ಸನಾತನ ದೇವ
ಸುಮಙ್ಗಲಸ್ತೋತ್ರಮ್
सुमङ्गलस्तोत्रम्
.. ಸುಮಙ್ಗಲಸ್ತೋತ್ರಮ್ ..
ಸುಮಙ್ಗಲಂ ಮಙ್ಗಲಮೀಶ್ವರಾಯ ತೇ ಸುಮಙ್ಗಲಂ ಮಙ್ಗಲಮಚ್ಯುತಾಯ ತೇ .
ಸುಮಙ್ಗಲಂ ಮಙ್ಗಲಮನ್ತರಾತ್ಮನೇ ಸುಮಙ್ಗಲಂ ಮಙ್ಗಲಮಬ್ಜನಾಭ ತೇ ..
ಸುಮಙ್ಗಲಂ ಶ್ರೀನಿಲಯೋರುವಕ್ಷಸೇ ಸುಮಙ್ಗಲಂ ಪದ್ಮಭವಾದಿಸೇವಿತೇ .
ಸುಮಙ್ಗಲಂ ಪದ್ಮಜಗನ್ನಿವಾಸಿನೇ ಸುಮಙ್ಗಲಂ ಚಾಶ್ರಿತಮುಕ್ತಿದಾಯಿನೇ ..
ಚಾಣೂರದರ್ಪಘ್ನಸುಬಾಹುದಣ್ಡಯೋಃ ಸುಮಙ್ಗಲಂ ಮಙ್ಗಲಮಾದಿಪೂರುಷ .
ಬಾಲಾರ್ಕಕೋಟಿಪ್ರತಿಮಾಯ ತೇ ವಿಭೋ ಚಕ್ರಾಯ ದೈತ್ಯೇನ್ದ್ರವಿನಾಶಹೇತವೇ ..
ಶಙ್ಖಾಯ ಕೋಟಿನ್ದುಸಮಾನತೇಜಸೇ ಶಾರ್ಙ್ಗಾಯ ರತ್ನೋಜ್ಜ್ವಲದಿವ್ಯರೂಪಿಣೇ .
ಖಡ್ಗಾಯ ವಿದ್ಯಾಮಯವಿಗ್ರಹಾಯ ತೇ ಸುಮಙ್ಗಲಂ ಮಙ್ಗಲಮಸ್ತು ತೇ ವಿಭೋ ..
ತದಾವಯೋಸ್ತತ್ತ್ವ ವಿಶಿಷ್ಟಶೇಷಿಣೇ ಶೇಷಿತ್ವಸಮ್ಬನ್ಧನಿಬೋಧನಾಯ ತೇ .
ಯನ್ಮಙ್ಗಲಾನಾಂ ಚ ಸುಮಙ್ಗಲಾಯ ತೇ ಪುನಃ ಪುನರ್ಮಙ್ಗಲಮಸ್ತು ಸನ್ತತಮ್ ..
.. ಇತಿ ಸುಮಙ್ಗಲಸ್ತೋತ್ರಮ್ ..