.. ப்₃ரஹ்மக்ருதா ப₄க₃வத்₃ஸ்துதி꞉ ..

ப்₃ரஹ்மோவாசநௌமீட்₃ய தே(அ)ப்₄ரவபுஷே தடி₃த₃ம்ப₃ராய
கு₃ஞ்ஜாவதம்ஸபரிபிச்ச₂லஸந்முகா₂ய .
வந்யஸ்ரஜே கவலவேத்ரவிஷாணவேணு-
லக்ஷ்மஶ்ரியே ம்ருது₃பதே₃ பஶுபாங்க₃ஜாய .. 1..

அஸ்யாபி தே₃வ வபுஷோ மத₃நுக்₃ரஹஸ்ய
ஸ்வேச்சா₂மயஸ்ய ந து பூ₄தமயஸ்ய கோ(அ)பி .
நேஶே மஹி த்வவஸிதும் மநஸா(ஆ)ந்தரேண
ஸாக்ஷாத்தவைவ கிமுதாத்மஸுகா₂நுபூ₄தே꞉ .. 2..

ஜ்ஞாநே ப்ரயாஸமுத₃பாஸ்ய நமந்த ஏவ
ஜீவந்தி ஸந்முக₂ரிதாம் ப₄வதீ₃யவார்தாம் .
ஸ்தா₂நே ஸ்தி₂தா꞉ ஶ்ருதிக₃தாம் தநுவாங்மநோபி₄꞉
யே ப்ராயஶோ(அ)ஜித ஜிதோ(அ)ப்யஸி தைஸ்த்ரிலோக்யாம் .. 3..

ஶ்ரேய꞉ஸ்ருதிம்/ஸ்ருதிம் ப₄க்திமுத₃ஸ்ய தே விபோ₄
க்லிஶ்யந்தி யே கேவலபோ₃த₄லப்₃த₄யே .
தேஷாமஸௌ க்லேஶல ஏவ ஶிஷ்யதே
நாந்யத்₃யதா₂ ஸ்தூ₂லதுஷாவகா₄திநாம் .. 4..

புரேஹ பூ₄மந் ப₃ஹவோ(அ)பி யோகி₃ந-
ஸ்த்வத₃ர்பிதேஹா நிஜகர்மலப்₃த₄யா .
விபு₃த்₄ய ப₄க்த்யைவ கதோ₂பநீதயா
ப்ரபேதி₃ரே(அ)ஞ்ஜோ(அ)ச்யுத தே க₃திம் பராம் .. 5..

ததா₂பி பூ₄மந் மஹிமாகு₃ணஸ்ய தே
விபோ₃த்₃து₄மர்ஹத்யமலாந்தராத்மபி₄꞉ .
அவிக்ரியாத்ஸ்வாநுப₄வாத₃ரூபதோ
ஹ்யநந்யபோ₃த்₄யாத்மதயா ந சாந்யதா₂ .. 6..

கு₃ணாத்மநஸ்தே(அ)பி கு₃ணாந் விமாதும்
ஹிதாவதீர்ணஸ்ய க ஈஶிரே(அ)ஸ்ய .
காலேந யைர்வா விமிதா꞉ ஸுகல்பை-
ர்பூ₄பாம்ஸவ꞉ கே₂ மிஹிகா த்₃யுபா₄ஸா꞉ .. 7..

தத்தே(அ)நுகம்பாம் ஸுஸமீக்ஷமாணோ
பு₄ஞ்ஜாந ஏவாத்மக்ருதம் விபாகம் .
ஹ்ருத்₃வாக்₃வபுர்பி₄ர்வித₃த₄ந்நமஸ்தே
ஜீவேத யோ முக்திபதே₃ ஸ தா₃யபா₄க் .. 8..

பஶ்யேஶ மே(அ)நார்யமநந்த ஆத்₃யே
பராத்மநி த்வய்யபி மாயிமாயிநி .
மாயாம் விதத்யேக்ஷிதுமாத்மவைப₄வம்
ஹ்யஹம் கியாநைச்ச₂மிவார்சிரக்₃நௌ .. 9..

