.. ಶ್ರೀಸರಸ್ವತ್ಯಷ್ಟಕಮ್ ( ರವಿರುದ್ರಪಿತಾಮಹ.. )..

ಸರಸ್ವತೀ ವನ್ದನಾ
ರವಿರುದ್ರಪಿತಾಮಹವಿಷ್ಣುನುತಂ ಹರಿಚನ್ದನಕುಙ್ಕುಮಪಙ್ಕಯುತಮ್.
ಮುನಿವೃನ್ದಗಜೇನ್ದ್ರಸಮಾನಯುತಂ ತವ ನೌಮಿ ಸರಸ್ವತಿ ಪಾದಯುಗಮ್ ..೧..

ಶಶಿಶುದ್ಧಸುಧಾಹಿಮಧಾಮಯುತಂ ಶರದಮ್ಬರಬಿಮ್ಬಸಮಾನಕರಮ್.
ಬಹುರತ್ನಮನೋಹರಕಾನ್ತಿಯುತಂ ತವ ನೌಮಿ ಸರಸ್ವತಿ ಪಾದಯುಗಮ್ ..೨..

ಕನಕಾಬ್ಜವಿಭೂಷಿತಭೂತಿಭವಂ ಭವಭಾವವಿಭಾಷಿತಭಿನ್ನಪದಮ್.
ಪ್ರಭುಚಿತ್ತಸಮಾಹಿತಸಾಧುಪದಂ ತವ ನೌಮಿ ಸರಸ್ವತಿ ಪಾದಯುಗಮ್ ..೩..

ಭವಸಾಗರಮಜ್ಜನಭೀತಿನುತಂ ಪ್ರತಿಪಾದಿತಸನ್ತತಿಕಾರಮಿದಮ್.
ವಿಮಲಾದಿಕಶುದ್ಧವಿಶುದ್ಧಪದಂ ತವ ನೌಮಿ ಸರಸ್ವತಿ ಪಾದಯುಗಮ್ ..೪..

ಮತಿಹೀನಜನಾಶ್ರಯಪಾದಮಿದಂ ಸಕಲಾಗಮಭಾಷಿತಭಿನ್ನಪದಮ್.
ಪರಿಪೂರಿತವಿಶ್ವಮನೇಕಭವಂ ತವ ನೌಮಿ ಸರಸ್ವತಿ ಪಾದಯುಗಮ್ ..೫..

ಪರಿಪೂರ್ಣಮನೋರಥಧಾಮನಿಧಿಂ ಪರಮಾರ್ಥವಿಚಾರವಿವೇಕನಿಧಿಮ್.
ಸುರಯೋಷಿತಸೇವಿತಪಾದತಲಂ ತವ ನೌಮಿ ಸರಸ್ವತಿ ಪಾದಯುಗಮ್ .. ೬..

ಸುರಮೌಲಿಮಣಿದ್ಯುತಿಶುಭ್ರಕರಂ ವಿಷಯಾದಿಮಹಾಭಯವರ್ಣಹರಮ್.
ನಿಜಕಾನ್ತಿವಿಲೇಪಿತಚನ್ದ್ರಶಿವಂ ತವ ನೌಮಿ ಸರಸ್ವತಿ ಪಾದಯುಗಮ್ .. ೭..

ಗುಣನೈಕಕುಲಸ್ಥಿತಿಭೀತಪದಂ ಗುಣಗೌರವಗರ್ವಿತಸತ್ಯಪದಮ್.
ಕಮಲೋದರಕೋಮಲಪಾದತಲಂ ತವ ನೌಮಿ ಸರಸ್ವತಿ ಪಾದಯುಗಮ್ .. ೮..

ತ್ರಿಸನ್ಧ್ಯಂ ಯೋ ಜಪೇನ್ನಿತ್ಯಂ ಜಲೇ ವಾಪಿ ಸ್ಥಲೇಸ್ಥಿತಃ
ಪಾಠಮಾತ್ರದ್ಭವೇತ್ಪ್ರಾಜ್ಞೋ ಬ್ರಹ್ಮನಿಷ್ಠಃ ಪುನಃ ಪುನಃ .. ೯ ..

ಇದಂ ಸ್ತವಂ ಮಹಾಪುಣ್ಯಂ ಬ್ರಹ್ಮಣಾ ಚ ಪ್ರಕಿರ್ತಿತಮ್ .
ಯ: ಪಠೇತ್ ಪ್ರಾತರುತ್ಥ್ಯಾಯ ತಸ್ಯ ಕಣ್ಠೇ ಸರಸ್ವತೀ .. ೧೦ ..