.. ஶ்ரீஸரஸ்வத்யஷ்டகம் ( ரவிருத்₃ரபிதாமஹ.. )..

ஸரஸ்வதீ வந்த₃நா
ரவிருத்₃ரபிதாமஹவிஷ்ணுநுதம் ஹரிசந்த₃நகுங்குமபங்கயுதம்.
முநிவ்ருந்த₃க₃ஜேந்த்₃ரஸமாநயுதம் தவ நௌமி ஸரஸ்வதி பாத₃யுக₃ம் ..1..

ஶஶிஶுத்₃த₄ஸுதா₄ஹிமதா₄மயுதம் ஶரத₃ம்ப₃ரபி₃ம்ப₃ஸமாநகரம்.
ப₃ஹுரத்நமநோஹரகாந்தியுதம் தவ நௌமி ஸரஸ்வதி பாத₃யுக₃ம் ..2..

கநகாப்₃ஜவிபூ₄ஷிதபூ₄திப₄வம் ப₄வபா₄வவிபா₄ஷிதபி₄ந்நபத₃ம்.
ப்ரபு₄சித்தஸமாஹிதஸாது₄பத₃ம் தவ நௌமி ஸரஸ்வதி பாத₃யுக₃ம் ..3..

ப₄வஸாக₃ரமஜ்ஜநபீ₄திநுதம் ப்ரதிபாதி₃தஸந்ததிகாரமித₃ம்.
விமலாதி₃கஶுத்₃த₄விஶுத்₃த₄பத₃ம் தவ நௌமி ஸரஸ்வதி பாத₃யுக₃ம் ..4..

மதிஹீநஜநாஶ்ரயபாத₃மித₃ம் ஸகலாக₃மபா₄ஷிதபி₄ந்நபத₃ம்.
பரிபூரிதவிஶ்வமநேகப₄வம் தவ நௌமி ஸரஸ்வதி பாத₃யுக₃ம் ..5..

பரிபூர்ணமநோரத₂தா₄மநிதி₄ம் பரமார்த₂விசாரவிவேகநிதி₄ம்.
ஸுரயோஷிதஸேவிதபாத₃தலம் தவ நௌமி ஸரஸ்வதி பாத₃யுக₃ம் .. 6..

ஸுரமௌலிமணித்₃யுதிஶுப்₄ரகரம் விஷயாதி₃மஹாப₄யவர்ணஹரம்.
நிஜகாந்திவிலேபிதசந்த்₃ரஶிவம் தவ நௌமி ஸரஸ்வதி பாத₃யுக₃ம் .. 7..

கு₃ணநைககுலஸ்தி₂திபீ₄தபத₃ம் கு₃ணகௌ₃ரவக₃ர்விதஸத்யபத₃ம்.
கமலோத₃ரகோமலபாத₃தலம் தவ நௌமி ஸரஸ்வதி பாத₃யுக₃ம் .. 8..

த்ரிஸந்த்₄யம் யோ ஜபேந்நித்யம் ஜலே வாபி ஸ்த₂லேஸ்தி₂த꞉
பாட₂மாத்ரத்₃ப₄வேத்ப்ராஜ்ஞோ ப்₃ரஹ்மநிஷ்ட₂꞉ புந꞉ புந꞉ .. 9 ..

இத₃ம் ஸ்தவம் மஹாபுண்யம் ப்₃ரஹ்மணா ச ப்ரகிர்திதம் .
ய: படே₂த் ப்ராதருத்த்₂யாய தஸ்ய கண்டே₂ ஸரஸ்வதீ .. 10 ..