శ్రీ మహాలక్ష్మ్యష్టకమ్

ఇన్ద్ర ఉవాచ ..

ఓం నమస్తేఽస్తు మహామాయే శ్రీపీఠే సురపూజితే .
శఙ్ఖచక్రగదాహస్తే మహాలక్ష్మి నమోఽస్తుతే .. 1 ..

నమస్తే గరుడారూఢే కోలాసురభయజ్ర్రి .
సర్వపాపహరే దేవి మహాలక్ష్మి నమోఽస్తుతే .. 2 ..

సర్వజ్ఞే సర్వవరదే సర్వదుష్టభయఙ్కరి .
సర్వదుఃఖహరే దేవి మహాలక్ష్మి నమోఽస్తుతే .. 3 ..

సిద్ధిబుద్ధిప్రదే దేవి భుక్తిముక్తిప్రదాయిని .
మన్త్రమూర్తే సదా దేవి మహాలక్ష్మి నమోఽస్తుతే .. 4 ..

ఆద్యన్తరహితే దేవి ఆద్యశక్తిమహేశ్వరి .
యోగజే యోగసమ్భూతే మహాలక్ష్మి నమోఽస్తుతే .. 5 ..

స్థూలసూక్ష్మమహారౌద్రే మహాశక్తిమహోదరే .
మహాపాపహరే దేవి మహాలక్ష్మి నమోఽస్తుతే .. 6 ..

పద్మాసనస్థితే దేవి పరబ్రహ్మస్వరూపిణి .
పరమేశి జగన్మాతర్మహాలక్ష్మి నమోఽస్తుతే .. 7 ..

శ్వేతామ్బరధరే దేవి నానాలఙ్కారభూషితే .
జగత్స్థితే జగన్మాతర్మహాలక్ష్మి నమోఽస్తుతే .. 8 ..

మహాలక్ష్మ్యష్టకం స్తోత్రం యః పఠేద్భక్తిమాన్నరః .
సర్వసిద్ధిమవాప్నోతి రాజ్యం ప్రాప్నోతి సర్వదా .. 9 ..

ఏకకాలే పఠేన్నిత్యం మహాపాపవినాశనమ్ .
ద్వికాలం యః పఠేన్నిత్యం ధనధాన్యసమన్వితః .. 10 ..

త్రికాలం యః పఠేన్నిత్యం మహాశత్రువినాశనమ్ .
మహాలక్ష్మీర్భవేన్నిత్యం ప్రసన్నా వరదా శుభా .. 11 ..