॥ ব্রহ্মকৃতা ভগভ়দ্স্তুতিঃ ॥

ব্রহ্মোভ়াচনৌমীড্য তেঽভ্রভ়পুষে তডিদম্বরায
গুঞ্জাভ়তংসপরিপিচ্ছলসন্মুখায ।
ভ়ন্যস্রজে কভ়লভ়েত্রভ়িষাণভ়েণু-
লক্ষ্মশ্রিযে মৃদুপদে পশুপাঙ্গজায ॥ ১॥

অস্যাপি দেভ় ভ়পুষো মদনুগ্রহস্য
স্বেচ্ছামযস্য ন তু ভূতমযস্য কোঽপি ।
নেশে মহি ত্বভ়সিতুং মনসাঽঽন্তরেণ
সাক্ষাত্তভ়ৈভ় কিমুতাত্মসুখানুভূতেঃ ॥ ২॥

জ্ঞানে প্রযাসমুদপাস্য নমন্ত এভ়
জীভ়ন্তি সন্মুখরিতাং ভভ়দীযভ়ার্তাম্ ।
স্থানে স্থিতাঃ শ্রুতিগতাং তনুভ়াঙ্মনোভিঃ
যে প্রাযশোঽজিত জিতোঽপ্যসি তৈস্ত্রিলোক্যাম্ ॥ ৩॥

শ্রেযঃসৃতিং/স্রুতিং ভক্তিমুদস্য তে ভ়িভো
ক্লিশ্যন্তি যে কেভ়লবোধলব্ধযে ।
তেষামসৌ ক্লেশল এভ় শিষ্যতে
নান্যদ্যথা স্থূলতুষাভ়ঘাতিনাম্ ॥ ৪॥

পুরেহ ভূমন্ বহভ়োঽপি যোগিন-
স্ত্বদর্পিতেহা নিজকর্মলব্ধযা ।
ভ়িবুধ্য ভক্ত্যৈভ় কথোপনীতযা
প্রপেদিরেঽঞ্জোঽচ্যুত তে গতিং পরাম্ ॥ ৫॥

তথাপি ভূমন্ মহিমাগুণস্য তে
ভ়িবোদ্ধুমর্হত্যমলান্তরাত্মভিঃ ।
অভ়িক্রিযাৎস্বানুভভ়াদরূপতো
হ্যনন্যবোধ্যাত্মতযা ন চান্যথা ॥ ৬॥

গুণাত্মনস্তেঽপি গুণান্ ভ়িমাতুং
হিতাভ়তীর্ণস্য ক ঈশিরেঽস্য ।
কালেন যৈর্ভ়া ভ়িমিতাঃ সুকল্পৈ-
র্ভূপাংসভ়ঃ খে মিহিকা দ্যুভাসাঃ ॥ ৭॥

তত্তেঽনুকম্পাং সুসমীক্ষমাণো
ভুঞ্জান এভ়াত্মকৃতং ভ়িপাকম্ ।
হৃদ্বাগ্বপুর্ভির্ভ়িদধন্নমস্তে
জীভ়েত যো মুক্তিপদে স দাযভাক্ ॥ ৮॥

পশ্যেশ মেঽনার্যমনন্ত আদ্যে
পরাত্মনি ত্বয্যপি মাযিমাযিনি ।
মাযাং ভ়িতত্যেক্ষিতুমাত্মভ়ৈভভ়ং
হ্যহং কিযানৈচ্ছমিভ়ার্চিরগ্নৌ ॥ ৯॥

অতঃ ক্ষমস্বাচ্যুত মে রজোভুভ়ো
হ্যজানতস্ত্বৎপৃথগীশমানিনঃ ।
অজাভ়লেপান্ধতমোঽন্ধচক্ষুষ
এষোঽনুকম্প্যো মযি নাথভ়ানিতি ॥ ১০॥

ক্বাহং তমোমহদহঙ্খচরাগ্নিভ়ার্ভূ-
সংভ়েষ্টিতাণ্ডঘটসপ্তভ়িতস্তিকাযাঃ ।
ক্বেদৃগ্বিধাভ়িগণিতাণ্ডপরাণুচর্যা-
ভ়াতাধ্বরোমভ়িভ়রস্য চ তে মহিত্বম্ ॥ ১১॥

