నారాయణసూక్తమ్

.. నారాయణసూక్తమ్ ..

ఓం స॒హ నా॑వవతు . స॒హ నౌ॑ భునక్తు . స॒హ వీ॒ర్యం॑ కరవావహై .
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ..

ఓం శాన్తిః॒ శాన్తిః॒ శాన్తిః॑ ..

ఓం .. స॒హ॒స్ర॒శీర్॑షన్దే॒వం॒ వి॒శ్వాక్షం॑విఀ॒శ్వశ॑మ్భువమ్ .
విశ్వం॑ నా॒రాయ॑ణన్దే॒వ॒మ॒క్షరం॑ పర॒మమ్పదమ్ .
వి॒శ్వతః॒ పర॑మాన్ని॒త్యం॒విఀ॒శ్వం నా॑రాయ॒ణగ్ం హ॑రిమ్ .
విశ్వ॑మే॒వేదమ్పురు॑ష॒స్తద్విశ్వముప॑జీవతి .
పతిం॒విఀశ్వ॑స్యా॒త్మేశ్వ॑ర॒గ్ం శాశ్వ॑తగ్ం శి॒వమ॑చ్యుతమ్ .
నా॒రాయ॒ణం మ॑హాజ్ఞే॒యం॒విఀ॒శ్వాత్మా॑నమ్ప॒రాయ॑ణమ్ .
నా॒రాయ॒ణప॑రో జ్యో॒తి॒రా॒త్మా నా॑రాయ॒ణః ప॑రః .
నా॒రాయ॒ణపరం॑ బ్ర॒హ్మ॒ తత్త్వం నా॑రాయ॒ణః ప॑రః .
నా॒రాయ॒ణప॑రో ధ్యా॒తా॒ ధ్యా॒నం నా॑రాయ॒ణః ప॑రః .
యచ్చ॑ కి॒ఞ్చిజ్జగత్స॒ర్వం॒ దృ॒శ్యతే᳚ శ్రూయ॒తేఽపి॑ వా ..

అన్త॑ర్బ॒హిశ్చ॑ తత్స॒ర్వం॒వ్యాఀ॒ప్య నా॑రాయ॒ణః స్థి॑తః .
అనన్త॒మవ్యయం॑ క॒విగ్ం స॑ము॒ద్రేంఽతం॑విఀ॒శ్వశ॑మ్భువమ్ .
ప॒ద్మ॒కో॒శప్ర॑తీకా॒శ॒గ్ం హృ॒దయం॑ చాప్య॒ధోము॑ఖమ్ .
అధో॑ ని॒ష్ట్యా వి॑తస్యా॒న్తే॒ నా॒భ్యాము॑పరి॒ తిష్ఠ॑తి .
జ్వా॒ల॒మా॒లాకు॑లమ్భా॒తీ॒ వి॒శ్వస్యా॑యత॒నం మ॑హత్ .
సన్త॑తగ్ం శి॒లాభి॑స్తు॒ లమ్బ॑త్యాకోశ॒సన్ని॑భమ్ .
తస్యాన్తే॑ సుషి॒రగ్ం సూ॒క్ష్మన్తస్మిన్᳚ స॒ర్వమ్ప్రతి॑ష్ఠితమ్ .
తస్య॒ మధ్యే॑ మ॒హాన॑గ్నిర్వి॒శ్వార్చి॑ర్వి॒శ్వతో॑ముఖః .
సోఽగ్ర॑భు॒గ్విభ॑జన్తి॒ష్ఠ॒న్నాహా॑రమజ॒రః క॒విః .
తి॒ర్య॒గూ॒ర్ధ్వమ॑ధశ్శా॒యీ॒ ర॒శ్మయ॑స్తస్య॒ సన్త॑తా .
స॒న్తా॒పయ॑తి స్వన్దే॒హమాపా॑దతల॒మస్త॑కః .
తస్య॒ మధ్యే॒ వహ్ని॑శిఖా అ॒ణీయో᳚ర్ధ్వా వ్య॒వస్థి॑తః .
నీ॒లతో॑యద॑మధ్య॒స్థా॒ద్వి॒ధ్యుల్లే॑ఖేవ॒ భాస్వ॑రా .
నీ॒వార॒శూక॑వత్త॒న్వీ॒ పీ॒తా భా᳚స్వత్య॒ణూప॑మా .
తస్యాః᳚ శిఖా॒యా మ॑ధ్యే ప॒రమా᳚త్మా వ్య॒వస్థి॑తః .
స బ్రహ్మ॒ స శివః॒ స హరిః॒ సేన్ద్రః॒ సోఽక్ష॑రః పర॒మః స్వ॒రాట్ ..

ఋతగ్ం స॒త్యమ్ప॑రమ్బ్ర॒హ్మ॒ పు॒రుషం॑ కృష్ణ॒పిఙ్గ॑లమ్ .
ఊ॒ర్ధ్వరే॑తంవిఀ॑రూపా॒క్షం॒విఀ॒శ్వరూ॑పాయ॒ వై నమో॒ నమః॑ ..

ఓం నా॒రా॒య॒ణాయ॑ వి॒ద్మహే॑ వాసుదే॒వాయ॑ ధీమహి .
తన్నో॑ విష్ణుః ప్రచో॒దయా᳚త్ ..

.. ఓం శాన్తిః॒ శాన్తిః॒ శాన్తిః॑ ..