શ્રીવરમહાગણપતિમન્ત્રાક્ષરાવલિસ્તોત્રમ્

તેજોવર્ધનસ્તોત્રમ્
અથવા
વરમહાગણપતિ મન્ત્રાક્ષરાવલિસ્તોત્રમ્

વિના તપો વિના ધ્યાનં વિના હોમં વિના જપમ્ .
અનાયાસેન વિઘ્નેશપ્રીણનં વદ મે પ્રભો .. ૧..

ઈશ્વર ઉવાચ .
મન્ત્રાક્ષરાવલિસ્તોત્રં સર્વસૌભાગ્યવર્ધનમ્ .
દુર્લભં દુષ્ટમનસાં સુલભં શુદ્ધચેતસામ્ .. ૨..

મહાગણપતિપ્રીતિપ્રતિપાદકમઞ્જસા .
કથયામિ ઘનશ્રોણિ કર્ણાભ્યામવતંસય .. ૩..

ઓઙ્કારવલયાકારમુઞ્ચત્કલ્લોલમાલિનમ્ .
ઐક્ષવં ચેતસા વીક્ષે સિન્ધુસન્ધુક્ષિતસ્વનમ્ .. ૪..

શ્રીમતશ્ચાસ્ય જલધેરન્તરભ્યુદિતં નુમઃ .
મણિદ્વીપં મદાકલ્પમહાકલ્પં મહોદયમ્ .. ૫..

હ્રીતિમાદધતા ધામ્ના ધામ્નામીશકિશોરકે .
કલ્પોદ્યાનસ્થિતં વન્દે ભાસ્વન્તં મણિમણ્ડપમ્ .. ૬..

ક્લીબસ્યાપિ સ્મરોન્માદકારિશૃઙ્ગારશાલિનઃ .
તન્મધ્યે ગણનાથસ્ય મણિસિંહાસનં ભજે .. ૭..

ગ્લૌં કલાભિરિવાઞ્છામિસ્તીવ્રાદિનવશક્તિભિઃ .
સુષ્ટં લિપિમયં પદ્મં ધર્માદ્યાશ્રયમાશ્રયે .. ૮..

ગમ્ભીરમિવ તત્રાબ્ધિં વસન્તં ત્ર્યસ્રમણ્ડલે .
ઉત્સઙ્ગતલલક્ષ્મીકમુદ્યતિગ્માંશુપાટલમ્ .. ૯..

ગદેક્ષુકામુકરુજા ચક્રામ્બુજગુણોત્પલે .
વ્રીહ્મગ્રનિજદન્તાગ્રં ભૂષિતં માતુલિઙ્ગકૈઃ .. ૧૦..

ણષષ્ઠવર્ણવાચ્યસ્ય દારિદ્ર્યસ્ય વિભઞ્જનૈઃ .
એતૈરેકાદશકરાનલં કુર્વાણમુન્મદમ્ .. ૧૧..

પરાનન્દમયં ભક્તપ્રત્યૂહવ્યૂહનાશનમ્ .
પરમાર્થપ્રબોધાબ્ધિં પશ્યામિ ગણનાયકમ્ .. ૧૨..

તત્પુરઃ પ્રસ્ફુરદ્બિલ્વમૂલપીઠસમાશ્રયૌ .
રમારમેશૌ વિમૃશામ્યેવશુભદાયકૌ .. ૧૩..

યેન દક્ષિણભાગસ્થન્યગ્રોધતલમાસ્થિતમ્ .
સકલં સાયુધં વન્દે તં સામ્બં પરમેશ્વરમ્ .. ૧૪..

વરસમ્ભોગરસિકૌ પશ્ચિમે પિપ્પલાશ્રયૌ .
રમણીયતરૌ વન્દે રતિપુષ્પશિલીમુખૌ . ૧૫..

રમમાણૌ ગણેશાનોત્તરદિક્ફલિનીતલે .
ભૂભૂધરામ્બુદારાભૌ ભજે ભુવનપાલકૌ .. ૧૬..

વનમાલાવપુર્જ્યોતિકડારિતકકુપ્તટાઃ .

