.. Brahmakri'taa bhagavadstutih' ..

Brahmovaachanaumeed'ya te'bhravapushe tad'idambaraaya
Gunjaavatam'saparipichchhalasanmukhaaya .
Vanyasraje kavalavetravishaanavenu-
Lakshmashriye mri'dupade pashupaangajaaya .. 1..

Asyaapi deva vapusho madanugrahasya
Svechchhaamayasya na tu bhootamayasya ko'pi .
Neshe mahi tvavasitum' manasaa''ntarena
Saakshaattavaiva kimutaatmasukhaanubhooteh' .. 2..

Jnyaane prayaasamudapaasya namanta eva
Jeevanti sanmukharitaam' bhavadeeyavaartaam .
Sthaane sthitaah' shrutigataam' tanuvaangmanobhih'
Ye praayasho'jita jito'pyasi taistrilokyaam .. 3..

Shreyah'sri'tim'/srutim' bhaktimudasya te vibho
Klishyanti ye kevalabodhalabdhaye .
Teshaamasau kleshala eva shishyate
Naanyadyathaa sthoolatushaavaghaatinaam .. 4..

Pureha bhooman bahavo'pi yogina-
Stvadarpitehaa nijakarmalabdhayaa .
Vibudhya bhaktyaiva kathopaneetayaa
Prapedire'njo'chyuta te gatim' paraam .. 5..

Tathaapi bhooman mahimaagunasya te
Viboddhumarhatyamalaantaraatmabhih' .
Avikriyaatsvaanubhavaadaroopato
Hyananyabodhyaatmatayaa na chaanyathaa .. 6..

Gunaatmanaste'pi gunaan vimaatum'
Hitaavateernasya ka eeshire'sya .
Kaalena yairvaa vimitaah' sukalpai-
Rbhoopaam'savah' khe mihikaa dyubhaasaah' .. 7..

Tatte'nukampaam' susameekshamaano
Bhunjaana evaatmakri'tam' vipaakam .
Hri'dvaagvapurbhirvidadhannamaste
Jeeveta yo muktipade sa daayabhaak .. 8..

Pashyesha me'naaryamananta aadye
Paraatmani tvayyapi maayimaayini .
Maayaam' vitatyekshitumaatmavaibhavam'
Hyaham' kiyaanaichchhamivaarchiragnau .. 9..

Atah' kshamasvaachyuta me rajobhuvo
Hyajaanatastvatpri'thageeshamaaninah' .
Ajaavalepaandhatamo'ndhachakshusha
Esho'nukampyo mayi naathavaaniti .. 10..

Kvaaham' tamomahadahankhacharaagnivaarbhoo-
Sam'vesht'itaand'aghat'asaptavitastikaayaah' .
Kvedri'gvidhaaviganitaand'aparaanucharyaa-
Vaataadhvaromavivarasya cha te mahitvam .. 11..

Utkshepanam' garbhagatasya paadayoh'
Kim' kalpate maaturadhokshajaagase .
Kimastinaastivyapadeshabhooshitam'
Tavaasti kuksheh' kiyadapyanantah' .. 12..

Jagattrayaantodadhisamplavode
Naaraayanasyodaranaabhinaalaat .
Vinirgato'jastviti vaangna vai mri'shaa
Kintveeshvara tvanna vinirgato'smi .. 13..

Naaraayanastvam' na hi sarvadehinaa-
Maatmaasyadheeshaakhilalokasaakshee .
Naaraayano'ngam' narabhoojalaayanaat
Tachchaapi satyam' na tavaiva maayaa .. 14..

Tachchejjalastham' tava sajjagadvapuh'
Kim' me na dri'sht'am' bhagavam'stadaiva .
Kim' vaa sudri'sht'am' hri'di me tadaiva
Kim' no sapadyeva punarvyadarshi .. 15..

Atraiva maayaadhamanaavataare
Hyasya prapanchasya bahih' sphut'asya .
Kri'tsnasya chaantarjat'hare jananyaa
Maayaatvameva prakat'eekri'tam' te .. 16..

Yasya kukshaavidam' sarvam' saatmam' bhaati yathaa tathaa .
Tattvayyapeeha tatsarvam' kimidam' maayayaa vinaa .. 17..

Adyaiva tvadri'te'sya kim' mama na te maayaatvamaadarshita-
Meko'si prathamam' tato vrajasuhri'dvatsaah' samastaa api .
Taavanto'si chaturbhujaastadakhilaih' saakam' mayopaasitaa-
Staavantyeva jagantyabhoostadamitam' brahmaadvayam' shishyate .. 18..

