॥ কৃষ্ণযজুর্ভ়েদস্য পুরুষসূক্তম্ ॥

কৃষ্ণযজুর্ভ়েদস্য পুরুষসূক্তম্

ওঁ তচ্ছং॒ যোরাভ়ৃ॑ণীমহে । গা॒তুং য॒জ্ঞায॑ । গা॒তুং য॒জ্ঞপ॑তযে । দৈভ়ী᳚ স্ব॒স্তির॑স্তু নঃ ।
স্ব॒স্তির্মানু॑ষেভ্যঃ । ঊ॒র্ধ্বং জি॑গাতু ভেষ॒জম্ । শন্নো॑ অস্তু দ্বি॒পদে᳚ । শং চতু॑ষ্পদে ।
ওঁ শান্তিঃ॒ শান্তিঃ॒ শান্তিঃ॑ ।
হরিঃ ওঁ
ওঁ স॒হস্র॑শীর্ষা॒ পুরু॑ষঃ । স॒হ॒স্রা॒ক্ষঃ স॒হস্র॑পাৎ ।
স ভূমিং॑ ভ়ি॒শ্বতো॑ ভ়ৃ॒ত্বা । অত্য॑তিষ্ঠদ্দশাঙ্গু॒লম্ । ১
পুরু॑ষ এ॒ভ়েদꣳ সর্ভ়ম্᳚ । যদ্ভূ॒তং যচ্চ॒ ভভ়্যম্᳚।
উ॒তামৃ॑ত॒ত্বস্যেশা॑নঃ । যদন্নে॑নাতি॒রোহ॑তি । ২
এ॒তাভ়া॑নস্য মহি॒মা । অতো॒ জ্যাযাꣳ॑শ্চ॒ পূরু॑ষঃ ।
পাদো᳚ঽস্য॒ ভ়িশ্বা॑ ভূ॒তানি॑ । ত্রি॒পাদ॑স্যা॒মৃতং॑ দি॒ভ়ি । ৩
ত্রি॒পাদূ॒র্ধ্ব উদৈ॒ৎপুরু॑ষঃ । পাদো᳚ঽস্যে॒হাঽঽভ॑ভ়া॒ৎপুনঃ॑ ।
ততো॒ ভ়িশ্ব॒ঙ্ব্য॑ক্রামৎ । সা॒শ॒না॒ন॒শ॒নে অ॒ভি । ৪
তস্মা᳚দ্বি॒রাড॑জাযত । ভ়ি॒রাজো॒ অধি॒ পূরু॑ষঃ ।
স জা॒তো অত্য॑রিচ্যত । প॒শ্চাদ্ভূমি॒মথো॑ পু॒রঃ । ৫
যৎপুরু॑ষেণ হ॒ভ়িষা᳚ । দে॒ভ়া য॒জ্ঞমত॑ন্বত ।
ভ়॒স॒ন্তো অ॑স্যাসী॒দাজ্যম্᳚ । গ্রী॒ষ্ম ই॒ধ্মঃ শ॒রদ্ধ॒ভ়িঃ । ৬
স॒প্তাস্যা॑সন্পরি॒ধযঃ॑ । ত্রিঃ স॒প্ত স॒মিধঃ॑ কৃ॒তাঃ ।
দে॒ভ়া যদ্য॒জ্ঞং ত॑ন্বা॒নাঃ । অব॑ধ্ন॒ন্পু॑রুষং প॒শুম্ । ৭
তং য॒জ্ঞং ব॒র্হিষি॒ প্রৌক্ষন্॑ । পুরু॑ষং জা॒তম॑গ্র॒তঃ ।
তেন॑ দে॒ভ়া অয॑জন্ত । সা॒ধ্যা ঋষ॑যশ্চ॒ যে । ৮
তস্মা᳚দ্য॒জ্ঞাৎস॑র্ভ়॒হুতঃ॑ । সংভৃ॑তং পৃষদা॒জ্যম্ ।
প॒শূꣳস্তাꣳশ্চ॑ক্রে ভ়ায॒ভ়্যান্॑ । আ॒র॒ণ্যান্গ্রা॒ম্যাশ্চ॒ যে । ৯
তস্মা᳚দ্য॒জ্ঞাৎস॑র্ভ়॒হুতঃ॑ । ঋচঃ॒ সামা॑নি জজ্ঞিরে ।
ছন্দাꣳ॑সি জজ্ঞিরে॒ তস্মা᳚ৎ । যজু॒স্তস্মা॑দজাযত । ১০
তস্মা॒দশ্বা॑ অজাযন্ত । যে কে চো॑ভ॒যাদ॑তঃ ।
গাভ়ো॑ হ জজ্ঞিরে॒ তস্মা᳚ৎ । তস্মা᳚জ্জা॒তা অ॑জা॒ভ়যঃ॑ । ১১
যৎপুরু॑ষং॒ ভ়্য॑দধুঃ । ক॒তি॒ধা ভ়্য॑কল্পযন্ ।
মুখং॒ কিম॑স্য॒ কৌ বা॒হূ । কাভ়ূ॒রূ পাদা॑ভ়ুচ্যেতে । ১২
ব্রা॒হ্ম॒ণো᳚ঽস্য॒ মুখ॑মাসীৎ । বা॒হূ রা॑জ॒ন্যঃ॑ কৃ॒তঃ ।
ঊ॒রূ তদ॑স্য॒ যদ্বৈশ্যঃ॑ । প॒দ্ভ্যাꣳ শূ॒দ্রো অ॑জাযত । ১৩