উৎক্ষেপণং গর্ভগতস্য পাদযোঃ
কিং কল্পতে মাতুরধোক্ষজাগসে ।
কিমস্তিনাস্তিভ়্যপদেশভূষিতং
তভ়াস্তি কুক্ষেঃ কিযদপ্যনন্তঃ ॥ ১২॥

জগত্ত্রযান্তোদধিসম্প্লভ়োদে
নারাযণস্যোদরনাভিনালাৎ ।
ভ়িনির্গতোঽজস্ত্বিতি ভ়াঙ্ন ভ়ৈ মৃষা
কিন্ত্বীশ্বর ত্বন্ন ভ়িনির্গতোঽস্মি ॥ ১৩॥

নারাযণস্ত্বং ন হি সর্ভ়দেহিনা-
মাত্মাস্যধীশাখিললোকসাক্ষী ।
নারাযণোঽঙ্গং নরভূজলাযনাৎ
তচ্চাপি সত্যং ন তভ়ৈভ় মাযা ॥ ১৪॥

তচ্চেজ্জলস্থং তভ় সজ্জগদ্বপুঃ
কিং মে ন দৃষ্টং ভগভ়ংস্তদৈভ় ।
কিং ভ়া সুদৃষ্টং হৃদি মে তদৈভ়
কিং নো সপদ্যেভ় পুনর্ভ়্যদর্শি ॥ ১৫॥

অত্রৈভ় মাযাধমনাভ়তারে
হ্যস্য প্রপঞ্চস্য বহিঃ স্ফুটস্য ।
কৃৎস্নস্য চান্তর্জঠরে জনন্যা
মাযাত্বমেভ় প্রকটীকৃতং তে ॥ ১৬॥

যস্য কুক্ষাভ়িদং সর্ভ়ং সাত্মং ভাতি যথা তথা ।
তত্ত্বয্যপীহ তৎসর্ভ়ং কিমিদং মাযযা ভ়িনা ॥ ১৭॥

অদ্যৈভ় ত্বদৃতেঽস্য কিং মম ন তে মাযাত্বমাদর্শিত-
মেকোঽসি প্রথমং ততো ভ়্রজসুহৃদ্বৎসাঃ সমস্তা অপি ।
তাভ়ন্তোঽসি চতুর্ভুজাস্তদখিলৈঃ সাকং মযোপাসিতা-
স্তাভ়ন্ত্যেভ় জগন্ত্যভূস্তদমিতং ব্রহ্মাদ্বযং শিষ্যতে ॥ ১৮॥

অজানতাং ত্বৎপদভ়ীমনাত্ম-
ন্যাত্মাঽঽত্মনা ভাসি ভ়িতত্য মাযাম্ ।
সৃষ্টাভ়িভ়াহং জগতো ভ়িধান
ইভ় ত্বমেষোঽন্ত ইভ় ত্রিনেত্রঃ ॥ ১৯॥

সুরেষ্বৃষিষ্বীশ তথৈভ় নৃষ্বপি
তির্যক্ষু যাদঃস্বপি তেঽজনস্য ।
জন্মাসতাং দুর্মদনিগ্রহায
প্রভো ভ়িধাতঃ সদনুগ্রহায চ ॥ ২০॥

কো ভ়েত্তি ভূমন্ ভগভ়ন্ পরাত্মন্
যোগেশ্বরোতীর্ভভ়তস্ত্রিলোক্যাম্ ।
ক্ব ভ়া কথং ভ়া কতি ভ়া কদেতি
ভ়িস্তারযন্ ক্রীডসি যোগমাযাম্ ॥ ২১॥

তস্মাদিদং জগদশেষমসৎস্বরূপং
স্বপ্নাভমস্তধিষণং পুরুদুঃখদুঃখম্ ।
ত্বয্যেভ় নিত্যসুখবোধতনাভ়নন্তে
মাযাত উদ্যদপি যৎসদিভ়াভ়ভাতি ॥ ২২॥

