Ri'shabhadeva
.. Shree bhaktaamara stotram..
.. Shree bhaktaamara stotram..
Bhaktaamara-pranata-mauli-mani-prabhaanaa-
Mudyotakam' dalita-paapa-tamo-vitaanam.
Samyak-pranamya jina-paada-yugam' yugaadaa-
Vaalambanam' bhava-jale patataam' janaanaam.. 1 ..
Yah' sam'stutah' sakala-vaang maya-tattva-bodhaa-
Dudbhoota-buddhi-pat'ubhih' sura-loka-naathaih'.
Stotrairjagat-tritaya-chitta-harairudaaraih',
Stoshye kilaahamapi tam' prathamam' jinendram.. 2 ..
Buddhyaa vinaapi vibudhaarchita-paada-peet'ha!
Stotum' samudyata-matirvigata-trapo'ham.
Baalam' vihaaya jala-sam'sthita-mindu-bimba-
Manyah' ka ichchhati janah' sahasaa graheetum.. 3 ..
Vaktum' gunaanguna-samudra! Shashaanka-kaantaan,
Kaste kshamah' sura-guru-pratimo'pi buddhyaa.
Kalpaanta-kaala-pavanoddhata-nakra-chakram',
Ko vaa tareetumalamambunidhim' bhujaabhyaam.. 4 ..
So'ham' tathaapi tava bhakti-vashaanmuneesha!
Kartum' stavam' vigata-shakti-rapi pravri'ttah'.
Preetyaatma-veerya-mavichaarya mri'gee mri'gendram,
Naabhyeti kim' nija-shishoh' paripaalanaartham.. 5 ..
Alpa-shrutam' shrutavataam' parihaasa-dhaama,
Tvad-bhaktireva mukharee-kurute balaanmaam.
Yatkokilah' kila madhau madhuram' virauti,
Tachchaamra-chaaru-kalikaa-nikaraika-hetuh'.. 6 ..
Tvatsam'stavena bhava-santati-sannibaddham',
Paapam' kshanaatkshayamupaiti shareerabhaajaam.
Aakraanta-loka-mali-neela-mashesha-maashu,
Sooryaam'shu-bhinna-miva shaarvara-mandhakaaram.. 7 ..
Matveti naatha! Tava sam'stavanam' mayeda-
Maarabhyate tanu-dhiyaapi tava prabhaavaat.
Cheto harishyati sataam' nalinee-daleshu,
Muktaa-phala-dyuti-mupaiti nanooda-binduh'.. 8 ..
Aastaam' tava stavana-masta-samasta-dosham',
Tvatsankathaa'pi jagataam' duritaani hanti.
Doore sahasrakiranah' kurute prabhaiva,
Padmaakareshu jalajaani vikaasabhaanji.. 9 ..
Naatyad-bhutam' bhuvana-bhooshana! Bhoota-naatha!
Bhootairgunairbhuvi bhavanta-mabhisht'uvantah'.
Tulyaa bhavanti bhavato nanu tena kim' vaa,
Bhootyaashritam' ya iha naatmasamam' karoti.. 10 ..
Dri'sht'vaa bhavanta-manimesha-vilokaneeyam',
Naanyatra-tosha-mupayaati janasya chakshuh'.
Peetvaa payah' shashikara-dyuti-dugdha-sindhoh',
Kshaaram' jalam' jalanidherasitum' ka ichchhet.. 11 ..
Yaih' shaanta-raaga-ruchibhih' paramaanubhis-tvam',
Nirmaapitas-tri-bhuvanaika-lalaama-bhoota!
Taavanta eva khalu te'pyanavah' pri'thivyaam',
Yatte samaana-maparam' na hi roopa-masti.. 12 ..
Vaktram' kva te sura-naroraga-netra-haari,
Nih'shesha-nirjita-jagattritayopamaanam.
Bimbam' kalanka-malinam' kva nishaakarasya,
Yadvaasare bhavati paand'upalaasha-kalpam.. 13 ..
Sampoorna-mand'ala-shashaanka-kalaa-kalaapa-
Shubhraa gunaas-tri-bhuvanam' tava langhayanti.
Ye sam'shritaas-tri-jagadeeshvaranaatha-mekam',
Kastaan nivaarayati sancharato yathesht'am.. 14 ..
Chitram'-kimatra yadi te tridashaanganaabhir-
Neetam' manaagapi mano na vikaara-maargam.
Kalpaanta-kaala-marutaa chalitaachalena,
Kim' mandaraadrishikharam' chalitam' kadaachit.. 15 ..
Nirdhooma-varti-rapavarjita-taila-poorah',
Kri'tsnam' jagattraya-midam' prakat'eekaroshi.
Gamyo na jaatu marutaam' chalitaachalaanaam',
Deepo'parastvamasi naatha! Jagatprakaashah'.. 16 ..