રદકાણ્ડરુચિજ્યોત્સ્નાકાશગણ્ડસ્રવન્મદમ્ .
ઋધ્યાશ્લેષકૃતામોદમામોદં દેવમાશ્રયે .. ૧૮..

દલત્કપોલવિગલં મદધારાબલાહકમ્ .
સમૃદ્ધિતઙિદાશ્લિષ્ટં પ્રમોદં હૃદિ ભાવયે .. ૧૯..

સકાન્તિકાન્તિતિલકાપરિરબ્ધતનું ભજે .
ભુજપ્રકાણ્ડસચ્છાયં સુમુખં કલ્પપાદપમ્ .. ૨૦..

વન્દે તુન્દિલમિન્ધાનં ચન્દ્રકન્દલશીતલમ્ .
દુર્મુખં મદનાવત્યા નિર્મિતાલિઙ્ગિનં પુરા .. ૨૧..

જમ્ભવૈરિકૃતાભ્યર્ચ્યૌ જગદભ્યુદયપ્રભૌ .
અહં મદદ્રવાવિઘ્નૌ હતયે એનસાં શ્રયે .. ૨૨..

નમઃ શૃઙ્ગારરુચિરૌ નમત્સર્વસુરાસુરૌ .
દ્રાવિણીવિઘ્નકર્તારૌ દ્રાવયેતાં દરિદ્રતામ્ .. ૨૩..

મેદુરં મૌક્તિકાસારં વર્ષન્તૌ ભક્તિશાલિનામ્ .
વસુધારાશઙ્ખનિધિવાક્યપુષ્પાઞ્જલિના સ્તુમઃ .. ૨૪..

વર્ષન્તૌ રત્નવર્ષેણ બલદ્વાલાતપસ્વિપૌ .
વરદાનુમતૌ વન્દે વસુધાપદ્મશેવધી .. ૨૫..

શમતાધિમહાવ્યાધિસાન્દ્રાનન્દકરમ્બિતાઃ .
બ્રાહ્મમ્યાદીઃ કલયે શક્તીઃ શક્તીનામભિવૃદ્ધયે .. ૨૬..

મામવન્તુ મહેન્દ્રાદ્યાઃ દિક્પાલાઃ દર્પશાલિનઃ .
તં નુમઃ શ્રીગણાધીશં સવાહાયુધશક્તિકમ્ .. ૨૭..

નવીનપલ્લચ્છાયાદાયાદવપુરુજ્વલમ્
મદસ્ય કટનિષ્યન્દસ્રોત સ્વિત્કટકોદરમ્ .. ૨૮..

યજમાનતનું યાગરૂપિણં યજ્ઞપુરુષમ્ .
યમં યમવતામર્ચ્ય યત્નભાજામદુર્લભમ્ .. ૨૯..

સ્વારસ્યં પરમાનન્દસ્વરૂપં સ્વયમુદ્ગતમ્ .
સ્વયં હવ્યં સ્વયં વૈધં સ્વયં કૃત્યં ત્રયીકરમ્ .. ૩૦..

હારકેયૂરમુકુટકિઙ્કિણીગદકુણ્ડલૈઃ .
અલઙ્કૃતં ચ વિઘ્નાનાં હર્તારં દેવમાશ્રયે .. ૩૧..

મન્ત્રાક્ષરાવલિસ્તોત્રં કથિતં તવ સુન્દરિ .
સમસ્તમીપ્સિતં તેન સમ્પાદય શિવે શિવમ્ .. ૩૨..

ઇતિ તેજોવર્ધનસ્તોત્રમ્ અથવા મન્ત્રાક્ષરાવલિસ્તોત્રં સમ્પૂર્ણમ્ ..

ૐ શ્રીં હ્રીં ક્લીં ગ્લૌં ગં ગણપતયે વરવરદ
સર્વજનં મે વશમાનય સ્વાહા .

શ્રીવરમહાગણપતિમન્ત્રાક્ષરાવલિસ્તોત્રમ્ ગણપતિમન્ત્રાક્ષરાવલિઃ