தே₃வர்ஷிபி₄ர்ப்ரோக்தா வக்ரதுண்ட₃ஸ்துதி꞉
வக்ரதுண்ட₃ஸ்துதி꞉
தே₃வர்ஷய ஊசு꞉
ஸதா₃ ப்₃ரஹ்மபூ₄தம் விகாராதி₃ஹீநம் விகாராதி₃பூ₄தம் மஹேஶாதி₃வந்த்₃யம் .
அபாரஸ்வரூபம் ஸ்வஸம்வேத்₃யமேகம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 2..
அஜம் நிர்விகல்பம் கலாகாலஹீநம் ஹ்ருதி₃ஸ்த₂ம் ஸதா₃ ஸாக்ஷிரூபம் பரேஶம் .
ஜநஜ்ஞாநகாரம் ப்ரகாஶைர்விஹீநம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 3..
அநந்தஸ்வரூபம் ஸதா₃நந்த₃கந்த₃ம் ப்ரகாஶஸ்வரூபம் ஸதா₃ ஸர்வக₃ம் தம் .
அநாதி₃ம் கு₃ணாதி₃ம் கு₃ணாதா₄ரபூ₄தம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 4..
த₄ராவாயுதேஜோமயம் தோயபா₄வம் ஸதா₃காஶரூபம் மஹாபூ₄தஸம்ஸ்த₂ம் .
அஹங்காரதா₄ரம் தமோமாத்ரஸம்ஸ்த₂ம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 5..
ரவிப்ராணவிஷ்ணுப்ரசேதோயமேஶவிதா₄த்ரஶ்விவைஶ்வாநரேந்த்₃ரப்ரகாஶம் .
தி₃ஶாம் போ₃த₄கம் ஸர்வதே₃வாதி₄ரூபம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 6..
உபஸ்த₂த்வகு₃க்தீக்ஷணஸ்த₂ப்ரகாஶம் கராங்க்₄ரிஸ்வரூபம் க்ருதக்₄ராணஜிஹ்வம் .
கு₃த₃ஸ்த₂ம் ஶ்ருதிஸ்த₂ம் மஹாக₂ப்ரகாஶம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 7..
ரஜோரூபஸ்ருஷ்டிப்ரகாஶம் விதி₄ம் தம் ஸதா₃ பாலநே கேஶவம் ஸத்த்வஸம்ஸ்த₂ம் .
தமோரூபதா₄ரம் ஹரம் ஸம்ஹரம் தம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 8..
தி₃ஶாதீ₄ஶரூபம் ஸதா₃ஶாஸ்வரூபம் க்₃ரஹாதி₃ப்ரகாஶம் த்₄ருவாதி₃ம் க₂க₃ஸ்த₂ம் .
அநந்தோடு₃ரூபம் ததா₃காரஹீநம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 9..
மஹத்தத்த்வரூபம் ப்ரதா₄நஸ்வரூபம் அஹங்காரதா₄ரம் த்ரயீபோ₃த₄காரம் .
அநாத்₃யந்தமாயம் ததா₃தா₄ரபுச்ச₂ம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 10..
ஸதா₃ கர்மதா₄ரம் ப₂லை꞉ ஸ்வர்க₃த₃ம் தம் அகர்மப்ரகாஶேந முக்திப்ரத₃ம் தம் .
விகர்மாதி₃நா யாதநா(ஆ)தா₄ரபூ₄தம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 11..
அலோப₄ஸ்வரூபம் ஸதா₃ லோப₄தா₄ரம் ஜநஜ்ஞாநகாரம் ஜநாதீ₄ஶபாலம் .
ந்ருணாம் ஸித்₃தி₄த₃ம் மாநவம் மாநவஸ்த₂ம் நமாம꞉ ஸதா₃ வக்ரதுண்ட₃ம் ப₄ஜாம꞉ . 12
லதாவ்ருக்ஷரூபம் ஸதா₃ பக்ஷிரூபம் த₄நாதி₃ப்ரகாஶம் ஸதா₃ தா₄ந்யரூபம் .
ப்ரஸூபுத்ரபௌத்ராதி₃நாநாஸ்வரூபம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 13..
க₂கே₃ஶஸ்வரூபம் வ்ருஷாதி₃ப்ரஸம்ஸ்த₂ம் ம்ருகே₃ந்த்₃ராதி₃போ₃த₄ம் ம்ருகே₃ந்த்₃ரஸ்வரூபம் .
த₄ராதா₄ரஹேமாத்₃ரிமேருஸ்வரூபம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 14..
ஸுவர்ணாதி₃தா₄துஸ்த₂ஸத்₃ரங்க₃ஸம்ஸ்த₂ம் ஸமுத்₃ராதி₃மேக₄ஸ்வரூபம் ஜலஸ்த₂ம் .
ஜலே ஜந்துமத்ஸ்யாதி₃நாநாவிபே₄த₃ம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 15..
ஸதா₃ ஶேஷநாகா₃தி₃நாக₃ஸ்வரூபம் ஸதா₃ நாக₃பூ₄ஷம் ச லீலாகரம் தை꞉ .
ஸுராரிஸ்வரூபம் ச தை₃த்யாதி₃பூ₄தம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 16..
வரம் பாஶதா₄ரம் ஸதா₃ ப₄க்தபோஷம் மஹாபௌருஷம் மாயிநம் ஸிம்ஹஸம்ஸ்த₂ம் .
சதுர்பா₃ஹுதா₄ரம் ஸதா₃ விக்₄நநாஶம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 17..
க₃ணேஶம் க₃ணேஶாதி₃வந்த்₃யம் ஸுரேஶம் பரம் ஸர்வபூஜ்யம் ஸுபோ₃தா₄தி₃க₃ம்யம் .