Naastam' kadaachidupayaasi na raahugamyah',
Spasht'eekaroshi sahasaa yugapaj-jaganti.
Naambhodharodara-niruddha-mahaa-prabhaavah',
Sooryaatishaayi-mahimaasi muneendra! Loke.. 17 ..
Nityodayam' dalita-moha-mahaandhakaaram',
Gamyam' na raahu-vadanasya na vaaridaanaam.
Vibhraajate tava mukhaabja-manalpakaanti,
Vidyotayaj-jagadapoorva-shashaanka-bimbam.. 18 ..
Kim' sharvareeshu shashinaahni vivasvataa vaa,
Yushmanmukhendu-daliteshu tamah'su naatha!
Nishpanna-shaali-vana-shaalinee jeeva-loke,
Kaaryam' kiyajjala-dharai-rjala-bhaara-namraih'.. 19 ..
Jnyaanam' yathaa tvayi vibhaati kri'taavakaasham',
Naivam' tathaa hari-haraadishu naayakeshu.
Tejah' sphuranmanishu yaati yathaa mahattvam',
Naivam' tu kaacha-shakale kiranaakule'pi.. 20 ..
Manye varam' hari-haraadaya eva dri'sht'aa,
Dri'sht'eshu yeshu hri'dayam' tvayi toshameti.
Kim' veekshitena bhavataa bhuvi yena naanyah',
Kashchinmano harati naatha! Bhavaantare'pi.. 21 ..
Streenaam' shataani shatasho janayanti putraan,
Naanyaa sutam' tvadupamam' jananee prasootaa.
Sarvaa disho dadhati bhaani sahasra-rashmim',
Praachyeva digjanayati sphuradam'shu-jaalam.. 22 ..
Tvaamaamananti munayah' paramam' pumaam'sa-
Maaditya-varna-mamalam' tamasah' purastaat.
Tvaameva samya-gupalabhya jayanti mri'tyum',
Naanyah' shivah' shivapadasya muneendra! Panthaah'.. 23 ..
Tvaa-mavyayam' vibhu-machintya-masankhya-maadyam',
Brahmaanameeshvara-mananta-mananga-ketum.
Yogeeshvaram' vidita-yoga-maneka-mekam',
Jnyaana-svaroopa-mamalam' pravadanti santah'.. 24 ..
Buddhastvameva vibudhaarchita-buddhi-bodhaat,
Tvam' shankaro'si bhuvana-traya-shankaratvaat.
Dhaataasi dheera! Shiva-maarga vidhervidhaanaad,
Vyaktam' tvameva bhagavan purushottamo'si.. 25 ..
Tubhyam' namas-tribhuvanaarti-haraaya naatha!
Tubhyam' namah' kshiti-talaamala-bhooshanaaya.
Tubhyam' namas-trijagatah' parameshvaraaya,
Tubhyam' namo jina! Bhavodadhi-shoshanaaya.. 26 ..
Ko vismayo'tra yadi naama gunai-rasheshais-
Tvam' sam'shrito niravakaashatayaa muneesha!
Doshai-rupaatta-vividhaashraya-jaata-garvaih',
Svapnaantare'pi na kadaachidapeekshito'si.. 27 ..
Uchchai-rashoka-taru-sam'shritamunmayookha-
Maabhaati roopamamalam' bhavato nitaantam.
Spasht'ollasat-kirana-masta-tamo-vitaanam',
Bimbam' raveriva payodhara-paashrvavarti.. 28 ..
Sim'haasane mani-mayookha-shikhaa-vichitre,
Vibhraajate tava vapuh' kanakaavadaatam.
Bimbam' viyad-vilasa-dam'shulataa-vitaanam',
Tungodayaadri-shiraseeva sahasra-rashmeh'.. 29 ..
Kundaavadaata-chala-chaamara-chaaru-shobham',
Vibhraajate tava vapuh' kaladhauta-kaantam.
Udyachchhashaanka-shuchinirjhara-vaari-dhaara-
Muchchaistat'am' suragireriva shaatakaumbham.. 30 ..
Chhatra-trayam' tava vibhaati shashaanka-kaanta-
Muchchaih' sthitam' sthagita-bhaanu-kara-prataapam.
Muktaa-phala-prakara-jaala-vivri'ddha-shobham',
Prakhyaapayat-trijagatah' parameshvaratvam.. 31 ..
Gambheera-taara-rava-poorita-digvibhaagas-
Trailokya-loka-shubha-sangama-bhooti-dakshah'.
Saddharma-raaja-jaya-ghoshana-ghoshakah' san,
Khe dundubhi-rdhvanati te yashasah' pravaadee.. 32 ..
Mandaara-sundara-nameru-supaarijaata-
Santaanakaadi-kusumotkara-vri'sht'i-ruddhaa.
