আদিত্যপুরাণান্তর্গতং শ্রীগণেশস্তোত্রম্
শ্রীগণেশস্তোত্রম্
শ্রীগণেশায নমঃ ।
সিন্দূরকুঙ্কুমহুতাশনভ়িদ্রুমার্ক-
রক্তাব্জদাডিমনিভায চতুর্ভুজায ।
হেরম্বভৈরভ়গণেশ্বরনাযকায
সর্ভ়ার্থসিদ্ধিফলদায গণেশ্বরায ॥ ১॥
চিদচিৎপদগম্ভীরং গমাগমপদোজ্ঝিতম্ ।
গহনাকাশসঙ্কাশং ভ়ন্দে দেভ়ং গণেশ্বরম্ ॥ ২॥
শ্রীসনৎকুমার উভ়াচ ।
শঙ্করাদ্ব্রহ্মণা প্রাপ্তং পদ্মযোনের্মযা প্রভোঃ ।
তদহং কীর্তযিষ্যামি স্তোত্রং পরমদুর্লভম্ ॥ ৩॥
ষষ্ঠ্যাং চতুর্থ্যামষ্টম্যাং চতুর্দশ্যাং ভ়িশেষতঃ ।
পূজযেচ্চ গণাধ্যক্ষং শ্রদ্ধাভক্তিসমন্বিতঃ ॥ ৪॥
অর্ঘৈঃ পুষ্পৈস্তথা ধূপৈর্দীপৈর্মাল্যৈশ্চ চামরৈঃ ।
ভ়স্ত্রৈঃ কুণ্ডলকেযূরৈর্মৌলিভিশ্চ ভ়িতানকৈঃ ॥ ৫॥
ভক্ষ্যৈর্ভোজ্যৈরপূপৈশ্চ মৎস্যৈর্মাংসৈশ্চ মোদকৈঃ ।
পানকৈঃ ফলমূলৈশ্চ হোমৈর্মন্ত্রাদিভিস্তথা ॥ ৬॥
গঙ্গাহৃদে তু গাঙ্গেযং শ্রীশৈলে তু গণেশ্বরম্ ।
ভ়ারাণস্যাং গজভ়ক্ত্রং গযাযাং টঙ্কধারিণম্ ॥ ৭॥
প্রযাগে তু গণাধ্যক্ষং কেদারে ভ়িকটাননম্ ।
লম্বোদরং কুরুক্ষেত্রে নৈমিষে চ মদোৎকটম্ ॥ ৮॥
জম্বুকং দণ্ডকারণ্যে লোকেশং হিমভ়দ্গিরৌ ।
ভ়িশ্বক্সেনং তু ভ়িন্ধ্যাদ্রৌ মলযে হেমকুম্ভকম্ ॥ ৯॥
নাযকং পুষ্করদ্বীপে ভ়িঘ্নেশং শল্মলে স্থিতম্ ।
ইলাভ়ৃতে ভ়িশ্বরূপং হরিভ়র্ষে ঘটোদরম্ ॥ ১০॥
ত্রিনেত্রং সিংহলদ্বীপে শ্বেতদ্বীপে তু ভ়ামনম্ ।
উজ্জযিন্যাং চ লম্বোষ্টং মালভ়ে শূর্পকর্ণকম্ ॥ ১১॥
সৌরাষ্ট্রে ভ়রদং দেভ়ং কশ্মীরে ভীমরূপিণম্ ।
সিন্ধুসাগরযোর্মধ্যে স্থিতং ভ়ৈ মন্ত্রনাযকম্ ॥ ১২॥
হর্যক্ষং যক্ষভভ়নে হরিযক্ষাভিধং ভ়িভুম্ ।
পদ্মাভরণনামানং কৈলাসে পরমেশ্বরম্ ॥ ১৩॥
মহাযোগং মহেন্দ্রে চ সহ্যে ভ়ারাহরূপিণম্ ।
মহোদরং চ লুম্পাযাং চম্পাযাং শিখিভ়াহনম্ ॥ ১৪॥
