કુન્તીસ્તુતિઃ

.. કુન્તીસ્તુતિઃ ..

નમસ્યે પુરુષં ત્વદ્યમીશ્વરં પ્રકૃતે: પરમ્ .
અલક્ષ્યં સર્વભૂતાનામન્તર્બહિરવાસ્થિતમ્ ..૧..

માયાજવનિકાચ્છન્નમજ્ઞાધોક્ષમવ્યયમ્ .
ન લક્ષ્યસે મૂઢદૃશા નટો નાટયધરો યથા ..૨..

તથા પરમહંસાનાં મુનીનામમલાત્મનામ્ .
ભક્તિયોગવિધાનાર્થં કથં પશ્યેમ હિ સ્ત્રિય: ..૩..

કૃષ્ણાય વાસુદેવાય દેવકીનન્દનાય ચ .
નન્દગોપકુમારાય ગોવિન્દાય નમો નમ: ..૪..

નમ: પઙ્કજનાભાય નમ: પઙ્કજમાલિને .
નમ: પઙ્કજનેત્રાય નમસ્તે પઙ્કજાઙ્ઘ્રયે ..૫..

યથા હૃષીકેશ ખલેન દેવકી
કંસેને રુદ્ધાતિચિરં શુચાર્પિતા .
વિમોચિતાહં ચ સહાત્મજા વિભો
ત્વયૈવ નાથેન મુહુર્વિપદ્ગણાત્ ..૬..

વિષાન્મહાગ્ને: પુરુષાદદર્શના
દસત્સભાયા વનવાસકૃચ્છ્રત: .
મૃધે મૃધે sનેકમહારથાસ્ત્રતો
દ્રૌણ્યસ્ત્રતશ્ચાસ્મ હરે sભિસક્ષિતા: ..૭..

વિપદ: સન્તુ તા: શશ્વત્તત્ર તત્ર જગદ્ગુરો .
ભવતો દર્શનં યત્સ્યાદપુનર્ભવદર્શનમ્ ..૮..

જન્મૈશ્વર્યશ્રિતશ્રીભિરેધમાનમદ: પુમાન્ .
નૈવાર્હત્યભિધાતું વૈ ત્વામકિઞ્ચનગોચરમ્ ..૯..

નમો sકિઞ્ચનવિત્તાય નિવૃત્તગુણવૃત્તયે .
આત્મારામાય શાન્તાય કૈવલ્યપતયે નમ: ..૧૦..

મન્યે ત્વાં કાલમીશાનમનાદિનિધનં વિભુમ્ .
સમં ચરન્તં સર્વત્ર ભૂતાનાં યન્મિથ: કલિ: ..૧૧..

ન વદે કશ્ચદ્ભગવંશ્ચિકીર્ષિતં
તવેહમાનસ્ય નૃણાં વિડમ્બનમ્ .
ન યસ્ય કશ્ચિદ્દયિતો sસ્તિ કહિર્ચિદ્
દ્વષ્યશ્ચ યસ્મિન્વિષમા મતિર્નૃણામ્ ..૧૨..

જન્મ કર્મ ચ વિશ્વાત્મન્નકસ્યાકર્તુરાત્મન: .
તિર્યઙ્નૃષિષુ યાદ: સ તદત્યન્તવિડમ્બનમ્ ..૧૩..

ગોપ્યાદદે ત્વયિ કૃતાગસિ દામ તાવદ્યા તે દશાશ્રુકલિલાઞ્જનાસમ્ભ્રમાક્ષમ્ .
વક્રં નિનીય ભયભાવનયા સ્થિતસ્ય
સા માં વિમોહયતિ ભીરપિ યદ્બિભેતિ ..૧૪..

કેચિદાહુરજં જાતં પુણ્યશ્લોકસ્ય કીર્તયે .
યદો: પ્રિયસ્યાન્વવાયે મલયસ્યેવ ચન્દનમ્ ..૧૫..

અપરે વસુદેવસ્ય દેવક્યાં યાચિતો sભ્યગાત્ .
અજસ્ત્વમસ્ય ક્ષેમાય વધાય ચ સુરદ્વિષામ્ ..૧૮..

ભારાવતારણાયાન્યે ભુવો નાવ ઇવોદધૌ .
સીદન્ત્યા ભૂરિભારેણ જાતો હ્યાત્મભુવાર્થિત: ..૧૯..

ભવેષ્મિન્ ક્લિષ્યમાનાનામવિદ્યાકામકર્મભિઃ.
શ્રવણ સ્મરણાર્હાણિ કરિષ્યન્નિતિ કેચ ..૨૦..

શૃણ્વન્તિ ગાયન્તિ ગૃણન્ત્યભીક્ષ્ણશ:
સ્મરન્તિ નન્દન્તિ તવેહિતં જના: .
ત એવ પશ્યન્ત્યચિરેણ તાવકં
ભવપ્રવાહોપરમં પદામ્બુજમ્ ..૨૧..

અપ્યદ્ય નસ્ત્વં સ્વકૃતેહિત પ્રભો
જિહાસસિ સ્વિત્સુહૃદો sનુજીવિન: .
યેષાં ન ચાન્યદ્ભવત: પદામ્બુજા-
ત્પરાયણં રાજસુ યોજિતાંહસામ્ ..૨૨..

કે વયં નામરૂપાભ્યાં યદુભિ: સહ પાણ્ડવા: .
ભવતો sદર્શનં યર્હિ હૃષીકાણામિવેશિતુ: ..૨૩..

નેયં શોભિષ્યતે તત્ર યથેદાનીં ગદાધર .
ત્વત્પદૈરઙ્કિતા ભાતિ સ્વલક્ષણવિલક્ષિતૈ: ..૨૪..

ઇમે જનપદા: સ્વૃદ્ધા: સુપક્વૌષધિવીરુધ: .
વનાદ્રિનદ્યુદન્વન્તો હ્યેધન્તે તવ વીક્ષિતૈ: ..૨૫..

સ્નેહપાશમિમં છિન્ધિ દૃઢં પાણ્ડુષુ વૃષ્ણષુ ..૨૬..

ત્વયિ મે sનન્યવિષ્યા મતિર્મધુપતે sસકૃત્ .
રતિમુદ્વહતાદદ્ધા ગઙ્ગેવૌઘમુદન્વતિ ..૨૭..

શ્રીકૃષ્ણ કૃષ્ણસખ વૃષ્ણ્યૃષભાવનિધ્રુગ્-
રાજન્યવંશદહનાનપવર્ગવીર્ય .
ગોવિન્દ ગોદ્વિજસુરાર્તિહરાવતાર
યોગેશ્વરાખિલગુરો ભગવન્નમસ્તે ..૨૮..