அத꞉ க்ஷமஸ்வாச்யுத மே ரஜோபு₄வோ
ஹ்யஜாநதஸ்த்வத்ப்ருத₂கீ₃ஶமாநிந꞉ .
அஜாவலேபாந்த₄தமோ(அ)ந்த₄சக்ஷுஷ
ஏஷோ(அ)நுகம்ப்யோ மயி நாத₂வாநிதி .. 10..

க்வாஹம் தமோமஹத₃ஹங்க₂சராக்₃நிவார்பூ₄-
ஸம்வேஷ்டிதாண்ட₃க₄டஸப்தவிதஸ்திகாயா꞉ .
க்வேத்₃ருக்₃விதா₄விக₃ணிதாண்ட₃பராணுசர்யா-
வாதாத்₄வரோமவிவரஸ்ய ச தே மஹித்வம் .. 11..

உத்க்ஷேபணம் க₃ர்ப₄க₃தஸ்ய பாத₃யோ꞉
கிம் கல்பதே மாதுரதோ₄க்ஷஜாக₃ஸே .
கிமஸ்திநாஸ்திவ்யபதே₃ஶபூ₄ஷிதம்
தவாஸ்தி குக்ஷே꞉ கியத₃ப்யநந்த꞉ .. 12..

ஜக₃த்த்ரயாந்தோத₃தி₄ஸம்ப்லவோதே₃
நாராயணஸ்யோத₃ரநாபி₄நாலாத் .
விநிர்க₃தோ(அ)ஜஸ்த்விதி வாங்ந வை ம்ருஷா
கிந்த்வீஶ்வர த்வந்ந விநிர்க₃தோ(அ)ஸ்மி .. 13..

நாராயணஸ்த்வம் ந ஹி ஸர்வதே₃ஹிநா-
மாத்மாஸ்யதீ₄ஶாகி₂லலோகஸாக்ஷீ .
நாராயணோ(அ)ங்க₃ம் நரபூ₄ஜலாயநாத்
தச்சாபி ஸத்யம் ந தவைவ மாயா .. 14..

தச்சேஜ்ஜலஸ்த₂ம் தவ ஸஜ்ஜக₃த்₃வபு꞉
கிம் மே ந த்₃ருஷ்டம் ப₄க₃வம்ஸ்ததை₃வ .
கிம் வா ஸுத்₃ருஷ்டம் ஹ்ருதி₃ மே ததை₃வ
கிம் நோ ஸபத்₃யேவ புநர்வ்யத₃ர்ஶி .. 15..

அத்ரைவ மாயாத₄மநாவதாரே
ஹ்யஸ்ய ப்ரபஞ்சஸ்ய ப₃ஹி꞉ ஸ்பு₂டஸ்ய .
க்ருத்ஸ்நஸ்ய சாந்தர்ஜட₂ரே ஜநந்யா
மாயாத்வமேவ ப்ரகடீக்ருதம் தே .. 16..

யஸ்ய குக்ஷாவித₃ம் ஸர்வம் ஸாத்மம் பா₄தி யதா₂ ததா₂ .
தத்த்வய்யபீஹ தத்ஸர்வம் கிமித₃ம் மாயயா விநா .. 17..

அத்₃யைவ த்வத்₃ருதே(அ)ஸ்ய கிம் மம ந தே மாயாத்வமாத₃ர்ஶித-
மேகோ(அ)ஸி ப்ரத₂மம் ததோ வ்ரஜஸுஹ்ருத்₃வத்ஸா꞉ ஸமஸ்தா அபி .
தாவந்தோ(அ)ஸி சதுர்பு₄ஜாஸ்தத₃கி₂லை꞉ ஸாகம் மயோபாஸிதா-
ஸ்தாவந்த்யேவ ஜக₃ந்த்யபூ₄ஸ்தத₃மிதம் ப்₃ரஹ்மாத்₃வயம் ஶிஷ்யதே .. 18..

