ದೇವರ್ಷಿಭಿರ್ಪ್ರೋಕ್ತಾ ವಕ್ರತುಣ್ಡಸ್ತುತಿಃ

ವಕ್ರತುಣ್ಡಸ್ತುತಿಃ

ದೇವರ್ಷಯ ಊಚುಃ
ಸದಾ ಬ್ರಹ್ಮಭೂತಂ ವಿಕಾರಾದಿಹೀನಂ ವಿಕಾರಾದಿಭೂತಂ ಮಹೇಶಾದಿವನ್ದ್ಯಮ್ .
ಅಪಾರಸ್ವರೂಪಂ ಸ್ವಸಂವೇದ್ಯಮೇಕಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೨..

ಅಜಂ ನಿರ್ವಿಕಲ್ಪಂ ಕಲಾಕಾಲಹೀನಂ ಹೃದಿಸ್ಥಂ ಸದಾ ಸಾಕ್ಷಿರೂಪಂ ಪರೇಶಮ್ .
ಜನಜ್ಞಾನಕಾರಂ ಪ್ರಕಾಶೈರ್ವಿಹೀನಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೩..

ಅನನ್ತಸ್ವರೂಪಂ ಸದಾನನ್ದಕನ್ದಂ ಪ್ರಕಾಶಸ್ವರೂಪಂ ಸದಾ ಸರ್ವಗಂ ತಮ್ .
ಅನಾದಿಂ ಗುಣಾದಿಂ ಗುಣಾಧಾರಭೂತಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೪..

ಧರಾವಾಯುತೇಜೋಮಯಂ ತೋಯಭಾವಂ ಸದಾಕಾಶರೂಪಂ ಮಹಾಭೂತಸಂಸ್ಥಮ್ .
ಅಹಙ್ಕಾರಧಾರಂ ತಮೋಮಾತ್ರಸಂಸ್ಥಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೫..

ರವಿಪ್ರಾಣವಿಷ್ಣುಪ್ರಚೇತೋಯಮೇಶವಿಧಾತ್ರಶ್ವಿವೈಶ್ವಾನರೇನ್ದ್ರಪ್ರಕಾಶಮ್ .
ದಿಶಾಂ ಬೋಧಕಂ ಸರ್ವದೇವಾಧಿರೂಪಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೬..

ಉಪಸ್ಥತ್ವಗುಕ್ತೀಕ್ಷಣಸ್ಥಪ್ರಕಾಶಂ ಕರಾಙ್ಘ್ರಿಸ್ವರೂಪಂ ಕೃತಘ್ರಾಣಜಿಹ್ವಮ್ .
ಗುದಸ್ಥಂ ಶ್ರುತಿಸ್ಥಂ ಮಹಾಖಪ್ರಕಾಶಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೭..

ರಜೋರೂಪಸೃಷ್ಟಿಪ್ರಕಾಶಂ ವಿಧಿಂ ತಂ ಸದಾ ಪಾಲನೇ ಕೇಶವಂ ಸತ್ತ್ವಸಂಸ್ಥಮ್ .
ತಮೋರೂಪಧಾರಂ ಹರಂ ಸಂಹರಂ ತಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೮..

ದಿಶಾಧೀಶರೂಪಂ ಸದಾಶಾಸ್ವರೂಪಂ ಗ್ರಹಾದಿಪ್ರಕಾಶಂ ಧ್ರುವಾದಿಂ ಖಗಸ್ಥಮ್ .
ಅನನ್ತೋಡುರೂಪಂ ತದಾಕಾರಹೀನಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೯..

ಮಹತ್ತತ್ತ್ವರೂಪಂ ಪ್ರಧಾನಸ್ವರೂಪಂ ಅಹಙ್ಕಾರಧಾರಂ ತ್ರಯೀಬೋಧಕಾರಮ್ .
ಅನಾದ್ಯನ್ತಮಾಯಂ ತದಾಧಾರಪುಚ್ಛಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೦..

ಸದಾ ಕರ್ಮಧಾರಂ ಫಲೈಃ ಸ್ವರ್ಗದಂ ತಂ ಅಕರ್ಮಪ್ರಕಾಶೇನ ಮುಕ್ತಿಪ್ರದಂ ತಮ್ .
ವಿಕರ್ಮಾದಿನಾ ಯಾತನಾಽಽಧಾರಭೂತಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೧..

ಅಲೋಭಸ್ವರೂಪಂ ಸದಾ ಲೋಭಧಾರಂ ಜನಜ್ಞಾನಕಾರಂ ಜನಾಧೀಶಪಾಲಮ್ .
ನೃಣಾಂ ಸಿದ್ಧಿದಂ ಮಾನವಂ ಮಾನವಸ್ಥಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ . ೧೨
ಲತಾವೃಕ್ಷರೂಪಂ ಸದಾ ಪಕ್ಷಿರೂಪಂ ಧನಾದಿಪ್ರಕಾಶಂ ಸದಾ ಧಾನ್ಯರೂಪಮ್ .
ಪ್ರಸೂಪುತ್ರಪೌತ್ರಾದಿನಾನಾಸ್ವರೂಪಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೩..

