సనాతన దేవ
సుమఙ్గలస్తోత్రమ్
सुमङ्गलस्तोत्रम्
.. సుమఙ్గలస్తోత్రమ్ ..
సుమఙ్గలం మఙ్గలమీశ్వరాయ తే సుమఙ్గలం మఙ్గలమచ్యుతాయ తే .
సుమఙ్గలం మఙ్గలమన్తరాత్మనే సుమఙ్గలం మఙ్గలమబ్జనాభ తే ..
సుమఙ్గలం శ్రీనిలయోరువక్షసే సుమఙ్గలం పద్మభవాదిసేవితే .
సుమఙ్గలం పద్మజగన్నివాసినే సుమఙ్గలం చాశ్రితముక్తిదాయినే ..
చాణూరదర్పఘ్నసుబాహుదణ్డయోః సుమఙ్గలం మఙ్గలమాదిపూరుష .
బాలార్కకోటిప్రతిమాయ తే విభో చక్రాయ దైత్యేన్ద్రవినాశహేతవే ..
శఙ్ఖాయ కోటిన్దుసమానతేజసే శార్ఙ్గాయ రత్నోజ్జ్వలదివ్యరూపిణే .
ఖడ్గాయ విద్యామయవిగ్రహాయ తే సుమఙ్గలం మఙ్గలమస్తు తే విభో ..
తదావయోస్తత్త్వ విశిష్టశేషిణే శేషిత్వసమ్బన్ధనిబోధనాయ తే .
యన్మఙ్గలానాం చ సుమఙ్గలాయ తే పునః పునర్మఙ్గలమస్తు సన్తతమ్ ..
.. ఇతి సుమఙ్గలస్తోత్రమ్ ..