அஜாநதாம் த்வத்பத₃வீமநாத்ம-
ந்யாத்மா(ஆ)த்மநா பா₄ஸி விதத்ய மாயாம் .
ஸ்ருஷ்டாவிவாஹம் ஜக₃தோ விதா₄ந
இவ த்வமேஷோ(அ)ந்த இவ த்ரிநேத்ர꞉ .. 19..

ஸுரேஷ்வ்ருஷிஷ்வீஶ ததை₂வ ந்ருஷ்வபி
திர்யக்ஷு யாத₃꞉ஸ்வபி தே(அ)ஜநஸ்ய .
ஜந்மாஸதாம் து₃ர்மத₃நிக்₃ரஹாய
ப்ரபோ₄ விதா₄த꞉ ஸத₃நுக்₃ரஹாய ச .. 20..

கோ வேத்தி பூ₄மந் ப₄க₃வந் பராத்மந்
யோகே₃ஶ்வரோதீர்ப₄வதஸ்த்ரிலோக்யாம் .
க்வ வா கத₂ம் வா கதி வா கதே₃தி
விஸ்தாரயந் க்ரீட₃ஸி யோக₃மாயாம் .. 21..

தஸ்மாதி₃த₃ம் ஜக₃த₃ஶேஷமஸத்ஸ்வரூபம்
ஸ்வப்நாப₄மஸ்ததி₄ஷணம் புருது₃꞉க₂து₃꞉க₂ம் .
த்வய்யேவ நித்யஸுக₂போ₃த₄தநாவநந்தே
மாயாத உத்₃யத₃பி யத்ஸதி₃வாவபா₄தி .. 22..

ஏகஸ்த்வமாத்மா புருஷ꞉ புராண꞉
ஸத்ய꞉ ஸ்வயஞ்ஜ்யோதிரநந்த ஆத்₃ய꞉ .
நித்யோ(அ)க்ஷரோ(அ)ஜஸ்ரஸுகோ₂ நிரஞ்ஜந꞉
பூர்ணோ(அ)த்₃வயோ முக்த உபாதி₄தோ(அ)ம்ருத꞉ .. 23..

ஏவம் வித₄ம் த்வாம் ஸகலாத்மநாமபி
ஸ்வாத்மாநமாத்மா(ஆ)த்மதயா விசக்ஷதே .
கு₃ர்வர்கலப்₃தோ₄பநிஷத்ஸுசக்ஷுஷா
யே தே தரந்தீவ ப₄வாந்ருதாம்பு₃தி₄ம் .. 24..

ஆத்மாநமேவாத்மதயாவிஜாநதாம்
தேநைவ ஜாதம் நிகி₂லம் ப்ரபஞ்சிதம் .
ஜ்ஞாநேந பூ₄யோ(அ)பி ச தத்ப்ரலீயதே
ரஜ்ஜ்வாமஹேர்போ₄க₃ப₄வாப₄வௌ யதா₂ .. 25..

அஜ்ஞாநஸம்ஜ்ஞௌ ப₄வப₃ந்த₄மோக்ஷௌ
த்₃வௌ நாம நாந்யௌ ஸ்த ருதஜ்ஞபா₄வாத் .
அஜஸ்ரசித்யா(ஆ)த்மநி கேவலே பரே
விசார்யமாணே தரணாவிவாஹநீ .. 26..

த்வாமாத்மாநம் பரம் மத்வா பரமாத்மாநமேவ ச .
ஆத்மா புநர்ப₃ஹிர்ம்ருக்₃ய அஹோ(அ)ஜ்ஞஜநதாஜ்ஞதா .. 27..

அந்தர்ப₄வே(அ)நந்த ப₄வந்தமேவ
ஹ்யதத்த்யஜந்தோ ம்ருக₃யந்தி ஸந்த꞉ .
அஸந்தமப்யந்த்யஹிமந்தரேண
ஸந்தம் கு₃ணம் தம் கிமு யந்தி ஸந்த꞉ .. 28..

