ஶ்ரீமத்₃பா₄க₃வதமாஹாத்ம்யம்

ஶ்ரீமத்₃பா₄க₃வதமாஹாத்ம்யம்
.. ௐ நமோ ப₄க₃வதே வாஸுதே₃வாய ..

க்ருஷ்ணம் நாராயணம் வந்தே₃ க்ருஷ்ணம் வந்தே₃ வ்ரஜப்ரியம் .
க்ருஷ்ணம் த்₃வைபாயநம் வந்தே₃ க்ருஷ்ணம் வந்தே₃ ப்ருதா₂ஸுதம் ..

.. ப்ரத₂மோ(அ)த்₄யாய꞉ - 1 ..

ஸச்சிதா₃நந்த₃ரூபாய விஶ்வோத்பத்த்யாதி₃ஹேதவே .
தாபத்ரயவிநாஶாய ஶ்ரீக்ருஷ்ணாய வயம் நும꞉ .. 1..

யம் ப்ரவ்ரஜந்தமநபேதமபேதக்ருத்யம்
த்₃வைபாயநோ விரஹகாதர ஆஜுஹாவ .
புத்ரேதி தந்மயதயா தரவோ(அ)பி₄நேது₃꞉
தம் ஸர்வபூ₄தஹ்ருத₃யம் முநிமாநதோ(அ)ஸ்மி .. 2..

நைமிஷே ஸூதமாஸீநமபி₄வாத்₃ய மஹாமதிம் .
கதா₂ம்ருதரஸாஸ்வாத₃குஶல꞉ ஶௌநகோ(அ)ப்₃ரவீத் .. 3..

ஶௌநக உவாச .
அஜ்ஞாநத்₄வாந்தவித்₄வம்ஸகோடிஸூர்யஸமப்ரப₄ .
ஸூதாக்₂யாஹி கதா₂ஸாரம் மம கர்ணரஸாயநம் .. 4..

ப₄க்திஜ்ஞாநவிராகா₃ப்தோ விவேகோ வர்த₄தே மஹாந் .
மாயாமோஹநிராஸஶ்ச வைஷ்ணவை꞉ க்ரியதே கத₂ம் .. 5..

இஹ கோ₄ரே கலௌ ப்ராயோ ஜீவஶ்சாஸுரதாம் க₃த꞉ .
க்லேஶாக்ராந்தஸ்ய தஸ்யைவ ஶோத₄நே கிம் பராயணம் .. 6..

ஶ்ரேயஸாம் யத்₃ப₄வேச்ச்₂ரேய꞉ பாவநாநாம் ச பாவநம் .
க்ருஷ்ணப்ராப்திகரம் ஶஶ்வத்ஸாத₄நம் தத்₃வதா₃து₄நா .. 7..

சிந்தாமணிர்லோகஸுக₂ம் ஸுரத்₃ரு꞉ ஸ்வர்க₃ஸம்பத₃ம் .
ப்ரயச்ச₂தி கு₃ரு꞉ ப்ரீதோ வைகுண்ட₂ம் யோகி₃து₃ர்லப₄ம் .. 8..

ஸூத உவாச .
ப்ரீதி꞉ ஶௌநக சித்தே தே ஹ்யதோ வச்மி விசார்ய ச .
ஸர்வஸித்₃தா₄ந்தநிஷ்பந்நம் ஸம்ஸாரப₄யநாஶநம் .. 9..

ப₄க்த்யோக₄வர்த₄நம் யச்ச க்ருஷ்ணஸந்தோஷஹேதுகம் .
தத₃ஹம் தே(அ)பி₄தா₄ஸ்யாமி ஸாவதா₄நதயா ஶ்ருணு .. 10..

காலவ்யாலமுக₂க்₃ராஸத்ராஸநிர்ணாஶஹேதவே .
ஶ்ரீமத்₃பா₄க₃வதம் ஶாஸ்த்ரம் கலௌ கீரேண பா₄ஷிதம் .. 11..

ஏதஸ்மாத₃பரம் கிஞ்சிந்மந꞉ஶுத்₃த்₄யை ந வித்₃யதே .
ஜந்மாந்தரே ப₄வேத்புண்யம் ததா₃ பா₄க₃வதம் லபே₄த் .. 12..

