ಶ್ರೀಸುದರ್ಶನಕವಚಮ್

.. ಶ್ರೀಸುದರ್ಶನಕವಚಮ್ ..

ಕರನ್ಯಾಸ:
ಓಂ ಸಂ ಆಚಕ್ರಾಯ ಸ್ವಾಹಾ, ಅಙ್ಗುಷ್ಠಾಭ್ಯಾಂ ನಮಃ.
ಓಂ ಹಂ ವಿಚಕ್ರಾಯ ಸ್ವಾಹಾ, ತರ್ಜನೀಭ್ಯಾಂ ನಮಃ.
ಓಂ ಸ್ರಾಂ ಸುಚಕ್ರಾಯ ಸ್ವಾಹಾ, ಮಧ್ಯಮಾಭ್ಯಾಂ ನಮಃ.
ಓಂ ರಂ ಸೂರ್ಯಚಕ್ರಾಯ ಸ್ವಾಹಾ, ಅನಾಮಿಕಾಭ್ಯಾಂ ನಮಃ.
ಓಂ ಹುಂ ಜ್ವಾಲಾಚಕ್ರಾಯ ಸ್ವಾಹಾ, ಕನಿಷ್ಠಿಕಾಭ್ಯಾಂ ನಮಃ.
ಓಂ ಫಟ್ ಸುದರ್ಶನಚಕ್ರಾಯ ಸ್ವಾಹಾ, ಕರತಲಕರಪೃಷ್ಠಾಭ್ಯಾಂ ನಮಃ.
ಅಙ್ಗನ್ಯಾಸ:
ಓಂ ಸಂ ಆಚಕ್ರಾಯ ಸ್ವಾಹಾ ಹೃದಯಾಯ ನಮಃ.
ಓಂ ಹಂ ವಿಚಕ್ರಾಯ ಸ್ವಾಹಾ ಶಿರಸೇ ಸ್ವಾಹಾ.
ಓಂ ರಾಂ ಸುಚಕ್ರಾಯ ಸ್ವಾಹಾ ಶಿಖಾಯೈ ವಷಟ್.
ಓಂ ರಂ ಸೂರ್ಯಚಕ್ರಾಯ ಸ್ವಾಹಾ ಕವಚಾಯ ಹುಮ್.
ಓಂ ಹುಂ ಜ್ವಾಲಾಚಕ್ರಾಯ ಸ್ವಾಹಾ ನೇತ್ರಾಭ್ಯಾಂ ವೌಷಟ್.
ಓಂ ಫಟ್ ಸುದರ್ಶನಚಕ್ರಾಯ ಸ್ವಾಹಾ ಅಸ್ತ್ರಾಯ ಫಟ್.
ಓಂ ಭೂರ್ಭುವ: ಸ್ವರೋಮಿತಿ ದಿಗ್ಬನ್ಧಃ .

ಶಙ್ಖ ಚಕ್ರಂ ಚ ಚಾಪಂ ಪರಶುಮಸಿಮಿಷುಂ ಶೂಲಪಾಶಾಙ್ಕುಶಾಸ್ತ್ರಂ,
ವಿಭ್ರಾಣಂ ವಜ್ರಖೇಟೌ ಹಲಮುಸಲಗದಾಕುನ್ತಮತ್ಯುಗ್ರದಂಷ್ಟ್ರಮ್ .
ಜ್ವಾಲಾಕೇಶಂ ತ್ರಿನೇತ್ರಂ ಜ್ವಲದನಲನಿಭಂ ಹಾರಕೇಯೂರ ಭೂಷಂ
ಧ್ಯಾಯೇತ್ ಷಟ್ಕೋಣಸಂಸ್ಥಂ ಸಕಲರಿಪುಕುಲಪ್ರಾಣಸಂಹಾರಚಕ್ರಮ್ ..

ಸುದರ್ಶನ ಕವಚಮ್
ಓಂ ನಮೋ ಭಗವತೇ ಸುದರ್ಶನಾಯ, ಭೋ ಭೋ ಸುದರ್ಶನ! ದುಷ್ಟಂ ದಾರಯ ದಾರಯ, ದುರಿತಂ ಹನ ಹನ, ಪಾಪಂ ದಹ ದಹ, ರೋಗಂ ಮರ್ದಯ ಮರ್ದಯ, ಆರೋಗ್ಯಂ ಕುರು ಕುರು, ಓಂ ಓಂ, ಹ್ರಾಂ ಹ್ರಾಂ ಹ್ರೀಂ ಹ್ರೀಂ, ಹ್ರೂಂ ಹ್ರೂಂ, ಫಟ್ ಫಟ, ದಹ ದಹ, ಹನ ಹನ, ಭೀಷಯ ಭೀಷಯ ಸ್ವಾಹಾ.