চ॒ন্দ্রমা॒ মন॑সো জা॒তঃ । চক্ষোঃ॒ সূর্যো॑ অজাযত ।
মুখা॒দিন্দ্র॑শ্চা॒গ্নিশ্চ॑ । প্রা॒ণাদ্বা॒যুর॑জাযত । ১৪
নাভ্যা॑ আসীদ॒ন্তরি॑ক্ষম্ । শী॒র্ষ্ণো দ্যৌঃ সম॑ভ়র্তত ।
প॒দ্ভ্যাং ভূমি॒র্দিশঃ॒ শ্রোত্রা᳚ৎ । তথা॑ লো॒কাꣳ অ॑কল্পযন্ । ১৫
ভ়েদা॒হমে॒তং পুরু॑ষং ম॒হান্তম্᳚ । আ॒দি॒ত্যভ়॑র্ণং॒ তম॑সস্তু॒ পা॒রে ।
সর্ভ়া॑ণি রূ॒পাণি॑ ভ়ি॒চিত্য॒ ধীরঃ॑ । নামা॑নি কৃ॒ত্বাঽভি॒ভ়দ॒ন্ যদাস্তে᳚ । ১৬
ধা॒তা পু॒রস্তা॒দ্যমু॑দাজ॒হার॑ । শ॒ক্রঃ প্রভ়ি॒দ্বান্প্র॒দিশ॒শ্চত॑স্রঃ ।
তমে॒ভ়ং ভ়ি॒দ্বান॒মৃত॑ ই॒হ ভ॑ভ়তি । নান্যঃ পন্থা॒ অয॑নায ভ়িদ্যতে । ১৭
য॒জ্ঞেন॑ য॒জ্ঞম॑যজন্ত দে॒ভ়াঃ । তানি॒ ধর্মা॑ণি প্রথ॒মান্যা॑সন্ ।
তে হ॒ নাকং॑ মহি॒মানঃ॑ সচন্তে । যত্র॒ পূর্ভ়ে॑ সা॒ধ্যাঃ সন্তি॑ দে॒ভ়াঃ । ১৮
অ॒দ্ভ্যঃ সংভূ॑তঃ পৃথি॒ভ়্যৈ রসা᳚চ্চ । ভ়ি॒শ্বক॑র্মণঃ॒ সম॑ভ়র্ত॒তাধি॑ ।
তস্য॒ ত্বষ্টা॑ ভ়ি॒দধ॑দ্রূ॒পমে॑তি । তৎপুরু॑ষস্য॒ ভ়িশ্ব॒মাজা॑ন॒মগ্রে᳚ । ১৯
ভ়েদা॒হমে॒তং পুরু॑ষং ম॒হান্তম্᳚ । আ॒দি॒ত্যভ়॑র্ণং॒ তম॑সঃ॒ পর॑স্তাৎ ।
তমে॒ভ়ং ভ়ি॒দ্বান॒মৃত॑ ই॒হ ভ॑ভ়তি । নান্যঃ পন্থা॑ ভ়িদ্য॒তেয॑ঽনায । ২০
প্র॒জাপ॑তিশ্চরতি॒ গর্ভে॑ অ॒ন্তঃ । অ॒জায॑মানো বহু॒ধা ভ়িজা॑যতে ।
তস্য॒ ধীরাঃ॒ পরি॑জানন্তি॒ যোনিম্᳚ । মরী॑চীনাং প॒দমি॑চ্ছন্তি
ভ়ে॒ধসঃ॑ । ২১
যো দে॒ভ়েভ্য॒ আত॑পতি । যো দে॒ভ়ানাং᳚ পু॒রোহি॑তঃ ।
পূর্ভ়ো॒ যো দে॒ভ়েভ্যো॑ জা॒তঃ । নমো॑ রু॒চায॒ ব্রাহ্ম॑যে । ২২
রুচং॑ ব্রা॒হ্মম্ জ॒নয॑ন্তঃ । দে॒ভ়া অগ্রে॒ তদ॑ব্রুভ়ন্ ।
যস্ত্বৈ॒ভ়ং ব্রা᳚হ্ম॒ণো ভ়ি॒দ্যাৎ । তস্য॑ দে॒ভ়া অস॒ন্ ভ়শে᳚ । ২৩
হ্রীশ্চ॑ তে ল॒ক্ষ্মীশ্চ॒ পত্ন্যৌ᳚ । অ॒হো॒রা॒ত্রে পা॒র্শ্বে ।
নক্ষ॑ত্রাণি রূ॒পম্ । অ॒শ্বিনৌ॒ ভ়্যাত্তম্᳚ । ই॒ষ্টম্ ম॑নিষাণ ।
অ॒মুং ম॑নিষাণ । সর্ভ়॑ম্ মনিষাণ । ২৪
ওঁ তচ্ছং॒ যোরাভ়ৃ॑ণীমহে । গা॒তুং য॒জ্ঞায॑ । গা॒তুং যজ্ঞপ॑তযে । দৈভ়ী᳚স্স্ব॒স্তির॑স্তু নঃ ।
স্ব॒স্তির্মানু॑ষেভ্যঃ । ঊ॒র্ধ্বং জি॑গাতু ভেষ॒জম্ । শন্নো॑ অস্তু দ্বি॒পদে᳚ । শং চতু॑ষ্পদে ।
ওঁ শান্তিঃ॒ শান্তিঃ॒ শান্তিঃ॑ ।

ইতি কৃষ্ণযজুর্ভ়েদস্য পুরুষসূক্তম্