Ajaanataam' tvatpadaveemanaatma-
Nyaatmaa''tmanaa bhaasi vitatya maayaam .
Sri'sht'aavivaaham' jagato vidhaana
Iva tvamesho'nta iva trinetrah' .. 19..

Sureshvri'shishveesha tathaiva nri'shvapi
Tiryakshu yaadah'svapi te'janasya .
Janmaasataam' durmadanigrahaaya
Prabho vidhaatah' sadanugrahaaya cha .. 20..

Ko vetti bhooman bhagavan paraatman
Yogeshvaroteerbhavatastrilokyaam .
Kva vaa katham' vaa kati vaa kadeti
Vistaarayan kreed'asi yogamaayaam .. 21..

Tasmaadidam' jagadasheshamasatsvaroopam'
Svapnaabhamastadhishanam' puruduh'khaduh'kham .
Tvayyeva nityasukhabodhatanaavanante
Maayaata udyadapi yatsadivaavabhaati .. 22..

Ekastvamaatmaa purushah' puraanah'
Satyah' svayanjyotirananta aadyah' .
Nityo'ksharo'jasrasukho niranjanah'
Poorno'dvayo mukta upaadhito'mri'tah' .. 23..

Evam' vidham' tvaam' sakalaatmanaamapi
Svaatmaanamaatmaa''tmatayaa vichakshate .
Gurvarkalabdhopanishatsuchakshushaa
Ye te taranteeva bhavaanri'taambudhim .. 24..

Aatmaanamevaatmatayaavijaanataam'
Tenaiva jaatam' nikhilam' prapanchitam .
Jnyaanena bhooyo'pi cha tatpraleeyate
Rajjvaamaherbhogabhavaabhavau yathaa .. 25..

Ajnyaanasanjnyau bhavabandhamokshau
Dvau naama naanyau sta ri'tajnyabhaavaat .
Ajasrachityaa''tmani kevale pare
Vichaaryamaane taranaavivaahanee .. 26..

Tvaamaatmaanam' param' matvaa paramaatmaanameva cha .
Aatmaa punarbahirmri'gya aho'jnyajanataajnyataa .. 27..

Antarbhave'nanta bhavantameva
Hyatattyajanto mri'gayanti santah' .
Asantamapyantyahimantarena
Santam' gunam' tam' kimu yanti santah' .. 28..

Athaapi te deva padaambujadvaya-
Prasaadaleshaanugri'heeta eva hi .
Jaanaati tattvam' bhagavan mahimno-
Na chaanya eko'pi chiram' vichinvan .. 29..

Tadastu me naatha sa bhooribhaago
Bhave'tra vaanyatra tu vaa tirashchaam .
Yenaahameko'pi bhavajjanaanaam'
Bhootvaa nisheve tava paadapallavam .. 30..

Aho'tidhanyaa vrajagoramanyah'
Stanyaamri'tam' peetamateeva te mudaa .
Yaasaam' vibho vatsataraatmajaatmanaa
Yattri'ptaye'dyaapi na chaalamadhvaraah' .. 31..

Ahobhaagyamahobhaagyam' nandagopavrajaukasaam .
Yanmitram' paramaanandam' poornam' brahma sanaatanam .. 32..

Eshaam' tu bhaagyamahimaachyuta taavadaastaa-
Mekaadashaiva hi vayam' bata bhooribhaagaah' .
Etaddhri'sheekachashakairasakri'tpibaamah'
Sharvaadayo'nghryudajamadhvamri'taasavam' te .. 33..

Tadbhooribhaagyamiha janma kimapyat'avyaam'
Yadgokule'pi katamaanghrirajo'bhishekam .
Yajjeevitam' tu nikhilam' bhagavaan mukundah'
Tvadyaapi yatpadarajah' shrutimri'gyameva .. 34..

Eshaam' ghoshanivaasinaamuta bhavaan kim' deva raateti nah'
Cheto vishvaphalaatphalam' tvadaparam' kutraapyayan muhyati .
Sadveshaadiva pootanaapi sakulaa tvaameva devaapitaa
Yaddhaamaarthasuhri'tpriyaatmatanayapraanaashayaastvatkri'te .. 35..

Taavadraagaadayah' stenaastaavatkaaraagri'ham' gri'ham .
Taavanmoho'nghrinigad'o yaavatkri'shna na te janaah' .. 36..

Prapancham' nishprapancho'pi vid'ambayasi bhootale .
Prapannajanataanandasandoham' prathitum' prabho .. 37..