একস্ত্বমাত্মা পুরুষঃ পুরাণঃ
সত্যঃ স্বযঞ্জ্যোতিরনন্ত আদ্যঃ ।
নিত্যোঽক্ষরোঽজস্রসুখো নিরঞ্জনঃ
পূর্ণোঽদ্বযো মুক্ত উপাধিতোঽমৃতঃ ॥ ২৩॥

এভ়ং ভ়িধং ত্বাং সকলাত্মনামপি
স্বাত্মানমাত্মাঽঽত্মতযা ভ়িচক্ষতে ।
গুর্ভ়র্কলব্ধোপনিষৎসুচক্ষুষা
যে তে তরন্তীভ় ভভ়ানৃতাম্বুধিম্ ॥ ২৪॥

আত্মানমেভ়াত্মতযাভ়িজানতাং
তেনৈভ় জাতং নিখিলং প্রপঞ্চিতম্ ।
জ্ঞানেন ভূযোঽপি চ তৎপ্রলীযতে
রজ্জ্বামহের্ভোগভভ়াভভ়ৌ যথা ॥ ২৫॥

অজ্ঞানসংজ্ঞৌ ভভ়বন্ধমোক্ষৌ
দ্বৌ নাম নান্যৌ স্ত ঋতজ্ঞভাভ়াৎ ।
অজস্রচিত্যাঽঽত্মনি কেভ়লে পরে
ভ়িচার্যমাণে তরণাভ়িভ়াহনী ॥ ২৬॥

ত্বামাত্মানং পরং মত্বা পরমাত্মানমেভ় চ ।
আত্মা পুনর্বহির্মৃগ্য অহোঽজ্ঞজনতাজ্ঞতা ॥ ২৭॥

অন্তর্ভভ়েঽনন্ত ভভ়ন্তমেভ়
হ্যতত্ত্যজন্তো মৃগযন্তি সন্তঃ ।
অসন্তমপ্যন্ত্যহিমন্তরেণ
সন্তং গুণং তং কিমু যন্তি সন্তঃ ॥ ২৮॥

অথাপি তে দেভ় পদাম্বুজদ্বয-
প্রসাদলেশানুগৃহীত এভ় হি ।
জানাতি তত্ত্বং ভগভ়ন্ মহিম্নো-
ন চান্য একোঽপি চিরং ভ়িচিন্বন্ ॥ ২৯॥

তদস্তু মে নাথ স ভূরিভাগো
ভভ়েঽত্র ভ়ান্যত্র তু ভ়া তিরশ্চাম্ ।
যেনাহমেকোঽপি ভভ়জ্জনানাং
ভূত্বা নিষেভ়ে তভ় পাদপল্লভ়ম্ ॥ ৩০॥

অহোঽতিধন্যা ভ়্রজগোরমণ্যঃ
স্তন্যামৃতং পীতমতীভ় তে মুদা ।
যাসাং ভ়িভো ভ়ৎসতরাত্মজাত্মনা
যত্তৃপ্তযেঽদ্যাপি ন চালমধ্বরাঃ ॥ ৩১॥

অহোভাগ্যমহোভাগ্যং নন্দগোপভ়্রজৌকসাম্ ।
যন্মিত্রং পরমানন্দং পূর্ণং ব্রহ্ম সনাতনম্ ॥ ৩২॥

এষাং তু ভাগ্যমহিমাচ্যুত তাভ়দাস্তা-
মেকাদশৈভ় হি ভ়যং বত ভূরিভাগাঃ ।
এতদ্ধৃষীকচষকৈরসকৃৎপিবামঃ
শর্ভ়াদযোঽঙ্ঘ্র্যুদজমধ্বমৃতাসভ়ং তে ॥ ৩৩॥

তদ্ভূরিভাগ্যমিহ জন্ম কিমপ্যটভ়্যাং
যদ্গোকুলেঽপি কতমাঙ্ঘ্রিরজোঽভিষেকম্ ।
যজ্জীভ়িতং তু নিখিলং ভগভ়ান্ মুকুন্দঃ
ত্বদ্যাপি যৎপদরজঃ শ্রুতিমৃগ্যমেভ় ॥ ৩৪॥

