Puraatanapureshvaryaah' bhagavatyaah' stavah'

Om annapoorneshvaryai namah'
Puraanapuranaayike suravarenduchood'apriye
Suraasuranamaskri'te kuru kri'paamanaathe mayi .
Jaraamarananaashineemadhigataassuraam' vai suraah'
Charaacharasavitri te charanasevayaivaamaraah' .. 1..

Puraatanapuraalayapriyavihaaralole, shive,
Puraantakamanah'priye, purushasodari, shreepure .
Suraarikulamardini tridivaveerasam'rakshini,
Sphuradgurukri'paanidhe kuru kri'paamanaathe mayi .. 2..

Puraananigamaagamaprakarabodhitapraabhave,
Puraanapurushaarchite, sharanamamba te'nghridvayam .
Puraanasukri'tavrajaprakat'alabdhasandarshane,
Puraanapuranaayike kuru kri'paamanaathe mayi .. 3..

Puraa kila sureshvari, tridashaduh'khasambhedane
Puraarimukhadevataanichayalabdharoopaa'bhavah' .
Puraapi bhavatee satee ditijagarvanirvaapinee,
Puraatanapureshvari, priyamayeem' kri'paam' santanu .. 4..

Puraa hi bhavatassutaa kila vishuddhadhaamnaa bhri'taa
Sureshi bhavagehinee surasharanyapaadaambujaa .
Giraam' pathi na gocharaa tarunachandrachood'aambikaa
Puraanapuranaayikaa jayatu chaannapoorneshvaree .. 5..

Karaakalitapaayasaa parakarollasaddarvikaa
Suvarnamanibhooshanaa sarasabhaktapoorapradaa .
Suchaarumukhachandradhikkri'takalankibimbaa'mbikaa
Suraasuranamaskri'taa vijayataam' puraaneshvaree .. 6..

Chirantanapureshi te chirataram' vichintyaadbhutam'
Chiram' kila muneeshvaraashcharitasindhumagnaah' param .
Chiraadapi suraaspadam' na khalu vaanchhitam' manvate
Chiraarjitatapah'phale jaya jayaannapoorneshvari .. 7..

Kalaanidhikalaadhare kalavilaasavaaneegune
Kalaadharakulaarchite kalakalaaranannoopure .
Kalaapajitataarakaavalilasannitambojjvale
Kalaapitapuraapure jaya jayaannapoorneshvari .. 8..

Kshudhaandhajanajeevane janani saadhusanjeevane
Mudhaakri'tasudhaarase budhajanaissadaa sevite .
Budhaavalinute'mbike, vividhavaibhavaanargale,
Vidhaatri'mukhapoojite, jaya jayaannapoorneshvari .. 9..

Maheesurakulaayane, kri'tamaheesuraaraadhane,
Maheekri'tayugaarnave, mahitabhaktadaanavrate .
Maheepatisamarchite himamaheedhrapunyaankure
Maheemukharavaibhave jaya jayaannapoorneshvari .. 10..

Suchaaruradanojjvalatsmitalasachchharachchharvaree
Karaayutasadri'ngmukhee tvamasi jeevanam' praaninaam .
Nijorucharitaamri'taadri'tajanaarpitesht'avraje,
Puraanapuranaayike jaya jayaannapoorneshvari .. 11..

Kri'paam' kuru kri'paarnave vikalamaashu kalyam' kuru
Kale kalushasantatim' kalushayaamba kalyaanini .
Kulaachalaniketane kalitakukkut'aalipriye,
Puraanapuranaayike, jaya jayaannapoorneshvari .. 12..

Vibhanjaya vipattatim' vidaarayaantaraayaavalim'
Vibheeshaya bhayavrajam' gadaganam' vinirghaataya .
Vinirdaha vimood'hataam' vikalabhaavamuchchaat'aya
Vipothaya daridrataam' jaya jayaannapoorneshvari .. 13..

Saavitri sadupaasite sakalanishkalaa''kaarini,
Tvamatrinayanodbhavadyutivihaasivaktrojjvale .
Bhavitri bhavamochini, pramadakukkut'aamodini,
Dharitri, paradevate, kuru kri'paam' puraaneshvari .. 14..