அதா₂பி தே தே₃வ பதா₃ம்பு₃ஜத்₃வய-
ப்ரஸாத₃லேஶாநுக்₃ருஹீத ஏவ ஹி .
ஜாநாதி தத்த்வம் ப₄க₃வந் மஹிம்நோ-
ந சாந்ய ஏகோ(அ)பி சிரம் விசிந்வந் .. 29..

தத₃ஸ்து மே நாத₂ ஸ பூ₄ரிபா₄கோ₃
ப₄வே(அ)த்ர வாந்யத்ர து வா திரஶ்சாம் .
யேநாஹமேகோ(அ)பி ப₄வஜ்ஜநாநாம்
பூ₄த்வா நிஷேவே தவ பாத₃பல்லவம் .. 30..

அஹோ(அ)தித₄ந்யா வ்ரஜகோ₃ரமண்ய꞉
ஸ்தந்யாம்ருதம் பீதமதீவ தே முதா₃ .
யாஸாம் விபோ₄ வத்ஸதராத்மஜாத்மநா
யத்த்ருப்தயே(அ)த்₃யாபி ந சாலமத்₄வரா꞉ .. 31..

அஹோபா₄க்₃யமஹோபா₄க்₃யம் நந்த₃கோ₃பவ்ரஜௌகஸாம் .
யந்மித்ரம் பரமாநந்த₃ம் பூர்ணம் ப்₃ரஹ்ம ஸநாதநம் .. 32..

ஏஷாம் து பா₄க்₃யமஹிமாச்யுத தாவதா₃ஸ்தா-
மேகாத₃ஶைவ ஹி வயம் ப₃த பூ₄ரிபா₄கா₃꞉ .
ஏதத்₃த்₄ருஷீகசஷகைரஸக்ருத்பிபா₃ம꞉
ஶர்வாத₃யோ(அ)ங்க்₄ர்யுத₃ஜமத்₄வம்ருதாஸவம் தே .. 33..

தத்₃பூ₄ரிபா₄க்₃யமிஹ ஜந்ம கிமப்யடவ்யாம்
யத்₃கோ₃குலே(அ)பி கதமாங்க்₄ரிரஜோ(அ)பி₄ஷேகம் .
யஜ்ஜீவிதம் து நிகி₂லம் ப₄க₃வாந் முகுந்த₃꞉
த்வத்₃யாபி யத்பத₃ரஜ꞉ ஶ்ருதிம்ருக்₃யமேவ .. 34..

ஏஷாம் கோ₄ஷநிவாஸிநாமுத ப₄வாந் கிம் தே₃வ ராதேதி ந꞉
சேதோ விஶ்வப₂லாத்ப₂லம் த்வத₃பரம் குத்ராப்யயந் முஹ்யதி .
ஸத்₃வேஷாதி₃வ பூதநாபி ஸகுலா த்வாமேவ தே₃வாபிதா
யத்₃தா₄மார்த₂ஸுஹ்ருத்ப்ரியாத்மதநயப்ராணாஶயாஸ்த்வத்க்ருதே .. 35..

தாவத்₃ராகா₃த₃ய꞉ ஸ்தேநாஸ்தாவத்காராக்₃ருஹம் க்₃ருஹம் .
தாவந்மோஹோ(அ)ங்க்₄ரிநிக₃டோ₃ யாவத்க்ருஷ்ண ந தே ஜநா꞉ .. 36..

ப்ரபஞ்சம் நிஷ்ப்ரபஞ்சோ(அ)பி விட₃ம்ப₃யஸி பூ₄தலே .
ப்ரபந்நஜநதாநந்த₃ஸந்தோ₃ஹம் ப்ரதி₂தும் ப்ரபோ₄ .. 37..

