புராதநபுரேஶ்வர்யா꞉ ப₄க₃வத்யா꞉ ஸ்தவ꞉

ௐ அந்நபூர்ணேஶ்வர்யை நம꞉
புராணபுரநாயிகே ஸுரவரேந்து₃சூட₃ப்ரியே
ஸுராஸுரநமஸ்க்ருதே குரு க்ருபாமநாதே₂ மயி .
ஜராமரணநாஶிநீமதி₄க₃தாஸ்ஸுராம் வை ஸுரா꞉
சராசரஸவித்ரி தே சரணஸேவயைவாமரா꞉ .. 1..

புராதநபுராலயப்ரியவிஹாரலோலே, ஶிவே,
புராந்தகமந꞉ப்ரியே, புருஷஸோத₃ரி, ஶ்ரீபுரே .
ஸுராரிகுலமர்தி₃நி த்ரிதி₃வவீரஸம்ரக்ஷிணி,
ஸ்பு₂ரத்₃கு₃ருக்ருபாநிதே₄ குரு க்ருபாமநாதே₂ மயி .. 2..

புராணநிக₃மாக₃மப்ரகரபோ₃தி₄தப்ராப₄வே,
புராணபுருஷார்சிதே, ஶரணமம்ப₃ தே(அ)ங்க்₄ரித்₃வயம் .
புராணஸுக்ருதவ்ரஜப்ரகடலப்₃த₄ஸந்த₃ர்ஶநே,
புராணபுரநாயிகே குரு க்ருபாமநாதே₂ மயி .. 3..

புரா கில ஸுரேஶ்வரி, த்ரித₃ஶது₃꞉க₂ஸம்பே₄த₃நே
புராரிமுக₂தே₃வதாநிசயலப்₃த₄ரூபா(அ)ப₄வ꞉ .
புராபி ப₄வதீ ஸதீ தி₃திஜக₃ர்வநிர்வாபிணீ,
புராதநபுரேஶ்வரி, ப்ரியமயீம் க்ருபாம் ஸந்தநு .. 4..

புரா ஹி ப₄வதஸ்ஸுதா கில விஶுத்₃த₄தா₄ம்நா ப்₄ருதா
ஸுரேஶி ப₄வகே₃ஹிநீ ஸுரஶரண்யபாதா₃ம்பு₃ஜா .
கி₃ராம் பதி₂ ந கோ₃சரா தருணசந்த்₃ரசூடா₃ம்பி₃கா
புராணபுரநாயிகா ஜயது சாந்நபூர்ணேஶ்வரீ .. 5..

கராகலிதபாயஸா பரகரோல்லஸத்₃த₃ர்விகா
ஸுவர்ணமணிபூ₄ஷணா ஸரஸப₄க்தபூரப்ரதா₃ .
ஸுசாருமுக₂சந்த்₃ரதி₄க்க்ருதகலங்கிபி₃ம்பா₃(அ)ம்பி₃கா
ஸுராஸுரநமஸ்க்ருதா விஜயதாம் புராணேஶ்வரீ .. 6..

சிரந்தநபுரேஶி தே சிரதரம் விசிந்த்யாத்₃பு₄தம்
சிரம் கில முநீஶ்வராஶ்சரிதஸிந்து₄மக்₃நா꞉ பரம் .
சிராத₃பி ஸுராஸ்பத₃ம் ந க₂லு வாஞ்சி₂தம் மந்வதே
சிரார்ஜிததப꞉ப₂லே ஜய ஜயாந்நபூர்ணேஶ்வரி .. 7..

கலாநிதி₄கலாத₄ரே கலவிலாஸவாணீகு₃ணே
கலாத₄ரகுலார்சிதே கலகலாரணந்நூபுரே .
கலாபஜிததாரகாவலிலஸந்நிதம்போ₃ஜ்ஜ்வலே
கலாபிதபுராபுரே ஜய ஜயாந்நபூர்ணேஶ்வரி .. 8..

க்ஷுதா₄ந்த₄ஜநஜீவநே ஜநநி ஸாது₄ஸஞ்ஜீவநே
முதா₄க்ருதஸுதா₄ரஸே பு₃த₄ஜநைஸ்ஸதா₃ ஸேவிதே .
பு₃தா₄வலிநுதே(அ)ம்பி₃கே, விவித₄வைப₄வாநர்க₃லே,
விதா₄த்ருமுக₂பூஜிதே, ஜய ஜயாந்நபூர்ணேஶ்வரி .. 9..