Jaananta eva jaanantu kim' bahooktyaa na me prabho .
Manaso vapusho vaacho vaibhavam' tava gocharah' .. 38..

Anujaaneehi maam' kri'shna sarvam' tvam' vetsi sarvadri'k .
Tvameva jagataam' naatho jagadetattavaarpitam .. 39..

Shreekri'shna vri'shnikulapushkarajoshadaayin
Kshmaanirjaradvijapashoodadhivri'ddhikaarin .
Uddharmashaarvarahara kshitiraakshasadhru-
Gaakalpamaarkamarhan bhagavan namaste .. 40..

Shreeshuka uvaacha
Ityabhisht'ooya bhoomaanam' trih' parikramya paadayoh' .
Natvaabheesht'am' jagaddhaataa svadhaama pratyapadyata .. 41..

Tato'nujnyaapya bhagavaan svabhuvam' praagavasthitaan .
Vatsaan pulinamaaninye yathaapoorvasakham' svakam .. 42..

Ekasminnapi yaate'bde praanesham' chaantaraatmanah' .
Kri'shnamaayaahataa raajan kshanaardham' menire'rbhakaah' .. 43..

Kim' kim' na vismaranteeha maayaamohitachetasah' .
Yanmohitam' jagatsarvamabheekshnam' vismri'taatmakam .. 44..

Oochushcha suhri'dah' kri'shnam' svaagatam' te'tiram'hasaa .
Naiko'pyabhoji kavala eheetah' saadhu bhujyataam .. 45..

Tato hasan hri'sheekesho'bhyavahri'tya sahaarbhakaih' .
Darshayam'shcharmaajagaram' nyavartata vanaadvrajam .. 46..

Barhaprasoonanavadhaatuvichitritaangah'
Proddaamavenudalashri'ngaravotsavaad'hyah' .
Vatsaan gri'nannanugageetapavitrakeerti-
Rgopeedri'gutsavadri'shih' pravivesha gosht'ham .. 47..

Adyaanena mahaavyaalo yashodaanandasoonunaa .
Hato'vitaa vayam' chaasmaaditi baalaa vraje jaguh' .. 48..

Raajovaacha
Brahman parodbhave kri'shne iyaan premaa katham' bhavet .
Yo'bhootapoorvastokeshu svodbhaveshvapi kathyataam .. 49..

Shreeshuka uvaacha
Sarveshaamapi bhootaanaam' nri'pa svaatmaiva vallabhah' .
Itare'patyavittaadyaastadvallabhatayaiva hi .. 50..

Tadraajendra yathaa snehah' svasvakaatmani dehinaam .
Na tathaa mamataalambiputravittagri'haadishu .. 51..

Dehaatmavaadinaam' pum'saamapi raajanyasattama .
Yathaa dehah' priyatamastathaa na hyanu ye cha tam .. 52..

Deho'pi mamataabhaakchettarhyasau naatmavatpriyah' .
Yajjeeryatyapi dehe'smin jeevitaashaa baleeyasee .. 53..

Tasmaatpriyatamah' svaatmaa sarveshaamapi dehinaam .
Tadarthameva sakalam' jagadetachcharaacharam .. 54..

Kri'shnamenamavehi tvamaatmaanamakhilaatmanaam .
Jagaddhitaaya so'pyatra deheevaabhaati maayayaa .. 55..

Vastuto jaanataamatra kri'shnam' sthaasnu charishnu cha .
Bhagavadroopamakhilam' naanyadvastviha kinchana .. 56..

Sarveshaamapi vastoonaam' bhaavaartho bhavati sthitah' .
Tasyaapi bhagavaan kri'shnah' kimatadvastu roopyataam .. 57..

Samaashritaa ye padapallavaplavam'
Mahatpadam' punyayasho muraareh' .
Bhavaambudhirvatsapadam' param' padam'
Padam' padam' yadvipadaam' na teshaam .. 58..

Etatte sarvamaakhyaatam' yatpri'sht'o'hamiha tvayaa .
Yatkaumaare harikri'tam' paugand'e parikeertitam .. 59..

Etatsuhri'dbhishcharitam' muraare-
Raghaardanam' shaadvalajemanam' cha .
Vyaktetaradroopamajorvabhisht'avam'
Shri'nvan gri'nanneti naro'khilaarthaan .. 60..

Evam' vihaaraih' kaumaaraih' kaumaaram' jahaturvraje .
Nilaayanaih' setubandhairmarkat'otplavanaadibhih' .. 61..