ஜாநந்த ஏவ ஜாநந்து கிம் ப₃ஹூக்த்யா ந மே ப்ரபோ₄ .
மநஸோ வபுஷோ வாசோ வைப₄வம் தவ கோ₃சர꞉ .. 38..

அநுஜாநீஹி மாம் க்ருஷ்ண ஸர்வம் த்வம் வேத்ஸி ஸர்வத்₃ருக் .
த்வமேவ ஜக₃தாம் நாதோ₂ ஜக₃தே₃தத்தவார்பிதம் .. 39..

ஶ்ரீக்ருஷ்ண வ்ருஷ்ணிகுலபுஷ்கரஜோஷதா₃யிந்
க்ஷ்மாநிர்ஜரத்₃விஜபஶூத₃தி₄வ்ருத்₃தி₄காரிந் .
உத்₃த₄ர்மஶார்வரஹர க்ஷிதிராக்ஷஸத்₄ரு-
கா₃கல்பமார்கமர்ஹந் ப₄க₃வந் நமஸ்தே .. 40..

ஶ்ரீஶுக உவாச
இத்யபி₄ஷ்டூய பூ₄மாநம் த்ரி꞉ பரிக்ரம்ய பாத₃யோ꞉ .
நத்வாபீ₄ஷ்டம் ஜக₃த்₃தா₄தா ஸ்வதா₄ம ப்ரத்யபத்₃யத .. 41..

ததோ(அ)நுஜ்ஞாப்ய ப₄க₃வாந் ஸ்வபு₄வம் ப்ராக₃வஸ்தி₂தாந் .
வத்ஸாந் புலிநமாநிந்யே யதா₂பூர்வஸக₂ம் ஸ்வகம் .. 42..

ஏகஸ்மிந்நபி யாதே(அ)ப்₃தே₃ ப்ராணேஶம் சாந்தராத்மந꞉ .
க்ருஷ்ணமாயாஹதா ராஜந் க்ஷணார்த₄ம் மேநிரே(அ)ர்ப₄கா꞉ .. 43..

கிம் கிம் ந விஸ்மரந்தீஹ மாயாமோஹிதசேதஸ꞉ .
யந்மோஹிதம் ஜக₃த்ஸர்வமபீ₄க்ஷ்ணம் விஸ்ம்ருதாத்மகம் .. 44..

ஊசுஶ்ச ஸுஹ்ருத₃꞉ க்ருஷ்ணம் ஸ்வாக₃தம் தே(அ)திரம்ஹஸா .
நைகோ(அ)ப்யபோ₄ஜி கவல ஏஹீத꞉ ஸாது₄ பு₄ஜ்யதாம் .. 45..

ததோ ஹஸந் ஹ்ருஷீகேஶோ(அ)ப்₄யவஹ்ருத்ய ஸஹார்ப₄கை꞉ .
த₃ர்ஶயம்ஶ்சர்மாஜக₃ரம் ந்யவர்தத வநாத்₃வ்ரஜம் .. 46..

ப₃ர்ஹப்ரஸூநநவதா₄துவிசித்ரிதாங்க₃꞉
ப்ரோத்₃தா₃மவேணுத₃லஶ்ருங்க₃ரவோத்ஸவாட்₄ய꞉ .
வத்ஸாந் க்₃ருணந்நநுக₃கீ₃தபவித்ரகீர்தி-
ர்கோ₃பீத்₃ருகு₃த்ஸவத்₃ருஶி꞉ ப்ரவிவேஶ கோ₃ஷ்ட₂ம் .. 47..

அத்₃யாநேந மஹாவ்யாலோ யஶோதா₃நந்த₃ஸூநுநா .
ஹதோ(அ)விதா வயம் சாஸ்மாதி₃தி பா₃லா வ்ரஜே ஜகு₃꞉ .. 48..

