દુર્ગાચન્દ્રકલાસ્તુતિઃ

.. દુર્ગાચન્દ્રકલાસ્તુતિઃ ..

વેધોહરીશ્વરસ્તુત્યાં વિહર્ત્રીં વિન્ધ્યભૂધરે.
હરપ્રાણેશ્વરીં વન્દે હન્ત્રીં વિબુધવિદ્વિષામ્.. ૧..

અભ્યર્થનેન સરસીરુહસમ્ભવસ્ય
ત્યક્ત્વોદિતા ભગવદક્ષિપિધાનલીલામ્.
વિશ્વેશ્વરી વિપદપાકરણે પુરસ્તાત્
માતા મમાસ્તુ મધુકૈટભયોર્નિહન્ત્રી.. ૨..

પ્રાઙ્નિર્જરેષુ નિહિતૈર્નિજશક્તિલેશ
એકીભવદ્ભિરુદિતાઽખિલલોકગુપ્ત્યૈ.
સમ્પન્નશસ્ત્રનિકરા ચ તદાયુધસ્થૈઃ
માતા મમાસ્તુ મહિષાન્તકરી પુરસ્તાત્.. ૩..

પ્રાલેયશૈલતનયાતનુકાન્તિસમ્પત
કોશોદિતા કુવલયચ્છવિચારુદેહા.
નારાયણી નમદભીપ્સિતકલ્પવલ્લી
સુપ્રીતિમાવહતુ શુમ્ભનિશુમ્ભહન્ત્રી..૪..

વિશ્વેશ્વરીતિ મહિષાન્તકરીતિ યસ્ય
નારાયણીત્યપિ ચ નામભિરઙ્કિતાનિ.
સૂક્તાનિ પઙ્કજભુવા ચ સુરર્ષિભિશ્ચ
દૃષ્ટાનિ પાવકમુખૈશ્ચ શિવાં ભજે તામ્..૫..

ઉત્પત્તિદૈત્યહનનસ્તવનાત્મકાનિ
સંરક્ષકાણ્યખિલભૂતહિતાય યસ્યાઃ.
સૂક્તાન્યશેષનિગમાન્તવિદઃ પઠન્ત
તાં વિશ્વમાતરમજસ્રમભિષ્ટવીમિ..૬..

યે વૈપ્રચિત્તપુનરુત્થિતશુમ્ભમુખ્ય
દુર્ભિક્ષઘોરસમયેન ચ કારિતાસુ.
આવિષ્કૃતાસ્ત્રિજગદાર્તિષુ રૂપભેદાઃ
તૈરમ્બિકા સમભિરક્ષતુ માં વિપદ્ભ્યઃ..૭..

સૂક્તં યદીયમરવિન્દભવાદિદૃષ્ટમ્
આવર્ત્ય દેવ્યનુપદં સુરથઃ સમાધિઃ.
દ્વાવપ્યવાપતુરભીષ્ટમનન્યલભ્યં
તામાદિદેવતરુણીં પ્રણમામિ મૂર્ધ્ના.. ૮..

માહિષ્મતીતનુભવં ચ રુરું ચન્તુમ્
આવિષ્કૃતૈર્નિજરસાદવતારભેદૈઃ.
અષ્ટાદશાહતનવાહતકોટિસંખ્યૈઃ
અમ્બા સદા સમભિરક્ષતુ માં વિપદ્ભ્યઃ..૯..

એતચ્ચરિત્રમખિલં લિખિતં હિ યયાઃ
સમ્પૂજિતં સદન એવ નિવેશિતં વા.
દુર્ગં ચ તારયતિ દુસ્તરમપ્યશેષં
શ્રેયઃ પ્રયચ્છતિ ચ સર્વમુમાં ભજે તામ્..૧૦..

યત્પૂજનસ્તુતિનમસ્કૃતિભિર્ભવન્ત
પ્રીતાઃ પિતામહરમેશહરાસ્ત્રયોઽપિ.
તેષામપિ સ્વકગુણૈર્દદતી વપૂંષિ
તામીશ્વરસ્ય તરુણીં શરણં પ્રપદ્યે..૧૧..

કાન્તારમધ્યદૃઢલગ્નતયાઽવસન્નાઃ
મગ્નાશ્ચ વારિધિજલે રિપુભિશ્ચ રુદ્ધાઃ.
યસ્યાઃ પ્રપદ્ય ચરણૌ વિપદસ્તરન્તિ
સા મે સદાઽસ્તુ હૃદિ સર્વજગત્સવિત્રી..૧૨..

બન્ધે વધે મહતિ મૃત્યુભયે પ્રસક્
વિત્તક્ષયે ચ વિવિધે ય મહોપતાપે.
યત્પાદપૂજનમિહ પ્રતિકારમાહુઃ
સા મે સમસ્તજનની શરણં ભવાની..૧૩..

બાણાસુરપ્રહિતપન્નગબન્ધમોક્
તદ્બાહુદર્પદલનાદુષયા ચ યોગઃ.
પ્રાદ્યુમ્નિના દ્રુતમલભ્યત યત્પ્રસાદા
સા મે શિવા સકલમપ્યશુભં ક્ષિણોતુ..૧૪..

પાપઃ પુલસ્ત્યતનયઃ પુનરુત્થિતો મામ્
અદ્યાપિ હર્તુમયમાગત ઇત્યુદીતમ્.
યત્સેવનેન ભયમિન્દિરયાઽવધૂતં
તામાદિદેવતરુણીં શરણં ગતોઽસ્મિ..૧૫..

યદ્ ધ્યાનજં સુખમવાપ્યમનન્તપુણ્ય
સાક્ષાત્તમચ્યુતપરિગ્રહમાશ્વવાપુઃ.
ગોપાઙ્ગનાઃ કિલ યદર્ચનપુણ્યમાત્રા
સા મે સદા ભગવતી ભવતુ પ્રસન્ના..૧૬..

રાત્રિં પ્રપદ્ય ઇતિ મન્ત્રવિદઃ પ્રપન્ન્
ઉદ્બોધ્ય મૃત્યવધિમન્યફલૈઃ પ્રલોભ્ય.
બુદ્ધ્વા ચ તદ્વિમુખતાં પ્રતનં નયન્તી
આકાશમાદિજનનીં જગતાં ભજે તામ્..૧૭..

દેશકાલેષુ દુષ્ટેષુ દુર્ગાચન્દ્રકલાસ્તુતિઃ.
સન્ધ્યયોરનુસન્ધેયા સર્વાપદ્વિનિવૃત્તયે..૧૮..