পাশহস্তং ত্রিকূটে চ পূজযেৎসর্ভ়সিদ্ধিদম্ ।
বলমগ্নিগুহাযাং চ পাটলে সিংহভ়াহনম্ ॥ ১৫॥
পৌণ্ড্রে রৌদ্রমুখং চাপি কলাপিগ্রামকে জযম্ ।
মেরুপৃষ্ঠে কামরূপং নন্দনং নন্দনে ভ়নে ॥ ১৬॥
ভ়িজযং ভ়ৈ গন্ধভ়নে দেভ়দারুভ়নে গণম্ ।
আর্তানাং ভ়িঘ্নহরণং গঙ্গাসাগরসঙ্গমে ॥ ১৭॥
মহাপথে ভ়িরূপাক্ষং চিত্রকূটে মদোৎকটম্ ।
দুর্জযং যমুনাতীরে স্তম্ভনং গন্ধমাধনে ॥ ১৮॥
ভদ্রভ়টে চাম্বরীশং মোহনং হস্তিনাপুরে ।
কিষ্কিন্দাযামুগ্রকেতুং লঙ্কাযাং তু ভ়িভীষণম্ ॥ ১৯॥
কলিঙ্গে ভ়রুণং চৈভ় গান্ধারে চ মদোৎকটম্ ।
অশ্বত্থং চ তুরুষ্কেষু চীনে শত্রুজযাভ়হম্ ॥ ২০॥
ভ়জ্রহস্তং কোসলেষু দাক্ষিণাত্যেষু লোহিতম্ ।
শূলোদ্ধৃতকরং চৈভ় মধ্যদেশে প্রকীর্তিতম্ ॥ ২১॥
একদংষ্ট্রং পশ্চিমাব্ধৌ পূর্ভ়দেশে পরাজিতম্ ।
উত্তরে চারুভ়ক্ত্রং চ ভ়রিষ্ঠং ত্রিপুরেষু চ ॥ ২২॥
সুভ়র্ণগর্ভং ভ়িঘ্নেশং নদীনাং সঙ্গমে স্থিতম্ ।
গিরিসন্ধিষু ভ়িজ্ঞেযং হিরণ্যকভ়চাভিধম্ ॥ ২৩॥
সুমুখং নাগরন্ধ্রেষু নর্মদাযাং চ ষড্ভুজম্ ।
মহাপুরে মহামাযাং ভদ্রকর্ণে হ্রদে শিভ়ম্ ॥ ২৪॥
গোকর্ণে গজকর্ণং তু কান্যকুব্জে ভ়রাননম্ ।
পদ্মাসনং কামরূপে শ্রীমুখং সর্ভ়তঃ স্থিতম্ ॥ ২৫॥
ভ়েদভ়েদাঙ্গশাস্ত্রেষু পূজযেদ্ব্রহ্মণস্পতিম্ ।
অষ্টাষষ্টিস্তু নামানি স্তুতান্যদ্ভুতকর্মণঃ ॥ ২৬॥
নিত্যং প্রভাতকালে তু চিন্তযেদ্গণনাযকম্ ।
এতৎস্তোত্রং পভ়িত্রং চ মাঙ্গল্যং পাপনাশনম্ ॥ ২৭॥
শস্ত্র-খার্খোদ-ভ়েতাল-যক্ষ রক্ষো ভযাপহম্ ।
চৌরারণ্যভযভ়্যাঘ্রভ়্যাধিদুর্ভিক্ষনাশনম্ ॥ ২৮॥
কৃত্যাদিমাযাশমনং সর্ভ়শত্রুভ়িমর্দনম্ ।
ত্রিকালং যঃ পঠেদ্ভক্ত্যা স ভভ়েৎসর্ভ়সিদ্ধিভাক্ ॥ ২৯॥
গণেশ্বরপ্রসাদেন লভতে শাঙ্করং পদম্ ॥ ৩০॥
ইতি আদিত্যপুরাণে গণেশস্তোত্রম্