এষাং ঘোষনিভ়াসিনামুত ভভ়ান্ কিং দেভ় রাতেতি নঃ
চেতো ভ়িশ্বফলাৎফলং ত্বদপরং কুত্রাপ্যযন্ মুহ্যতি ।
সদ্বেষাদিভ় পূতনাপি সকুলা ত্বামেভ় দেভ়াপিতা
যদ্ধামার্থসুহৃৎপ্রিযাত্মতনযপ্রাণাশযাস্ত্বৎকৃতে ॥ ৩৫॥

তাভ়দ্রাগাদযঃ স্তেনাস্তাভ়ৎকারাগৃহং গৃহম্ ।
তাভ়ন্মোহোঽঙ্ঘ্রিনিগডো যাভ়ৎকৃষ্ণ ন তে জনাঃ ॥ ৩৬॥

প্রপঞ্চং নিষ্প্রপঞ্চোঽপি ভ়িডম্বযসি ভূতলে ।
প্রপন্নজনতানন্দসন্দোহং প্রথিতুং প্রভো ॥ ৩৭॥

জানন্ত এভ় জানন্তু কিং বহূক্ত্যা ন মে প্রভো ।
মনসো ভ়পুষো ভ়াচো ভ়ৈভভ়ং তভ় গোচরঃ ॥ ৩৮॥

অনুজানীহি মাং কৃষ্ণ সর্ভ়ং ত্বং ভ়েৎসি সর্ভ়দৃক্ ।
ত্বমেভ় জগতাং নাথো জগদেতত্তভ়ার্পিতম্ ॥ ৩৯॥

শ্রীকৃষ্ণ ভ়ৃষ্ণিকুলপুষ্করজোষদাযিন্
ক্ষ্মানির্জরদ্বিজপশূদধিভ়ৃদ্ধিকারিন্ ।
উদ্ধর্মশার্ভ়রহর ক্ষিতিরাক্ষসধ্রু-
গাকল্পমার্কমর্হন্ ভগভ়ন্ নমস্তে ॥ ৪০॥

শ্রীশুক উভ়াচ
ইত্যভিষ্টূয ভূমানং ত্রিঃ পরিক্রম্য পাদযোঃ ।
নত্বাভীষ্টং জগদ্ধাতা স্বধাম প্রত্যপদ্যত ॥ ৪১॥

ততোঽনুজ্ঞাপ্য ভগভ়ান্ স্বভুভ়ং প্রাগভ়স্থিতান্ ।
ভ়ৎসান্ পুলিনমানিন্যে যথাপূর্ভ়সখং স্বকম্ ॥ ৪২॥

একস্মিন্নপি যাতেঽব্দে প্রাণেশং চান্তরাত্মনঃ ।
কৃষ্ণমাযাহতা রাজন্ ক্ষণার্ধং মেনিরেঽর্ভকাঃ ॥ ৪৩॥

কিং কিং ন ভ়িস্মরন্তীহ মাযামোহিতচেতসঃ ।
যন্মোহিতং জগৎসর্ভ়মভীক্ষ্ণং ভ়িস্মৃতাত্মকম্ ॥ ৪৪॥

ঊচুশ্চ সুহৃদঃ কৃষ্ণং স্বাগতং তেঽতিরংহসা ।
নৈকোঽপ্যভোজি কভ়ল এহীতঃ সাধু ভুজ্যতাম্ ॥ ৪৫॥

ততো হসন্ হৃষীকেশোঽভ্যভ়হৃত্য সহার্ভকৈঃ ।
দর্শযংশ্চর্মাজগরং ন্যভ়র্তত ভ়নাদ্ব্রজম্ ॥ ৪৬॥