பரீக்ஷிதே கதா₂ம் வக்தும் ஸபா₄யாம் ஸம்ஸ்தி₂தே ஶுகே .
ஸுதா₄கும்ப₄ம் க்₃ருஹீத்வைவ தே₃வாஸ்தத்ர ஸமாக₃மந் .. 13..

ஶுகம் நத்வாவத₃ந் ஸர்வே ஸ்வகார்யகுஶலா꞉ ஸுரா꞉ .
கதா₂ஸுதா₄ம் ப்ரயச்ச₂ஸ்வ க்₃ருஹீத்வைவ ஸுதா₄மிமாம் .. 14..

ஏவம் விநிமயே ஜாதே ஸுதா₄ ராஜ்ஞா ப்ரபீயதாம் .
ப்ரபாஸ்யாமோ வயம் ஸர்வே ஶ்ரீமத்₃பா₄க₃வதாம்ருதம் .. 15..

க்வ ஸுதா₄ க்வ கதா₂ லோகே க்வ காச꞉ க்வ மணிர்மஹாந் .
ப்₃ரஹ்மராதோ விசார்யைவம் ததா₃ தே₃வாந் ஜஹாஸ ஹ .. 16..

அப₄க்தாம்ஸ்தாம்ஶ்ச விஜ்ஞாய ந த₃தௌ₃ ஸ கதா₂ம்ருதம் .
ஶ்ரீமத்₃பா₄க₃வதீ வார்தா ஸுராணாமபி து₃ர்லபா₄ .. 17..

ராஜ்ஞோ மோக்ஷம் ததா₂ வீக்ஷ்ய புரா தா₄தாபி விஸ்மித꞉ .
ஸத்யலோகே துலாம் ப₃த்₃த்₄வாதோலயத்ஸாத₄நாந்யஜ꞉ .. 18..

லகூ₄ந்யந்யாநி ஜாதாநி கௌ₃ரவேண இத₃ம் மஹத் .
ததா₃ ருஷிக₃ணா꞉ ஸர்வே விஸ்மயம் பரமம் யயு꞉ .. 19..

மேநிரே ப₄க₃வத்₃ரூபம் ஶாஸ்த்ரம் பா₄க₃வதம் கலௌ .
பட₂நாச்ச்₂ரவணாத்ஸத்₃யோ வைகுண்ட₂ப₂லதா₃யகம் .. 20..

ஸப்தாஹேந ஶ்ருதம் சைதத்ஸர்வதா₂ முக்திதா₃யகம் .
ஸநகாத்₃யை꞉ புரா ப்ரோக்தம் நாரதா₃ய த₃யாபரை꞉ .. 21..

யத்₃யபி ப்₃ரஹ்மஸம்ப₃ந்தா₄ச்ச்₂ருதமேதத்ஸுரர்ஷிணா .
ஸப்தாஹஶ்ரவணவிதி₄꞉ குமாரைஸ்தஸ்ய பா₄ஷித꞉ .. 22..

ஶௌநக உவாச .
லோகவிக்₃ரஹமுக்தஸ்ய நாரத₃ஸ்யாஸ்தி₂ரஸ்ய ச .
விதி₄ஶ்ரவே குத꞉ ப்ரீதி꞉ ஸம்யோக₃꞉ குத்ர தை꞉ ஸஹ .. 23..

ஸூத உவாச .
அத்ர தே கீர்தயிஷ்யாமி ப₄க்தியுக்தம் கதா₂நகம் .
ஶுகேந மம யத்ப்ரோக்தம் ரஹ꞉ ஶிஷ்யம் விசார்ய ச .. 24..

ஏகதா₃ ஹி விஶாலாயாம் சத்வார ருஷயோ(அ)மலா꞉ .
ஸத்ஸங்கா₃ர்த₂ம் ஸமாயாதா த₃த்₃ருஶுஸ்தத்ர நாரத₃ம் .. 25..

