મહાલક્ષ્મી
શ્રીગણેશદ્વાદશનામસ્તોત્રમ્
श्रीगणेशद्वादशनामस्तोत्रम्
અથ શ્રીગણેશદ્વાદશનામસ્તોત્રમ્
.. શ્રીગણેશાય નમઃ ..
.. શ્રીગણેશાય નમઃ ..
શુક્લામ્બરધરં વિશ્ણું શશિવર્ણં ચતુર્ભુજમ્ .
પ્રસન્નવદનં ધ્યાયેત્સર્વવિઘ્નોપશાન્તયેઃ .. ૧..
અભીપ્સિતાર્થસિદ્ધ્યર્થં પૂજિતો યઃ સુરાસુરૈઃ .
સર્વવિઘ્નહરસ્તસ્મૈ ગણાધિપતયે નમઃ .. ૨..
ગણાનામધિપશ્ચણ્ડો ગજવક્ત્રસ્ત્રિલોચનઃ .
પ્રસન્નો ભવ મે નિત્યં વરદાતર્વિનાયક .. ૩..
સુમુખશ્ચૈકદન્તશ્ચ કપિલો ગજકર્ણકઃ .
લમ્બોદરશ્ચ વિકટો વિઘ્નનાશો વિનાયકઃ .. ૪..
ધૂમ્રકેતુર્ગણાધ્યક્ષો ભાલચન્દ્રો ગજાનનઃ .
દ્વાદશૈતાનિ નામાનિ ગણેશસ્ય તુ યઃ પઠેત્ .. ૫..
વિદ્યાર્થી લભતે વિદ્યાં ધનાર્થિ વિપુલં ધનમ્ .
ઇષ્ટકામં તુ કામાર્થી ધર્માર્થી મોક્ષમક્ષયમ્ .. ૬..
વિદ્યારંભે વિવાહે ચ પ્રવેશે નિર્ગમે તથા .
સઙ્ગ્રામે સઙ્કટે ચૈવ વિઘ્નસ્તસ્ય ન જાયતે .. ૭..
ઇતિ મુદ્ગલપુરાણોક્તં શ્રીગણેશદ્વાદશનામસ્તોત્રમ્ .