ಮಸ್ತಕಂ ಮೇ ಸಹಸ್ರಾರ: ಭಾಲಂ ಪಾತು ಸುದರ್ಶನ: .
ಭ್ರುವೌ ಮೇ ಚಕ್ರರಾಟ್ ಪಾತುನೇತ್ರೇದ್ವೇsರ್ಕೇನ್ದುಲೋಚನ: .. ೧ ..

ಕರ್ಣೌ ವೇದೈ: ಸ್ತುತ: ಪಾತು ಪಾತು ಘ್ರಾಣಂ ವಿಭೀಷಣ: .
ಮಹಾದೀಪ್ತ: ಕಪೋಲೌ ಮೇ ಓಷ್ಠಂ ರುದ್ರವರಪ್ರದ: .. ೨ ..

ದನ್ತಾನ್ಪಾತು ಜಗದ್ವನ್ದ್ಯೋ ರಸಾನಾಂ ಮಮ ಸರ್ವದಾ .
ಸರ್ವವಿದ್ಯಾರ್ಣವ: ಪಾತು ಗಿರಂ ವಾಗೀಶ್ವರೋ ಮಮ .. ೩ ..

ವೀರಸಿಂಹೋ ಮುಖಂ ಪಾತು ಚಿಬುಕಂ ಭಕ್ತವತ್ಸಲ: .
ಸರ್ವದಾ ಪಾತು ಮೇ ಕಣ್ಠಂ ಮೇಘಗಮ್ಭೀರನಿಸ್ವನ: .. ೪ ..

ಮಮ ಸ್ಕನ್ಧಯುಗಂ ಪಾತು ಧರಾಭಾರಾಪಹಾರಕ: .
ಬಾಣಾಸುರಭುಜಾರಣ್ಯದಾವಾಗ್ನಿ: ಪಾತು ಮೇ ಭುಜೌ .. ೫ ..

ಕಾಲನೇಮಿಶಿರಶ್ಛೇತ್ತಾ ಪಾತು ಮೇ ಕೂರ್ಪರದ್ವಯಮ್ .
ಕರೌ ದಿವ್ಯಾಯುಧ: ಪಾತು ನಖಾನ್ವಜ್ರನಖೋಪಮ: .. ೬ ..

ಕುಕ್ಷೌ ಪಾತು ಮಹಾಶೂರ: ಸ್ತನೌ ಶತ್ರುನಿಷೂದನ: .
ಪಾತು ಮೇ ಹೃದಯಂ ಭಕ್ತಜನಾನನ್ದಶ್ಚ ಸರ್ವದಾ .. ೭ ..

ಸರ್ವಶಾಸ್ತ್ರಾರ್ಥಸದ್ಭೂತಿಹೇತು: ಪಾತೂದರಂ ಮಮ .
ವಕ್ಷ: ಪಾತು ಮಹಾಧಾರೋ ದಿವಿ ದಾನವಮರ್ದನ: .. ೮ ..

ಪಾರ್ಶ್ವೌ ಮೇ ಪಾತು ದೀನಾರ್ತಶರಣಾಗತವತ್ಸಲ: .
ಸರ್ವದಾ ಪೃಷ್ಠದೇಶಂ ಮೇಂ ದೇವಾನಾಮಭಯಪ್ರದ: .. ೯ ..

ನಾಭಿಂಷಟ್ಕೋಣಧಾಮಾ ಮೇ ಪಾತು ಘಂಟಾರವ: ಕಟಿಮ್ .
ಆದಿಮೂಲ: ಪುಮಾನ್ಪಾತು ಗುಹ್ಯದೇಶಂನಿರನ್ತರಮ್ .. ೧೦ ..

ಉರು ಪಾತು ಮಹಾಶೂರೋ ಜಾನುನೀ ಭೀಮವಿಕ್ರಮ: .
ಜಂಘೇ ಪಾತು ಮಹಾವೇಗೋ ಗುಲ್ಫೇ ಪಾತು ಮಹಾಬಲ: .. ೧೧ ..