குமாரா ஊசு꞉ .
கத₂ம் ப்₃ரஹ்மந் தீ₃நமுக₂꞉ குதஶ்சிந்தாதுரோ ப₄வாந் .
த்வரிதம் க₃ம்யதே குத்ர குதஶ்சாக₃மநம் தவ .. 26..

இதா₃நீம் ஶூந்யசித்தோ(அ)ஸி க₃தவித்தோ யதா₂ ஜந꞉ .
தவேத₃ம் முக்தஸங்க₃ஸ்ய நோசிதம் வத₃ காரணம் .. 27..

நாரத₃ உவாச .
அஹம் து ப்ருதி₂வீம் யாதோ ஜ்ஞாத்வா ஸர்வோத்தமாமிதி .
புஷ்கரம் ச ப்ரயாக₃ம் ச காஶீம் கோ₃தா₃வரீம் ததா₂ .. 28..

ஹரிக்ஷேத்ரம் குருக்ஷேத்ரம் ஶ்ரீரங்க₃ம் ஸேதுப₃ந்த₄நம் .
ஏவமாதி₃ஷு தீர்தே₂ஷு ப்₄ரமமாண இதஸ்தத꞉ .. 29..

நாபஶ்யம் குத்ரசிச்ச₂ர்ம மந꞉ஸந்தோஷகாரகம் .
கலிநாத₄ர்மமித்ரேண த₄ரேயம் பா₃தி₄தாது₄நா .. 30..

ஸத்யம் நாஸ்தி தப꞉ ஶௌசம் த₃யா தா₃நம் ந வித்₃யதே .
உத₃ரம்ப₄ரிணோ ஜீவா வராகா꞉ கூடபா₄ஷிண꞉ .. 31..

மந்தா₃꞉ ஸுமந்த₃மதயோ மந்த₃பா₄க்₃யா ஹ்யுபத்₃ருதா꞉ .
பாக₂ண்ட₃நிரதா꞉ ஸந்தோ விரக்தா꞉ ஸபரிக்₃ரஹா꞉ .. 32..

தருணீப்ரபு₄தா கே₃ஹே ஶ்யாலகோ பு₃த்₃தி₄தா₃யக꞉ .
கந்யாவிக்ரயிணோ லோபா₄த்₃த₃ம்பதீநாம் ச கல்கநம் .. 33..

ஆஶ்ரமா யவநை ருத்₃தா₄ஸ்தீர்தா₂நி ஸரிதஸ்ததா₂ .
தே₃வதாயதநாந்யத்ர து₃ஷ்டைர்நஷ்டாநி பூ₄ரிஶ꞉ .. 34..

ந யோகீ₃ நைவ ஸித்₃தோ₄ வா ந ஜ்ஞாநீ ஸத்க்ரியோ நர꞉ .
கலிதா₃வாநலேநாத்₃ய ஸாத₄நம் ப₄ஸ்மதாம் க₃தம் .. 35..

அட்டஶூலா ஜநபதா₃꞉ ஶிவஶூலா த்₃விஜாதய꞉ .
காமிந்ய꞉ கேஶஶூலிந்ய꞉ ஸம்ப₄வந்தி கலாவிஹ .. 36..

ஏவம் பஶ்யந் கலேர்தோ₃ஷாந் பர்யடந்நவநீமஹம் .
யாமுநம் தடமாபந்நோ யத்ர லீலா ஹரேரபூ₄த் .. 37..

தத்ராஶ்சர்யம் மயா த்₃ருஷ்டம் ஶ்ரூயதாம் தந்முநீஶ்வரா꞉ .
ஏகா து தருணீ தத்ர நிஷண்ணா கி₂ந்நமாநஸா .. 38..

வ்ருத்₃தௌ₄ த்₃வௌ பதிதௌ பார்ஶ்வே நி꞉ஶ்வஸந்தாவசேதநௌ .
ஶுஶ்ரூஷந்தீ ப்ரபோ₃த₄ந்தீ ருத₃தீ ச தயோ꞉ புர꞉ .. 39..

த₃ஶ தி₃க்ஷு நிரீக்ஷந்தீ ரக்ஷிதாரம் நிஜம் வபு꞉ .
வீஜ்யமாநா ஶதஸ்த்ரீபி₄ர்போ₃த்₄யமாநா முஹுர்முஹு꞉ .. 40..

