శ్రీసుదర్శనకవచమ్

.. శ్రీసుదర్శనకవచమ్ ..

కరన్యాస:
ఓం సం ఆచక్రాయ స్వాహా, అఙ్గుష్ఠాభ్యాం నమః.
ఓం హం విచక్రాయ స్వాహా, తర్జనీభ్యాం నమః.
ఓం స్రాం సుచక్రాయ స్వాహా, మధ్యమాభ్యాం నమః.
ఓం రం సూర్యచక్రాయ స్వాహా, అనామికాభ్యాం నమః.
ఓం హుం జ్వాలాచక్రాయ స్వాహా, కనిష్ఠికాభ్యాం నమః.
ఓం ఫట్ సుదర్శనచక్రాయ స్వాహా, కరతలకరపృష్ఠాభ్యాం నమః.
అఙ్గన్యాస:
ఓం సం ఆచక్రాయ స్వాహా హృదయాయ నమః.
ఓం హం విచక్రాయ స్వాహా శిరసే స్వాహా.
ఓం రాం సుచక్రాయ స్వాహా శిఖాయై వషట్.
ఓం రం సూర్యచక్రాయ స్వాహా కవచాయ హుమ్.
ఓం హుం జ్వాలాచక్రాయ స్వాహా నేత్రాభ్యాం వౌషట్.
ఓం ఫట్ సుదర్శనచక్రాయ స్వాహా అస్త్రాయ ఫట్.
ఓం భూర్భువ: స్వరోమితి దిగ్బన్ధః .

శఙ్ఖ చక్రం చ చాపం పరశుమసిమిషుం శూలపాశాఙ్కుశాస్త్రం,
విభ్రాణం వజ్రఖేటౌ హలముసలగదాకున్తమత్యుగ్రదంష్ట్రమ్ .
జ్వాలాకేశం త్రినేత్రం జ్వలదనలనిభం హారకేయూర భూషం
ధ్యాయేత్ షట్కోణసంస్థం సకలరిపుకులప్రాణసంహారచక్రమ్ ..

సుదర్శన కవచమ్
ఓం నమో భగవతే సుదర్శనాయ, భో భో సుదర్శన! దుష్టం దారయ దారయ, దురితం హన హన, పాపం దహ దహ, రోగం మర్దయ మర్దయ, ఆరోగ్యం కురు కురు, ఓం ఓం, హ్రాం హ్రాం హ్రీం హ్రీం, హ్రూం హ్రూం, ఫట్ ఫట, దహ దహ, హన హన, భీషయ భీషయ స్వాహా.

మస్తకం మే సహస్రార: భాలం పాతు సుదర్శన: .
భ్రువౌ మే చక్రరాట్ పాతునేత్రేద్వేsర్కేన్దులోచన: .. 1 ..

కర్ణౌ వేదై: స్తుత: పాతు పాతు ఘ్రాణం విభీషణ: .
మహాదీప్త: కపోలౌ మే ఓష్ఠం రుద్రవరప్రద: .. 2 ..

దన్తాన్పాతు జగద్వన్ద్యో రసానాం మమ సర్వదా .
సర్వవిద్యార్ణవ: పాతు గిరం వాగీశ్వరో మమ .. 3 ..

వీరసింహో ముఖం పాతు చిబుకం భక్తవత్సల: .
సర్వదా పాతు మే కణ్ఠం మేఘగమ్భీరనిస్వన: .. 4 ..

మమ స్కన్ధయుగం పాతు ధరాభారాపహారక: .
బాణాసురభుజారణ్యదావాగ్ని: పాతు మే భుజౌ .. 5 ..

కాలనేమిశిరశ్ఛేత్తా పాతు మే కూర్పరద్వయమ్ .
కరౌ దివ్యాయుధ: పాతు నఖాన్వజ్రనఖోపమ: .. 6 ..

కుక్షౌ పాతు మహాశూర: స్తనౌ శత్రునిషూదన: .
పాతు మే హృదయం భక్తజనానన్దశ్చ సర్వదా .. 7 ..

సర్వశాస్త్రార్థసద్భూతిహేతు: పాతూదరం మమ .
వక్ష: పాతు మహాధారో దివి దానవమర్దన: .. 8 ..

పార్శ్వౌ మే పాతు దీనార్తశరణాగతవత్సల: .
సర్వదా పృష్ఠదేశం మేం దేవానామభయప్రద: .. 9 ..

నాభింషట్కోణధామా మే పాతు ఘంటారవ: కటిమ్ .
ఆదిమూల: పుమాన్పాతు గుహ్యదేశంనిరన్తరమ్ .. 10 ..

ఉరు పాతు మహాశూరో జానునీ భీమవిక్రమ: .
జంఘే పాతు మహావేగో గుల్ఫే పాతు మహాబల: .. 11 ..

