దుర్గాచన్ద్రకలాస్తుతిః

.. దుర్గాచన్ద్రకలాస్తుతిః ..

వేధోహరీశ్వరస్తుత్యాం విహర్త్రీం విన్ధ్యభూధరే.
హరప్రాణేశ్వరీం వన్దే హన్త్రీం విబుధవిద్విషామ్.. 1..

అభ్యర్థనేన సరసీరుహసమ్భవస్య
త్యక్త్వోదితా భగవదక్షిపిధానలీలామ్.
విశ్వేశ్వరీ విపదపాకరణే పురస్తాత్
మాతా మమాస్తు మధుకైటభయోర్నిహన్త్రీ.. 2..

ప్రాఙ్నిర్జరేషు నిహితైర్నిజశక్తిలేశ
ఏకీభవద్భిరుదితాఽఖిలలోకగుప్త్యై.
సమ్పన్నశస్త్రనికరా చ తదాయుధస్థైః
మాతా మమాస్తు మహిషాన్తకరీ పురస్తాత్.. 3..

ప్రాలేయశైలతనయాతనుకాన్తిసమ్పత
కోశోదితా కువలయచ్ఛవిచారుదేహా.
నారాయణీ నమదభీప్సితకల్పవల్లీ
సుప్రీతిమావహతు శుమ్భనిశుమ్భహన్త్రీ..4..

విశ్వేశ్వరీతి మహిషాన్తకరీతి యస్య
నారాయణీత్యపి చ నామభిరఙ్కితాని.
సూక్తాని పఙ్కజభువా చ సురర్షిభిశ్చ
దృష్టాని పావకముఖైశ్చ శివాం భజే తామ్..5..

ఉత్పత్తిదైత్యహననస్తవనాత్మకాని
సంరక్షకాణ్యఖిలభూతహితాయ యస్యాః.
సూక్తాన్యశేషనిగమాన్తవిదః పఠన్త
తాం విశ్వమాతరమజస్రమభిష్టవీమి..6..

యే వైప్రచిత్తపునరుత్థితశుమ్భముఖ్య
దుర్భిక్షఘోరసమయేన చ కారితాసు.
ఆవిష్కృతాస్త్రిజగదార్తిషు రూపభేదాః
తైరమ్బికా సమభిరక్షతు మాం విపద్భ్యః..7..

సూక్తం యదీయమరవిన్దభవాదిదృష్టమ్
ఆవర్త్య దేవ్యనుపదం సురథః సమాధిః.
ద్వావప్యవాపతురభీష్టమనన్యలభ్యం
తామాదిదేవతరుణీం ప్రణమామి మూర్ధ్నా.. 8..

మాహిష్మతీతనుభవం చ రురుం చన్తుమ్
ఆవిష్కృతైర్నిజరసాదవతారభేదైః.
అష్టాదశాహతనవాహతకోటిసంఖ్యైః
అమ్బా సదా సమభిరక్షతు మాం విపద్భ్యః..9..

ఏతచ్చరిత్రమఖిలం లిఖితం హి యయాః
సమ్పూజితం సదన ఏవ నివేశితం వా.
దుర్గం చ తారయతి దుస్తరమప్యశేషం
శ్రేయః ప్రయచ్ఛతి చ సర్వముమాం భజే తామ్..10..

యత్పూజనస్తుతినమస్కృతిభిర్భవన్త
ప్రీతాః పితామహరమేశహరాస్త్రయోఽపి.
తేషామపి స్వకగుణైర్దదతీ వపూంషి
తామీశ్వరస్య తరుణీం శరణం ప్రపద్యే..11..

కాన్తారమధ్యదృఢలగ్నతయాఽవసన్నాః
మగ్నాశ్చ వారిధిజలే రిపుభిశ్చ రుద్ధాః.
యస్యాః ప్రపద్య చరణౌ విపదస్తరన్తి
సా మే సదాఽస్తు హృది సర్వజగత్సవిత్రీ..12..

బన్ధే వధే మహతి మృత్యుభయే ప్రసక్
విత్తక్షయే చ వివిధే య మహోపతాపే.
యత్పాదపూజనమిహ ప్రతికారమాహుః
సా మే సమస్తజననీ శరణం భవానీ..13..

బాణాసురప్రహితపన్నగబన్ధమోక్
తద్బాహుదర్పదలనాదుషయా చ యోగః.
ప్రాద్యుమ్నినా ద్రుతమలభ్యత యత్ప్రసాదా
సా మే శివా సకలమప్యశుభం క్షిణోతు..14..

పాపః పులస్త్యతనయః పునరుత్థితో మామ్
అద్యాపి హర్తుమయమాగత ఇత్యుదీతమ్.
యత్సేవనేన భయమిన్దిరయాఽవధూతం
తామాదిదేవతరుణీం శరణం గతోఽస్మి..15..

యద్ ధ్యానజం సుఖమవాప్యమనన్తపుణ్య
సాక్షాత్తమచ్యుతపరిగ్రహమాశ్వవాపుః.
గోపాఙ్గనాః కిల యదర్చనపుణ్యమాత్రా
సా మే సదా భగవతీ భవతు ప్రసన్నా..16..

రాత్రిం ప్రపద్య ఇతి మన్త్రవిదః ప్రపన్న్
ఉద్బోధ్య మృత్యవధిమన్యఫలైః ప్రలోభ్య.
బుద్ధ్వా చ తద్విముఖతాం ప్రతనం నయన్తీ
ఆకాశమాదిజననీం జగతాం భజే తామ్..17..

దేశకాలేషు దుష్టేషు దుర్గాచన్ద్రకలాస్తుతిః.
సన్ధ్యయోరనుసన్ధేయా సర్వాపద్వినివృత్తయే..18..