த்₃ருஷ்ட்வா தூ₃ராத்₃க₃த꞉ ஸோ(அ)ஹம் கௌதுகேந தத₃ந்திகம் .
மாம் த்₃ருஷ்ட்வா சோத்தி₂தா பா₃லா விஹ்வலா சாப்₃ரவீத்₃வச꞉ .. 41..

பா₃லோவாச .
போ₄ போ₄꞉ ஸாதோ₄ க்ஷணம் திஷ்ட₂ மச்சிந்தாமபி நாஶய .
த₃ர்ஶநம் தவ லோகஸ்ய ஸர்வதா₂க₄ஹரம் பரம் .. 42..

ப₃ஹுதா₂ தவ வாக்யேந து₃꞉க₂ஶாந்திர்ப₄விஷ்யதி .
யதா₃ பா₄க்₃யம் ப₄வேத்₃பூ₄ரி ப₄வதோ த₃ர்ஶநம் ததா₃ .. 43..

நாரத₃ உவாச .
காஸி த்வம் காவிமௌ சேமா நார்ய꞉ கா꞉ பத்₃மலோசநா꞉ .
வத₃ தே₃வி ஸவிஸ்தாரம் ஸ்வஸ்ய து₃꞉க₂ஸ்ய காரணம் .. 44..

பா₃லோவாச .
அஹம் ப₄க்திரிதி க்₂யாதா இமௌ மே தநயௌ மதௌ .
ஜ்ஞாநவைராக்₃யநாமாநௌ காலயோகே₃ந ஜர்ஜரௌ .. 45..

க₃ங்கா₃த்₃யா꞉ ஸரிதஶ்சேமா மத்ஸேவார்த₂ம் ஸமாக₃தா꞉ .
ததா₂பி ந ச மே ஶ்ரேய꞉ ஸேவிதாயா꞉ ஸுரைரபி .. 46..

இதா₃நீம் ஶ்ருணு மத்₃வார்தாம் ஸசித்தஸ்த்வம் தபோத₄ந .
வார்தா மே விததாப்யஸ்தி தாம் ஶ்ருத்வா ஸுக₂மாவஹ .. 47..

உத்பந்நா த்₃ரவிடே₃ ஸாஹம் வ்ருத்₃தி₄ம் கர்ணாடகே க₃தா .
க்வசித்க்வசிந்மஹாராஷ்ட்ரே கு₃ர்ஜரே ஜீர்ணதாம் க₃தா .. 48..

தத்ர கோ₄ரகலேர்யோகா₃த்பாக₂ண்டை₃꞉ க₂ண்டி₃தாங்க₃கா .
து₃ர்ப₃லாஹம் சிரம் யாதா புத்ராப்₄யாம் ஸஹ மந்த₃தாம் .. 49..

வ்ருந்தா₃வநம் புந꞉ ப்ராப்ய நவீநேவ ஸுரூபிணீ .
ஜாதாஹம் யுவதீ ஸம்யக்ப்ரேஷ்ட₂ரூபா து ஸாம்ப்ரதம் .. 50..

இமௌ து ஶயிதாவத்ர ஸுதௌ மே க்லிஶ்யத꞉ ஶ்ரமாத் .
இத₃ம் ஸ்தா₂நம் பரித்யஜ்ய விதே₃ஶம் க₃ம்யதே மயா .. 51..

ஜரட₂த்வம் ஸமாயாதௌ தேந து₃꞉கே₂ந து₃꞉கி₂தா .
ஸாஹம் து தருணீ கஸ்மாத்ஸுதௌ வ்ருத்₃தா₄விமௌ குத꞉ .. 52..

த்ரயாணாம் ஸஹசாரித்வாத்₃வைபரீத்யம் குத꞉ ஸ்தி₂தம் .
க₄டதே ஜரடா₂ மாதா தருணௌ தநயாவிதி .. 53..

அத꞉ ஶோசாமி சாத்மாநம் விஸ்மயாவிஷ்டமாநஸா .
வத₃ யோக₃நிதே₄ தீ₄மந் காரணம் சாத்ர கிம் ப₄வேத் .. 54..

