શ્રીસુદર્શનકવચમ્

.. શ્રીસુદર્શનકવચમ્ ..

કરન્યાસ:
ૐ સં આચક્રાય સ્વાહા, અઙ્ગુષ્ઠાભ્યાં નમઃ.
ૐ હં વિચક્રાય સ્વાહા, તર્જનીભ્યાં નમઃ.
ૐ સ્રાં સુચક્રાય સ્વાહા, મધ્યમાભ્યાં નમઃ.
ૐ રં સૂર્યચક્રાય સ્વાહા, અનામિકાભ્યાં નમઃ.
ૐ હું જ્વાલાચક્રાય સ્વાહા, કનિષ્ઠિકાભ્યાં નમઃ.
ૐ ફટ્ સુદર્શનચક્રાય સ્વાહા, કરતલકરપૃષ્ઠાભ્યાં નમઃ.
અઙ્ગન્યાસ:
ૐ સં આચક્રાય સ્વાહા હૃદયાય નમઃ.
ૐ હં વિચક્રાય સ્વાહા શિરસે સ્વાહા.
ૐ રાં સુચક્રાય સ્વાહા શિખાયૈ વષટ્.
ૐ રં સૂર્યચક્રાય સ્વાહા કવચાય હુમ્.
ૐ હું જ્વાલાચક્રાય સ્વાહા નેત્રાભ્યાં વૌષટ્.
ૐ ફટ્ સુદર્શનચક્રાય સ્વાહા અસ્ત્રાય ફટ્.
ૐ ભૂર્ભુવ: સ્વરોમિતિ દિગ્બન્ધઃ .

શઙ્ખ ચક્રં ચ ચાપં પરશુમસિમિષું શૂલપાશાઙ્કુશાસ્ત્રં,
વિભ્રાણં વજ્રખેટૌ હલમુસલગદાકુન્તમત્યુગ્રદંષ્ટ્રમ્ .
જ્વાલાકેશં ત્રિનેત્રં જ્વલદનલનિભં હારકેયૂર ભૂષં
ધ્યાયેત્ ષટ્કોણસંસ્થં સકલરિપુકુલપ્રાણસંહારચક્રમ્ ..

સુદર્શન કવચમ્
ૐ નમો ભગવતે સુદર્શનાય, ભો ભો સુદર્શન! દુષ્ટં દારય દારય, દુરિતં હન હન, પાપં દહ દહ, રોગં મર્દય મર્દય, આરોગ્યં કુરુ કુરુ, ૐ ૐ, હ્રાં હ્રાં હ્રીં હ્રીં, હ્રૂં હ્રૂં, ફટ્ ફટ, દહ દહ, હન હન, ભીષય ભીષય સ્વાહા.

મસ્તકં મે સહસ્રાર: ભાલં પાતુ સુદર્શન: .
ભ્રુવૌ મે ચક્રરાટ્ પાતુનેત્રેદ્વેsર્કેન્દુલોચન: .. ૧ ..

કર્ણૌ વેદૈ: સ્તુત: પાતુ પાતુ ઘ્રાણં વિભીષણ: .
મહાદીપ્ત: કપોલૌ મે ઓષ્ઠં રુદ્રવરપ્રદ: .. ૨ ..

દન્તાન્પાતુ જગદ્વન્દ્યો રસાનાં મમ સર્વદા .
સર્વવિદ્યાર્ણવ: પાતુ ગિરં વાગીશ્વરો મમ .. ૩ ..

વીરસિંહો મુખં પાતુ ચિબુકં ભક્તવત્સલ: .
સર્વદા પાતુ મે કણ્ઠં મેઘગમ્ભીરનિસ્વન: .. ૪ ..

મમ સ્કન્ધયુગં પાતુ ધરાભારાપહારક: .
બાણાસુરભુજારણ્યદાવાગ્નિ: પાતુ મે ભુજૌ .. ૫ ..

કાલનેમિશિરશ્છેત્તા પાતુ મે કૂર્પરદ્વયમ્ .
કરૌ દિવ્યાયુધ: પાતુ નખાન્વજ્રનખોપમ: .. ૬ ..