ಖಗೇಶಸ್ವರೂಪಂ ವೃಷಾದಿಪ್ರಸಂಸ್ಥಂ ಮೃಗೇನ್ದ್ರಾದಿಬೋಧಂ ಮೃಗೇನ್ದ್ರಸ್ವರೂಪಮ್ .
ಧರಾಧಾರಹೇಮಾದ್ರಿಮೇರುಸ್ವರೂಪಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೪..

ಸುವರ್ಣಾದಿಧಾತುಸ್ಥಸದ್ರಙ್ಗಸಂಸ್ಥಂ ಸಮುದ್ರಾದಿಮೇಘಸ್ವರೂಪಂ ಜಲಸ್ಥಮ್ .
ಜಲೇ ಜನ್ತುಮತ್ಸ್ಯಾದಿನಾನಾವಿಭೇದಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೫..

ಸದಾ ಶೇಷನಾಗಾದಿನಾಗಸ್ವರೂಪಂ ಸದಾ ನಾಗಭೂಷಂ ಚ ಲೀಲಾಕರಂ ತೈಃ .
ಸುರಾರಿಸ್ವರೂಪಂ ಚ ದೈತ್ಯಾದಿಭೂತಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೬..

ವರಂ ಪಾಶಧಾರಂ ಸದಾ ಭಕ್ತಪೋಷಂ ಮಹಾಪೌರುಷಂ ಮಾಯಿನಂ ಸಿಂಹಸಂಸ್ಥಮ್ .
ಚತುರ್ಬಾಹುಧಾರಂ ಸದಾ ವಿಘ್ನನಾಶಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೭..

ಗಣೇಶಂ ಗಣೇಶಾದಿವನ್ದ್ಯಂ ಸುರೇಶಂ ಪರಂ ಸರ್ವಪೂಜ್ಯಂ ಸುಬೋಧಾದಿಗಮ್ಯಮ್ .
ಮಹಾವಾಕ್ಯವೇದಾನ್ತವೇದ್ಯಂ ಪರೇಶಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೮..

ಅನನ್ತಾವತಾರೈಃ ಸದಾ ಪಾಲಯನ್ತಂ ಸ್ವಧರ್ಮಾದಿಸಂಸ್ಥಂ ಜನಂ ಕಾರಯನ್ತಮ್ .
ಸುರೈರ್ದೈತ್ಯಪೈರ್ವನ್ದ್ಯಮೇಕಂ ಸಮಂ ತ್ವಾಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೧೯..

ತ್ವಯಾ ನಾಶಿತೋಽಯಂ ಮಹಾದೈತ್ಯಭೂಪಃ ಸುಶಾನ್ತೇರ್ಧರೋಽಯಂ ಕೃತಸ್ತೇನ ವಿಶ್ವಮ್ .
ಅಖಣ್ಡಪ್ರಹರ್ಷೇಣ ಯುಕ್ತಂ ಚ ತಂ ವೈ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೨೦..

ನ ವಿನ್ದನ್ತಿ ಯಂ ವೇದವೇದಜ್ಞಮರ್ತ್ಯಾ ನ ವಿನ್ದನ್ತಿ ಯಂ ಶಾಸ್ತ್ರಶಾಸ್ತ್ರಜ್ಞಭೂಪಾಃ .
ನ ವಿನ್ದನ್ತಿ ಯಂ ಯೋಗಯೋಗೀಶಕಾದ್ಯಾ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೨೧..

ನ ವೇದಾ ವಿದುರ್ಯಂ ಚ ದೇವೇನ್ದ್ರಮುಖ್ಯಾ ನ ಯೋಗೈರ್ಮುನೀನ್ದ್ರಾ ವಯಂ ಕಿಂ ಸ್ತುಮಶ್ಚ .
ತಥಾಽಪಿ ಸ್ವಬುಧ್ಯಾ ಸ್ತುತಂ ವಕ್ರತುಣ್ಡಂ ನಮಾಮಃ ಸದಾ ವಕ್ರತುಣ್ಡಂ ಭಜಾಮಃ .. ೨೨..

ಮುದ್ಗಲ ಉವಾಚ .
ಏವಂ ಸ್ತುತ್ವಾ ವಕ್ರತುಣ್ಡಂ ಸ್ಥಿತಾ ದೇವರ್ಷಯಃ ಪ್ರಭೋ .
ಬದ್ಧಾಞ್ಜಲಿಪುಟಾಃ ಸರ್ವೇ ತೂಷ್ಣೀಂಭಾವೇನ ಮಾನದ .. ೨೩..

