সদাশিভ়াষ্টকম্

॥ সদাশিভ়াষ্টকম্ ॥

পতঞ্জলিরুভ়াচ
সুভ়র্ণপদ্মিনীতটান্তদিভ়্যহর্ম্যভ়াসিনে
সুপর্ণভ়াহনপ্রিযায সূর্যকোটিতেজসে।
অপর্ণযা ভ়িহারিণে ফণাধরেন্দ্রধারিণে
সদা নমঃ শিভ়ায তে সদাশিভ়ায শম্ভভ়ে॥ ১॥

সতুঙ্গভঙ্গজহ্নুজাসুধাংশুখণ্ডমৌলযে
পতঙ্গপঙ্কজাসুহৃৎকৃপীটযোনিচক্ষুষে।
ভুজঙ্গরাজমণ্ডলায পুণ্যশালিবন্ধভ়ে
সদা নমঃ শিভ়ায তে সদাশিভ়ায শম্ভভ়ে॥২॥

চতুর্মুখাননারভ়িন্দভ়েদগীতভূতযে
চতুর্ভুজানুজাশরীরশোভমানমূর্তযে।
চতুর্ভ়িধার্থদানশৌণ্ডতাণ্ডভ়স্বরূপিণে
সদা নমঃ শিভ়ায তে সদাশিভ়ায শম্ভভ়ে॥৩॥

শরন্নিশাকরপ্রকাশমন্দহাসমঞ্জুলা
ধরপ্রভ়ালভাসমানভ়ক্ত্রমণ্ডলশ্রিযে।
করস্ফুরৎকপালমুক্তরক্তভ়িষ্ণুপালিনে
সদা নমঃ শিভ়ায তে সদাশিভ়ায শম্ভভ়ে॥৪॥

সহস্রপুণ্ডরীকপূজনৈকশূন্যদর্শনাৎ
সহস্রনেত্রকল্পিতার্চনাঽচ্যুতায ভক্তিতঃ।
সহস্রভানুমণ্ডলপ্রকাশচক্রদাযিনে
সদা নমঃ শিভ়ায তে সদাশিভ়ায শম্ভভ়ে॥৫॥

রসারথায রম্যপত্রভৃদ্রথাঙ্গপাণযে
রসাধরেন্দ্রচাপশিঞ্জিনীকৃতানিলাশিনে।
স্বসারথীকৃতাজনুন্নভ়েদরূপভ়াজিনে
সদা নমঃ শিভ়ায তে সদাশিভ়ায শম্ভভ়ে॥৬॥

অতিপ্রগল্ভভ়ীরভদ্রসিংহনাদগর্জিত
শ্রুতিপ্রভীতদক্ষযাগভোগিনাকসদ্মনাম্।
গতিপ্রদায গর্জিতাখিলপ্রপঞ্চসাক্ষিণে
সদা নমঃ শিভ়ায তে সদাশিভ়ায শম্ভভ়ে॥৭॥

মৃকণ্ডুসূনুরক্ষণাভ়ধূতদণ্ডপাণযে
সুগন্ধমণ্ডলস্ফুরৎপ্রভাজিতামৃতাংশভ়ে।
অখণ্ডভোগসম্পদর্থলোকভাভ়িতাত্মনে
সদা নমঃ শিভ়ায তে সদাশিভ়ায শম্ভভ়ে॥৮॥

মধুরিপুভ়িধিশক্রমুখ্যদেভ়ৈরপি নিযমার্চিতপাদপঙ্কজায।
কনকগিরিশরাসনায তুভ্যং রজতসভাপতযে নমঃ শিভ়ায॥৯॥

হালাস্যনাথায মহেশ্বরায হালাহলালঙ্কৃতকন্ধরায।
মীনেক্ষণাযাঃ পতযে শিভ়ায নমোনমঃ সুন্দরতাণ্ডভ়ায॥১০॥