કુક્ષૌ પાતુ મહાશૂર: સ્તનૌ શત્રુનિષૂદન: .
પાતુ મે હૃદયં ભક્તજનાનન્દશ્ચ સર્વદા .. ૭ ..

સર્વશાસ્ત્રાર્થસદ્ભૂતિહેતુ: પાતૂદરં મમ .
વક્ષ: પાતુ મહાધારો દિવિ દાનવમર્દન: .. ૮ ..

પાર્શ્વૌ મે પાતુ દીનાર્તશરણાગતવત્સલ: .
સર્વદા પૃષ્ઠદેશં મેં દેવાનામભયપ્રદ: .. ૯ ..

નાભિંષટ્કોણધામા મે પાતુ ઘંટારવ: કટિમ્ .
આદિમૂલ: પુમાન્પાતુ ગુહ્યદેશંનિરન્તરમ્ .. ૧૦ ..

ઉરુ પાતુ મહાશૂરો જાનુની ભીમવિક્રમ: .
જંઘે પાતુ મહાવેગો ગુલ્ફે પાતુ મહાબલ: .. ૧૧ ..

પાદૌ પાતુ સદા શ્રીદો બ્રહ્માદ્યૈરભિવન્દિત: .
પાતુ પાદતલદ્વન્દ્વં વિશ્વાભારો નિરન્તરમ્ .. ૧૨ ..

સુદર્શનનૃસિંહો મે શરીરં પાતુ સર્વદા .
મમસર્વાઙ્ગરોમાણિ જ્વાલાકેશસ્સ રક્ષતુ .. ૧૩ ..

અન્તર્બહિશ્ચ મે પાતુ વિશ્વાત્મા વિશ્વતોમુખ: .
રક્ષાહીનઞ્ચ યત્સ્થાનં પ્રચણ્ડસ્તત્ર રક્ષતુ .. ૧૪ ..

સર્વતો દિક્ષુ મે પાતુ જ્વાલાશતપરીવૃત: .
ત્રિનેમિ: પાતુમત્પ્રાણાન્ ભ્રાતન્પાત્વનલદ્યુતિ: .. ૧૫ ..

ભાર્યાં લક્ષ્મીસખ: પાતુ પુત્રાન્પાતુ સુદર્શન: .
શ્રીકરો મે શ્રિય:પાતુ બન્ધૂન્પાતુ બલાધિક: .. ૧૬ ..

ગોપાંશ્ચૈવ પશૂન્પાતુ સહસ્રારધર: સદા .
ક્ષેત્રં વિશ્વમ્ભર: પાતુ મિત્રં પાત્વઘનાશન: .. ૧૭ ..

દિવારાત્રૌ ચ માં પાતુ અહિર્બુધ્ન્યવરપ્રદ: .
ષોડશોત્તુઙ્ગબાહુસ્તુ પાતુ મેં રાજસંમુખમ્ .. ૧૮ ..

વૈરિવિદ્વેષસઙ્ઘે તુ સંગ્રામે શત્રુસૂદન: .
અવાન્તરા અબાધાશ્ચ ત્રાસયેત્સાર્વકાલિકમ્ .. ૧૯ ..

આધિવ્યાધિમહાવ્યાધિ મધ્યતોપદ્રવેsપિ ચ .
અલ્પમૃત્યુમહામૃત્યૂ નાશયેચ્ચક્રનાયક: .. ૨૦ ..

પરપ્રયુક્તમન્ત્રાંશ્ચ યન્ત્રતન્ત્રવિભઞ્જન: .
સુદર્શનોsયમસ્માકં દુર્દશાદુ:ખનાશન: .. ૨૧..

સર્વસમ્પત્પ્રદાતા માં ચક્રરાજો નિરન્તરમ્ .
જપં પાતુ જગદ્વન્દ્યો માનસામક્ષયપ્રદ: .. ૨૨ ..