நாரத₃ உவாச .
ஜ்ஞாநேநாத்மநி பஶ்யாமி ஸர்வமேதத்தவாநகே₄ .
ந விஷாத₃ஸ்த்வயா கார்யோ ஹரி꞉ ஶம் தே கரிஷ்யதி .. 55..

ஸூத உவாச .
க்ஷணமாத்ரேண தஜ்ஜ்ஞாத்வா வாக்யமூசே முநீஶ்வர꞉ .. 56..

நாரத₃ உவாச .
ஶ்ருணுஷ்வாவஹிதா பா₃லே யுகோ₃(அ)யம் தா₃ருண꞉ கலி꞉ .
தேந லுப்த꞉ ஸதா₃சாரோ யோக₃மார்க₃ஸ்தபாம்ஸி ச .. 57..

ஜநா அகா₄ஸுராயந்தே ஶாட்₂யது₃ஷ்கர்மகாரிண꞉ .
இஹ ஸந்தோ விஷீத₃ந்தி ப்ரஹ்ருஷ்யந்தி ஹ்யஸாத₄வ꞉ .
த₄த்தே தை₄ர்யம் து யோ தீ₄மாந் ஸ தீ₄ர꞉ பண்டி₃தோ(அ)த₂வா .. 58..

அஸ்ப்ருஶ்யாநவலோக்யேயம் ஶேஷபா₄ரகரீ த₄ரா .
வர்ஷே வர்ஷே க்ரமாஜ்ஜாதா மங்க₃லம் நாபி த்₃ருஶ்யதே .. 59..

ந த்வாமபி ஸுதை꞉ ஸாகம் கோ(அ)பி பஶ்யதி ஸாம்ப்ரதம் .
உபேக்ஷிதாநுராகா₃ந்தை₄ர்ஜர்ஜரத்வேந ஸம்ஸ்தி₂தா .. 60..

வ்ருந்தா₃வநஸ்ய ஸம்யோகா₃த்புநஸ்த்வம் தருணீ நவா .
த₄ந்யம் வ்ருந்தா₃வநம் தேந ப₄க்திர்ந்ருத்யதி யத்ர ச .. 61..

அத்ரேமௌ க்₃ராஹகாபா₄வாந்ந ஜராமபி முஞ்சத꞉ .
கிஞ்சிதா₃த்மஸுகே₂நேஹ ப்ரஸுப்திர்மந்யதே(அ)நயோ꞉ .. 62..

ப₄க்திருவாச .
கத₂ம் பரீக்ஷிதா ராஜ்ஞா ஸ்தா₂பிதோ ஹ்யஶுசி꞉ கலி꞉ .
ப்ரவ்ருத்தே து கலௌ ஸர்வஸார꞉ குத்ர க₃தோ மஹாந் .. 63..

கருணாபரேண ஹரிணாப்யத₄ர்ம꞉ கத₂மீக்ஷ்யதே .
இமம் மே ஸம்ஶயம் சி₂ந்தி₄ த்வத்₃வாசா ஸுகி₂தாஸ்ம்யஹம் .. 64..

நாரத₃ உவாச .
யதி₃ ப்ருஷ்டஸ்த்வயா பா₃லே ப்ரேமத꞉ ஶ்ரவணம் குரு .
ஸர்வம் வக்ஷ்யாமி தே ப₄த்₃ரே கஶ்மலம் தே க₃மிஷ்யதி .. 65..

யதா₃ முகுந்தோ₃ ப₄க₃வாந் க்ஷ்மாம் த்யக்த்வா ஸ்வபத₃ம் க₃த꞉ .
தத்₃தி₃நாத்கலிராயாத꞉ ஸர்வஸாத₄நபா₃த₄க꞉ .. 66..

த்₃ருஷ்டோ தி₃க்₃விஜயே ராஜ்ஞா தீ₃நவச்ச₂ரணம் க₃த꞉ .
ந மயா மாரணீயோ(அ)யம் ஸாரங்க₃ இவ ஸாரபு₄க் .. 67..