ಪಾದೌ ಪಾತು ಸದಾ ಶ್ರೀದೋ ಬ್ರಹ್ಮಾದ್ಯೈರಭಿವನ್ದಿತ: .
ಪಾತು ಪಾದತಲದ್ವನ್ದ್ವಂ ವಿಶ್ವಾಭಾರೋ ನಿರನ್ತರಮ್ .. ೧೨ ..

ಸುದರ್ಶನನೃಸಿಂಹೋ ಮೇ ಶರೀರಂ ಪಾತು ಸರ್ವದಾ .
ಮಮಸರ್ವಾಙ್ಗರೋಮಾಣಿ ಜ್ವಾಲಾಕೇಶಸ್ಸ ರಕ್ಷತು .. ೧೩ ..

ಅನ್ತರ್ಬಹಿಶ್ಚ ಮೇ ಪಾತು ವಿಶ್ವಾತ್ಮಾ ವಿಶ್ವತೋಮುಖ: .
ರಕ್ಷಾಹೀನಞ್ಚ ಯತ್ಸ್ಥಾನಂ ಪ್ರಚಣ್ಡಸ್ತತ್ರ ರಕ್ಷತು .. ೧೪ ..

ಸರ್ವತೋ ದಿಕ್ಷು ಮೇ ಪಾತು ಜ್ವಾಲಾಶತಪರೀವೃತ: .
ತ್ರಿನೇಮಿ: ಪಾತುಮತ್ಪ್ರಾಣಾನ್ ಭ್ರಾತನ್ಪಾತ್ವನಲದ್ಯುತಿ: .. ೧೫ ..

ಭಾರ್ಯಾಂ ಲಕ್ಷ್ಮೀಸಖ: ಪಾತು ಪುತ್ರಾನ್ಪಾತು ಸುದರ್ಶನ: .
ಶ್ರೀಕರೋ ಮೇ ಶ್ರಿಯ:ಪಾತು ಬನ್ಧೂನ್ಪಾತು ಬಲಾಧಿಕ: .. ೧೬ ..

ಗೋಪಾಂಶ್ಚೈವ ಪಶೂನ್ಪಾತು ಸಹಸ್ರಾರಧರ: ಸದಾ .
ಕ್ಷೇತ್ರಂ ವಿಶ್ವಮ್ಭರ: ಪಾತು ಮಿತ್ರಂ ಪಾತ್ವಘನಾಶನ: .. ೧೭ ..

ದಿವಾರಾತ್ರೌ ಚ ಮಾಂ ಪಾತು ಅಹಿರ್ಬುಧ್ನ್ಯವರಪ್ರದ: .
ಷೋಡಶೋತ್ತುಙ್ಗಬಾಹುಸ್ತು ಪಾತು ಮೇಂ ರಾಜಸಂಮುಖಮ್ .. ೧೮ ..

ವೈರಿವಿದ್ವೇಷಸಙ್ಘೇ ತು ಸಂಗ್ರಾಮೇ ಶತ್ರುಸೂದನ: .
ಅವಾನ್ತರಾ ಅಬಾಧಾಶ್ಚ ತ್ರಾಸಯೇತ್ಸಾರ್ವಕಾಲಿಕಮ್ .. ೧೯ ..

ಆಧಿವ್ಯಾಧಿಮಹಾವ್ಯಾಧಿ ಮಧ್ಯತೋಪದ್ರವೇsಪಿ ಚ .
ಅಲ್ಪಮೃತ್ಯುಮಹಾಮೃತ್ಯೂ ನಾಶಯೇಚ್ಚಕ್ರನಾಯಕ: .. ೨೦ ..

ಪರಪ್ರಯುಕ್ತಮನ್ತ್ರಾಂಶ್ಚ ಯನ್ತ್ರತನ್ತ್ರವಿಭಞ್ಜನ: .
ಸುದರ್ಶನೋsಯಮಸ್ಮಾಕಂ ದುರ್ದಶಾದು:ಖನಾಶನ: .. ೨೧..

ಸರ್ವಸಮ್ಪತ್ಪ್ರದಾತಾ ಮಾಂ ಚಕ್ರರಾಜೋ ನಿರನ್ತರಮ್ .
ಜಪಂ ಪಾತು ಜಗದ್ವನ್ದ್ಯೋ ಮಾನಸಾಮಕ್ಷಯಪ್ರದ: .. ೨೨ ..

