து₃ர்கா₃சந்த்₃ரகலாஸ்துதி꞉
.. து₃ர்கா₃சந்த்₃ரகலாஸ்துதி꞉ ..
வேதோ₄ஹரீஶ்வரஸ்துத்யாம் விஹர்த்ரீம் விந்த்₄யபூ₄த₄ரே.
ஹரப்ராணேஶ்வரீம் வந்தே₃ ஹந்த்ரீம் விபு₃த₄வித்₃விஷாம்.. 1..
அப்₄யர்த₂நேந ஸரஸீருஹஸம்ப₄வஸ்ய
த்யக்த்வோதி₃தா ப₄க₃வத₃க்ஷிபிதா₄நலீலாம்.
விஶ்வேஶ்வரீ விபத₃பாகரணே புரஸ்தாத்
மாதா மமாஸ்து மது₄கைடப₄யோர்நிஹந்த்ரீ.. 2..
ப்ராங்நிர்ஜரேஷு நிஹிதைர்நிஜஶக்திலேஶ
ஏகீப₄வத்₃பி₄ருதி₃தா(அ)கி₂லலோககு₃ப்த்யை.
ஸம்பந்நஶஸ்த்ரநிகரா ச ததா₃யுத₄ஸ்தை₂꞉
மாதா மமாஸ்து மஹிஷாந்தகரீ புரஸ்தாத்.. 3..
ப்ராலேயஶைலதநயாதநுகாந்திஸம்பத
கோஶோதி₃தா குவலயச்ச₂விசாருதே₃ஹா.
நாராயணீ நமத₃பீ₄ப்ஸிதகல்பவல்லீ
ஸுப்ரீதிமாவஹது ஶும்ப₄நிஶும்ப₄ஹந்த்ரீ..4..
விஶ்வேஶ்வரீதி மஹிஷாந்தகரீதி யஸ்ய
நாராயணீத்யபி ச நாமபி₄ரங்கிதாநி.
ஸூக்தாநி பங்கஜபு₄வா ச ஸுரர்ஷிபி₄ஶ்ச
த்₃ருஷ்டாநி பாவகமுகை₂ஶ்ச ஶிவாம் ப₄ஜே தாம்..5..
உத்பத்திதை₃த்யஹநநஸ்தவநாத்மகாநி
ஸம்ரக்ஷகாண்யகி₂லபூ₄தஹிதாய யஸ்யா꞉.
ஸூக்தாந்யஶேஷநிக₃மாந்தவித₃꞉ பட₂ந்த
தாம் விஶ்வமாதரமஜஸ்ரமபி₄ஷ்டவீமி..6..
யே வைப்ரசித்தபுநருத்தி₂தஶும்ப₄முக்₂ய
து₃ர்பி₄க்ஷகோ₄ரஸமயேந ச காரிதாஸு.
ஆவிஷ்க்ருதாஸ்த்ரிஜக₃தா₃ர்திஷு ரூபபே₄தா₃꞉
தைரம்பி₃கா ஸமபி₄ரக்ஷது மாம் விபத்₃ப்₄ய꞉..7..
ஸூக்தம் யதீ₃யமரவிந்த₃ப₄வாதி₃த்₃ருஷ்டம்
ஆவர்த்ய தே₃வ்யநுபத₃ம் ஸுரத₂꞉ ஸமாதி₄꞉.
த்₃வாவப்யவாபதுரபீ₄ஷ்டமநந்யலப்₄யம்
தாமாதி₃தே₃வதருணீம் ப்ரணமாமி மூர்த்₄நா.. 8..
மாஹிஷ்மதீதநுப₄வம் ச ருரும் சந்தும்
ஆவிஷ்க்ருதைர்நிஜரஸாத₃வதாரபே₄தை₃꞉.
அஷ்டாத₃ஶாஹதநவாஹதகோடிஸம்க்₂யை꞉
அம்பா₃ ஸதா₃ ஸமபி₄ரக்ஷது மாம் விபத்₃ப்₄ய꞉..9..