పాదౌ పాతు సదా శ్రీదో బ్రహ్మాద్యైరభివన్దిత: .
పాతు పాదతలద్వన్ద్వం విశ్వాభారో నిరన్తరమ్ .. 12 ..

సుదర్శననృసింహో మే శరీరం పాతు సర్వదా .
మమసర్వాఙ్గరోమాణి జ్వాలాకేశస్స రక్షతు .. 13 ..

అన్తర్బహిశ్చ మే పాతు విశ్వాత్మా విశ్వతోముఖ: .
రక్షాహీనఞ్చ యత్స్థానం ప్రచణ్డస్తత్ర రక్షతు .. 14 ..

సర్వతో దిక్షు మే పాతు జ్వాలాశతపరీవృత: .
త్రినేమి: పాతుమత్ప్రాణాన్ భ్రాతన్పాత్వనలద్యుతి: .. 15 ..

భార్యాం లక్ష్మీసఖ: పాతు పుత్రాన్పాతు సుదర్శన: .
శ్రీకరో మే శ్రియ:పాతు బన్ధూన్పాతు బలాధిక: .. 16 ..

గోపాంశ్చైవ పశూన్పాతు సహస్రారధర: సదా .
క్షేత్రం విశ్వమ్భర: పాతు మిత్రం పాత్వఘనాశన: .. 17 ..

దివారాత్రౌ చ మాం పాతు అహిర్బుధ్న్యవరప్రద: .
షోడశోత్తుఙ్గబాహుస్తు పాతు మేం రాజసంముఖమ్ .. 18 ..

వైరివిద్వేషసఙ్ఘే తు సంగ్రామే శత్రుసూదన: .
అవాన్తరా అబాధాశ్చ త్రాసయేత్సార్వకాలికమ్ .. 19 ..

ఆధివ్యాధిమహావ్యాధి మధ్యతోపద్రవేsపి చ .
అల్పమృత్యుమహామృత్యూ నాశయేచ్చక్రనాయక: .. 20 ..

పరప్రయుక్తమన్త్రాంశ్చ యన్త్రతన్త్రవిభఞ్జన: .
సుదర్శనోsయమస్మాకం దుర్దశాదు:ఖనాశన: .. 21..

సర్వసమ్పత్ప్రదాతా మాం చక్రరాజో నిరన్తరమ్ .
జపం పాతు జగద్వన్ద్యో మానసామక్షయప్రద: .. 22 ..

ప్రమాదాంశ్చాస్త్రధామాసౌ జ్ఞానం రక్షతు సర్వదా .
అణిమాదిమహైశ్వర్య్యం పాతుసామ్రాజ్యసిద్ధిద: .. 23 ..

తిర్యగ్జ్వాలాగ్నిరుపశ్చ నష్టరాజ్యార్థదో మమ .
రాజ్యం పాతు సహస్రార: పదార్తిం పాతు వాచ్యుత: .. 24 ..

చతురఙ్గబలస్తోమం రక్ష త్వం చక్రభావన .
జ్యోతిర్మయశ్చక్రరాజ: సర్వాన్వరుణరక్షక: .. 25..

అఖణ్డమణ్డిత: పాతు పరచక్రాపహారక: .
త్రివిక్రమశ్చక్రరాజ: పాతు ధైర్యం సదా మమ .. 26 ..

నభో దశదిశవ్యాప్తికీర్తి పాతు సుదర్శన: .
ఆయుర్బలం ధృతిం పాతు లోకత్రయభయాపహ: .. 27 ..

సుధామణ్డలసంవిష్టో మాయాపఞ్చ సుశీతల: .
రాజద్వారే సభామధ్యే పాతు మాం చణ్డవిక్రమ: .. 28 ..

పూర్వే సుదర్శన: పాతు ఆగ్నేయే పాతు చక్రరాట్ .
యామ్యే రథాఙ్గక: పాతు త్రినేమి: పాతునైౠతే .. 29 ..

లోకత్రయప్రభాకారజ్వాలో రక్షతుపశ్చిమే .
షట్కోణ: పాతు వాయవ్యే హ్యస్రరాజోత్తరాం దిశమ్ .. 30 ..

ఐశాన్యం చక్రరాట్ పాతు మధ్యే భూచక్రచక్రిణ: .
అనన్తాదిత్యసఙ్కాశ: క్ష్మాన్తరిక్షౌ చ పాతు మే .. 31 ..

సర్వతో దిక్షు మే పాతు జ్వాలా సాహస్రసంవృత: .
ఏవం సర్వత్ర సంరక్ష సర్వదా సర్వరుపవాన్ .. 32 ..

సకార: పృథివీ జ్ఞేయో హకార ఉప ఉచ్యతే .
స్రకారో వాయురుక్తశ్చ రకారోమ్బర ఉచ్యతే .. 33 ..

