ಶ್ರೀಸುದರ್ಶನ ಕವಚಮ್

ಪ್ರಸೀದ ಭಗವನ್ ಬ್ರಹ್ಮನ್ ಸರ್ವಮನ್ತ್ರಜ್ಞ ನಾರದ .
ಸೌದರ್ಶನಂ ತು ಕವಚಂ ಪವಿತ್ರಂ ಬ್ರೂಹಿ ತತ್ವತಃ .. ೧..

ನಾರದಃ
ಶ್ರುಣುಶ್ವೇಹ ದ್ವಿಜಶ್ರೇಷ್ಟ ಪವಿತ್ರಂ ಪರಮಾದ್ಭುತಮ್ .
ಸೌದರ್ಶನಂ ತು ಕವಚಂ ದೃಷ್ಟಾಽದೃಷ್ಟಾರ್ಥ ಸಾಧಕಮ್ .. ೨..

ಕವಚಸ್ಯಾಸ್ಯ ಋಷಿರ್ಬ್ರಹ್ಮಾ ಛನ್ದೋನುಷ್ಟುಪ್ ತಥಾ ಸ್ಮೃತಮ್ .
ಸುದರ್ಶನ ಮಹಾವಿಷ್ಣುರ್ದೇವತಾ ಸಮ್ಪ್ರಚಕ್ಷತೇ .. ೩..

ಹ್ರಾಂ ಬೀಜಂ ಶಕ್ತಿ ರದ್ರೋಕ್ತಾ ಹ್ರೀಂ ಕ್ರೋಂ ಕೀಲಕಮಿಷ್ಯತೇ .
ಶಿರಃ ಸುದರ್ಶನಃ ಪಾತು ಲಲಾಟಂ ಚಕ್ರನಾಯಕಃ .. ೪..

ಘ್ರಾಣಂ ಪಾತು ಮಹಾದೈತ್ಯ ರಿಪುರವ್ಯಾತ್ ದೃಶೌ ಮಮ .
ಶಹಸ್ರಾರಃ ಶೃತಿಂ ಪಾತು ಕಪೋಲಂ ದೇವವಲ್ಲಭಃ .. ೫..

ವಿಶ್ವಾತ್ಮಾ ಪಾತು ಮೇ ವಕ್ತ್ರಂ ಜಿಹ್ವಾಂ ವಿದ್ಯಾಮಯೋ ಹರಿಃ .
ಕಣ್ಠಂ ಪಾತು ಮಹಾಜ್ವಾಲಃ ಸ್ಕಂಧೌ ದಿವ್ಯಾಯುಧೇಶ್ವರಃ .. ೬..

ಭುಜೌ ಮೇ ಪಾತು ವಿಜಯೀ ಕರೌ ಕೈಟಭನಾಶನಃ .
ಷಟ್ಕೋಣ ಸಂಸ್ಥಿತಃ ಪಾತು ಹೃದಯಂ ಧಾಮ ಮಾಮಕಮ್ .. ೭..

ಮಧ್ಯಮ್ ಪಾತು ಮಹಾವೀರ್ಯಃ ತ್ರಿನೇತ್ರೋ ನಾಭಿಮಣ್ಡಲಮ್ .
ಸರ್ವಯುಧಮಯಃ ಪಾತು ಕಟಿಂ ಶ್ರೋಣಿಮ್ ಮಹಾಧ್ಯುತಿಃ .. ೮..

ಸೋಮಸೂರ್ಯಾಗ್ನಿ ನಯನಃ ಊರು ಪಾತು ಚ ಮಮಕೌ .
ಗುಹ್ಯಂ ಪಾತು ಮಹಾಮಾಯಃ ಜಾನುನೀ ತು ಜಗತ್ಪತಿಃ .. ೯..

ಜಙ್ಘೇ ಪಾತು ಮಮಾಜಸ್ರಂ ಅಹಿರ್ಬುಧ್ನ್ಯಃ ಸುಪೂಜಿತಃ .
ಗುಲ್ಫೌ ಪಾತು ವಿಶುದ್ಧಾತ್ಮಾ ಪಾದೌ ಪರಪುರಞ್ಜಯಃ .. ೧೦..

ಸಕಲಾಯುಧ ಸಮ್ಪೂರ್ಣಃ ನಿಖಿಲಾಙ್ಗಂ ಸುದರ್ಶನಃ .
ಯ ಇದಂ ಕವಚಂ ದಿವ್ಯಮ್ ಪರಮಾನಂದ ದಾಯಿನಮ್ .. ೧೧..

ಸೌದರ್ಶನಮಿದಂ ಯೋ ವೈ ಸದಾ ಶುದ್ಧಃ ಪಠೇನ್ ನರಃ .
ತಸ್ಯಾರ್ಥ ಸಿದ್ಧಿರ್ವಿಪುಲಾ ಕರಸ್ಥಾ ಭವತಿ ಧ್ರುವಮ್ .. ೧೨..

ಕೂಷ್ಮಾಣ್ಡ ಚಣ್ಡ ಭೂತಾಧ್ಯಾಃ ಯೇಚ ದುಷ್ಟಾಃ ಗ್ರಹಾಃ ಸ್ಮೃತಾಃ .
ಲಾಯನ್ತೇಽನಿಶಮ್ ಪೀತಾಃ ವರ್ಮಣೋಸ್ಯ ಪ್ರಭಾವತಃ .. ೧೩..

ಕುಷ್ಟಾಪಸ್ಮಾರ ಗುಲ್ಮಾದ್ಯಾಃ ವ್ಯಾದಯಃ ಕರ್ಮಹೇತುಕಾಃ .
ನಶ್ಯನ್ತ್ಯೇತನ್ ಮನ್ತ್ರಿತಾಂಬು ಪಾನಾತ್ ಸಪ್ತ ದಿನಾವಧಿ .. ೧೪..

ಅನೇನ ಮನ್ತ್ರಿತಾಮ್ಮೃತ್ಸ್ನಾಂ ತುಲಸೀಮೂಲಃ ಸಂಸ್ಥಿತಾಮ್ .
ಲಲಾಟೇ ತಿಲಕಂ ಕೃತ್ವಾ ಮೋಹಯೇತ್ ತ್ರಿಜಗನ್ ನರಃ .. ೧೫..