Gandhoda-bindu-shubha-manda-marutprapaataa,
Divyaa divah' patati te vachasaam' tatirvaa.. 33 ..
Shumbhat-prabhaavalaya-bhoori-vibhaa-vibhoste,
Loka-traye-dyutimataam' dyuti-maakshipantee.
Prodyad-divaakara-nirantara-bhoori-sankhyaa,
Deeptyaa jayatyapi nishaamapi somasaumyaam.. 34 ..
Svargaapavarga-gama-maarga-vimaarganesht'ah',
Saddharma-tattva-kathanaika-pat'us-trilokyaah'.
Divya-dhvani-rbhavati te vishadaartha-sarva-
Bhaashaasvabhaava-parinaama-gunaih' prayojyah'.. 35 ..
Unnidra-hema-nava-pankaja-punja-kaantee,
Paryullasan-nakha-mayookha-shikhaabhiraamau.
Paadau padaani tava yatra jinendra! Dhattah',
Padmaani tatra vibudhaah' parikalpayanti.. 36 ..
Ittham' yathaa tava vibhooti-rabhooj-jinendra!
Dharmopadeshana-vidhau na tathaa parasya.
Yaadri'k-prabhaa dinakri'tah' prahataandhakaaraa,
Taadri'k-kuto grahaganasya vikaasino'pi.. 37 ..
Shchyotan-madaavila-vilola-kapola-moola-
Matta-bhramad-bhramara-naada-vivri'ddha-kopam.
Airaavataabhamibha-muddhata-maapatantam',
Dri'sht'vaa bhayam' bhavati no bhavadaashritaanaam.. 38 ..
Bhinnebha-kumbha-gala-dujjvala-shonitaakta-
Muktaa-phala-prakarabhooshita-bhoomi-bhaagah'.
Baddha-kramah' krama-gatam' harinaadhipo'pi,
Naakraamati krama-yugaachala-sam'shritam' te.. 39 ..
Kalpaanta-kaala-pavanoddhata-vahni-kalpam',
Daavaanalam' jvalita-mujjvala-mutsphulingam.
Vishvam' jighatsumiva sammukha-maapatantam',
Tvannaama-keertana-jalam' shamayatyashesham.. 40 ..
Raktekshanam' samada-kokila-kant'ha-neelam,
Krodhoddhatam' phanina-mutphana-maapatantam.
Aakraamati krama-yugena nirasta-shankas-
Tvannaama-naagadamanee hri'di yasya pum'sah'.. 41 ..
Valgat-turanga-gaja-garjita-bheemanaada-
Maajau balam' balavataa-mapi-bhoopateenaam.
Udyad-divaakara-mayookha-shikhaapaviddham',
Tvatkeertanaattama ivaashu bhidaamupaiti.. 42 ..
Kuntaagra-bhinna-gaja-shonita-vaarivaaha-
Vegaavataara-taranaatura-yodha-bheeme.
Yuddhe jayam' vijita-durjaya-jeya-pakshaas-
Tvatpaada-pankaja-vanaashrayino labhante.. 43 ..
Ambhonidhau kshubhita-bheeshana-nakra-chakra-
Paat'heena-peet'ha-bhaya-dolvana-vaad'avaagnau.
Rangattaranga-shikhara-sthita-yaana-paatraas-
Traasam' vihaaya bhavatah' smaranaad-vrajanti.. 44 ..
Udbhoota-bheeshana-jalodara-bhaara-bhugnaah',
Shochyaam' dashaa-mupagataash-chyuta-jeevitaashaah'.
Tvatpaada-pankaja-rajo-mri'ta-digdha-dehaa,
Martyaa bhavanti makara-dhvaja-tulyaroopaah'.. 45 ..
Aapaada-kant'hamuru-shri'nkhala-vesht'itaangaa,
Gaad'ham'-bri'han-nigad'a-kot'i-nighri'sht'a-janghaah'.
Tvan-naama-mantra-manisham' manujaah' smarantah',
Sadyah' svayam' vigata-bandha-bhayaa bhavanti.. 46 ..
Matta-dvipendra-mri'ga-raaja-davaanalaahi-
Sangraama-vaaridhi-mahodara-bandha-nottham.
Tasyaashu naasha-mupayaati bhayam' bhiyeva,
Yastaavakam' stava-mimam' matimaanadheete.. 47 ..
Stotra-srajam' tava jinendra gunairnibaddhaam,
Bhaktyaa mayaa ruchira-varna-vichitra-pushpaam.
Dhatte jano ya iha kant'ha-gataa-majasram',
Tam' maanatunga-mavashaa-samupaiti lakshmeeh'.. 48 ..
.. Iti shree maanatungaachaarya-virachitam' shree bhaktaamara stotram' sampoornam ..