ದುರ್ಗಾಚನ್ದ್ರಕಲಾಸ್ತುತಿಃ

.. ದುರ್ಗಾಚನ್ದ್ರಕಲಾಸ್ತುತಿಃ ..

ವೇಧೋಹರೀಶ್ವರಸ್ತುತ್ಯಾಂ ವಿಹರ್ತ್ರೀಂ ವಿನ್ಧ್ಯಭೂಧರೇ.
ಹರಪ್ರಾಣೇಶ್ವರೀಂ ವನ್ದೇ ಹನ್ತ್ರೀಂ ವಿಬುಧವಿದ್ವಿಷಾಮ್.. ೧..

ಅಭ್ಯರ್ಥನೇನ ಸರಸೀರುಹಸಮ್ಭವಸ್ಯ
ತ್ಯಕ್ತ್ವೋದಿತಾ ಭಗವದಕ್ಷಿಪಿಧಾನಲೀಲಾಮ್.
ವಿಶ್ವೇಶ್ವರೀ ವಿಪದಪಾಕರಣೇ ಪುರಸ್ತಾತ್
ಮಾತಾ ಮಮಾಸ್ತು ಮಧುಕೈಟಭಯೋರ್ನಿಹನ್ತ್ರೀ.. ೨..

ಪ್ರಾಙ್ನಿರ್ಜರೇಷು ನಿಹಿತೈರ್ನಿಜಶಕ್ತಿಲೇಶ
ಏಕೀಭವದ್ಭಿರುದಿತಾಽಖಿಲಲೋಕಗುಪ್ತ್ಯೈ.
ಸಮ್ಪನ್ನಶಸ್ತ್ರನಿಕರಾ ಚ ತದಾಯುಧಸ್ಥೈಃ
ಮಾತಾ ಮಮಾಸ್ತು ಮಹಿಷಾನ್ತಕರೀ ಪುರಸ್ತಾತ್.. ೩..

ಪ್ರಾಲೇಯಶೈಲತನಯಾತನುಕಾನ್ತಿಸಮ್ಪತ
ಕೋಶೋದಿತಾ ಕುವಲಯಚ್ಛವಿಚಾರುದೇಹಾ.
ನಾರಾಯಣೀ ನಮದಭೀಪ್ಸಿತಕಲ್ಪವಲ್ಲೀ
ಸುಪ್ರೀತಿಮಾವಹತು ಶುಮ್ಭನಿಶುಮ್ಭಹನ್ತ್ರೀ..೪..

ವಿಶ್ವೇಶ್ವರೀತಿ ಮಹಿಷಾನ್ತಕರೀತಿ ಯಸ್ಯ
ನಾರಾಯಣೀತ್ಯಪಿ ಚ ನಾಮಭಿರಙ್ಕಿತಾನಿ.
ಸೂಕ್ತಾನಿ ಪಙ್ಕಜಭುವಾ ಚ ಸುರರ್ಷಿಭಿಶ್ಚ
ದೃಷ್ಟಾನಿ ಪಾವಕಮುಖೈಶ್ಚ ಶಿವಾಂ ಭಜೇ ತಾಮ್..೫..

ಉತ್ಪತ್ತಿದೈತ್ಯಹನನಸ್ತವನಾತ್ಮಕಾನಿ
ಸಂರಕ್ಷಕಾಣ್ಯಖಿಲಭೂತಹಿತಾಯ ಯಸ್ಯಾಃ.
ಸೂಕ್ತಾನ್ಯಶೇಷನಿಗಮಾನ್ತವಿದಃ ಪಠನ್ತ
ತಾಂ ವಿಶ್ವಮಾತರಮಜಸ್ರಮಭಿಷ್ಟವೀಮಿ..೬..

ಯೇ ವೈಪ್ರಚಿತ್ತಪುನರುತ್ಥಿತಶುಮ್ಭಮುಖ್ಯ
ದುರ್ಭಿಕ್ಷಘೋರಸಮಯೇನ ಚ ಕಾರಿತಾಸು.
ಆವಿಷ್ಕೃತಾಸ್ತ್ರಿಜಗದಾರ್ತಿಷು ರೂಪಭೇದಾಃ
ತೈರಮ್ಬಿಕಾ ಸಮಭಿರಕ್ಷತು ಮಾಂ ವಿಪದ್ಭ್ಯಃ..೭..

ಸೂಕ್ತಂ ಯದೀಯಮರವಿನ್ದಭವಾದಿದೃಷ್ಟಮ್
ಆವರ್ತ್ಯ ದೇವ್ಯನುಪದಂ ಸುರಥಃ ಸಮಾಧಿಃ.
ದ್ವಾವಪ್ಯವಾಪತುರಭೀಷ್ಟಮನನ್ಯಲಭ್ಯಂ
ತಾಮಾದಿದೇವತರುಣೀಂ ಪ್ರಣಮಾಮಿ ಮೂರ್ಧ್ನಾ.. ೮..

ಮಾಹಿಷ್ಮತೀತನುಭವಂ ಚ ರುರುಂ ಚನ್ತುಮ್
ಆವಿಷ್ಕೃತೈರ್ನಿಜರಸಾದವತಾರಭೇದೈಃ.
ಅಷ್ಟಾದಶಾಹತನವಾಹತಕೋಟಿಸಂಖ್ಯೈಃ
ಅಮ್ಬಾ ಸದಾ ಸಮಭಿರಕ್ಷತು ಮಾಂ ವಿಪದ್ಭ್ಯಃ..೯..