પ્રમાદાંશ્ચાસ્ત્રધામાસૌ જ્ઞાનં રક્ષતુ સર્વદા .
અણિમાદિમહૈશ્વર્ય્યં પાતુસામ્રાજ્યસિદ્ધિદ: .. ૨૩ ..

તિર્યગ્જ્વાલાગ્નિરુપશ્ચ નષ્ટરાજ્યાર્થદો મમ .
રાજ્યં પાતુ સહસ્રાર: પદાર્તિં પાતુ વાચ્યુત: .. ૨૪ ..

ચતુરઙ્ગબલસ્તોમં રક્ષ ત્વં ચક્રભાવન .
જ્યોતિર્મયશ્ચક્રરાજ: સર્વાન્વરુણરક્ષક: .. ૨૫..

અખણ્ડમણ્ડિત: પાતુ પરચક્રાપહારક: .
ત્રિવિક્રમશ્ચક્રરાજ: પાતુ ધૈર્યં સદા મમ .. ૨૬ ..

નભો દશદિશવ્યાપ્તિકીર્તિ પાતુ સુદર્શન: .
આયુર્બલં ધૃતિં પાતુ લોકત્રયભયાપહ: .. ૨૭ ..

સુધામણ્ડલસંવિષ્ટો માયાપઞ્ચ સુશીતલ: .
રાજદ્વારે સભામધ્યે પાતુ માં ચણ્ડવિક્રમ: .. ૨૮ ..

પૂર્વે સુદર્શન: પાતુ આગ્નેયે પાતુ ચક્રરાટ્ .
યામ્યે રથાઙ્ગક: પાતુ ત્રિનેમિ: પાતુનૈૠતે .. ૨૯ ..

લોકત્રયપ્રભાકારજ્વાલો રક્ષતુપશ્ચિમે .
ષટ્કોણ: પાતુ વાયવ્યે હ્યસ્રરાજોત્તરાં દિશમ્ .. ૩૦ ..

ઐશાન્યં ચક્રરાટ્ પાતુ મધ્યે ભૂચક્રચક્રિણ: .
અનન્તાદિત્યસઙ્કાશ: ક્ષ્માન્તરિક્ષૌ ચ પાતુ મે .. ૩૧ ..

સર્વતો દિક્ષુ મે પાતુ જ્વાલા સાહસ્રસંવૃત: .
એવં સર્વત્ર સંરક્ષ સર્વદા સર્વરુપવાન્ .. ૩૨ ..

સકાર: પૃથિવી જ્ઞેયો હકાર ઉપ ઉચ્યતે .
સ્રકારો વાયુરુક્તશ્ચ રકારોમ્બર ઉચ્યતે .. ૩૩ ..

હુંકારમગ્નિરિત્યાહુ: ફટ્કારં સૂર્યરુપકમ્ .
સ્વાહાકારં ન્યસેન્મૂર્ધ્નિ પીતરક્તસુવર્ણકમ્ .. ૩૪ ..

સકારં નાસિકાયાન્તુ હકારં વદને ન્યસેત્ .
સ્રકારં હૃદયેચૈવ સૃષ્ટિસંહારકારણમ્ .. ૩૫ ..

રકારં વિન્યસેદ્ગુહ્ય હુંકારં જાનુદેશકે .
ફકારં ગુલ્ફદેશેતુ ટકારં પાદયોર્ન્યસેત્ .. ૩૬ ..

સર્વાણિ ચૈવ વર્ણાનિ જાપ્યાન્યંગુલિપર્વસુ .
ક્ષિપ્રં સૌદર્શનઞ્ચક્રં જ્વાલામાલાતિભીષણમ્ .. ૩૭ ..

સર્વદૈત્યપ્રશમનં કુરુ દેવવરાચ્યુત .
સુદર્શન મહાજ્વાલા છિન્ધિ છિન્ધિ સુવેદનામ્ .. ૩૮ ..

પરયન્ત્રઞ્ચ તન્ત્રઞ્ચ છિન્ધિ મન્ત્રૌષધાદિકમ્ .
સુદર્શન મહાચક્ર ગોવિન્દસ્ય કરાયુધ .. ૩૯ ..

