.. దుర్గాష్టోత్తర శతనామస్తోత్రమ్ ..

.. దుర్గాష్టోత్తర శతనామస్తోత్రమ్ ..

.. న్యాసః ..

.. స్తోత్రమ్ ..

సత్యా సాధ్యా భవప్రీతా భవానీ భవమోచనీ.
ఆర్యా దుర్గా జయా చఽఽద్యా త్రినేత్రా శూలధారిణీ..1..

పినాకధారిణీ చిత్రా చన్డఘణ్టా మహాతపాః.
మనో బుద్ధిరహఙ్కారా చిద్రూపా చ చిదాకృతిః..2..

అనన్తా భావినీ భవ్యా హ్యభవ్యా చ సదాగతిః.
శామ్భవీ దేవమాతా చ చిన్తా రత్నప్రియా తథా..3..

సర్వవిద్యా దక్షకన్యా దక్షయజ్ఞవినాశినీ.
అపర్ణాఽనేకవర్ణా చ పాటలా పాటలావతీ..4..

పట్టామ్బరపరీధానా కలమఞ్జీరరఞ్జినీ.
ఈశానీ చ మహారాజ్ఞీ హ్యప్రమేయపరాక్రమా..5..

రుద్రాణీ క్రూరరూపా చ సున్దరీ సురసున్దరీ.
వనదుర్గా చ మాతఙ్గీ మతఙ్గమునికన్యకా..6..

బ్రాహ్మీ మాహేశ్వరీ చైన్ద్రీ కౌమారీ వైష్ణవీ తథా.
చాముణ్డా చైవ వారాహీ లక్ష్మీశ్చ పురుషాకృతిః..7..

విమలా జ్ఞానరూపా చ క్రియా నిత్యా చ బుద్ధిదా.
బహులా బహులప్రేమా మహిషాసురమర్దినీ..8..

మధుకైటభహన్త్రీ చ చణ్డముణ్డవినాశినీ.
సర్వశాస్త్రమయీ చైవ సర్వదానవఘాతినీ..9..

అనేకశస్త్రహస్తా చ సర్వశస్త్రాస్త్రధారిణీ.
భద్రకాలీ సదాకన్యా కైశోరీ యువతిర్యతిః..10..

ప్రౌఢాఽప్రౌఢా వృద్ధమాతా ఘోరరూపా మహోదరీ.
బలప్రదా ఘోరరూపా మహోత్సాహా మహాబలా..11..

అగ్నిజ్వాలా రౌద్రముఖీ కాలరాత్రీ తపస్వినీ.
నారాయణీ మహాదేవీ విష్ణుమాయా శివాత్మికా..12..

శివదూతీ కరాలీ చ హ్యనన్తా పరమేశ్వరీ.
కాత్యాయనీ మహావిద్యా మహామేధాస్వరూపిణీ..13..

గౌరీ సరస్వతీ చైవ సావిత్రీ బ్రహ్మవాదినీ.
సర్వతత్త్వైకనిలయా వేదమన్త్రస్వరూపిణీ..14..

.. ఫలశ్రుతిః..

ఇదం స్తోత్రం మహాదేవ్యా నామ్నామ్ అష్టోత్తరం శతమ్.
యః పఠేత్ ప్రయతో నిత్యం భక్తిభావేన చేతసా..15..

శత్రుభ్యో న భయం తస్య తస్య శత్రుక్షయం భవేత్.
సర్వదుఃఖదరిద్రాచ్చ సుసుఖం ముచ్యతే ధ్రువమ్..16..

విద్యార్థీ లభతే విద్యాం ధనార్థీ లభతే ధనమ్.
కన్యార్థీ లభతే కన్యాం కన్యా చ లభతే వరమ్..17..

ఋణీ ఋణాద్విముచ్యేత హ్యపుత్రో లభతే సుతమ్.
రోగాద్విముచ్యతే రోగీ సుఖమత్యన్తమశ్నుతే..18..

భూమిలాభో భవేత్ తస్య సర్వత్ర విజయీ భవేత్.
సర్వాన్ కామానవాప్నోతి మహాదేవీప్రసాదతః..19..

కుఙ్కుమైర్బిల్వపత్రైశ్చ సుగన్ధై రక్తపుష్పకైః.
రక్తపత్రైర్విశేషేణ పూజయన్ భద్రమశ్నుతే..20..