ಪ್ರಮಾದಾಂಶ್ಚಾಸ್ತ್ರಧಾಮಾಸೌ ಜ್ಞಾನಂ ರಕ್ಷತು ಸರ್ವದಾ .
ಅಣಿಮಾದಿಮಹೈಶ್ವರ್ಯ್ಯಂ ಪಾತುಸಾಮ್ರಾಜ್ಯಸಿದ್ಧಿದ: .. ೨೩ ..

ತಿರ್ಯಗ್ಜ್ವಾಲಾಗ್ನಿರುಪಶ್ಚ ನಷ್ಟರಾಜ್ಯಾರ್ಥದೋ ಮಮ .
ರಾಜ್ಯಂ ಪಾತು ಸಹಸ್ರಾರ: ಪದಾರ್ತಿಂ ಪಾತು ವಾಚ್ಯುತ: .. ೨೪ ..

ಚತುರಙ್ಗಬಲಸ್ತೋಮಂ ರಕ್ಷ ತ್ವಂ ಚಕ್ರಭಾವನ .
ಜ್ಯೋತಿರ್ಮಯಶ್ಚಕ್ರರಾಜ: ಸರ್ವಾನ್ವರುಣರಕ್ಷಕ: .. ೨೫..

ಅಖಣ್ಡಮಣ್ಡಿತ: ಪಾತು ಪರಚಕ್ರಾಪಹಾರಕ: .
ತ್ರಿವಿಕ್ರಮಶ್ಚಕ್ರರಾಜ: ಪಾತು ಧೈರ್ಯಂ ಸದಾ ಮಮ .. ೨೬ ..

ನಭೋ ದಶದಿಶವ್ಯಾಪ್ತಿಕೀರ್ತಿ ಪಾತು ಸುದರ್ಶನ: .
ಆಯುರ್ಬಲಂ ಧೃತಿಂ ಪಾತು ಲೋಕತ್ರಯಭಯಾಪಹ: .. ೨೭ ..

ಸುಧಾಮಣ್ಡಲಸಂವಿಷ್ಟೋ ಮಾಯಾಪಞ್ಚ ಸುಶೀತಲ: .
ರಾಜದ್ವಾರೇ ಸಭಾಮಧ್ಯೇ ಪಾತು ಮಾಂ ಚಣ್ಡವಿಕ್ರಮ: .. ೨೮ ..

ಪೂರ್ವೇ ಸುದರ್ಶನ: ಪಾತು ಆಗ್ನೇಯೇ ಪಾತು ಚಕ್ರರಾಟ್ .
ಯಾಮ್ಯೇ ರಥಾಙ್ಗಕ: ಪಾತು ತ್ರಿನೇಮಿ: ಪಾತುನೈೠತೇ .. ೨೯ ..

ಲೋಕತ್ರಯಪ್ರಭಾಕಾರಜ್ವಾಲೋ ರಕ್ಷತುಪಶ್ಚಿಮೇ .
ಷಟ್ಕೋಣ: ಪಾತು ವಾಯವ್ಯೇ ಹ್ಯಸ್ರರಾಜೋತ್ತರಾಂ ದಿಶಮ್ .. ೩೦ ..

ಐಶಾನ್ಯಂ ಚಕ್ರರಾಟ್ ಪಾತು ಮಧ್ಯೇ ಭೂಚಕ್ರಚಕ್ರಿಣ: .
ಅನನ್ತಾದಿತ್ಯಸಙ್ಕಾಶ: ಕ್ಷ್ಮಾನ್ತರಿಕ್ಷೌ ಚ ಪಾತು ಮೇ .. ೩೧ ..

ಸರ್ವತೋ ದಿಕ್ಷು ಮೇ ಪಾತು ಜ್ವಾಲಾ ಸಾಹಸ್ರಸಂವೃತ: .
ಏವಂ ಸರ್ವತ್ರ ಸಂರಕ್ಷ ಸರ್ವದಾ ಸರ್ವರುಪವಾನ್ .. ೩೨ ..

ಸಕಾರ: ಪೃಥಿವೀ ಜ್ಞೇಯೋ ಹಕಾರ ಉಪ ಉಚ್ಯತೇ .
ಸ್ರಕಾರೋ ವಾಯುರುಕ್ತಶ್ಚ ರಕಾರೋಮ್ಬರ ಉಚ್ಯತೇ .. ೩೩ ..