மஹீஸுரகுலாயநே, க்ருதமஹீஸுராராத₄நே,
மஹீக்ருதயுகா₃ர்ணவே, மஹிதப₄க்ததா₃நவ்ரதே .
மஹீபதிஸமர்சிதே ஹிமமஹீத்₄ரபுண்யாங்குரே
மஹீமுக₂ரவைப₄வே ஜய ஜயாந்நபூர்ணேஶ்வரி .. 10..

ஸுசாருரத₃நோஜ்ஜ்வலத்ஸ்மிதலஸச்ச₂ரச்ச₂ர்வரீ
கராயுதஸத்₃ருங்முகீ₂ த்வமஸி ஜீவநம் ப்ராணிநாம் .
நிஜோருசரிதாம்ருதாத்₃ருதஜநார்பிதேஷ்டவ்ரஜே,
புராணபுரநாயிகே ஜய ஜயாந்நபூர்ணேஶ்வரி .. 11..

க்ருபாம் குரு க்ருபார்ணவே விகலமாஶு கல்யம் குரு
கலே கலுஷஸந்ததிம் கலுஷயாம்ப₃ கல்யாணிநி .
குலாசலநிகேதநே கலிதகுக்குடாலிப்ரியே,
புராணபுரநாயிகே, ஜய ஜயாந்நபூர்ணேஶ்வரி .. 12..

விப₄ஞ்ஜய விபத்ததிம் விதா₃ரயாந்தராயாவலிம்
விபீ₄ஷய ப₄யவ்ரஜம் க₃த₃க₃ணம் விநிர்கா₄தய .
விநிர்த₃ஹ விமூட₄தாம் விகலபா₄வமுச்சாடய
விபோத₂ய த₃ரித்₃ரதாம் ஜய ஜயாந்நபூர்ணேஶ்வரி .. 13..

ஸாவித்ரி ஸது₃பாஸிதே ஸகலநிஷ்கலா(ஆ)காரிணி,
த்வமத்ரிநயநோத்₃ப₄வத்₃யுதிவிஹாஸிவக்த்ரோஜ்ஜ்வலே .
ப₄வித்ரி ப₄வமோசிநி, ப்ரமத₃குக்குடாமோதி₃நி,
த₄ரித்ரி, பரதே₃வதே, குரு க்ருபாம் புராணேஶ்வரி .. 14..

த்வமந்நமமிதம் த₃தா₃ஸ்யகி₂லது₃ர்க₃தேப்₄ய꞉ ப்ரியா
த்வமம்ப₃ ஜக₃தாமதஸ்த்வமஸி ஜீவநம் தே₃ஹிநாம் .
த்வத₃ந்திகமுபேத்ய யே த்வயி விதந்வதே மாநஸம்
த்வமாஶு விதநோஷி தாநகி₂லது₃ர்லப₄ப்ராப₄வாந் .. 15..

ரமே பரமஹம் ரமே தவபதா₃ப்₃ஜயோ ரம்யயோ꞉
ரமேத கதமோ(அ)பி வா ப₄வஸுகே₂ விராமார்திதே₃ .
ரமாரமணபூஜிதே ரமிதராமநாதா₂ந்தரே,
ரமா(ஆ)த்₃ருதகு₃ணாகரே ஜய ஜயாந்நபூர்ணேஶ்வரி .. 16..

உத₃ஞ்சிதக்ருபாப₄ரே ஸுக்ருதஸஞ்சிதாலோகநே,
கராஞ்சிதவிபஞ்சிகாலலிதகா₃நலோலே(அ)ம்பி₃கே .
பராஞ்சிதஸுகாஞ்சநஜ்வலிதகாஞ்சிகாரஞ்ஜிதே
புராஞ்சிதபுரீப்ரியே ஜய ஜயாந்நபூர்ணேஶ்வரி .. 17..

சராசரவிதா₄யிநி த்வத₃கி₂லம் ஜக₃ஜ்ஜாயதே,
த்வத₃ந்நபரிவர்தி₄தாஸ்த்வயி வஸந்தி ஹி ப்ராணிந꞉ .
த்வமேவ விலயாஸ்பத₃ம் நிகி₂லதே₃ஹிநாம் சண்டி₃கே,
புராணபுரநாயிகே ஜய ஜயாந்நபூர்ணேஶ்வரி .. 18..

த்வத₃ம்பு₃ருஹட₃ம்ப₃ரப்ரமத₂நாங்க்₄ரியுக்₃மம் விநா
ஜநஸ்ய ஜக₃த₃ம்பி₃கே ஶரணத₃ம் கிமந்யத்₃பு₄வி .
அதஸ்தவ பதா₃ப்₃ஜயோ꞉ ப்ரதி₃ஶ மே ச ப₄க்திம் பராம்
புராணபுரநாயிகே ஜய ஜயாந்நபூர்ணேஶ்வரி .. 19..

