॥ অথ ষোডশোঽধ্যাযঃ ॥

শ্রীভগভ়ানুভ়াচ
অভযং সত্ত্বসংশুদ্ধির্জ্ঞানযোগভ়্যভ়স্থিতিঃ।
দানং দমশ্চ যজ্ঞশ্চ স্বাধ্যাযস্তপ আর্জভ়ম্॥১॥

অহিংসা সত্যমক্রোধস্ত্যাগঃ শান্তিরপৈশুনম্।
দযা ভূতেষ্বলোলুপ্ত্বং মার্দভ়ং হ্রীরচাপলম্॥২॥

তেজঃ ক্ষমা ধৃতিঃ শৌচমদ্রোহো নাতিমানিতা।
ভভ়ন্তি সম্পদং দৈভ়ীমভিজাতস্য ভারত॥৩॥

দম্ভো দর্পোঽভিমানশ্চ ক্রোধঃ পারুষ্যমেভ় চ।
অজ্ঞানং চাভিজাতস্য পার্থ সম্পদমাসুরীম্॥৪॥

দৈভ়ী সম্পদ্বিমোক্ষায নিবন্ধাযাসুরী মতা।
মা শুচঃ সম্পদং দৈভ়ীমভিজাতোঽসি পাণ্ডভ়॥৫॥

দ্বৌ ভূতসর্গৌ লোকেঽস্মিন্ দৈভ় আসুর এভ় চ।
দৈভ়ো ভ়িস্তরশঃ প্রোক্ত আসুরং পার্থ মে শৃণু॥৬॥

প্রভ়ৃত্তিং চ নিভ়ৃত্তিং চ জনা ন ভ়িদুরাসুরাঃ।
ন শৌচং নাপি চাচারো ন সত্যং তেষু ভ়িদ্যতে॥৭॥

অসত্যমপ্রতিষ্ঠং তে জগদাহুরনীশ্বরম্।
অপরস্পরসম্ভূতং কিমন্যৎ কামহৈতুকম্॥৮॥

এতাং দৃষ্টিমভ়ষ্টভ্য নষ্টাত্মানোঽল্পবুদ্ধযঃ।
প্রভভ়ন্ত্যুগ্রকর্মাণঃ ক্ষযায জগতোঽহিতাঃ॥৯॥

কামমাশ্রিত্য দুষ্পূরং দম্ভমানমদান্বিতাঃ।
মোহাদ্গৃহীত্বাঽসদ্গ্রাহান্ প্রভ়র্তন্তেঽশুচিভ়্রতাঃ॥১০॥

চিন্তামপরিমেযাং চ প্রলযান্তামুপাশ্রিতাঃ।
কামোপভোগপরমা এতাভ়দিতি নিশ্চিতাঃ॥১১॥

আশাপাশশতৈর্বদ্ধাঃ কামক্রোধপরাযণাঃ।
ঈহন্তে কামভোগার্থমন্যাযেনার্থসঞ্চযান্॥১২॥

ইদমদ্য মযা লব্ধমিমং প্রাপ্স্যে মনোরথম্।
ইদমস্তীদমপি মে ভভ়িষ্যতি পুনর্ধনম্॥১৩॥

অসৌ মযা হতঃ শত্রুর্হনিষ্যে চাপরানপি।
ঈশ্বরোঽহমহং ভোগী সিদ্ধোঽহং বলভ়ান্ সুখী॥১৪॥

আঢ্যোঽভিজনভ়ানস্মি কোঽন্যোস্তি সদৃশো মযা।
যক্ষ্যে দাস্যামি মোদিষ্য ইত্যজ্ঞানভ়িমোহিতাঃ॥১৫॥

অনেকচিত্তভ়িভ্রান্তা মোহজালসমাভ়ৃতাঃ।
প্রসক্তাঃ কামভোগেষু পতন্তি নরকেঽশুচৌ॥১৬॥

আত্মসম্ভাভ়িতাঃ স্তব্ধা ধনমানমদান্বিতাঃ।
যজন্তে নামযজ্ঞৈস্তে দম্ভেনাভ়িধিপূর্ভ়কম্॥১৭॥

অহঙ্কারং বলং দর্পং কামং ক্রোধং চ সংশ্রিতাঃ।
মামাত্মপরদেহেষু প্রদ্বিষন্তোঽভ্যসূযকাঃ॥১৮॥

তানহং দ্বিষতঃ ক্রূরান্ সংসারেষু নরাধমান্।
ক্ষিপাম্যজস্রমশুভান্ আসুরীষ্বেভ় যোনিষু॥১৯॥

আসুরীং যোনিমাপন্না মূঢা জন্মনি জন্মনি।
মামপ্রাপ্যৈভ় কৌন্তেয ততো যান্ত্যধমাং গতিম্॥২০॥

ত্রিভ়িধং নরকস্যেদং দ্বারং নাশনমাত্মনঃ।
কামঃ ক্রোধস্তথা লোভস্তস্মাদেতত্ত্রযং ত্যজেৎ॥২১॥

এতৈর্ভ়িমুক্তঃ কৌন্তেয তমোদ্বারৈস্ত্রিভির্নরঃ।
আচরত্যাত্মনঃ শ্রেযস্ততো যাতি পরাং গতিম্॥২২॥

যঃ শাস্ত্রভ়িধিমুৎসৃজ্য ভ়র্ততে কামকারতঃ।
ন স সিদ্ধিমভ়াপ্নোতি ন সুখং ন পরাং গতিম্॥২৩॥

তস্মাচ্ছাস্ত্রং প্রমাণং তে কার্যাকার্যভ়্যভ়স্থিতৌ।
জ্ঞাত্বা শাস্ত্রভ়িধানোক্তং কর্ম কর্তুমিহার্হসি॥২৪॥

॥ ওং তৎসদিতি শ্রীমদ্ভগভ়দ্গীতাসূপনিষৎসু ব্রহ্মভ়িদ্যাযাং যোগশাস্ত্রে শ্রীকৃষ্ণার্জুনসংভ়াদে দৈভ়াসুরসম্পদ্বিভাগযোগো নাম ষোডশোঽধ্যাযঃ ॥