Tvamannamamitam' dadaasyakhiladurgatebhyah' priyaa
Tvamamba jagataamatastvamasi jeevanam' dehinaam .
Tvadantikamupetya ye tvayi vitanvate maanasam'
Tvamaashu vitanoshi taanakhiladurlabhapraabhavaan .. 15..

Rame paramaham' rame tavapadaabjayo ramyayoh'
Rameta katamo'pi vaa bhavasukhe viraamaartide .
Ramaaramanapoojite ramitaraamanaathaantare,
Ramaa''dri'tagunaakare jaya jayaannapoorneshvari .. 16..

Udanchitakri'paabhare sukri'tasanchitaalokane,
Karaanchitavipanchikaalalitagaanalole'mbike .
Paraanchitasukaanchanajvalitakaanchikaaranjite
Puraanchitapureepriye jaya jayaannapoorneshvari .. 17..

Charaacharavidhaayini tvadakhilam' jagajjaayate,
Tvadannaparivardhitaastvayi vasanti hi praaninah' .
Tvameva vilayaaspadam' nikhiladehinaam' chand'ike,
Puraanapuranaayike jaya jayaannapoorneshvari .. 18..

Tvadamburuhad'ambarapramathanaanghriyugmam' vinaa
Janasya jagadambike sharanadam' kimanyadbhuvi .
Atastava padaabjayoh' pradisha me cha bhaktim' paraam'
Puraanapuranaayike jaya jayaannapoorneshvari .. 19..

Tvamamba bhavabheeshanaprabalabhogivaktraadimam'
Vimochaya kri'paakari pratipadam' tavaanghrishritam .
Kumaari kulapaalini pramathayaashu peed'aabharam'
Paraanuda param' bhayam' jaya jayaannapoorneshvari .. 20..

Shirah'kalitachandrayaa kalitadivyabhooshaad'hyayaa
Samastamunivandyayaa yudhi nirastadaityaughayaa .
Anastamitabodhayaa karavaraattadivyaannayaa
Kayaapi karunaardrayaa sasharanaa vayam' santatam .. 21..

Amandamayi sampadam' paridadaasi padmaalaye
Sumandamapi vaakpatim' vitanushe giraam' naayike .
Mukundasahaje muhuh' kalitakaalikaaroopini
Viham'si ditijaavalim' jaya jayaannapoorneshvari .. 22..

Praseeda jagadambike shri'nu madeeyadeenam' vachah'
Vipatsu sharanam' bhava pranuda durgamaam' durgatim .
Puro mama dri'shoshshive kanakabhooshanaabhooshitaa
Bhavaani bhava bhaasuraa jaya jayaannapoorneshvari .. 23..

Kadaa tava padaarchakam' himamaheedhrapunyaankure
Kimarbhaka tavepsitam' kathaya saadhayaamyaashu te .
Iti priyavacho madhuprakaravarshamaatanvatee
Puraanapuranaayike mama purassamaayaasyasi .. 24..

Kalakvanitanoopuraa kat'inibaddhakaancheegunaa
Rananmanivibhooshanaa charanakinkineeraavinee .
Sharachchhashimukhodgalanmadhuravaadamodapradaa
Puraanapuranaayike jaya jayaannapoorneshvari .. 25..

Anantaduritakriyaa''charanachunchumapyambike
Na muncha tava kinkaram' paramadeenadeenam' shive
Vipatsu hri'di sam'smri'taa sakalapaatakadhvam'sinee
Praseeda paripaalaya pranatamannapoorneshvari .. 26..

Muneendraganasevite manujapaalasampoojite
Matangakulanaayike madhumadojjvale mohini .
Maraalagamanaanchite marakataprabhaashyaamale
Manohari mano mama pramadayaannapoorneshvari .. 27..

Idam' kila kri'tam' mayaa pranatakaamade modade
Samarpitamaharpateranukadeepikaadaanavat .
Puraanapuranaayike tava padaabjayordeeprayo-
Rapaangaya cha maam' sadaa jaya jayaannapoorneshvari .. 28..

Imaam' nakshatramaalaam' -
Bhaaradvaajakulotpannah' subbaraamaabhidho dvijah' .
Paraashakteh' paadamoole bhooshanam' kalpayaamyaham ..