த்வமம்ப₃ ப₄வபீ₄ஷணப்ரப₃லபோ₄கி₃வக்த்ராதி₃மம்
விமோசய க்ருபாகரி ப்ரதிபத₃ம் தவாங்க்₄ரிஶ்ரிதம் .
குமாரி குலபாலிநி ப்ரமத₂யாஶு பீடா₃ப₄ரம்
பராணுத₃ பரம் ப₄யம் ஜய ஜயாந்நபூர்ணேஶ்வரி .. 20..

ஶிர꞉கலிதசந்த்₃ரயா கலிததி₃வ்யபூ₄ஷாட்₄யயா
ஸமஸ்தமுநிவந்த்₃யயா யுதி₄ நிரஸ்ததை₃த்யௌக₄யா .
அநஸ்தமிதபோ₃த₄யா கரவராத்ததி₃வ்யாந்நயா
கயாபி கருணார்த்₃ரயா ஸஶரணா வயம் ஸந்ததம் .. 21..

அமந்த₃மயி ஸம்பத₃ம் பரித₃தா₃ஸி பத்₃மாலயே
ஸுமந்த₃மபி வாக்பதிம் விதநுஷே கி₃ராம் நாயிகே .
முகுந்த₃ஸஹஜே முஹு꞉ கலிதகாலிகாரூபிணி
விஹம்ஸி தி₃திஜாவலிம் ஜய ஜயாந்நபூர்ணேஶ்வரி .. 22..

ப்ரஸீத₃ ஜக₃த₃ம்பி₃கே ஶ்ருணு மதீ₃யதீ₃நம் வச꞉
விபத்ஸு ஶரணம் ப₄வ ப்ரணுத₃ து₃ர்க₃மாம் து₃ர்க₃திம் .
புரோ மம த்₃ருஶோஶ்ஶிவே கநகபூ₄ஷணாபூ₄ஷிதா
ப₄வாநி ப₄வ பா₄ஸுரா ஜய ஜயாந்நபூர்ணேஶ்வரி .. 23..

கதா₃ தவ பதா₃ர்சகம் ஹிமமஹீத்₄ரபுண்யாங்குரே
கிமர்ப₄க தவேப்ஸிதம் கத₂ய ஸாத₄யாம்யாஶு தே .
இதி ப்ரியவசோ மது₄ப்ரகரவர்ஷமாதந்வதீ
புராணபுரநாயிகே மம புரஸ்ஸமாயாஸ்யஸி .. 24..

கலக்வணிதநூபுரா கடிநிப₃த்₃த₄காஞ்சீகு₃ணா
ரணந்மணிவிபூ₄ஷணா சரணகிங்கிணீராவிணீ .
ஶரச்ச₂ஶிமுகோ₂த்₃க₃லந்மது₄ரவாத₃மோத₃ப்ரதா₃
புராணபுரநாயிகே ஜய ஜயாந்நபூர்ணேஶ்வரி .. 25..

அநந்தது₃ரிதக்ரியா(ஆ)சரணசுஞ்சுமப்யம்பி₃கே
ந முஞ்ச தவ கிங்கரம் பரமதீ₃நதீ₃நம் ஶிவே
விபத்ஸு ஹ்ருதி₃ ஸம்ஸ்ம்ருதா ஸகலபாதகத்₄வம்ஸிநீ
ப்ரஸீத₃ பரிபாலய ப்ரணதமந்நபூர்ணேஶ்வரி .. 26..

முநீந்த்₃ரக₃ணஸேவிதே மநுஜபாலஸம்பூஜிதே
மதங்க₃குலநாயிகே மது₄மதோ₃ஜ்ஜ்வலே மோஹிநி .
மராலக₃மநாஞ்சிதே மரகதப்ரபா₄ஶ்யாமலே
மநோஹரி மநோ மம ப்ரமத₃யாந்நபூர்ணேஶ்வரி .. 27..

இத₃ம் கில க்ருதம் மயா ப்ரணதகாமதே₃ மோத₃தே₃
ஸமர்பிதமஹர்பதேரணுகதீ₃பிகாதா₃நவத் .
புராணபுரநாயிகே தவ பதா₃ப்₃ஜயோர்தீ₃ப்ரயோ-
ரபாங்க₃ய ச மாம் ஸதா₃ ஜய ஜயாந்நபூர்ணேஶ்வரி .. 28..

இமாம் நக்ஷத்ரமாலாம் -
பா₄ரத்₃வாஜகுலோத்பந்ந꞉ ஸுப்₃ப₃ராமாபி₄தோ₄ த்₃விஜ꞉ .
பராஶக்தே꞉ பாத₃மூலே பூ₄ஷணம் கல்பயாம்யஹம் ..