யத்ப₂லம் நாஸ்தி தபஸா ந யோகே₃ந ஸமாதி₄நா .
தத்ப₂லம் லப₄தே ஸம்யக்கலௌ கேஶவகீர்தநாத் .. 68..

ஏகாகாரம் கலிம் த்₃ருஷ்ட்வா ஸாரவத்ஸாரநீரஸம் .
விஷ்ணுராத꞉ ஸ்தா₂பிதவாந் கலிஜாநாம் ஸுகா₂ய ச .. 69..

குகர்மாசரணாத்ஸார꞉ ஸர்வதோ நிர்க₃தோ(அ)து₄நா .
பதா₃ர்தா₂꞉ ஸம்ஸ்தி₂தா பூ₄மௌ பீ₃ஜஹீநாஸ்துஷா யதா₂ .. 70..

விப்ரைர்பா₄க₃வதீ வார்தா கே₃ஹே கே₃ஹே ஜநே ஜநே .
காரிதா கணலோபே₄ந கதா₂ஸாரஸ்ததோ க₃த꞉ .. 71..

அத்யுக்₃ரபூ₄ரிகர்மாணோ நாஸ்திகா ரௌரவா ஜநா꞉ .
தே(அ)பி திஷ்ட₂ந்தி தீர்தே₂ஷு தீர்த₂ஸாரஸ்ததோ க₃த꞉ .. 72..

காமக்ரோத₄மஹாலோப₄த்ருஷ்ணாவ்யாகுலசேதஸ꞉ .
தே(அ)பி திஷ்ட₂ந்தி தபஸி தப꞉ஸாரஸ்ததோ க₃த꞉ .. 73..

மநஸஶ்சாஜயால்லோபா₄த்₃த₃ம்பா₄த்பாக₂ண்ட₃ஸம்ஶ்ரயாத் .
ஶாஸ்த்ராநப்₄யஸநாச்சைவ த்₄யாநயோக₃ப₂லம் க₃தம் .. 74..

பண்டி₃தாஸ்து கலத்ரேண ரமந்தே மஹிஷா இவ .
புத்ரஸ்யோத்பாத₃நே த₃க்ஷா அத₃க்ஷா முக்திஸாத₄நே .. 75..

ந ஹி வைஷ்ணவதா குத்ர ஸம்ப்ரதா₃யபுர꞉ஸரா .
ஏவம் ப்ரலயதாம் ப்ராப்தோ வஸ்துஸார꞉ ஸ்த₂லே ஸ்த₂லே .. 76..

அயம் து யுக₃த₄ர்மோ ஹி வர்ததே கஸ்ய தூ₃ஷணம் .
அதஸ்து புண்ட₃ரீகாக்ஷ꞉ ஸஹதே நிகடே ஸ்தி₂த꞉ .. 77..

ஸூத உவாச .
இதி தத்₃வசநம் ஶ்ருத்வா விஸ்மயம் பரமம் க₃தா .
ப₄க்திரூசே வசோ பூ₄ய꞉ ஶ்ரூயதாம் தச்ச ஶௌநக .. 78..

ப₄க்திருவாச .
ஸுரர்ஷே த்வம் ஹி த₄ந்யோ(அ)ஸி மத்₃பா₄க்₃யேந ஸமாக₃த꞉ .
ஸாதூ₄நாம் த₃ர்ஶநம் லோகே ஸர்வஸித்₃தி₄கரம் பரம் .. 79..

ஜயதி ஜக₃தி மாயாம் யஸ்ய காயாத₄வஸ்தே
வசநரசநமேகம் கேவலம் சாகலய்ய .
த்₄ருவபத₃மபி யாதோ யத்க்ருபாதோ த்₄ருவோ(அ)யம்
ஸகலகுஶலபாத்ரம் ப்₃ரஹ்மபுத்ரம் நதாஸ்மி .. 80..

இதி ஶ்ரீபத்₃மபுராணே உத்தரக₂ண்டே₃ ஶ்ரீமத்₃பா₄க₃வதமாஹாத்ம்யே ப₄க்திநாரத₃ஸமாக₃மோ நாம ப்ரத₂மோ(அ)த்₄யாய꞉ .. 1..