హుంకారమగ్నిరిత్యాహు: ఫట్కారం సూర్యరుపకమ్ .
స్వాహాకారం న్యసేన్మూర్ధ్ని పీతరక్తసువర్ణకమ్ .. 34 ..

సకారం నాసికాయాన్తు హకారం వదనే న్యసేత్ .
స్రకారం హృదయేచైవ సృష్టిసంహారకారణమ్ .. 35 ..

రకారం విన్యసేద్గుహ్య హుంకారం జానుదేశకే .
ఫకారం గుల్ఫదేశేతు టకారం పాదయోర్న్యసేత్ .. 36 ..

సర్వాణి చైవ వర్ణాని జాప్యాన్యంగులిపర్వసు .
క్షిప్రం సౌదర్శనఞ్చక్రం జ్వాలామాలాతిభీషణమ్ .. 37 ..

సర్వదైత్యప్రశమనం కురు దేవవరాచ్యుత .
సుదర్శన మహాజ్వాలా ఛిన్ధి ఛిన్ధి సువేదనామ్ .. 38 ..

పరయన్త్రఞ్చ తన్త్రఞ్చ ఛిన్ధి మన్త్రౌషధాదికమ్ .
సుదర్శన మహాచక్ర గోవిన్దస్య కరాయుధ .. 39 ..

సూక్ష్మాధారమహావేగ ఛిన్ధి ఛిన్ధ సుభైరవమ్ .
ఛిన్ధి పాతఞ్చ లూతఞ్చ ఛిన్ధి ఘోరం మహద్విషమ్ .. 40 ..

ఇతి సౌదర్శనం దివ్యం కవచం సర్వకామదం .
సర్వబాధాప్రశమనం సర్వవ్యాధివినాశకమ్ .. 41 ..

సర్వశత్రుక్షయకరం సర్వమంగలదాయకమ్ .
త్రిసన్ధ్యం విజయం నృణాం సర్వదా విజయప్రదమ్ .. 42 ..

సర్వపాపప్రశమనం భోగమోక్షైకసాధనమ్ .
ప్రాతరుత్థాయ యో భక్త్యా పఠేదేతత్సదా నర: .. 43 ..

తస్య సర్వేషు కాలేషు విఘ్న: క్వాపి న జాయతే .
యక్షరాక్షసవేతాల భైరవాశ్చ వినాయకా: .. 44 ..

శాకినీ డాకినీ జ్యేష్ఠానిద్రాబాలగ్రహాదయ: .
భూతప్రేతపిశాచాద్యా అన్యేదుష్టగ్రహా అపి .. 45 ..

కవచస్యాస్య జప్తారం దృష్టమాత్రేణ తేsఖిలా: .
పలాయన్తే యథా నాగా:పక్షిరాజస్య దర్శనాత్ .. 46 ..

అస్యాయుతం పురశ్చర్యం దశాంశం తిలతర్పణమ్ .
హవనం తర్పణఞ్చైవ తర్పణం గంధవారిణా .. 47 ..

పుష్పాఞ్జలిర్దశాంశం చ మిష్టాన్నం సఘృతప్లుతమ్ .
చతుర్వింశద్విజాన్ భోజ్య తత: కార్యాణి సాధయేత్ .. 48 ..

విన్యస్యాఙ్గేష్విదంధీరో యుద్ధార్థం యోsభిగచ్ఛతి .
రణే జిత్వాఖిలాఞ్ఛ్త్రూన్విజయీ భవతిధ్రువమ్ .. 49 ..

మంత్రితామ్బుత్రివారం వా పిబేత్సప్తదినావధి .
వ్యాధయ: ప్రవినశ్యన్తి సకలా: కుక్షిసంభవా: .. 50 ..

ముఖప్రక్షాలనే నేత్రనాసికారోగనాశనమ్ .
భీతానామభిషేకఞ్చ మహాభయనివారణమ్ .. 51 ..

సప్తాభిమన్తృతానేన తులసీమూలమృత్తికా .
లోపన్న్శ్యన్తి తే రోగా:సద్య: కుష్ఠాదయోsఖిలా: .. 52 ..

లలాటే తిలకం స్త్రీణాం మోహనం సర్వవశ్యకృత్ .
పరేషాం మన్త్రయన్త్రాణి తన్త్రాణ్యపి వినాశకృత్ .. 53 ..

వ్యాల సర్పాది సర్వేషాం విషాపహరణం పరమ్ .
సౌవర్ణే రజతేవాపి భూర్జే తామ్రాదికేsపివా .. 54 ..

లిఖిత్వాత్వర్చయేద్భక్త్యా స శ్రీమాన్భవతిధ్రువమ్ .
బహునా కిమిహోక్తేన యద్యద్వాఞ్ఛతి యో నర: .
సకలం ప్రాప్నుయాదస్య కవచస్య ప్రసాదత: .. 55 ..

శ్రీసుదర్శనకవచమ్