বর্হপ্রসূননভ়ধাতুভ়িচিত্রিতাঙ্গঃ
প্রোদ্দামভ়েণুদলশৃঙ্গরভ়োৎসভ়াঢ্যঃ ।
ভ়ৎসান্ গৃণন্ননুগগীতপভ়িত্রকীর্তি-
র্গোপীদৃগুৎসভ়দৃশিঃ প্রভ়িভ়েশ গোষ্ঠম্ ॥ ৪৭॥

অদ্যানেন মহাভ়্যালো যশোদানন্দসূনুনা ।
হতোঽভ়িতা ভ়যং চাস্মাদিতি বালা ভ়্রজে জগুঃ ॥ ৪৮॥

রাজোভ়াচ
ব্রহ্মন্ পরোদ্ভভ়ে কৃষ্ণে ইযান্ প্রেমা কথং ভভ়েৎ ।
যোঽভূতপূর্ভ়স্তোকেষু স্বোদ্ভভ়েষ্বপি কথ্যতাম্ ॥ ৪৯॥

শ্রীশুক উভ়াচ
সর্ভ়েষামপি ভূতানাং নৃপ স্বাত্মৈভ় ভ়ল্লভঃ ।
ইতরেঽপত্যভ়িত্তাদ্যাস্তদ্বল্লভতযৈভ় হি ॥ ৫০॥

তদ্রাজেন্দ্র যথা স্নেহঃ স্বস্বকাত্মনি দেহিনাম্ ।
ন তথা মমতালম্বিপুত্রভ়িত্তগৃহাদিষু ॥ ৫১॥

দেহাত্মভ়াদিনাং পুংসামপি রাজন্যসত্তম ।
যথা দেহঃ প্রিযতমস্তথা ন হ্যনু যে চ তম্ ॥ ৫২॥

দেহোঽপি মমতাভাক্চেত্তর্হ্যসৌ নাত্মভ়ৎপ্রিযঃ ।
যজ্জীর্যত্যপি দেহেঽস্মিন্ জীভ়িতাশা বলীযসী ॥ ৫৩॥

তস্মাৎপ্রিযতমঃ স্বাত্মা সর্ভ়েষামপি দেহিনাম্ ।
তদর্থমেভ় সকলং জগদেতচ্চরাচরম্ ॥ ৫৪॥

কৃষ্ণমেনমভ়েহি ত্বমাত্মানমখিলাত্মনাম্ ।
জগদ্ধিতায সোঽপ্যত্র দেহীভ়াভাতি মাযযা ॥ ৫৫॥

ভ়স্তুতো জানতামত্র কৃষ্ণং স্থাস্নু চরিষ্ণু চ ।
ভগভ়দ্রূপমখিলং নান্যদ্বস্ত্বিহ কিঞ্চন ॥ ৫৬॥

সর্ভ়েষামপি ভ়স্তূনাং ভাভ়ার্থো ভভ়তি স্থিতঃ ।
তস্যাপি ভগভ়ান্ কৃষ্ণঃ কিমতদ্বস্তু রূপ্যতাম্ ॥ ৫৭॥

সমাশ্রিতা যে পদপল্লভ়প্লভ়ং
মহৎপদং পুণ্যযশো মুরারেঃ ।
ভভ়াম্বুধির্ভ়ৎসপদং পরং পদং
পদং পদং যদ্বিপদাং ন তেষাম্ ॥ ৫৮॥

এতত্তে সর্ভ়মাখ্যাতং যৎপৃষ্টোঽহমিহ ত্বযা ।
যৎকৌমারে হরিকৃতং পৌগণ্ডে পরিকীর্তিতম্ ॥ ৫৯॥

এতৎসুহৃদ্ভিশ্চরিতং মুরারে-
রঘার্দনং শাদ্বলজেমনং চ ।
ভ়্যক্তেতরদ্রূপমজোর্ভ়ভিষ্টভ়ং
শৃণ্বন্ গৃণন্নেতি নরোঽখিলার্থান্ ॥ ৬০॥

এভ়ং ভ়িহারৈঃ কৌমারৈঃ কৌমারং জহতুর্ভ়্রজে ।
নিলাযনৈঃ সেতুবন্ধৈর্মর্কটোৎপ্লভ়নাদিভিঃ ॥ ৬১॥