மஹாவாக்யவேதா₃ந்தவேத்₃யம் பரேஶம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 18..
அநந்தாவதாரை꞉ ஸதா₃ பாலயந்தம் ஸ்வத₄ர்மாதி₃ஸம்ஸ்த₂ம் ஜநம் காரயந்தம் .
ஸுரைர்தை₃த்யபைர்வந்த்₃யமேகம் ஸமம் த்வாம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 19..
த்வயா நாஶிதோ(அ)யம் மஹாதை₃த்யபூ₄ப꞉ ஸுஶாந்தேர்த₄ரோ(அ)யம் க்ருதஸ்தேந விஶ்வம் .
அக₂ண்ட₃ப்ரஹர்ஷேண யுக்தம் ச தம் வை நமாம꞉ ஸதா₃ வக்ரதுண்ட₃ம் ப₄ஜாம꞉ .. 20..
ந விந்த₃ந்தி யம் வேத₃வேத₃ஜ்ஞமர்த்யா ந விந்த₃ந்தி யம் ஶாஸ்த்ரஶாஸ்த்ரஜ்ஞபூ₄பா꞉ .
ந விந்த₃ந்தி யம் யோக₃யோகீ₃ஶகாத்₃யா நமாம꞉ ஸதா₃ வக்ரதுண்ட₃ம் ப₄ஜாம꞉ .. 21..
ந வேதா₃ விது₃ர்யம் ச தே₃வேந்த்₃ரமுக்₂யா ந யோகை₃ர்முநீந்த்₃ரா வயம் கிம் ஸ்துமஶ்ச .
ததா₂(அ)பி ஸ்வபு₃த்₄யா ஸ்துதம் வக்ரதுண்ட₃ம் நமாம꞉ ஸதா₃ வக்ரதுண்ட₃ம் ப₄ஜாம꞉ .. 22..
முத்₃க₃ல உவாச .
ஏவம் ஸ்துத்வா வக்ரதுண்ட₃ம் ஸ்தி₂தா தே₃வர்ஷய꞉ ப்ரபோ₄ .
ப₃த்₃தா₄ஞ்ஜலிபுடா꞉ ஸர்வே தூஷ்ணீம்பா₄வேந மாநத₃ .. 23..
தே₃வாநாம் ச முநீநாம் ஸ ஸ்துதிம் ஶ்ருத்வா க₃ஜாநந꞉ .
உவாச தாந் ப்ரஸந்நாத்மா ஹர்ஷயந் வசநம் மஹத் .. 24..
வக்ரதுண்ட₃ உவாச .
ஶ்ருணுத்₄வம் முநய꞉ ஸர்வே தே₃வா மே வசநம் மஹத் .
ப₄வத்க்ருதமித₃ம் ஸ்தோத்ரம் மத்ப்ரீதேர்வர்த₄நம் ப₄வேத் .. 25..
அநேந ஸ்தௌதி யோ நித்யம் மாம் தஸ்ய பரிபூரயே .
போ₄கா₃ந்நாநாவிதா₄ம்ஶ்சைவ புத்ரபௌத்ராதி₃ஸம்பத₃꞉ .. 26..
யம் யமிச்ச₂தி தம் தம் ச தா₃ஸ்யே(அ)ஹம் நாத்ர ஸம்ஶய꞉ .
பு₄க்திமுக்திப்ரத₃ம் சைதத்₃ப்₃ரஹ்மபூ₄யகரம் ப₄வேத் .. 27..
நாநாஸித்₃தி₄ப்ரத₃ம் சைவ ஹ்ருதி₃ பு₃த்₃தி₄ப்ரகாஶகம் .
ஸுரேந்த்₃ரைவத்₃யதாம் யாதி யோ மாம் ஸ்தௌதி த்வநேந ஸ꞉ .. 28..
ஸஹஸ்ராவர்தநாந் மர்த்ய꞉ காராக்₃ருஹக₃தம் நரம் .
மோசயேந்நாத்ர ஸந்தே₃ஹோ மத்ப்ரிய꞉ ஸர்வதா₃ ப₄வேத் .. 29..
அபராத₄ஶதயுக்தோ யோ வைப₄வதி மாநவ꞉ .
தஸ்யாபராத₄ஸஹநம் கரோமி ஸ்தோத்ரபாட₂த꞉ .. 30..
ஏகவிம்ஶதிவாரம் ய ஏகவிம்ஶத்₃தி₃நாநி வை .
படி₂ஷ்யதி ஸதா₃ தஸ்மை சிந்திதம் ப்ரத₃தா₃ம்யஹம் .. 31..
ஏகவிம்ஶதிகா꞉ ஶ்லோகா ப₄வத்₃பி₄ர்மத்ப்ரியாத்மகை꞉ .
க்ருதாஸ்தைர்மாம் ஸ தே₃வாஸ்து ஸ்துதா வை முநயோ(அ)கி₂லா꞉ .. 32..
தேந விக்₄நவிஹீநாஶ்ச ஸ்வத₄ர்மருசயஸ்ததா₂ .
ப₄விஷ்யத₂ மஹாபா₄கா₃ பு₄க்திமுக்திபதா₃ஸ்ததா₂ .. 33..
வரம் ப்₃ரூத மஹாபா₄கா₃ யேஷாம் யந்மநஸி ஸ்தி₂தம் .
தத்₃தா₃ஸ்யாமி ந ஸந்தே₃ஹ꞉ ஸ்தோத்ரஸந்தோஷிதோ ஹ்யஹம் .. 34..
இதி தே₃வர்ஷிபி₄ர்ப்ரோக்தா வக்ரதுண்ட₃ஸ்துதி꞉