ಏತಚ್ಚರಿತ್ರಮಖಿಲಂ ಲಿಖಿತಂ ಹಿ ಯಯಾಃ
ಸಮ್ಪೂಜಿತಂ ಸದನ ಏವ ನಿವೇಶಿತಂ ವಾ.
ದುರ್ಗಂ ಚ ತಾರಯತಿ ದುಸ್ತರಮಪ್ಯಶೇಷಂ
ಶ್ರೇಯಃ ಪ್ರಯಚ್ಛತಿ ಚ ಸರ್ವಮುಮಾಂ ಭಜೇ ತಾಮ್..೧೦..

ಯತ್ಪೂಜನಸ್ತುತಿನಮಸ್ಕೃತಿಭಿರ್ಭವನ್ತ
ಪ್ರೀತಾಃ ಪಿತಾಮಹರಮೇಶಹರಾಸ್ತ್ರಯೋಽಪಿ.
ತೇಷಾಮಪಿ ಸ್ವಕಗುಣೈರ್ದದತೀ ವಪೂಂಷಿ
ತಾಮೀಶ್ವರಸ್ಯ ತರುಣೀಂ ಶರಣಂ ಪ್ರಪದ್ಯೇ..೧೧..

ಕಾನ್ತಾರಮಧ್ಯದೃಢಲಗ್ನತಯಾಽವಸನ್ನಾಃ
ಮಗ್ನಾಶ್ಚ ವಾರಿಧಿಜಲೇ ರಿಪುಭಿಶ್ಚ ರುದ್ಧಾಃ.
ಯಸ್ಯಾಃ ಪ್ರಪದ್ಯ ಚರಣೌ ವಿಪದಸ್ತರನ್ತಿ
ಸಾ ಮೇ ಸದಾಽಸ್ತು ಹೃದಿ ಸರ್ವಜಗತ್ಸವಿತ್ರೀ..೧೨..

ಬನ್ಧೇ ವಧೇ ಮಹತಿ ಮೃತ್ಯುಭಯೇ ಪ್ರಸಕ್
ವಿತ್ತಕ್ಷಯೇ ಚ ವಿವಿಧೇ ಯ ಮಹೋಪತಾಪೇ.
ಯತ್ಪಾದಪೂಜನಮಿಹ ಪ್ರತಿಕಾರಮಾಹುಃ
ಸಾ ಮೇ ಸಮಸ್ತಜನನೀ ಶರಣಂ ಭವಾನೀ..೧೩..

ಬಾಣಾಸುರಪ್ರಹಿತಪನ್ನಗಬನ್ಧಮೋಕ್
ತದ್ಬಾಹುದರ್ಪದಲನಾದುಷಯಾ ಚ ಯೋಗಃ.
ಪ್ರಾದ್ಯುಮ್ನಿನಾ ದ್ರುತಮಲಭ್ಯತ ಯತ್ಪ್ರಸಾದಾ
ಸಾ ಮೇ ಶಿವಾ ಸಕಲಮಪ್ಯಶುಭಂ ಕ್ಷಿಣೋತು..೧೪..

ಪಾಪಃ ಪುಲಸ್ತ್ಯತನಯಃ ಪುನರುತ್ಥಿತೋ ಮಾಮ್
ಅದ್ಯಾಪಿ ಹರ್ತುಮಯಮಾಗತ ಇತ್ಯುದೀತಮ್.
ಯತ್ಸೇವನೇನ ಭಯಮಿನ್ದಿರಯಾಽವಧೂತಂ
ತಾಮಾದಿದೇವತರುಣೀಂ ಶರಣಂ ಗತೋಽಸ್ಮಿ..೧೫..

ಯದ್ ಧ್ಯಾನಜಂ ಸುಖಮವಾಪ್ಯಮನನ್ತಪುಣ್ಯ
ಸಾಕ್ಷಾತ್ತಮಚ್ಯುತಪರಿಗ್ರಹಮಾಶ್ವವಾಪುಃ.
ಗೋಪಾಙ್ಗನಾಃ ಕಿಲ ಯದರ್ಚನಪುಣ್ಯಮಾತ್ರಾ
ಸಾ ಮೇ ಸದಾ ಭಗವತೀ ಭವತು ಪ್ರಸನ್ನಾ..೧೬..

ರಾತ್ರಿಂ ಪ್ರಪದ್ಯ ಇತಿ ಮನ್ತ್ರವಿದಃ ಪ್ರಪನ್ನ್
ಉದ್ಬೋಧ್ಯ ಮೃತ್ಯವಧಿಮನ್ಯಫಲೈಃ ಪ್ರಲೋಭ್ಯ.
ಬುದ್ಧ್ವಾ ಚ ತದ್ವಿಮುಖತಾಂ ಪ್ರತನಂ ನಯನ್ತೀ
ಆಕಾಶಮಾದಿಜನನೀಂ ಜಗತಾಂ ಭಜೇ ತಾಮ್..೧೭..

ದೇಶಕಾಲೇಷು ದುಷ್ಟೇಷು ದುರ್ಗಾಚನ್ದ್ರಕಲಾಸ್ತುತಿಃ.
ಸನ್ಧ್ಯಯೋರನುಸನ್ಧೇಯಾ ಸರ್ವಾಪದ್ವಿನಿವೃತ್ತಯೇ..೧೮..