ப்₃ரஹ்மாண்ட₃மோஹநாக்₂யம் து₃ர்கா₃கவசம்
ப்₃ரஹ்மாண்ட₃மோஹநாக்₂யம் து₃ர்கா₃கவசம்
நாரத₃ உவாச .
ப₄க₃வந்ஸர்வத₄ர்மஜ்ஞ ஸர்வஜ்ஞாநவிஶாரத₃ .
ப்₃ரஹ்மாண்ட₃மோஹநம் நாம ப்ரக்ருதே கவசம் வத₃ .. 1..
நாராயண உவாச .
ஶ்ருணு வக்ஷ்யாமி ஹே வத்ஸ கவசம் ச ஸுது₃ர்லப₄ம் .
ஶ்ரீக்ருஷ்ணேநைவ கதி₂தம் க்ருபயா ப்₃ரஹ்மணே புரா .. 2..
ப்₃ரஹ்மணா கதி₂தம் பூர்வம் த₄ர்மாய ஜாஹ்நவீதடே .
த₄ர்மேண த₃த்தம் மஹ்யம் ச க்ருபயா புஷ்கரே புரா .. 3..
த்ரிபுராரிஶ்ச யத்₃த்₄ருத்வா ஜகா₄ந த்ரிபுரம் புரா .
மமோச ப்₃ரஹ்மா யத்₃த்₄ருத்வா மது₄கைடப₄யோர்ப₄யாத் .. 4..
ஸஞ்ஜஹார ரக்தபீ₃ஜம் யத்₃த்₄ருத்வா ப₄த்₃ரகாலிகா .
யத்₃த்₄ருத்வா ஹி மஹேந்த்₃ரஶ்ச ஸம்ப்ராப கமலாலயாம் .. 5..
யத்₃த்₄ருத்வா ச மஹாயோத்₃தா₄ பா₃ண꞉ ஶத்ருப₄யங்கர꞉ .
யத்₃த்₄ருத்வா ஶிவதுல்யஶ்ச து₃ர்வாஸா ஜ்ஞாநிநாம் வர꞉ .. 6..
ௐ து₃ர்கே₃தி சதுர்த்₂யந்த꞉ ஸ்வாஹாந்தோ மே ஶிரோ(அ)வது .
மந்த்ர꞉ ஷட₃க்ஷரோ(அ)யம் ச ப₄க்தாநாம் கல்பபாத₃ப꞉ .. 7..
விசாரோ நாஸ்தி வேதே₃ ச க்₃ரஹணே(அ)ஸ்ய மநோர்முநே .
மந்த்ரக்₃ரஹணமாத்ரேண விஷ்ணுதுல்யோ ப₄வேந்நர꞉ .. 8..
மம வக்த்ரம் ஸதா₃ பாது ௐ து₃ர்கா₃யை நமோ(அ)ந்தக꞉ .
ௐ து₃ர்கே₃ இதி கண்ட₂ம் து மந்த்ர꞉ பாது ஸதா₃ மம .. 9..
ௐ ஹ்ரீம் ஶ்ரீமிதி மந்த்ரோ(அ)யம் ஸ்கந்த₄ம் பாது நிரந்தரம் .
ஹ்ரீம் ஶ்ரீம் க்லீமிதி ப்ருஷ்ட₂ம் ச பாது மே ஸர்வத꞉ ஸதா₃ .. 10..
ஹ்ரீம் மே வக்ஷஸ்த₂லே பாது ஹம் ஸம் ஶ்ரீமிதி ஸந்ததம் .
ஐம் ஶ்ரீம் ஹ்ரீம் பாது ஸர்வாங்க₃ம் ஸ்வப்நே ஜாக₃ரணே ஸதா₃ .. 11..
ப்ராச்யாம் மாம் பாது ப்ரக்ருதி꞉ பாது வஹ்நௌ ச சண்டி₃கா .
த₃க்ஷிணே ப₄த்₃ரகாலீ ச நைர்ருத்யாம் ச மஹேஶ்வரீ .. 12..
வாருண்யாம் பாது வாராஹீ வாயவ்யாம் ஸர்வமங்க₃லா .
உத்தரே வைஷ்ணவீ பாது ததை₂ஶாந்யாம் ஶிவப்ரியா .. 13..
ஜலே ஸ்த₂லே சாந்தரிக்ஷே பாது மாம் ஜக₃த₃ம்பி₃கா .
இதி தே கதி₂தம் வத்ஸ கவசம் ச ஸுது₃ர்லப₄ம் .. 14..
யஸ்மை கஸ்மை ந தா₃தவ்யம் ப்ரவக்தவ்யம் ந கஸ்யசித் .
கு₃ருமப்₄யர்ச்ய விதி₄வத்₃வஸ்த்ராலங்காரசந்த₃நை꞉ .. 15..
கவசம் தா₄ரயேத்₃யஸ்து ஸோ(அ)பி விஷ்ணுர்ந ஸம்ஶய꞉ .
ஸ்நாநே ச ஸர்வதீர்தா₂நாம் ப்ருதி₂வ்யாஶ்ச ப்ரத₃க்ஷிணே .. 16..
யத்ப₂லம் லப₄தே லோகஸ்ததே₃தத்₃தா₄ரணே முநே .
பஞ்சலக்ஷஜபேநைவ ஸித்₃த₄மேதத்₃ப₄வேத்₃த்₄ருவம் .. 17..
லோகே ச ஸித்₃த₄கவசோ நாவஸீத₃தி ஸங்கடே .
ந தஸ்ய ம்ருத்யுர்ப₄வதி ஜலே வஹ்நௌ விஷே ஜ்வரே .. 18..
ஜீவந்முக்தோ ப₄வேத்ஸோ(அ)பி ஸர்வஸித்₃தீ₄ஶ்வரீஶ்வரி .
யதி₃ ஸ்யாத்ஸித்₃த₄கவசோ விஷ்ணுதுல்யோ ப₄வேத்₃த்₄ருவம் .. 19..