শ্রীদুর্গাধ্যানম্

শ্রীদুর্গাধ্যানম্

জটাজূটসমাযুক্তামর্দ্ধেন্দুকৃতশেখরাম্ ।
লোচনত্রযসংযুক্তাং পূর্ণেন্দুসদৃশাননাম্ ॥ ১॥

অতসীপুষ্পভ়র্ণাভাং সুপ্রতিষ্ঠাং সুলোচনাম্ ।
নভ়যৌভ়নসম্পন্নাং সর্ভ়াভরণভূষিতাম্ ॥ ২॥

সুচারুদশনাং তদ্বৎ পীনোন্নতপযোধরাম্ ।
ত্রিভঙ্গস্থানসংস্থানাং মহিষাসুরমর্দিনীম্ ॥ ৩॥

মৃণালাযতসংস্পর্শদশবাহুসমন্বিতাম্ ।
ত্রিশূলং দক্ষিণে পাণৌ খড্গং চক্রং ক্রমাদধঃ ॥ ৪॥

তীক্ষ্ণবাণং তথা শক্তিং দক্ষিণে সন্নিভ়েশযেৎ ।
খেটকং পূর্ণচাপঞ্চ পাশমঙ্কুশমেভ় চ ॥ ৫॥

ঘণ্টাং ভ়া পরশুং ভ়াপি ভ়ামতঃ সন্নিভ়েশযেৎ ।
অধস্তান্মহিষং তদ্বদ্বিশিরস্কং প্রদর্শযেৎ ॥ ৬॥

শিরশ্ছেদোদ্ভভ়ং তদ্বদ্দানভ়ং খড্গপাণিনম্ ।
হৃদি শূলেন নির্ভিন্নং নির্যদন্ত্রভ়িভূষিতম্ ॥ ৭॥

রক্তরক্তীকৃতাঙ্গঞ্চ রক্তভ়িস্ফুরিতেক্ষণম্ ।
ভ়েষ্টিতং নাগপাশেন ভ্রুকুটীভীষণাননম্ ॥ ৮॥

সপাশভ়ামহস্তেন ধৃতকেশঞ্চ দুর্গযা ।
ভ়মদ্রুধিরভ়ক্ত্রঞ্চ দেভ়্যাঃ সিংহং প্রদর্শযেৎ ॥ ৯॥

দেভ়্যাস্তু দক্ষিণং পাদং সমং সিংহোপরিস্থিতম্ ।
কিঞ্চিদূর্দ্ধ্বং তথা ভ়ামমঙ্গুষ্ঠং মহিষোপরি ॥ ১০॥

শত্রুক্ষযকরীং দেভ়ীং দৈত্যদানভ়দর্পহাম্ ।
প্রসন্নভ়দনাং দেভ়ীং সর্ভ়্ভ়কামফলপ্রদাম্ ।
স্তূযমানঞ্চ তদ্রূপমমরৈঃ সন্নিভ়েশযেৎ ॥ ১১॥

উগ্রচণ্ডা প্রচণ্ডা চ চণ্ডোগ্রা চণ্ডনাযিকা ।
চণ্ডা চণ্ডভ়তী চৈভ় চণ্ডরূপাতিচণ্ডিকা ॥ ১২॥

আভিঃ শক্তিভিরষ্টাভিঃ সততং পরিভ়েষ্টিতাম্ ।
চিন্তযেৎ সততং দুর্গাং ধর্মকামার্থমোক্ষদাম্ ॥ ১৩॥