સૂક્ષ્માધારમહાવેગ છિન્ધિ છિન્ધ સુભૈરવમ્ .
છિન્ધિ પાતઞ્ચ લૂતઞ્ચ છિન્ધિ ઘોરં મહદ્વિષમ્ .. ૪૦ ..

ઇતિ સૌદર્શનં દિવ્યં કવચં સર્વકામદં .
સર્વબાધાપ્રશમનં સર્વવ્યાધિવિનાશકમ્ .. ૪૧ ..

સર્વશત્રુક્ષયકરં સર્વમંગલદાયકમ્ .
ત્રિસન્ધ્યં વિજયં નૃણાં સર્વદા વિજયપ્રદમ્ .. ૪૨ ..

સર્વપાપપ્રશમનં ભોગમોક્ષૈકસાધનમ્ .
પ્રાતરુત્થાય યો ભક્ત્યા પઠેદેતત્સદા નર: .. ૪૩ ..

તસ્ય સર્વેષુ કાલેષુ વિઘ્ન: ક્વાપિ ન જાયતે .
યક્ષરાક્ષસવેતાલ ભૈરવાશ્ચ વિનાયકા: .. ૪૪ ..

શાકિની ડાકિની જ્યેષ્ઠાનિદ્રાબાલગ્રહાદય: .
ભૂતપ્રેતપિશાચાદ્યા અન્યેદુષ્ટગ્રહા અપિ .. ૪૫ ..

કવચસ્યાસ્ય જપ્તારં દૃષ્ટમાત્રેણ તેsખિલા: .
પલાયન્તે યથા નાગા:પક્ષિરાજસ્ય દર્શનાત્ .. ૪૬ ..

અસ્યાયુતં પુરશ્ચર્યં દશાંશં તિલતર્પણમ્ .
હવનં તર્પણઞ્ચૈવ તર્પણં ગંધવારિણા .. ૪૭ ..

પુષ્પાઞ્જલિર્દશાંશં ચ મિષ્ટાન્નં સઘૃતપ્લુતમ્ .
ચતુર્વિંશદ્વિજાન્ ભોજ્ય તત: કાર્યાણિ સાધયેત્ .. ૪૮ ..

વિન્યસ્યાઙ્ગેષ્વિદંધીરો યુદ્ધાર્થં યોsભિગચ્છતિ .
રણે જિત્વાખિલાઞ્છ્ત્રૂન્વિજયી ભવતિધ્રુવમ્ .. ૪૯ ..

મંત્રિતામ્બુત્રિવારં વા પિબેત્સપ્તદિનાવધિ .
વ્યાધય: પ્રવિનશ્યન્તિ સકલા: કુક્ષિસંભવા: .. ૫૦ ..

મુખપ્રક્ષાલને નેત્રનાસિકારોગનાશનમ્ .
ભીતાનામભિષેકઞ્ચ મહાભયનિવારણમ્ .. ૫૧ ..

સપ્તાભિમન્તૃતાનેન તુલસીમૂલમૃત્તિકા .
લોપન્ન્શ્યન્તિ તે રોગા:સદ્ય: કુષ્ઠાદયોsખિલા: .. ૫૨ ..

લલાટે તિલકં સ્ત્રીણાં મોહનં સર્વવશ્યકૃત્ .
પરેષાં મન્ત્રયન્ત્રાણિ તન્ત્રાણ્યપિ વિનાશકૃત્ .. ૫૩ ..

વ્યાલ સર્પાદિ સર્વેષાં વિષાપહરણં પરમ્ .
સૌવર્ણે રજતેવાપિ ભૂર્જે તામ્રાદિકેsપિવા .. ૫૪ ..

લિખિત્વાત્વર્ચયેદ્ભક્ત્યા સ શ્રીમાન્ભવતિધ્રુવમ્ .
બહુના કિમિહોક્તેન યદ્યદ્વાઞ્છતિ યો નર: .
સકલં પ્રાપ્નુયાદસ્ય કવચસ્ય પ્રસાદત: .. ૫૫ ..

શ્રીસુદર્શનકવચમ્