வரம் ஹரி-ஹராத₃ய ஏவ த்₃ருஷ்டா,
த்₃ருஷ்டேஷு யேஷு ஹ்ருத₃யம் த்வயி தோஷமேதி.
கிம் வீக்ஷிதேந ப₄வதா பு₄வி யேந நாந்ய꞉,
கஶ்சிந்மநோ ஹரதி நாத₂! ப₄வாந்தரே(அ)பி.. 21 ..
ஸ்த்ரீணாம் ஶதாநி ஶதஶோ ஜநயந்தி புத்ராந்,
நாந்யா ஸுதம் த்வது₃பமம் ஜநநீ ப்ரஸூதா.
ஸர்வா தி₃ஶோ த₃த₄தி பா₄நி ஸஹஸ்ர-ரஶ்மிம்,
ப்ராச்யேவ தி₃க்₃ஜநயதி ஸ்பு₂ரத₃ம்ஶு-ஜாலம்.. 22 ..
த்வாமாமநந்தி முநய꞉ பரமம் புமாம்ஸ-
மாதி₃த்ய-வர்ண-மமலம் தமஸ꞉ புரஸ்தாத்.
த்வாமேவ ஸம்ய-கு₃பலப்₄ய ஜயந்தி ம்ருத்யும்,
நாந்ய꞉ ஶிவ꞉ ஶிவபத₃ஸ்ய முநீந்த்₃ர! பந்தா₂꞉.. 23 ..
த்வா-மவ்யயம் விபு₄-மசிந்த்ய-மஸம்க்₂ய-மாத்₃யம்,
ப்₃ரஹ்மாணமீஶ்வர-மநந்த-மநங்க₃-கேதும்.
யோகீ₃ஶ்வரம் விதி₃த-யோக₃-மநேக-மேகம்,
ஜ்ஞாந-ஸ்வரூப-மமலம் ப்ரவத₃ந்தி ஸந்த꞉.. 24 ..
பு₃த்₃த₄ஸ்த்வமேவ விபு₃தா₄ர்சித-பு₃த்₃தி₄-போ₃தா₄த்,
த்வம் ஶங்கரோ(அ)ஸி பு₄வந-த்ரய-ஶங்கரத்வாத்.
தா₄தாஸி தீ₄ர! ஶிவ-மார்க₃ விதே₄ர்விதா₄நாத்₃,
வ்யக்தம் த்வமேவ ப₄க₃வந் புருஷோத்தமோ(அ)ஸி.. 25 ..
துப்₄யம் நமஸ்-த்ரிபு₄வநார்தி-ஹராய நாத₂!
துப்₄யம் நம꞉ க்ஷிதி-தலாமல-பூ₄ஷணாய.
துப்₄யம் நமஸ்-த்ரிஜக₃த꞉ பரமேஶ்வராய,
துப்₄யம் நமோ ஜிந! ப₄வோத₃தி₄-ஶோஷணாய.. 26 ..
கோ விஸ்மயோ(அ)த்ர யதி₃ நாம கு₃ணை-ரஶேஷைஸ்-
த்வம் ஸம்ஶ்ரிதோ நிரவகாஶதயா முநீஶ!
தோ₃ஷை-ருபாத்த-விவிதா₄ஶ்ரய-ஜாத-க₃ர்வை꞉,
ஸ்வப்நாந்தரே(அ)பி ந கதா₃சித₃பீக்ஷிதோ(அ)ஸி.. 27 ..
உச்சை-ரஶோக-தரு-ஸம்ஶ்ரிதமுந்மயூக₂-
மாபா₄தி ரூபமமலம் ப₄வதோ நிதாந்தம்.
ஸ்பஷ்டோல்லஸத்-கிரண-மஸ்த-தமோ-விதாநம்,
பி₃ம்ப₃ம் ரவேரிவ பயோத₄ர-பாஶ்ர்வவர்தி.. 28 ..
ஸிம்ஹாஸநே மணி-மயூக₂-ஶிகா₂-விசித்ரே,
விப்₄ராஜதே தவ வபு꞉ கநகாவதா₃தம்.
பி₃ம்ப₃ம் வியத்₃-விலஸ-த₃ம்ஶுலதா-விதாநம்,
துங்கோ₃த₃யாத்₃ரி-ஶிரஸீவ ஸஹஸ்ர-ரஶ்மே꞉.. 29 ..
குந்தா₃வதா₃த-சல-சாமர-சாரு-ஶோப₄ம்,
விப்₄ராஜதே தவ வபு꞉ கலதௌ₄த-காந்தம்.
உத்₃யச்ச₂ஶாங்க-ஶுசிநிர்ஜ₂ர-வாரி-தா₄ர-
முச்சைஸ்தடம் ஸுரகி₃ரேரிவ ஶாதகௌம்ப₄ம்.. 30 ..