ராஜோவாச
ப்₃ரஹ்மந் பரோத்₃ப₄வே க்ருஷ்ணே இயாந் ப்ரேமா கத₂ம் ப₄வேத் .
யோ(அ)பூ₄தபூர்வஸ்தோகேஷு ஸ்வோத்₃ப₄வேஷ்வபி கத்₂யதாம் .. 49..

ஶ்ரீஶுக உவாச
ஸர்வேஷாமபி பூ₄தாநாம் ந்ருப ஸ்வாத்மைவ வல்லப₄꞉ .
இதரே(அ)பத்யவித்தாத்₃யாஸ்தத்₃வல்லப₄தயைவ ஹி .. 50..

தத்₃ராஜேந்த்₃ர யதா₂ ஸ்நேஹ꞉ ஸ்வஸ்வகாத்மநி தே₃ஹிநாம் .
ந ததா₂ மமதாலம்பி₃புத்ரவித்தக்₃ருஹாதி₃ஷு .. 51..

தே₃ஹாத்மவாதி₃நாம் பும்ஸாமபி ராஜந்யஸத்தம .
யதா₂ தே₃ஹ꞉ ப்ரியதமஸ்ததா₂ ந ஹ்யநு யே ச தம் .. 52..

தே₃ஹோ(அ)பி மமதாபா₄க்சேத்தர்ஹ்யஸௌ நாத்மவத்ப்ரிய꞉ .
யஜ்ஜீர்யத்யபி தே₃ஹே(அ)ஸ்மிந் ஜீவிதாஶா ப₃லீயஸீ .. 53..

தஸ்மாத்ப்ரியதம꞉ ஸ்வாத்மா ஸர்வேஷாமபி தே₃ஹிநாம் .
தத₃ர்த₂மேவ ஸகலம் ஜக₃தே₃தச்சராசரம் .. 54..

க்ருஷ்ணமேநமவேஹி த்வமாத்மாநமகி₂லாத்மநாம் .
ஜக₃த்₃தி₄தாய ஸோ(அ)ப்யத்ர தே₃ஹீவாபா₄தி மாயயா .. 55..

வஸ்துதோ ஜாநதாமத்ர க்ருஷ்ணம் ஸ்தா₂ஸ்நு சரிஷ்ணு ச .
ப₄க₃வத்₃ரூபமகி₂லம் நாந்யத்₃வஸ்த்விஹ கிஞ்சந .. 56..

ஸர்வேஷாமபி வஸ்தூநாம் பா₄வார்தோ₂ ப₄வதி ஸ்தி₂த꞉ .
தஸ்யாபி ப₄க₃வாந் க்ருஷ்ண꞉ கிமதத்₃வஸ்து ரூப்யதாம் .. 57..

ஸமாஶ்ரிதா யே பத₃பல்லவப்லவம்
மஹத்பத₃ம் புண்யயஶோ முராரே꞉ .
ப₄வாம்பு₃தி₄ர்வத்ஸபத₃ம் பரம் பத₃ம்
பத₃ம் பத₃ம் யத்₃விபதா₃ம் ந தேஷாம் .. 58..

ஏதத்தே ஸர்வமாக்₂யாதம் யத்ப்ருஷ்டோ(அ)ஹமிஹ த்வயா .
யத்கௌமாரே ஹரிக்ருதம் பௌக₃ண்டே₃ பரிகீர்திதம் .. 59..

ஏதத்ஸுஹ்ருத்₃பி₄ஶ்சரிதம் முராரே-
ரகா₄ர்த₃நம் ஶாத்₃வலஜேமநம் ச .
வ்யக்தேதரத்₃ரூபமஜோர்வபி₄ஷ்டவம்
ஶ்ருண்வந் க்₃ருணந்நேதி நரோ(அ)கி₂லார்தா₂ந் .. 60..

ஏவம் விஹாரை꞉ கௌமாரை꞉ கௌமாரம் ஜஹதுர்வ்ரஜே .
நிலாயநை꞉ ஸேதுப₃ந்தை₄ர்மர்கடோத்ப்லவநாதி₃பி₄꞉ .. 61..