ಹುಂಕಾರಮಗ್ನಿರಿತ್ಯಾಹು: ಫಟ್ಕಾರಂ ಸೂರ್ಯರುಪಕಮ್ .
ಸ್ವಾಹಾಕಾರಂ ನ್ಯಸೇನ್ಮೂರ್ಧ್ನಿ ಪೀತರಕ್ತಸುವರ್ಣಕಮ್ .. ೩೪ ..

ಸಕಾರಂ ನಾಸಿಕಾಯಾನ್ತು ಹಕಾರಂ ವದನೇ ನ್ಯಸೇತ್ .
ಸ್ರಕಾರಂ ಹೃದಯೇಚೈವ ಸೃಷ್ಟಿಸಂಹಾರಕಾರಣಮ್ .. ೩೫ ..

ರಕಾರಂ ವಿನ್ಯಸೇದ್ಗುಹ್ಯ ಹುಂಕಾರಂ ಜಾನುದೇಶಕೇ .
ಫಕಾರಂ ಗುಲ್ಫದೇಶೇತು ಟಕಾರಂ ಪಾದಯೋರ್ನ್ಯಸೇತ್ .. ೩೬ ..

ಸರ್ವಾಣಿ ಚೈವ ವರ್ಣಾನಿ ಜಾಪ್ಯಾನ್ಯಂಗುಲಿಪರ್ವಸು .
ಕ್ಷಿಪ್ರಂ ಸೌದರ್ಶನಞ್ಚಕ್ರಂ ಜ್ವಾಲಾಮಾಲಾತಿಭೀಷಣಮ್ .. ೩೭ ..

ಸರ್ವದೈತ್ಯಪ್ರಶಮನಂ ಕುರು ದೇವವರಾಚ್ಯುತ .
ಸುದರ್ಶನ ಮಹಾಜ್ವಾಲಾ ಛಿನ್ಧಿ ಛಿನ್ಧಿ ಸುವೇದನಾಮ್ .. ೩೮ ..

ಪರಯನ್ತ್ರಞ್ಚ ತನ್ತ್ರಞ್ಚ ಛಿನ್ಧಿ ಮನ್ತ್ರೌಷಧಾದಿಕಮ್ .
ಸುದರ್ಶನ ಮಹಾಚಕ್ರ ಗೋವಿನ್ದಸ್ಯ ಕರಾಯುಧ .. ೩೯ ..

ಸೂಕ್ಷ್ಮಾಧಾರಮಹಾವೇಗ ಛಿನ್ಧಿ ಛಿನ್ಧ ಸುಭೈರವಮ್ .
ಛಿನ್ಧಿ ಪಾತಞ್ಚ ಲೂತಞ್ಚ ಛಿನ್ಧಿ ಘೋರಂ ಮಹದ್ವಿಷಮ್ .. ೪೦ ..

ಇತಿ ಸೌದರ್ಶನಂ ದಿವ್ಯಂ ಕವಚಂ ಸರ್ವಕಾಮದಂ .
ಸರ್ವಬಾಧಾಪ್ರಶಮನಂ ಸರ್ವವ್ಯಾಧಿವಿನಾಶಕಮ್ .. ೪೧ ..

ಸರ್ವಶತ್ರುಕ್ಷಯಕರಂ ಸರ್ವಮಂಗಲದಾಯಕಮ್ .
ತ್ರಿಸನ್ಧ್ಯಂ ವಿಜಯಂ ನೃಣಾಂ ಸರ್ವದಾ ವಿಜಯಪ್ರದಮ್ .. ೪೨ ..

ಸರ್ವಪಾಪಪ್ರಶಮನಂ ಭೋಗಮೋಕ್ಷೈಕಸಾಧನಮ್ .
ಪ್ರಾತರುತ್ಥಾಯ ಯೋ ಭಕ್ತ್ಯಾ ಪಠೇದೇತತ್ಸದಾ ನರ: .. ೪೩ ..

ತಸ್ಯ ಸರ್ವೇಷು ಕಾಲೇಷು ವಿಘ್ನ: ಕ್ವಾಪಿ ನ ಜಾಯತೇ .
ಯಕ್ಷರಾಕ್ಷಸವೇತಾಲ ಭೈರವಾಶ್ಚ ವಿನಾಯಕಾ: .. ೪೪ ..

ಶಾಕಿನೀ ಡಾಕಿನೀ ಜ್ಯೇಷ್ಠಾನಿದ್ರಾಬಾಲಗ್ರಹಾದಯ: .
ಭೂತಪ್ರೇತಪಿಶಾಚಾದ್ಯಾ ಅನ್ಯೇದುಷ್ಟಗ್ರಹಾ ಅಪಿ .. ೪೫ ..

