Aadityapuraanaantargatam' shreeganeshastotram

Shreeganeshastotram
Shreeganeshaaya namah' .

Sindoorakunkumahutaashanavidrumaarka-
Raktaabjadaad'imanibhaaya chaturbhujaaya .
Herambabhairavaganeshvaranaayakaaya
Sarvaarthasiddhiphaladaaya ganeshvaraaya .. 1..

Chidachitpadagambheeram' gamaagamapadojjhitam .
Gahanaakaashasankaasham' vande devam' ganeshvaram .. 2..

Shreesanatkumaara uvaacha .
Shankaraadbrahmanaa praaptam' padmayonermayaa prabhoh' .
Tadaham' keertayishyaami stotram' paramadurlabham .. 3..

Shasht'hyaam' chaturthyaamasht'amyaam' chaturdashyaam' visheshatah' .
Poojayechcha ganaadhyaksham' shraddhaabhaktisamanvitah' .. 4..

Arghaih' pushpaistathaa dhoopairdeepairmaalyaishcha chaamaraih' .
Vastraih' kund'alakeyoorairmaulibhishcha vitaanakaih' .. 5..

Bhakshyairbhojyairapoopaishcha matsyairmaam'saishcha modakaih' .
Paanakaih' phalamoolaishcha homairmantraadibhistathaa .. 6..

Gangaahri'de tu gaangeyam' shreeshaile tu ganeshvaram .
Vaaraanasyaam' gajavaktram' gayaayaam' t'ankadhaarinam .. 7..

Prayaage tu ganaadhyaksham' kedaare vikat'aananam .
Lambodaram' kurukshetre naimishe cha madotkat'am .. 8..

Jambukam' dand'akaaranye lokesham' himavadgirau .
Vishvaksenam' tu vindhyaadrau malaye hemakumbhakam .. 9..

Naayakam' pushkaradveepe vighnesham' shalmale sthitam .
Ilaavri'te vishvaroopam' harivarshe ghat'odaram .. 10..

Trinetram' sim'haladveepe shvetadveepe tu vaamanam .
Ujjayinyaam' cha lambosht'am' maalave shoorpakarnakam .. 11..

Sauraasht're varadam' devam' kashmeere bheemaroopinam .
Sindhusaagarayormadhye sthitam' vai mantranaayakam .. 12..

Haryaksham' yakshabhavane hariyakshaabhidham' vibhum .
Padmaabharananaamaanam' kailaase parameshvaram .. 13..

Mahaayogam' mahendre cha sahye vaaraaharoopinam .
Mahodaram' cha lumpaayaam' champaayaam' shikhivaahanam .. 14..

Paashahastam' trikoot'e cha poojayetsarvasiddhidam .
Balamagniguhaayaam' cha paat'ale sim'havaahanam .. 15..

Paund're raudramukham' chaapi kalaapigraamake jayam .
Merupri'sht'he kaamaroopam' nandanam' nandane vane .. 16..

Vijayam' vai gandhavane devadaaruvane ganam .
Aartaanaam' vighnaharanam' gangaasaagarasangame .. 17..

Mahaapathe viroopaaksham' chitrakoot'e madotkat'am .
Durjayam' yamunaateere stambhanam' gandhamaadhane .. 18..

Bhadravat'e chaambareesham' mohanam' hastinaapure .
Kishkindaayaamugraketum' lankaayaam' tu vibheeshanam .. 19..

Kalinge varunam' chaiva gaandhaare cha madotkat'am .
Ashvattham' cha turushkeshu cheene shatrujayaavaham .. 20..

Vajrahastam' kosaleshu daakshinaatyeshu lohitam .
Shooloddhri'takaram' chaiva madhyadeshe prakeertitam .. 21..

Ekadam'sht'ram' pashchimaabdhau poorvadeshe paraajitam .
Uttare chaaruvaktram' cha varisht'ham' tripureshu cha .. 22..

Suvarnagarbham' vighnesham' nadeenaam' sangame sthitam .
Girisandhishu vijnyeyam' hiranyakavachaabhidham .. 23..

Sumukham' naagarandhreshu narmadaayaam' cha shad'bhujam .
Mahaapure mahaamaayaam' bhadrakarne hrade shivam .. 24..

Gokarne gajakarnam' tu kaanyakubje varaananam .
Padmaasanam' kaamaroope shreemukham' sarvatah' sthitam .. 25..

Vedavedaangashaastreshu poojayedbrahmanaspatim .
Asht'aashasht'istu naamaani stutaanyadbhutakarmanah' .. 26..

Nityam' prabhaatakaale tu chintayedgananaayakam .
Etatstotram' pavitram' cha maangalyam' paapanaashanam .. 27..

Shastra-khaarkhoda-vetaala-yaksha raksho bhayaapaham .
Chauraaranyabhayavyaaghravyaadhidurbhikshanaashanam .. 28..

Kri'tyaadimaayaashamanam' sarvashatruvimardanam .
Trikaalam' yah' pat'hedbhaktyaa sa bhavetsarvasiddhibhaak .. 29..

Ganeshvaraprasaadena labhate shaankaram' padam .. 30..

Iti aadityapuraane ganeshastotram