శ్రీసుదర్శన కవచమ్

ప్రసీద భగవన్ బ్రహ్మన్ సర్వమన్త్రజ్ఞ నారద .
సౌదర్శనం తు కవచం పవిత్రం బ్రూహి తత్వతః .. 1..

నారదః
శ్రుణుశ్వేహ ద్విజశ్రేష్ట పవిత్రం పరమాద్భుతమ్ .
సౌదర్శనం తు కవచం దృష్టాఽదృష్టార్థ సాధకమ్ .. 2..

కవచస్యాస్య ఋషిర్బ్రహ్మా ఛన్దోనుష్టుప్ తథా స్మృతమ్ .
సుదర్శన మహావిష్ణుర్దేవతా సమ్ప్రచక్షతే .. 3..

హ్రాం బీజం శక్తి రద్రోక్తా హ్రీం క్రోం కీలకమిష్యతే .
శిరః సుదర్శనః పాతు లలాటం చక్రనాయకః .. 4..

ఘ్రాణం పాతు మహాదైత్య రిపురవ్యాత్ దృశౌ మమ .
శహస్రారః శృతిం పాతు కపోలం దేవవల్లభః .. 5..

విశ్వాత్మా పాతు మే వక్త్రం జిహ్వాం విద్యామయో హరిః .
కణ్ఠం పాతు మహాజ్వాలః స్కంధౌ దివ్యాయుధేశ్వరః .. 6..

భుజౌ మే పాతు విజయీ కరౌ కైటభనాశనః .
షట్కోణ సంస్థితః పాతు హృదయం ధామ మామకమ్ .. 7..

మధ్యమ్ పాతు మహావీర్యః త్రినేత్రో నాభిమణ్డలమ్ .
సర్వయుధమయః పాతు కటిం శ్రోణిమ్ మహాధ్యుతిః .. 8..

సోమసూర్యాగ్ని నయనః ఊరు పాతు చ మమకౌ .
గుహ్యం పాతు మహామాయః జానునీ తు జగత్పతిః .. 9..

జఙ్ఘే పాతు మమాజస్రం అహిర్బుధ్న్యః సుపూజితః .
గుల్ఫౌ పాతు విశుద్ధాత్మా పాదౌ పరపురఞ్జయః .. 10..

సకలాయుధ సమ్పూర్ణః నిఖిలాఙ్గం సుదర్శనః .
య ఇదం కవచం దివ్యమ్ పరమానంద దాయినమ్ .. 11..

సౌదర్శనమిదం యో వై సదా శుద్ధః పఠేన్ నరః .
తస్యార్థ సిద్ధిర్విపులా కరస్థా భవతి ధ్రువమ్ .. 12..

కూష్మాణ్డ చణ్డ భూతాధ్యాః యేచ దుష్టాః గ్రహాః స్మృతాః .
లాయన్తేఽనిశమ్ పీతాః వర్మణోస్య ప్రభావతః .. 13..

కుష్టాపస్మార గుల్మాద్యాః వ్యాదయః కర్మహేతుకాః .
నశ్యన్త్యేతన్ మన్త్రితాంబు పానాత్ సప్త దినావధి .. 14..

అనేన మన్త్రితామ్మృత్స్నాం తులసీమూలః సంస్థితామ్ .
లలాటే తిలకం కృత్వా మోహయేత్ త్రిజగన్ నరః .. 15..