ದೇವಾನಾಂ ಚ ಮುನೀನಾಂ ಸ ಸ್ತುತಿಂ ಶ್ರುತ್ವಾ ಗಜಾನನಃ .
ಉವಾಚ ತಾನ್ ಪ್ರಸನ್ನಾತ್ಮಾ ಹರ್ಷಯನ್ ವಚನಂ ಮಹತ್ .. ೨೪..

ವಕ್ರತುಣ್ಡ ಉವಾಚ .
ಶೃಣುಧ್ವಂ ಮುನಯಃ ಸರ್ವೇ ದೇವಾ ಮೇ ವಚನಂ ಮಹತ್ .
ಭವತ್ಕೃತಮಿದಂ ಸ್ತೋತ್ರಂ ಮತ್ಪ್ರೀತೇರ್ವರ್ಧನಂ ಭವೇತ್ .. ೨೫..

ಅನೇನ ಸ್ತೌತಿ ಯೋ ನಿತ್ಯಂ ಮಾಂ ತಸ್ಯ ಪರಿಪೂರಯೇ .
ಭೋಗಾನ್ನಾನಾವಿಧಾಂಶ್ಚೈವ ಪುತ್ರಪೌತ್ರಾದಿಸಮ್ಪದಃ .. ೨೬..

ಯಂ ಯಮಿಚ್ಛತಿ ತಂ ತಂ ಚ ದಾಸ್ಯೇಽಹಂ ನಾತ್ರ ಸಂಶಯಃ .
ಭುಕ್ತಿಮುಕ್ತಿಪ್ರದಂ ಚೈತದ್ಬ್ರಹ್ಮಭೂಯಕರಂ ಭವೇತ್ .. ೨೭..

ನಾನಾಸಿದ್ಧಿಪ್ರದಂ ಚೈವ ಹೃದಿ ಬುದ್ಧಿಪ್ರಕಾಶಕಮ್ .
ಸುರೇನ್ದ್ರೈವದ್ಯತಾಂ ಯಾತಿ ಯೋ ಮಾಂ ಸ್ತೌತಿ ತ್ವನೇನ ಸಃ .. ೨೮..

ಸಹಸ್ರಾವರ್ತನಾನ್ ಮರ್ತ್ಯಃ ಕಾರಾಗೃಹಗತಂ ನರಮ್ .
ಮೋಚಯೇನ್ನಾತ್ರ ಸನ್ದೇಹೋ ಮತ್ಪ್ರಿಯಃ ಸರ್ವದಾ ಭವೇತ್ .. ೨೯..

ಅಪರಾಧಶತಯುಕ್ತೋ ಯೋ ವೈಭವತಿ ಮಾನವಃ .
ತಸ್ಯಾಪರಾಧಸಹನಂ ಕರೋಮಿ ಸ್ತೋತ್ರಪಾಠತಃ .. ೩೦..

ಏಕವಿಂಶತಿವಾರಂ ಯ ಏಕವಿಂಶದ್ದಿನಾನಿ ವೈ .
ಪಠಿಷ್ಯತಿ ಸದಾ ತಸ್ಮೈ ಚಿನ್ತಿತಂ ಪ್ರದದಾಮ್ಯಹಮ್ .. ೩೧..

ಏಕವಿಂಶತಿಕಾಃ ಶ್ಲೋಕಾ ಭವದ್ಭಿರ್ಮತ್ಪ್ರಿಯಾತ್ಮಕೈಃ .
ಕೃತಾಸ್ತೈರ್ಮಾಂ ಸ ದೇವಾಸ್ತು ಸ್ತುತಾ ವೈ ಮುನಯೋಽಖಿಲಾಃ .. ೩೨..

ತೇನ ವಿಘ್ನವಿಹೀನಾಶ್ಚ ಸ್ವಧರ್ಮರುಚಯಸ್ತಥಾ .
ಭವಿಷ್ಯಥ ಮಹಾಭಾಗಾ ಭುಕ್ತಿಮುಕ್ತಿಪದಾಸ್ತಥಾ .. ೩೩..

ವರಂ ಬ್ರೂತ ಮಹಾಭಾಗಾ ಯೇಷಾಂ ಯನ್ಮನಸಿ ಸ್ಥಿತಮ್ .
ತದ್ದಾಸ್ಯಾಮಿ ನ ಸನ್ದೇಹಃ ಸ್ತೋತ್ರಸನ್ತೋಷಿತೋ ಹ್ಯಹಮ್ .. ೩೪..

ಇತಿ ದೇವರ್ಷಿಭಿರ್ಪ್ರೋಕ್ತಾ ವಕ್ರತುಣ್ಡಸ್ತುತಿಃ