ஶ்ரீது₃ர்கா₃த்₄யாநம்

ஶ்ரீது₃ர்கா₃த்₄யாநம்

ஜடாஜூடஸமாயுக்தாமர்த்₃தே₄ந்து₃க்ருதஶேக₂ராம் .
லோசநத்ரயஸம்யுக்தாம் பூர்ணேந்து₃ஸத்₃ருஶாநநாம் .. 1..

அதஸீபுஷ்பவர்ணாபா₄ம் ஸுப்ரதிஷ்டா₂ம் ஸுலோசநாம் .
நவயௌவநஸம்பந்நாம் ஸர்வாப₄ரணபூ₄ஷிதாம் .. 2..

ஸுசாருத₃ஶநாம் தத்₃வத் பீநோந்நதபயோத₄ராம் .
த்ரிப₄ங்க₃ஸ்தா₂நஸம்ஸ்தா₂நாம் மஹிஷாஸுரமர்தி₃நீம் .. 3..

ம்ருணாலாயதஸம்ஸ்பர்ஶத₃ஶபா₃ஹுஸமந்விதாம் .
த்ரிஶூலம் த₃க்ஷிணே பாணௌ க₂ட்₃க₃ம் சக்ரம் க்ரமாத₃த₄꞉ .. 4..

தீக்ஷ்ணபா₃ணம் ததா₂ ஶக்திம் த₃க்ஷிணே ஸந்நிவேஶயேத் .
கே₂டகம் பூர்ணசாபஞ்ச பாஶமங்குஶமேவ ச .. 5..

க₄ண்டாம் வா பரஶும் வாபி வாமத꞉ ஸந்நிவேஶயேத் .
அத₄ஸ்தாந்மஹிஷம் தத்₃வத்₃விஶிரஸ்கம் ப்ரத₃ர்ஶயேத் .. 6..

ஶிரஶ்சே₂தோ₃த்₃ப₄வம் தத்₃வத்₃தா₃நவம் க₂ட்₃க₃பாணிநம் .
ஹ்ருதி₃ ஶூலேந நிர்பி₄ந்நம் நிர்யத₃ந்த்ரவிபூ₄ஷிதம் .. 7..

ரக்தரக்தீக்ருதாங்க₃ஞ்ச ரக்தவிஸ்பு₂ரிதேக்ஷணம் .
வேஷ்டிதம் நாக₃பாஶேந ப்₄ருகுடீபீ₄ஷணாநநம் .. 8..

ஸபாஶவாமஹஸ்தேந த்₄ருதகேஶஞ்ச து₃ர்க₃யா .
வமத்₃ருதி₄ரவக்த்ரஞ்ச தே₃வ்யா꞉ ஸிம்ஹம் ப்ரத₃ர்ஶயேத் .. 9..

தே₃வ்யாஸ்து த₃க்ஷிணம் பாத₃ம் ஸமம் ஸிம்ஹோபரிஸ்தி₂தம் .
கிஞ்சிதூ₃ர்த்₃த்₄வம் ததா₂ வாமமங்கு₃ஷ்ட₂ம் மஹிஷோபரி .. 10..

ஶத்ருக்ஷயகரீம் தே₃வீம் தை₃த்யதா₃நவத₃ர்பஹாம் .
ப்ரஸந்நவத₃நாம் தே₃வீம் ஸர்வ்வகாமப₂லப்ரதா₃ம் .
ஸ்தூயமாநஞ்ச தத்₃ரூபமமரை꞉ ஸந்நிவேஶயேத் .. 11..

உக்₃ரசண்டா₃ ப்ரசண்டா₃ ச சண்டோ₃க்₃ரா சண்ட₃நாயிகா .
சண்டா₃ சண்ட₃வதீ சைவ சண்ட₃ரூபாதிசண்டி₃கா .. 12..

ஆபி₄꞉ ஶக்திபி₄ரஷ்டாபி₄꞉ ஸததம் பரிவேஷ்டிதாம் .
சிந்தயேத் ஸததம் து₃ர்கா₃ம் த₄ர்மகாமார்த₂மோக்ஷதா₃ம் .. 13..