కున్తీస్తుతిః

.. కున్తీస్తుతిః ..

నమస్యే పురుషం త్వద్యమీశ్వరం ప్రకృతే: పరమ్ .
అలక్ష్యం సర్వభూతానామన్తర్బహిరవాస్థితమ్ ..1..

మాయాజవనికాచ్ఛన్నమజ్ఞాధోక్షమవ్యయమ్ .
న లక్ష్యసే మూఢదృశా నటో నాటయధరో యథా ..2..

తథా పరమహంసానాం మునీనామమలాత్మనామ్ .
భక్తియోగవిధానార్థం కథం పశ్యేమ హి స్త్రియ: ..3..

కృష్ణాయ వాసుదేవాయ దేవకీనన్దనాయ చ .
నన్దగోపకుమారాయ గోవిన్దాయ నమో నమ: ..4..

నమ: పఙ్కజనాభాయ నమ: పఙ్కజమాలినే .
నమ: పఙ్కజనేత్రాయ నమస్తే పఙ్కజాఙ్ఘ్రయే ..5..

యథా హృషీకేశ ఖలేన దేవకీ
కంసేనే రుద్ధాతిచిరం శుచార్పితా .
విమోచితాహం చ సహాత్మజా విభో
త్వయైవ నాథేన ముహుర్విపద్గణాత్ ..6..

విషాన్మహాగ్నే: పురుషాదదర్శనా
దసత్సభాయా వనవాసకృచ్ఛ్రత: .
మృధే మృధే sనేకమహారథాస్త్రతో
ద్రౌణ్యస్త్రతశ్చాస్మ హరే sభిసక్షితా: ..7..

విపద: సన్తు తా: శశ్వత్తత్ర తత్ర జగద్గురో .
భవతో దర్శనం యత్స్యాదపునర్భవదర్శనమ్ ..8..

జన్మైశ్వర్యశ్రితశ్రీభిరేధమానమద: పుమాన్ .
నైవార్హత్యభిధాతుం వై త్వామకిఞ్చనగోచరమ్ ..9..

నమో sకిఞ్చనవిత్తాయ నివృత్తగుణవృత్తయే .
ఆత్మారామాయ శాన్తాయ కైవల్యపతయే నమ: ..10..

మన్యే త్వాం కాలమీశానమనాదినిధనం విభుమ్ .
సమం చరన్తం సర్వత్ర భూతానాం యన్మిథ: కలి: ..11..

న వదే కశ్చద్భగవంశ్చికీర్షితం
తవేహమానస్య నృణాం విడమ్బనమ్ .
న యస్య కశ్చిద్దయితో sస్తి కహిర్చిద్
ద్వష్యశ్చ యస్మిన్విషమా మతిర్నృణామ్ ..12..

జన్మ కర్మ చ విశ్వాత్మన్నకస్యాకర్తురాత్మన: .
తిర్యఙ్నృషిషు యాద: స తదత్యన్తవిడమ్బనమ్ ..13..

గోప్యాదదే త్వయి కృతాగసి దామ తావద్యా తే దశాశ్రుకలిలాఞ్జనాసమ్భ్రమాక్షమ్ .
వక్రం నినీయ భయభావనయా స్థితస్య
సా మాం విమోహయతి భీరపి యద్బిభేతి ..14..

కేచిదాహురజం జాతం పుణ్యశ్లోకస్య కీర్తయే .
యదో: ప్రియస్యాన్వవాయే మలయస్యేవ చన్దనమ్ ..15..

అపరే వసుదేవస్య దేవక్యాం యాచితో sభ్యగాత్ .
అజస్త్వమస్య క్షేమాయ వధాయ చ సురద్విషామ్ ..18..

భారావతారణాయాన్యే భువో నావ ఇవోదధౌ .
సీదన్త్యా భూరిభారేణ జాతో హ్యాత్మభువార్థిత: ..19..

భవేష్మిన్ క్లిష్యమానానామవిద్యాకామకర్మభిః.
శ్రవణ స్మరణార్హాణి కరిష్యన్నితి కేచ ..20..

శృణ్వన్తి గాయన్తి గృణన్త్యభీక్ష్ణశ:
స్మరన్తి నన్దన్తి తవేహితం జనా: .
త ఏవ పశ్యన్త్యచిరేణ తావకం
భవప్రవాహోపరమం పదామ్బుజమ్ ..21..

అప్యద్య నస్త్వం స్వకృతేహిత ప్రభో
జిహాససి స్విత్సుహృదో sనుజీవిన: .
యేషాం న చాన్యద్భవత: పదామ్బుజా-
త్పరాయణం రాజసు యోజితాంహసామ్ ..22..

కే వయం నామరూపాభ్యాం యదుభి: సహ పాణ్డవా: .
భవతో sదర్శనం యర్హి హృషీకాణామివేశితు: ..23..

నేయం శోభిష్యతే తత్ర యథేదానీం గదాధర .
త్వత్పదైరఙ్కితా భాతి స్వలక్షణవిలక్షితై: ..24..

ఇమే జనపదా: స్వృద్ధా: సుపక్వౌషధివీరుధ: .
వనాద్రినద్యుదన్వన్తో హ్యేధన్తే తవ వీక్షితై: ..25..

స్నేహపాశమిమం ఛిన్ధి దృఢం పాణ్డుషు వృష్ణషు ..26..

త్వయి మే sనన్యవిష్యా మతిర్మధుపతే sసకృత్ .
రతిముద్వహతాదద్ధా గఙ్గేవౌఘముదన్వతి ..27..

శ్రీకృష్ణ కృష్ణసఖ వృష్ణ్యృషభావనిధ్రుగ్-
రాజన్యవంశదహనానపవర్గవీర్య .
గోవిన్ద గోద్విజసురార్తిహరావతార
యోగేశ్వరాఖిలగురో భగవన్నమస్తే ..28..