ಕವಚಸ್ಯಾಸ್ಯ ಜಪ್ತಾರಂ ದೃಷ್ಟಮಾತ್ರೇಣ ತೇsಖಿಲಾ: .
ಪಲಾಯನ್ತೇ ಯಥಾ ನಾಗಾ:ಪಕ್ಷಿರಾಜಸ್ಯ ದರ್ಶನಾತ್ .. ೪೬ ..

ಅಸ್ಯಾಯುತಂ ಪುರಶ್ಚರ್ಯಂ ದಶಾಂಶಂ ತಿಲತರ್ಪಣಮ್ .
ಹವನಂ ತರ್ಪಣಞ್ಚೈವ ತರ್ಪಣಂ ಗಂಧವಾರಿಣಾ .. ೪೭ ..

ಪುಷ್ಪಾಞ್ಜಲಿರ್ದಶಾಂಶಂ ಚ ಮಿಷ್ಟಾನ್ನಂ ಸಘೃತಪ್ಲುತಮ್ .
ಚತುರ್ವಿಂಶದ್ವಿಜಾನ್ ಭೋಜ್ಯ ತತ: ಕಾರ್ಯಾಣಿ ಸಾಧಯೇತ್ .. ೪೮ ..

ವಿನ್ಯಸ್ಯಾಙ್ಗೇಷ್ವಿದಂಧೀರೋ ಯುದ್ಧಾರ್ಥಂ ಯೋsಭಿಗಚ್ಛತಿ .
ರಣೇ ಜಿತ್ವಾಖಿಲಾಞ್ಛ್ತ್ರೂನ್ವಿಜಯೀ ಭವತಿಧ್ರುವಮ್ .. ೪೯ ..

ಮಂತ್ರಿತಾಮ್ಬುತ್ರಿವಾರಂ ವಾ ಪಿಬೇತ್ಸಪ್ತದಿನಾವಧಿ .
ವ್ಯಾಧಯ: ಪ್ರವಿನಶ್ಯನ್ತಿ ಸಕಲಾ: ಕುಕ್ಷಿಸಂಭವಾ: .. ೫೦ ..

ಮುಖಪ್ರಕ್ಷಾಲನೇ ನೇತ್ರನಾಸಿಕಾರೋಗನಾಶನಮ್ .
ಭೀತಾನಾಮಭಿಷೇಕಞ್ಚ ಮಹಾಭಯನಿವಾರಣಮ್ .. ೫೧ ..

ಸಪ್ತಾಭಿಮನ್ತೃತಾನೇನ ತುಲಸೀಮೂಲಮೃತ್ತಿಕಾ .
ಲೋಪನ್ನ್ಶ್ಯನ್ತಿ ತೇ ರೋಗಾ:ಸದ್ಯ: ಕುಷ್ಠಾದಯೋsಖಿಲಾ: .. ೫೨ ..

ಲಲಾಟೇ ತಿಲಕಂ ಸ್ತ್ರೀಣಾಂ ಮೋಹನಂ ಸರ್ವವಶ್ಯಕೃತ್ .
ಪರೇಷಾಂ ಮನ್ತ್ರಯನ್ತ್ರಾಣಿ ತನ್ತ್ರಾಣ್ಯಪಿ ವಿನಾಶಕೃತ್ .. ೫೩ ..

ವ್ಯಾಲ ಸರ್ಪಾದಿ ಸರ್ವೇಷಾಂ ವಿಷಾಪಹರಣಂ ಪರಮ್ .
ಸೌವರ್ಣೇ ರಜತೇವಾಪಿ ಭೂರ್ಜೇ ತಾಮ್ರಾದಿಕೇsಪಿವಾ .. ೫೪ ..

ಲಿಖಿತ್ವಾತ್ವರ್ಚಯೇದ್ಭಕ್ತ್ಯಾ ಸ ಶ್ರೀಮಾನ್ಭವತಿಧ್ರುವಮ್ .
ಬಹುನಾ ಕಿಮಿಹೋಕ್ತೇನ ಯದ್ಯದ್ವಾಞ್ಛತಿ ಯೋ ನರ: .
ಸಕಲಂ ಪ್ರಾಪ್ನುಯಾದಸ್ಯ ಕವಚಸ್ಯ ಪ್ರಸಾದತ: .. ೫೫ ..

ಶ್ರೀಸುದರ್ಶನಕವಚಮ್