ஏதச்சரித்ரமகி₂லம் லிகி₂தம் ஹி யயா꞉
ஸம்பூஜிதம் ஸத₃ந ஏவ நிவேஶிதம் வா.
து₃ர்க₃ம் ச தாரயதி து₃ஸ்தரமப்யஶேஷம்
ஶ்ரேய꞉ ப்ரயச்ச₂தி ச ஸர்வமுமாம் ப₄ஜே தாம்..10..
யத்பூஜநஸ்துதிநமஸ்க்ருதிபி₄ர்ப₄வந்த
ப்ரீதா꞉ பிதாமஹரமேஶஹராஸ்த்ரயோ(அ)பி.
தேஷாமபி ஸ்வககு₃ணைர்த₃த₃தீ வபூம்ஷி
தாமீஶ்வரஸ்ய தருணீம் ஶரணம் ப்ரபத்₃யே..11..
காந்தாரமத்₄யத்₃ருட₄லக்₃நதயா(அ)வஸந்நா꞉
மக்₃நாஶ்ச வாரிதி₄ஜலே ரிபுபி₄ஶ்ச ருத்₃தா₄꞉.
யஸ்யா꞉ ப்ரபத்₃ய சரணௌ விபத₃ஸ்தரந்தி
ஸா மே ஸதா₃(அ)ஸ்து ஹ்ருதி₃ ஸர்வஜக₃த்ஸவித்ரீ..12..
ப₃ந்தே₄ வதே₄ மஹதி ம்ருத்யுப₄யே ப்ரஸக்
வித்தக்ஷயே ச விவிதே₄ ய மஹோபதாபே.
யத்பாத₃பூஜநமிஹ ப்ரதிகாரமாஹு꞉
ஸா மே ஸமஸ்தஜநநீ ஶரணம் ப₄வாநீ..13..
பா₃ணாஸுரப்ரஹிதபந்நக₃ப₃ந்த₄மோக்
தத்₃பா₃ஹுத₃ர்பத₃லநாது₃ஷயா ச யோக₃꞉.
ப்ராத்₃யும்நிநா த்₃ருதமலப்₄யத யத்ப்ரஸாதா₃
ஸா மே ஶிவா ஸகலமப்யஶுப₄ம் க்ஷிணோது..14..
பாப꞉ புலஸ்த்யதநய꞉ புநருத்தி₂தோ மாம்
அத்₃யாபி ஹர்துமயமாக₃த இத்யுதீ₃தம்.
யத்ஸேவநேந ப₄யமிந்தி₃ரயா(அ)வதூ₄தம்
தாமாதி₃தே₃வதருணீம் ஶரணம் க₃தோ(அ)ஸ்மி..15..
யத்₃ த்₄யாநஜம் ஸுக₂மவாப்யமநந்தபுண்ய
ஸாக்ஷாத்தமச்யுதபரிக்₃ரஹமாஶ்வவாபு꞉.
கோ₃பாங்க₃நா꞉ கில யத₃ர்சநபுண்யமாத்ரா
ஸா மே ஸதா₃ ப₄க₃வதீ ப₄வது ப்ரஸந்நா..16..
ராத்ரிம் ப்ரபத்₃ய இதி மந்த்ரவித₃꞉ ப்ரபந்ந்
உத்₃போ₃த்₄ய ம்ருத்யவதி₄மந்யப₂லை꞉ ப்ரலோப்₄ய.
பு₃த்₃த்₄வா ச தத்₃விமுக₂தாம் ப்ரதநம் நயந்தீ
ஆகாஶமாதி₃ஜநநீம் ஜக₃தாம் ப₄ஜே தாம்..17..
தே₃ஶகாலேஷு து₃ஷ்டேஷு து₃ர்கா₃சந்த்₃ரகலாஸ்துதி꞉.
ஸந்த்₄யயோரநுஸந்தே₄யா ஸர்வாபத்₃விநிவ்ருத்தயே..18..