ச₂த்ர-த்ரயம் தவ விபா₄தி ஶஶாங்க-காந்த-
முச்சை꞉ ஸ்தி₂தம் ஸ்த₂கி₃த-பா₄நு-கர-ப்ரதாபம்.
முக்தா-ப₂ல-ப்ரகர-ஜால-விவ்ருத்₃த₄-ஶோப₄ம்,
ப்ரக்₂யாபயத்-த்ரிஜக₃த꞉ பரமேஶ்வரத்வம்.. 31 ..
க₃ம்பீ₄ர-தார-ரவ-பூரித-தி₃க்₃விபா₄க₃ஸ்-
த்ரைலோக்ய-லோக-ஶுப₄-ஸங்க₃ம-பூ₄தி-த₃க்ஷ꞉.
ஸத்₃த₄ர்ம-ராஜ-ஜய-கோ₄ஷண-கோ₄ஷக꞉ ஸந்,
கே₂ து₃ந்து₃பி₄-ர்த்₄வநதி தே யஶஸ꞉ ப்ரவாதீ₃.. 32 ..
மந்தா₃ர-ஸுந்த₃ர-நமேரு-ஸுபாரிஜாத-
ஸந்தாநகாதி₃-குஸுமோத்கர-வ்ருஷ்டி-ருத்₃தா₄.
க₃ந்தோ₄த₃-பி₃ந்து₃-ஶுப₄-மந்த₃-மருத்ப்ரபாதா,
தி₃வ்யா தி₃வ꞉ பததி தே வசஸாம் ததிர்வா.. 33 ..
ஶும்ப₄த்-ப்ரபா₄வலய-பூ₄ரி-விபா₄-விபோ₄ஸ்தே,
லோக-த்ரயே-த்₃யுதிமதாம் த்₃யுதி-மாக்ஷிபந்தீ.
ப்ரோத்₃யத்₃-தி₃வாகர-நிரந்தர-பூ₄ரி-ஸம்க்₂யா,
தீ₃ப்த்யா ஜயத்யபி நிஶாமபி ஸோமஸௌம்யாம்.. 34 ..
ஸ்வர்கா₃பவர்க₃-க₃ம-மார்க₃-விமார்க₃ணேஷ்ட꞉,
ஸத்₃த₄ர்ம-தத்த்வ-கத₂நைக-படுஸ்-த்ரிலோக்யா꞉.
தி₃வ்ய-த்₄வநி-ர்ப₄வதி தே விஶதா₃ர்த₂-ஸர்வ-
பா₄ஷாஸ்வபா₄வ-பரிணாம-கு₃ணை꞉ ப்ரயோஜ்ய꞉.. 35 ..
உந்நித்₃ர-ஹேம-நவ-பங்கஜ-புஞ்ஜ-காந்தீ,
பர்யுல்லஸந்-நக₂-மயூக₂-ஶிகா₂பி₄ராமௌ.
பாதௌ₃ பதா₃நி தவ யத்ர ஜிநேந்த்₃ர! த₄த்த꞉,
பத்₃மாநி தத்ர விபு₃தா₄꞉ பரிகல்பயந்தி.. 36 ..
இத்த₂ம் யதா₂ தவ விபூ₄தி-ரபூ₄ஜ்-ஜிநேந்த்₃ர!
த₄ர்மோபதே₃ஶந-விதௌ₄ ந ததா₂ பரஸ்ய.
யாத்₃ருக்-ப்ரபா₄ தி₃நக்ருத꞉ ப்ரஹதாந்த₄காரா,
தாத்₃ருக்-குதோ க்₃ரஹக₃ணஸ்ய விகாஸிநோ(அ)பி.. 37 ..
ஶ்ச்யோதந்-மதா₃வில-விலோல-கபோல-மூல-
மத்த-ப்₄ரமத்₃-ப்₄ரமர-நாத₃-விவ்ருத்₃த₄-கோபம்.
ஐராவதாப₄மிப₄-முத்₃த₄த-மாபதந்தம்,
த்₃ருஷ்ட்வா ப₄யம் ப₄வதி நோ ப₄வதா₃ஶ்ரிதாநாம்.. 38 ..
பி₄ந்நேப₄-கும்ப₄-க₃ல-து₃ஜ்ஜ்வல-ஶோணிதாக்த-
முக்தா-ப₂ல-ப்ரகரபூ₄ஷித-பூ₄மி-பா₄க₃꞉.
ப₃த்₃த₄-க்ரம꞉ க்ரம-க₃தம் ஹரிணாதி₄போ(அ)பி,
நாக்ராமதி க்ரம-யுகா₃சல-ஸம்ஶ்ரிதம் தே.. 39 ..
கல்பாந்த-கால-பவநோத்₃த₄த-வஹ்நி-கல்பம்,
தா₃வாநலம் ஜ்வலித-முஜ்ஜ்வல-முத்ஸ்பு₂லிங்க₃ம்.
விஶ்வம் ஜிக₄த்ஸுமிவ ஸம்முக₂-மாபதந்தம்,
த்வந்நாம-கீர்தந-ஜலம் ஶமயத்யஶேஷம்.. 40 ..
ரக்தேக்ஷணம் ஸமத₃-கோகில-கண்ட₂-நீலம்,
க்ரோதோ₄த்₃த₄தம் ப₂ணிந-முத்ப₂ண-மாபதந்தம்.
ஆக்ராமதி க்ரம-யுகே₃ண நிரஸ்த-ஶங்கஸ்-
த்வந்நாம-நாக₃த₃மநீ ஹ்ருதி₃ யஸ்ய பும்ஸ꞉.. 41 ..
வல்க₃த்-துரங்க₃-க₃ஜ-க₃ர்ஜித-பீ₄மநாத₃-
மாஜௌ ப₃லம் ப₃லவதா-மபி-பூ₄பதீநாம்.
உத்₃யத்₃-தி₃வாகர-மயூக₂-ஶிகா₂பவித்₃த₄ம்,
த்வத்கீர்தநாத்தம இவாஶு பி₄தா₃முபைதி.. 42 ..
குந்தாக்₃ர-பி₄ந்ந-க₃ஜ-ஶோணித-வாரிவாஹ-
வேகா₃வதார-தரணாதுர-யோத₄-பீ₄மே.
யுத்₃தே₄ ஜயம் விஜித-து₃ர்ஜய-ஜேய-பக்ஷாஸ்-
த்வத்பாத₃-பங்கஜ-வநாஶ்ரயிணோ லப₄ந்தே.. 43 ..
அம்போ₄நிதௌ₄ க்ஷுபி₄த-பீ₄ஷண-நக்ர-சக்ர-
பாடீ₂ந-பீட₂-ப₄ய-தோ₃ல்வண-வாட₃வாக்₃நௌ.
ரங்க₃த்தரங்க₃-ஶிக₂ர-ஸ்தி₂த-யாந-பாத்ராஸ்-
த்ராஸம் விஹாய ப₄வத꞉ ஸ்மரணாத்₃-வ்ரஜந்தி.. 44 ..
உத்₃பூ₄த-பீ₄ஷண-ஜலோத₃ர-பா₄ர-பு₄க்₃நா꞉,
ஶோச்யாம் த₃ஶா-முபக₃தாஶ்-ச்யுத-ஜீவிதாஶா꞉.
த்வத்பாத₃-பங்கஜ-ரஜோ-ம்ருத-தி₃க்₃த₄-தே₃ஹா,
மர்த்யா ப₄வந்தி மகர-த்₄வஜ-துல்யரூபா꞉.. 45 ..
ஆபாத₃-கண்ட₂முரு-ஶ்ருங்க₂ல-வேஷ்டிதாங்கா₃,
கா₃ட₄ம்-ப்₃ருஹந்-நிக₃ட₃-கோடி-நிக்₄ருஷ்ட-ஜங்கா₄꞉.
த்வந்-நாம-மந்த்ர-மநிஶம் மநுஜா꞉ ஸ்மரந்த꞉,
ஸத்₃ய꞉ ஸ்வயம் விக₃த-ப₃ந்த₄-ப₄யா ப₄வந்தி.. 46 ..
மத்த-த்₃விபேந்த்₃ர-ம்ருக₃-ராஜ-த₃வாநலாஹி-
ஸம்க்₃ராம-வாரிதி₄-மஹோத₃ர-ப₃ந்த₄-நோத்த₂ம்.
தஸ்யாஶு நாஶ-முபயாதி ப₄யம் பி₄யேவ,
யஸ்தாவகம் ஸ்தவ-மிமம் மதிமாநதீ₄தே.. 47 ..
ஸ்தோத்ர-ஸ்ரஜம் தவ ஜிநேந்த்₃ர கு₃ணைர்நிப₃த்₃தா₄ம்,
ப₄க்த்யா மயா ருசிர-வர்ண-விசித்ர-புஷ்பாம்.
த₄த்தே ஜநோ ய இஹ கண்ட₂-க₃தா-மஜஸ்ரம்,
தம் மாநதுங்க₃-மவஶா-ஸமுபைதி லக்ஷ்மீ꞉.. 48 ..
.. இதி ஶ்ரீ மாநதுங்கா₃சார்ய-விரசிதம் ஶ்ரீ ப₄க்தாமர ஸ்தோத்ரம் ஸம்பூர்ணம் ..